31 C
Phnom Penh

កម្ពុជានឹងដាក់តាំងពិពណ៌រូបសត្វស្លាបក្នុងបុព្វហេតុការពារបរិស្ថាន ធម្មជាតិជាលើកដំបូង

ដោយ ឌឹ ខេមបូឌា ដេលី

បទវិភាគ

ពិធីតាំង​ពិព័រណ៍​សត្វស្លាប​ព្រមទាំង​មាន​កម្មវិធី​ប្រកួត​ប្រជែង​ថតរូប​សត្វ​ស្លាប​នឹង​រៀប​ចំ​ឡើ​ងចាប់ពីថ្ងៃទី ១៧ ដល់ថ្ងៃទី ១៨ មីនា នៅ​បរិវេណ​រមណីយដ្ឋាន​ប្រវត្តិសាស្ត្រវត្តភ្នំ កណ្តាលទីក្រុងភ្នំពេញ។

កម្មវិធី​ពិព័រណ៍​អំពី​សត្វ​ស្លាប​នៅ​កម្ពុជា​លើក​ទី១ ធ្វើឡើងក្រោម​ប្រធានបទមួយដែលមានឈ្មោះថា ​«​សក្ដានុពល​ទេសចរណ៍​ធម្មជាតិ និង​សត្វ​ស្លាប​នៅ​កម្ពុជា»

កម្មវិធីនេះក៏នឹងមាន​ប្រកួត​ប្រជែង​ថតរូប​សត្វ​ស្លាប ​​ក្នុង​គោល​បំណងជំរុញ​ឲ្យពលរដ្ឋទូទៅនាំគ្នា​ស្រឡាញ់​សត្វ​ស្លាប ថែរក្សា​ធនធាន​ធម្មជាតិ និង​ផ្សព្វផ្សាយ​សក្ដានុពល​ទេសចរណ៍ ធម្មជាតិ​នៅ​កម្ពុជា​ដល់​មជ្ឈដ្ឋានជាតិ និង​អន្តរ​ជាតិ។

កម្មវិធី​នេះនឹងរៀបចំឡើង​ដោយ​អគ្គនាយកដ្ឋាន​ចំណេះដឹង និង​ព័ត៌មាន​បរិស្ថាន​នៃ​ក្រសួង​បរិស្ថានដែលមានកិច្ចសហការ​ជាមួយ អង្គការ​ជីវិតសត្វស្លាបនៅកម្ពុជា អង្គការ​ជីវិត​ធម្មជាតិ​នៅ​កម្ពុជា សមាគម​មគ្គុទ្ទេសក៍​សត្វស្លាបកម្ពុជា មជ្ឈមណ្ឌលសំវាសនាដើម្បី​ការអភិរក្ស​សត្វ​ព្រៃ និង បណ្តាសមាគមចិននៅកម្ពុជាផងដែរ។

ពិធី​ពិព័រណ៍​នេះ នឹង​មាន​សត្វស្លាប ព្រមទាំង​រូប​ថត​សត្វ​ស្លាប​សំខាន់ៗ ប្រមាណ ៣០ ប្រភេទ ដែលនឹងត្រូវដាក់តាំងបង្ហាញសម្រាប់ទស្សនា៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស