32 C
Phnom Penh

នគរបាល​ដុត​បំផ្លាញ​កញ្ឆា​ចំនួន​៤៥.០០០ដើម​ដែល​​​គេ​​​ដាំ​​​លើ​​​ដី​​​របស់​​​រដ្ឋ​​​នៅក្នុង​ខេត្ត​តាកែវ

ដោយ ឌឹ ខេមបូឌា ដេលី

បទវិភាគ

នគរ​​​បាល​​​បាននិយាយ​​​ថា ខ្លួន​​​បាន​​​ដុត​​​បំផ្លាញ​​​កញ្ឆា​​​ជិត​​​៤៥.០០០ដើម​​​ដែល​​​គេ​​​ដាំ​​​នៅ​​​លើ​​​ដី​​​ព្រៃ​​​របស់​​​រដ្ឋ​​​ក្នុង​​​ខេត្ត​​​តាកែវ​​​កាល​​​ពី​​​ថ្ងៃ​​​អង្គារ​​​ និង​​​ថ្ងៃ​​​ពុធ បន្ទាប​​់​​​ពី​​​ពួកគេ​​​ទទួល​​​បាន​​​ព័ត៌មាន​​​ពី​​​អ្នក​​​ភូមិ​​​មូល​​​ដ្ឋាន។

លោក ចក់ សុន នាយការិយាល័យ​​​នគរ​​​បាល​​​​​​ប្រឆាំង​​​គ្រឿង​​​ញៀន​​​ខេត្ត​​​បានមាន​​​ប្រសា​សន៍​​​ ​​​ថា អ្នក​​​ភូមិ​​​បាន​​​ប្រាប់​​​នគរ​​​បាល​​​ថា ពួក​​​គាត់​​​បានជួប​​​ប្រទះ​​​ចម្ការ​​​កញ្ឆា​​​១៣១​​​កន្លែង​​​តូច​​​ៗនៅ​​​ពេល​​​ដើរ​​​រក​​​អុស​​​ក្នុង​​​ព្រៃ​​​របស់​​​រដ្ឋនៅ​​​​ក្នុង​​​ឃុំ​​​ព្រះបាទ​​​ជាន់​​​ជំុ ស្រុក​​​គិរីវង់​​​កាល​​​ពី​​​ថ្ងៃ​​​ច័ន្ទ។

លោក​​​បាន​​​មាន​​​ប្រសាសន៍ថា “ដោយ​​​សារ​​​ពិបាក​​​ដឹក​​​ដើម​​​កញ្ឆា​​​ទាំង​​​នេះ​​​ចេញ​​​ពី​​​ព្រៃ​​​ និង​​​ដើម្បី​​ចៀស​​​វាង​​​ការ​​​ចោទ​​​ប្រកាន់​​​ថា ​​​បាត់​​​​​​ភ័ស្តុ​​​តាង​​​ផង យើង​​​បាន​​​ស្នើ​​​ទៅ​​​សាលា​​​ដំបូង​​​ខេត្ត​​​អនុញ្ញាត​​​ឲ្យ​​​ពួកយើង​​​ដុត​​​បំផ្លាញ​​​នៅ​​​នឹង​​​កន្លែង​​​តែ​​​ម្តង​​​”។

លោក ចក់ សុន បាន​​​មានប្រសាសន៍​​​ថា កាល​​​ពី​​​ថ្ងៃ​​​អង្គារ នគរ​​​បាល​​​បាន​​​រក​​​ឃើញ​​​ និង​​​បាន​​​បំផ្លាញ​​​កញ្ឆា​​​ចំនួន​​​២២.៤៣៩​​​ដើម​​​នៅ​​​៥០​​​កន្លែង​​​​​​ក្នុង​​​ឃុំ​​​នេះ​ ហើយ​​​បាន​​​ត្រឡប់​​​មក​​​វិញ​​​កាល​​​ពី​​​ថ្ងៃ​​​ពុធ​​​ ដើម្បី​​​ដុត​​​បំផ្លាញកញ្ឆា​​​២២.២៥៣ដើម​​នៅ​​​៨១​​​កន្លែង​​​ផ្សេង​​​ទៀត​​​។

លោក​​​បាន​​​ថ្លែង​​​ថា នគរ​​​បាល​​​មិនទាន់​​​​​​ដឹង​​​ថា តើ​​​នរណា​​​ទទួល​​​ខុស​​​ត្រូវ​​​ចំពោះ​​​ការ​ដាំ​​​កញ្ឆា​​​នេះ​​​នៅ​​​ឡើយ​​​ទេ​​​ ហើយ​​​ថា ទំនង​​​ជា​​​មិន​​​​​​​​​មានការ​​​ចាប់​​​ខ្លួន​​​នរណា​​​ម្នាក់​​​ឡើយ​​​​​​ ពីព្រោះ​​​កញ្ឆា​​​នេះ​​​ដាំ​​​នៅ​​​លើ​​​ដី​​​របស់​​​រដ្ឋ៕សារុន​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស