32 C
Phnom Penh

ក្រុម​អ្នក​មុជ​ទឹក​ស្រង់​គ្រាប់​ដែល​ទម្លាក់​ពី​យន្តហោះ​ពី​កន្លែង​យក​ថ្ម​លិច​ទឹក

ដោយ ឌឹ ខេមបូឌា ដេលី

បទវិភាគ

តាមមូលនិធិមនុស្សធម៌ Gold West ដែលបណ្តុះបណ្តាលអ្នកមុជទឹក សមាជិកនៃអង្គភាពមុជទឹកស្រង់របស់មជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) បានស្រង់គ្រាប់បែកប្រភេទ MK-82 ធ្វើនៅអាមេរិកដែលទម្លាក់ពីយន្តហោះ ចេញពីការដ្ឋានយកថ្មលិចទឹកមួយកន្លែងក្នុងខេត្តកំពង់ស្ពឺ។

cam-photo-bomb-charles-fox-800x534លោក ម៉ៃឃ៍ នីស៊ី ប្រធាននៃប្រតិបត្តិការក្នុងទឹករបស់ Golden West បាននិយាយថា កម្មករនៅការដ្ឋានយកថ្មបានទាក់ទងស៊ីម៉ាក់ជូនដំណឹងអំពីគ្រាប់យុទ្ធភណ្ឌមិនទាន់ផ្ទុះទម្ងន់២៤១គីឡូក្រាមនេះជាច្រើនថ្ងៃកន្លងមកហើយ។ លោកបាននិយាយថា អង្គភាពមុជទឹកបានស្រង់គ្រាប់បែកនេះពីក្នុងទឹកជម្រៅ១០ម៉ែត្រ។

“យើងបានទាញវាដោយដៃមកចំណោតច្រាំង និងមានអេស្កាវ៉ាទ័រមួយគ្រឿងពីការដ្ឋានសំណង់ ចងខ្សែពួរពីអេស្កាវ៉ាទ័រទៅនឹងគ្រាប់បែក ហើយប្រើអេស្កាវ៉ាទ័រនោះលើកវាមកខាងលើ”។

ការខំប្រឹងប្រែងស្រង់លើកទីបីរបស់អង្គភាពមុជទឹកបានធ្វើឡើងបន្ទាប់ពីប្រតិបត្តិការមួយស្រដៀងគ្នាកាលពីខែមីនា ដែលនៅពេលនោះអ្នកមុជទឹក១១នាក់បានទាញគ្រាប់កាំភ្លើងផ្លោង១០៥មីលីម៉ែត្រចំនួនបួនគ្រាប់ និងគ្រាប់បែក MK-82 មួយគ្រាប់ពីបាតទន្លេសាប នៅជាយជ្រុងភ្នំពេញ។

មូលនិធិ Golden West ប្រមាណថា ស្រឡាងប្រហែល៣០០គ្រឿងបានលិចដោយសារការបាញ់ពីខ្មែរក្រហម នៅពេលដែលកំពុងដឹកគ្រឿងផ្គត់ផ្គង់របស់អាមេរិកពីប្រទេសវៀតណាមខាងត្បូងមកក្រុងភ្នំពេញ នៅអំឡុងពេលសង្គ្រាមឥណ្ឌូចិនលើកទី២៕និត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស