31.5 C
Phnom Penh

ជន​ដៃដល់​សម្លាប់​ស្ត្រីម្នាក់​បន្ទាប់ពី​ប៉ុនប៉ង​ចាប់​រំលោភ​នៅក្នុង​ខេត្ត​ក្រចេះ

ដោយ ឌឹ ខេមបូឌា ដេលី

បទវិភាគ

យោង​​​តាម​​​នគរ​​​បាល​​​បាន​​​ឲ្យ​​​ដឹង​​​ថា ស្ត្រី​​​ម្នាក់​​​ដែល​​​បាន​​​តដៃ​​​ចំពោះការ​​​ប៉ុនប៉ង​​​ចាប់​រំលោភ​​​ក្នុង​​​ខេត្ត​​​ក្រចេះ​​​កាល​​​ពី​​​​​​យប់​​​ថ្ងៃ​​​សៅរ៍ ​​​ត្រូវ​​​បាន​​​ជន​​​ដៃ​​​ដល់់​​សម្លាប់ ​​​ក្នុង​​​​​​អ្វី​​​ដែល​​​យ៉ាង​​​ហោច​​​ណាស់​​ជា​ករណី​​​មនុស្ស​​​ឃាត​​​លើ​​​ទី​​​៥​​ទាក់​​​ទិន​​​ការ​​​ចាប់​​​រំលោភ​​​ដែល​​​អាជ្ញាធរ​​​បាន​កំណត់​​​អត្ត​សញ្ញាណ​​នៅ​ឆ្នាំ​​​នេះ។

យោង​​​តាម​​​លោក ​​​ហួត លឹមហេង ​​​នាយ​​​ការិយាល័យ​​​នគរ​​​បាល​​​ព្រហ្មទណ្ឌ​​​កម្រិត​​​ធ្ងន់ខេត្ត​​​បាន​​​ឲ្យ​​​ដឹង​​​ថា សោម ចិន្តា​​​ អាយុ​​​២៣​​​​​​ឆ្នាំ​​​ត្រូវ​​​បាន​​​ឈ្មោះ ចិត្រ​ ចាន់​​​រិទ្ធ អាយុ​​​១៩​​​ឆ្នាំ​​​ជា​​​កម្មករ​​​ឡឥដ្ឋ​​​ប៉ង​​​ចាប់​​​រំលោភ ខណៈ​​​ពេល​​​នាង​​​កំពុង​​​ដើរ​​​ចេញ​ពី​ផ្ទះ​ទៅ​​​កាន់​តូប​​លក់​​​​​​ DVD ​​​មួយ​​​​​​​​​​​​​​​ក្នុង​​​ស្រុក​​​ចិត្រ​បុរី នៅ​​​ម៉ោង​​​ប្រហែល​​​៨​​​យប់​​​ថ្ងៃ​​​សៅរ៍។

លោក លឹមហេង បាន​​​ថ្លែង​​​ថា “ជន​​​សង្ស័យ ​​​ូបនេះ​​​បាន​​​ប៉ុន​​​ប៉ង​​​រំលោភ​​​ ខណៈ​​​នាង​​​កំពុង​ដើេរ​តាម​​​ផ្លូវ​​​”។ លោក​​​បាន​​​បន្ថែម​​​​ថា នៅ​​​ពេល​​​​​​ស្ត្រី​​​រូបនេះ​​​​​​ព្យាយាម​​​តដៃ​​​ដោយ​​​ក្រចៅ​​​មុខ​​​ និង​​ខ្លួន​​​របស់​​​ខ្លួន​​​ ជន​​​នេះ​​​មាន​​​កំហឹង​​​​​​ ហើយ​​​​​​វាយ​​​នាង​​​រហូត​​​ដល់​​​សន្លប់​​​តែម្តង​​​។

លោក​​​បាន​​​ថ្លែង​​​ថា “ជន​​​សង្ស័យ​​​​បាន​​​អូស​​​សាកសព​​​ទៅកាន់ស្រះទឹកមួយ​​​​ ប៉ុន្តែ ជន​នេះ​​​​​​​ខ្លាច​​​នាង​​​នៅ​​​រស់​​​​ ក៏បានមួល​​​ក​​​មុន​​​ពេល​​​គ្រវែង​​​​​​សាក​​​សព​​​ចូល​​​ក្នុង​​​ស្រះ​​​ទឹក​​​”។

នាយការិយាល័យនគរបាល​​​​រូបនេះ​​​បាន​​​មាន​​​ប្រសាសន៍​​​ថា សាក​​​សព​​​​​​ត្រូវ​​​បាន​​​រក​​​ឃើញ​​​ កាល​​​ពី​​​ព្រឹក​​​ថ្ងៃ​​​ច័ន្ទ​​​នៅ​​​ក្នុង​​​ស្រះទឹកទី​​​​​​​ ដែល​​​​​​កម្មករ​​​​​​ឡឥដ្ឋ​​​បាន​​​បូម​​​ទឹក​​​យក​​​ទៅប្រើ​​​សម្រាប់​​​អាជីវ​​​កម្ម​​​របស់​​ខ​​​្លួន​​​។

លោក​​​ ស្រើ ជាលី អធិការ​​​រង​​​នគរ​​​បាល​​​ស្រុក​​​បាន​​​មាន​​​ប្រសាសន៍​​​ថា ក្រោយ​​​មក​​​ក្រុម​​​សើុប​​​អង្កេត​​​បាន​​​ស្វែង​​​រក​​​ក្រុម​ជន​​​សង្ស័យ​​​ជា​​​ច្រើន​​​ទៀត​​​រហូត​​​ដល់​​​កម្មករ​​​ដែល​​​ធ្វើ​​​ការ​​​នៅ​​​​​​ឡឥដ្ឋ​​​ក្បែរ​​​កន្លែង​​​រក​​​ឃើញ​​​សាក​​​សព​​​ ហើយ​​​បាន​​​កំណត់​​​​​​អត្ត​​​សញ្ញាណ​​​ ចាន់រិទ្ធ ថា​​​ជា​​​ជន​​​ដៃ​​​ដល់​​​ក្រោយ​​​ពី​​​កត់​​​សម្គាល់​​​ឃើ​​​ញមាន​​​​ស្នាម​​​ក្រចៅ​​​លើ​​​ដង​ខ្លួន​​​ជន​​​នេះ​​​។

លោក ជាលី​​​ បាន​​​មានប្រសាសន៍​​​ថា “ជន​​​សង្ស័យ​​​រូបនេះ​​​សារភាព​​​ថា ពិត​​​ជា​​​បាន​​​សម្លាប់​​​ ជន​​​រង​​​គ្រោះ​​​មែន​​​។ ជន​​​នេះ​​​បាន​​​វាយ​​​ជន​​​រង​​​គ្រោះ​​​រហូត​​​សន្លប់​​​ ហើយ​​​បាន​​​យក​​​របា​​​ដែក​​​សង្កត់​ក​ ហើយ​រឹត​​​​សម្លាប់តែម្តង”។

លោក ឌិន សីុវុទ្ធី ប្រធានសាលា​​​ដំបូង​​​ខេត្ត​​​ ក្រចេះ​​​បាន​​​មាន​​​ប្រសាសន៍​​​ថា មន្ត្រី​​​តុលាការ​​​នឹង​​​ធ្វើ​​​ការ​​​ចោទ​​​ប្រកាន់​​​ ចាន់​​​រិទ្ធ នៅ​​​ថ្ងៃ​​​នេះ​​​។

​បទ​ឧក្រិដ្ឋ​ដ៏​សាហាវ​នេះ​កត់​សម្គាល់​ឱ្យ​ឃើញ​យ៉ាង​ហោ​ចណាស់​ជា​លើក​ទី​៥ហើយ​ដែល​ជន​រងគ្រោះ​ដោយ​ការ​ចាប់​រំលោភ​​ ត្រូវ​បាន​ជន​ដៃដល់​សម្លាប់។

លោក​​​​​​ស្រី រស់ សុភាព អ្នក​​​តស៊ូ​​​មតិ​​​សិទ្ធិ​​​ស្ត្រី​​​ដ៏ឆ្នើម​មួយ​រូប​បាន​​​មានប្រសាសន៍​​​ថា ​​​លោក ​​​ស្រី​​​ជឿ​​​ថា បទ​​​ឧក្រិដ្ឋ​មក​​​លើ​​​ស្ត្រី​​​កាន់​​​តែ​​​សាហាវ​​​​​​ទៅ​ក្នុង​​​រយៈ​​​ពេល​​​ប៉ុន្មាន​​​ឆ្នាំ​​​ថ្មី​​​ៗនេះ​​។

លោកស្រី​​​​​​​​​ថ្លែង​​​ថា “ខ្ញុំ​​​គិត​​​ថា វា​​​សាហាវ​​​ ជាង​​ពី​​​មុន​​​ ប្រសិន​​​បើ​​​ខ្ញុំ​​​ប្រៀប​​​ធៀប​​​​​​ទៅ​​​១០​​​ឆ្នាំ​​​មុន​​​”។ លោកស្រី​​​បាន​​​មាន​​​ប្រសាសន៍​​​ថា កង្វះ​ការ​គោរព​​ដល់​​​ប្រព័ន្ធ​​​តុលាការ​​​បណ្តាល​​​​​​ឲ្យ​​​ក្រុម​ជន​​​ដៃ​​​ដល់​​​​​​សម្លាប់​​​ជន​​​រង​​​គ្រោះ​​​។

លោក​​​ស្រី​​​បាន​​​មានប្រសាសន៍​​​ថា “នៅ​​​ពេល​​​ប្រជាពល​​​រដ្ឋ​​​មិនជឿ​ជាក់​លើ​​​តុលាការ​​​ជន​​​ដៃ​​​ដល់​​​គិត​​​ថា គ្មាន​បញ្ហា​ទេ​​​​ក្នុង​​​ការ​​​ប្រព្រឹត្ត​​​ បទ​​​ឧក្រិដ្ឋ​​​​ ពួក​​​គេ​​​ជឿថា ពួកគេ​នឹង​​​គ្មាន​​​បញ្ហា​​​ឡើយ​​​”៕ សារុន​ (រាយការណ៍បន្ថែម​​​ដោយ Taylor O’Connell)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស