41.3 C
Phnom Penh

កសិករ​​​ម្នាក់​​​ត្រូវ​​​ចោទ​​​ព​​​ី​​​បទ​​​គំរាម​​​សម្លាប់​​​លោក ហ៊ុន សែន តាម​​​ហ្វេសប៊ុក​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​បាន​​​និយាយ​​​ថា ចៅ​​​ប្រុស​​របស់​​​មេភូមិ​​​គណបក្ស​​​ប្រជា​​​ជន​​​កម្ពុជា​​​មួយ​​​រូប​​​ត្រូវ​​​តុលាការ​​​ក្រុង​​​ភ្នំពេញ​​​ចោទ​​​ប្រកាន់​​​បឋម​​​​​​កាល​​​ពី​​​ថ្ងៃ​​​សុក្រ​​​​​​ពី​​​បទ​​​គំរាម​​​សម្លាប់​​​លោក​​​នាយក​​​រដ្ឋ​​​មន្ត្រី ហ៊ុន​​​ សែន នៅ​​​ក្នុង​​​សារ​​​តាម​​​ហ្វេស​​​ប៊ុ​​ក​​​ ជា​​​ព្រឹត្តិការណ៍​​​​​ថ្មី​​​ៗ​​​ក្នុង​​​យុទ្ធនាការ​​​​​​ដើម្ប​​​ី​​​តាម​​​ដាន​​​វេទិកា​​​ប្រព័ន្ធ​​​ផ្សព្វ​​​ផ្សាយ​​​បណ្តាញ​​សង្គម​​​។

យោង​​​តាម​​​មេប៉ុស្តិ៍​​​លោក​​​ កង​​​ សន ឲ្យ​​​ដឹង​​​ថា ​លោក ម៉ាន់ សំអ៊ន់ ជា​​​កសិករ​​​មាន​​​អាយុ​​​២៨​​​ឆ្នាំ​​​ត្រូវ​​​បាន​​​នគរ​​​បាល​​​ចាប់​​​ខ្លួន​​​កាល​​​ពី​​​ថ្ងៃ​​​ពុធ​​​ នៅ​​​ឯប៉ុស្តិ៍​​​ប៉ូលិស​​​សង្កាត់​​​ស្រយ៉ូវ​​​ ក្រុង​​​ស្ទឹង​​​សែន​​​ ខេត្ត​​​កំពង់​​​ធំ​​​ បន្ទាប់​​​ពី​​​ទទួល​​​​​​ការ​​​ហៅ​​​ឲ្យ​​​ទៅ​​​ប៉ុស្តិ៍​​​ប៉ូលិស​​​​​​។ ​​

មន្ត្រី​​​នគ​​​របាល​​​ពី​​​នាយកដ្ឋាន​​​សន្តិសុខ​​​ផ្ទៃ​​​ក្នុង​​​នៃ​​​ក្រសួង​​​មហាផ្ទៃ​​​ដែល​​​រក​​​ឃើញ​​​ការ​​​គំរាម​​​ ហើយ​​​ធ្វើ​​​ដំណើរ​​​ទៅ​​​កាន់​​​ខេត្ត​​​កំពង់​​​ធំ​​​ ដើម្បី​​​ចាប់​​​ខ្លួន​​​ បាន​​​នាំ​​​ខ្លួន​​​លោក សំអ៊ន់ មក​​​ក្រុង​​​ភ្នំពេញ​​​នៅល្ងាច​​​ថ្ងៃ​​​ព្រហស្បតិ៍​​​។

លោក សៀង សេន ប្រធាន​​​នាយក​​​ដ្ឋាន​​​សន្តិសុខ​​​ផ្ទៃ​​​ក្នុង​​​បាន​​​មាន​​​ប្រសាសន៍​​​ថា “គាត់​​​ត្រូវ​​​ចាប់​​​ខ្លួន​​​ដោយ​​​សារ​​​គាត់​​​បញ្ជូន​​​សារ​​​គំរាម​​​សម្លាប់​​​ទៅ​​​ទំព័រ​​​ហ្វេសប៊ុក​​​សម្តេច​​​ ហ៊ុន សែន ” ។

លោក សៀង សេន បាន​​​មាន​​​ប្រសាសន៍​​​ថា “គាត់​​​សរសេរ​​​ថា អា​​​ខ្វាក់​​​ប្រយ័ត្ន​​​ខ្លួន​​​ អញ​​​នឹង​​​សម្លាប់​​​ឯង​​​មុន​​​ថ្ងៃ​​​៧​​​មករា​​​ ហើយ​​​កំពង់​​​ចាម​​​ កំពង់​​​ធំ និង​​​សៀម​​​រាប​​​គឺ​​​សុទ្ធ​​​តែ​​​ទឹក​​​ដី​​​អញ​​​”។ការ​​​គំរាម​​​សម្លាប់​​​នរណា​​​ម្នាក់​​​គឺអាក្រក់​​​ណាស់​​​ គឺ​​​ប្រឆាំង​​​នឹង​​​ច្បាប់​​​។មិន​​ថា​​​កើត​​​ឡើង​​​ចំពោះ​​​នរណា​​​ទេ​​​វា​​​ខុស​​​ច្បាប់​​​”។

យោង​​​តាម​​​លោក សៀង ធារ័ត្ន ក្រឡា​​​បញ្ជី​​​លោក សៀង សុខ ព្រះរាជ​​​អាជ្ញា​​​រង​​​ឲ្យ​​​ដឹង​​​ថា លោក​​​ សំអ៊ន់​​​ ត្រូវ​​​ចោទ​​​ប្រកាន់​​​ជា​​​បឋម​​​កាល​​​ពី​​​ម្សិលមិញ​​​ ពី​​​បទ​​​ជេរ​​​ប្រមាថ​​​ និង​​​គំរាម​​​សម្លាប់​​​ ដែល​​​អាច​​ផ្តន្ទាទោស​​​ឲ្យ​​​ជាប់​​​ពន្ធនាគារ​​​៦​​​ថ្ងៃ​​​ និង​​​២​​​ឆ្នាំ​​។

ក្រឡា​​​បញ្ជី​​​រូប​​​នេះ​​​បាន​​​និយាយ​​​ថា “ព្រះរាជ​​​អាជ្ញា​​​ចោទ​​​គាត់​​​​​​​​​​ផ្អែក​​​លើ​​​មាត្រា​​​២៣៣ និង​​​៥០២​​​នៃ​​​ក្រម​​​ព្រហ្មទណ្ឌ​​​”។

ប៉ូលិសបណ្តើរ ម៉ាន់ សំអ៊ន់ ចូលតុលាការក្រុងភ្នំពេញកាលពីម្សិលមិញ។ រូបថតដោយ ស៊ីវ ចាន់ណា/ខេមបូឌា ដេលី
ប៉ូលិសបណ្តើរ ម៉ាន់ សំអ៊ន់ ចូលតុលាការក្រុងភ្នំពេញកាលពីម្សិលមិញ។ រូបថតដោយ ស៊ីវ ចាន់ណា/ខេមបូឌា ដេលី

ក្នុង​​​ខណៈ​​​ដែល​​​បណ្ដើរ​​​ទាំង​​​ជាប់​​​ខ្នោះ​​​ទៅ​​​ក្នុង​​​តុលាការ​​​ដើម្បី​​​​​​សាក​​​សួរ​​​កាល​​​ពី​​​រសៀល​​​​​ថ្ងៃ​​​សុក្រ​​ ជន​​​សង្ស័យ​​​បាន​​​សារភាព​​​ថា គំរាម​​​ ហើយ​​​ក៏​​​បាន​​​អំពាវ​​​នាវ​​​សុំ​​​ការ​​​លើក​​​លែង​​​ទោស​​​ពី​​​លោក​​​នាយក​​​រដ្ឋ​​​មន្ត្រី​​​។ ​​​​

បុរស​​​រូប​​​នេះ​​​បាន​​​និយាយ​​​ដោយ​​​មាន​​​ទឹក​​​មុខ​​​ភ័យ​​​ខ្លាច​​​ ក្នុង​​​ខណៈ​​​ដែល​​​គាត់​​​ក្រឡេក​​​មើល​​​នគរ​​​បាល​​​ដែល​​​បណ្តើរ​​​គាត់​​​ចេញ​​​ថា “​​​សូម​​​សម្តេច​​​លើក​​​លែង​​​ទោស​​​ឲ្យ​​​ខ្ញុំ​​​។ ខ្ញុំ​​​ជេរ​​​សម្តេច​​​។

គណនី​​​ហ្វេស​​​ប៊ុក​​​របស់​​​លោក សំអ៊ន់​​​ ទំនង​​​ជា​​​មិន​​​ដំណើរ​​​ការ​​​នៅ​​​រសៀល​​​ថ្ងៃ​​​សុក្រ​​​។

ព័ត៌​​​មាន​​​ក្នុង​​​ស្រុក​​​ចម្លង​​​ការ​​​គំរាម​​​នោះ​​​ ដែល​​​ធ្វើ​​​ឡើង​​​ដោយ​​​ប្រើ​​​គណនី​​​ដែល​​​មាន​​​ឈ្មោះ​​​ថា សំអ៊ន់ កូកូ (Som Orn Koko)  ដោយ​​​អត្ថា​​ធិប្បាយ​​ទៅ​​​លើ​​​ការ​​​បង្ហោះ​​​ទៅ​​​ក្នុង​​​ទំព័រ​​​ហ្វេស​​​ប៊ុក​​​លោក​​​ ហ៊ុន សែន ។

សារ​​​ដែល​​​បង្ហោះ​​​នៅ​​​លើ​​​ទំព័រ​​​នោះ​​​សរសេរ​​​ថា “កំពង់​​​ចាម​​​ កំពង់​​​ធំ និង​​​សៀម​​​រាប​​​គឺ​​​សុទ្ធ​​​តែ​​​ទឹក​​​ដី​​​អញ​​​” “៧​​​មករា​​​​​​ជា​​​ថ្ងៃ​​​ងាប់​​​របស់​​​ហែង​​​ហើយ​​​​​​” “អញ​​​ជេរ​​​​​​វា​​​ដល់​​​ពូជ​​​​​​”។

លោក​​​ កង សន មេ​​​ប៉ុស្តិ៍​​​បាន​​​និយាយ​​​ថា ជន​​​សង្ស័យ​​​បាន​​​សហការ​​​ជាមួយ​​​ប៉ូលិស​​​ ហើយ​​​ក៏​​​បាន​​​បដិសេធ​​​ថា មិន​​​បាន​​​គំរាម​​​សម្លាប់​​​ទេ​​​។

មេប៉ុស្តិ៍​​​រូប​​​នេះ​​​បាន​​​និយាយ​​​ថា “ខ្ញុំ​​​មិន​​​យល់​​​ថា ហេតុ​​​អ្វី​​​បាន​​​ជា​​​គាត់​​​ធ្វើ​​​បែប​​​នេះទេ​​​​​​ ពីព្រោះ​​​គ្រួសារ​​​គាត់​​​ទាំង​​​អស់​​​ធ្វើ​​​ការ​​​ឲ្យ​​​គណបក្ស​​​ប្រជា​​​ជន​​​កម្ពុជា​​​”។

លោក​​​ ពេជ្រ​​​ ជា​​​ ជីតា​​​របស់​​​លោក សំអ៊ន់​​​ ក៏​​​បាន​​​មាន​​​ប្រសាសន៍​​​ថា ចៅ​​​របស់​​​លោក​​​​​​បាន​​​បដិសេធ​​​ចំពោះ​​​ការ​​​ចោទ​​​ប្រកាន់​​​នោះ​​​។ លោក​​​ ពេជ្រ ជា បាន​​​មាន​​​ប្រសាសន៍​​​ថា លោក​​​មិន​​​ជឿ​​​ថា នោះ​​​ជា​​​ការ​​​ពិត​​​​​​ទេ​​​។

មេភូមិ​​​រូប​​​នេះ​​​បាន​​​និយាយ​​​ថា ​​​”ខ្ញុំ​​​ជា​​​មេភូមិ​​​ម្នាវ​​​ តាំង​​​ពី​​​ឆ្នាំ​​​១៩៨៦ ហើយ​​​គ្រួសារ​​​ខ្ញុំ​​​ទាំង​​​អស់​​​​​​ធ្វើ​​​ការ​​​ និងគាំទ្រ​​​គណបក្ស​​​ប្រជា​​​ជន​​​កម្ពុជា​​​។ ឪពុក​​​របស់​​​ សំអ៊ន់ គឺ​​​ជា​​​​ប្រជា​​​ការ​​​ពារ​​​ភូមិ​​​ និង​​​ជា​​​មេក្រុម​​​បក្ស​​​”។

លោក​​​ ពេជ្រ ជា បាន​​​មាន​​​ប្រសាសន៍​​​បន្ត​​​ថា ” កាល​​​ពី​​​មុន​​​​​​ [ ម៉ាន់ សំអ៊ន់] មិន​​​ដែល​​​មាន​​​បញ្ហា ឬ​​​ស្អប់​​​ខ្ពើម​​​គណបក្ស​​​ប្រជា​​​ជន​​​កម្ពុជា​​​​​​​​​ទេ​​​ អ៊ីចឹង​​​ខ្ញុំ​​​មិន​​​យល់​​​ថា វា​​​ធ្វើ​​​រឿង​​​នោះ​​​ទេ​​​”។ កាល​​​ពី​​​រាត្រី​​​ថ្ងៃ​​​សុក្រ លោក ជូ សំអាន​​​ ស្នង​​​ការ​​​នគរ​​​​​​បាល​​​ខេត្ត​​​កំពង់​​​ធំ​​​បាន​​​មាន​​​ប្រសាសន៍​​​ថា ជន​​​សង្ស័យ​​​ត្រូវ​​​គេ​​​បញ្ជូន​​​ត្រឡប់​​​ទៅ​​​តុលាការ​​​ខេត្ត​​​កំពង់​​​ធំ​​​វិញ​​​​​​ដែល​​​នឹង​​​ជាប់​​​ឃុំ​​​ក្នុង​​​ការ​​​ឃុំ​​​ឃាំង​​​ប៉ូលិស ក្នុង​​​ខណៈ​​​ដែល​​​តុលាការ​​​ខេត្ត​​​បន្ត​​​នីតិវិធី​​​។

ស្នង​​​ការ​​​នគរ​​​បាល​​​រូប​​​នេះ​​​បាន​​​មាន​​​ប្រសាសន៍​​​ថា “ដោយ​​​សារ​​​គេ​​​ចាប់​​​ខ្លួន​​​គាត់​​​នៅ​​​កំពង់​​​ធំ​​​​​​នោះ​​​ជា​​​នីតិវិធី​​​”៕រើន​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស