38 C
Phnom Penh

ផែនការ​​​ដ៏​​​ចម្រូង​​​ចម្រាស​​​លក់​​​ដី​​​ស្រះទឹក​​​វត្ត​​​ត្រូវ​​​បោះ​​​បង់​​​ចោល

ដោយ ឌឹ ខេមបូឌា ដេលី

បទវិភាគ

កាលពី​​​ម្សិលមិញ អភិបាល​​​រង​​​ខណ្ឌ​​​ពោធិ៍​​​សែនជ័យ​​​ក្នុង​ក្រុង​​​ភ្នំពេញ​​​បាន​​​បញ្ចប់​​​ភ្លាមៗ​​​​​​នូវ​​​ផែន​​​ការ​​​របស់​​​ព្រះចៅ​​​អធិការ​​​វត្ត​​​​​​លក់​​​ដី​ស្រះទឹក​​​មួយ​​​តម្លៃ​​​៤,៨លាន​​​ដុល្លារ​​​ ដែល​​​ពាក្យ​​​ចចាម​​​អារ៉ាម​​​អំពី​​​ផែនការ​​​នេះ​​​បាន​​​បង្ក​​​ឲ្យ​​​មាន​​​ការ​​​តវ៉ា​​​ជា​​​ច្រើន​​​ថ្ងៃ​​​ពី​​​សំណាក់​​​អ្នក​​​ភូមិ​​​ដែល​ផ្ទុះ​​​កំហឹង។

ប្រជា​​​ពលរដ្ឋ​​​នៅ​​​សង្កាត់​​​ចោម​​​ចៅ​​​ពឹង​​​ផ្អែក​​​លើ​​​ទឹក​​​ស្រះ​​​ទំហំ​​​៣ហិកតា​​​ដើម្បី​​​ដាំ​​​បន្លែ​​​បង្កា​​​ និង​​​បន់ស្រន់​​​ដល់​​​អ្នក​​​ថែរក្សា​​​ស្រះ​​​ទឹក​​​ នៅ​​​ទី​​​សក្ការ​​​មួយ​​​កន្លែង​​​​​​ដែល​​​នៅ​​​ចម្ងាយ​​​ពីរបី​​​រយ​​​​​​ម៉ែត្រ​​​ពី​​​វត្ត​​​គោក​​​បញ្ជាន់​​​។អ្នក​​​ភូមិ​​​រាប់​​​រយ​​​នាក់​​​បាន​​​នឹង​​​កំពុង​​​តវ៉ា​​​នៅ​​​ខាង​​​ក្រៅ​​​វត្ត​​​នោះ​​​តាំង​​​តែ​​​ពី​​​ថ្ងៃ​​​សៅរ៍​​​មក​​​ បន្ទាប់​​​ពី​​​មានការ​​​ប្រជុំ​​​មួយ​​​រវាង​​​ព្រះចៅ​​​អធិការ​​​វត្ត​​​​​​ព្រះ​​​នាម​​​ សេង ថន​​​និង​​​​​​ក្រុម​​​មន្ត្រី​​​មូល​​​ដ្ឋាន​​​កាល​​​ពី​​​ថ្ងៃ​​​ពុធ ​​​ដើម្បី​​​ពិភាក្សា​​​ការលក់​​​ស្រះទឹក​​​នេះ​​​​​​តម្លៃ​​​១៦០​​​ដុល្លារ​​​​​​ក្នុង​​​មួយ​​​ម៉ែត្រ​​​ក្រឡា។

អំឡុង​​​កិច្ច​​​ប្រជុំ​​​រយៈ​​​ពេល​​​៤​​​ម៉ោង​​​នៅ​​​វត្ត​​​នោះ​​​កាល​​​ពី​​​ម្សិលមិញ អភិបាល​​​រង​​​ខណ្ឌ​​​​​​លោក​​​ ​​​ឃឹម ស៊ុន​​​សូដា បាន​​​មាន​​​ប្រសាសន៍​​​ថា មិន​​​មាន​​​ការ​​​យល់​​​ព្រម​​​ឲ្យ​​​លក់​​​​​​ទេ ដើម្បី​​​បំពេញ​​​តាម​​​ការ​​​ទាម​​​ទារ​​​របស់​​​ប្រជាជន។

ប្រជាជន​នៅ​ខណ្ឌ​ពោធិ៍សែនជ័យ រាជធានី​ភ្នំពេញ តវ៉ា​នៅ​ខាង​ក្រៅ​វត្ត​​គោកបញ្ជាន់ កាលពី​ម្សិលមិញ ប្រឆាំង​​​​​​ផែន​​​ការ​​​លក់​​​ដីស្រះទឹក​​​របស់វ​ត្ត​​​ក្នុងតម្លៃ ៤,៨លានដុល្លារ ។ រូបថតៈ ស៊ីវ ចាន់ណា/The Cambodia Daily
ប្រជាជន​នៅ​ខណ្ឌ​ពោធិ៍សែនជ័យ រាជធានី​ភ្នំពេញ តវ៉ា​នៅ​ខាង​ក្រៅ​វត្ត​​គោកបញ្ជាន់ កាលពី​ម្សិលមិញ ប្រឆាំង​​​​​​ផែន​​​ការ​​​លក់​​​ដីស្រះទឹក​​​របស់វ​ត្ត​​​ក្នុងតម្លៃ ៤,៨លានដុល្លារ ។ រូបថតៈ ស៊ីវ ចាន់ណា/The Cambodia Daily

លោក​​​ ស៊ុនសូដា បាន​​​សួរ​​​ព្រះចៅអធិការ​​​វត្ត​​​ថា “យើង​​​ព្រមព្រៀង​​​មិន​​​លក់​​​វា​​​ទេ​​​ ហើយ ​​​រក្សា​​​វា​​​ទុក​​​ជា​​​សម្បត្តិ​​​សាធារណៈ។ តើ​​​ព្រះតេជគុណ​​​យល់​​​ឃើញ​​​យ៉ាង​​​ម៉េច?”។ ព្រះ​ចៅ​អធិការ​​​វត្ត សេង ថន បាន​​​មាន​​​សង្ឃដីកា​​​តប​​​ថា “អាត្មា​​​យល់​​​ស្រប”។

ក្នុង​​​ការ​​​ការពារ​​​ខ្លួន​​​ ព្រះចៅអធិការ​​​វត្ត​​​អង្គ​​​ នេះ​​​បាន​​​មាន​​​សង្ឃដីកា​​​ថា​​​ ព្រះ​​​អង្គ​​​គ្រាន់​​​តែ​​​ពិចារណា​​​ការ​​​លក់​​​ប៉ុណ្ណោះ។ ព្រះតេជគុណ​​​បាន​​​មាន​​​សង្ឃដីកា​​​ថា “ញាតិ​​​ញោម​​​មួយ​​​ចំនួន​​​​​បាន​​​ចោទ​​​អាត្មា​​​ថា បាន​​​រួម​​​គំនិត​​​​​​ជា​​​មួយ​​​អាជ្ញាធរ​​​​​​មូលដ្ឋាន​​​ដើម្បី​​​លក់​​​ដី​​​តម្លៃ​​​រាប់​​​លាន​​​ដុល្លារ។ អាត្មា​​​សូម​​​បដិសេធ​​​ការ​​​ចោទ​​​ប្រកាន់​​​ដែល​​​ថា មាន​​​ផែនការ​​​លក់​​​ ឬ​​​ដោះ​​​ដូរ​​​វា​​​នោះ។ អាត្មា​​​គ្រាន់តែ​​​​​​មាន​​​គំនិត​​​ប៉ុណ្ណោះ​…។​​​ អាត្មា​​​មិន​​​ទាន់​​​បាន​​​ទទួល​​​ប្រាក់​​​ណា​​​មួយ​​​នៅ​​​ឡើយ​​​ទេ”។

cam-photo-pagoda-channaលោក ស៊ុត សាត​​​ ជា​​​មេប៉ុស្តិ៍​​​ដែល​​​បាន​​​ចូល​​​រួម​​​ការ​​​ប្រជុំ​​​កាលពី​​​សប្តាហ៍​​​មុន​​​នៅ​​​វត្ត​​​នេះ ក៏​​​បាន​​​និយាយ​​​ដែរ​​​ថា មាន​​​ការ​​​ផ្តើម​​​គំនិត​​​ហើយ​​​ឥឡូវ​​​បាន​​​បោះបង់​​​ចោល​​​ហើយ។

លោកថ្លែង​​​ថា “យើង​​​បាន​​​ធ្វើការ​​​ប្រជុំ​​​​​​នេះ​​​ ​​​បន្ទាប់​​​ពី​​​មាន​​​សំណើ​​​មួយ​​​​​​​​​ពី​​​ព្រះ​​​ចៅ​អធិការ​​​វត្ត​​​ ហើយ​​​យើង​​​មិន​​​បាន​​​​​​ថា ត្រូវ​​​លក់​​​វា​​​ទេ។ យើង​​​គ្រាន់តែ​​​បាន​​​ពិភាក្សា​​​អំពី​​​គំនិត​​​នេះ​​​ ហើយ​​​បន្ទាប់ពី​​​យើង​​​បាន​​​ទទួល​​​ការ​​​បដិសេធ យើង​បាន​បោះបង់​​វា​ចោល​ហើយ”។

ព័ត៌មាន​​​ដែល​​​ថា ស្រះទឹក​​​នេះ​​​នឹង​​​ទុក​​​​​​នៅ​ជា​​​ទ្រព្យ​​​សម្បត្តិ​​​សាធារណៈ​​​បាន​​​ទទួល​​​ការ​​​អប​អរ​​​ក្នុង​​​ចំណោម​​​អ្នក​​​ភូមិ​​​ប្រហែល​​​៣០០​នាក់​ដែល​​​បាន​​​មក​​​ជួប​​​ជុំ​​​គ្នា​​​នៅ​​​ខាង​​​ក្រៅ​​​វត្ត​​​នេះ​​​កាលពី ម្សិលមិញ ប៉ុន្តែ អ្នក​​​ភូមិ​​​ខ្លះ​​​ចង់​​​បញ្ជាក់​​​អំពី​ការ​​​ទាមទារ​​​របស់​​​ខ្លួន​​​ឲ្យ​​​ដក​​​ព្រះ​​​តេជគុណ​​​​​​​​​ សេង ថន និង​​​លោក​​​សុខ​​​ លី ​​​ប្រធាន ​​​ភូមិ​​​ចោម​​​ចៅ​​ចេញ​​​ពី​​​តំណែង។

លោក​​​អភិបាល​​រង​​​​ខណ្ឌ​​​​​​ ស៊ុនសូដា បាន​​​បន្ត​​​ថា លោក​​​នឹង​​​ឲ្យ​​​បុគ្គលិក​​​របស់​​​លោក​​​ចុះ​ពិនិត្យ​​​មើល​​​ការ​​អះ​​​អាង​​​របស់​​​ពួក​​​គាត់​​​​​​ប្រឆាំង ​​​អ្នក​​​ទាំង​​​ពីរ ថាតើ​និង​​​ពេល​​​ណា​​​ពួក​​​គាត់​​​បាន​​​ដាក់​​​ពាក្យ​​​បណ្តឹង​​​ជា​​​ផ្លូវ​​​ការ​​​នោះ៕​​​ និត

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស