រដ្ឋសភាកម្ពុជាកាលពីព្រឹកថ្ងៃច័ន្ទម្សិលមិញបានបោះឆ្នោតជ្រើសតាំងសមាជិកព្រឹទ្ធសភា២រូប គឺលោកស្រី ជា ច័ន្ទទេវី និងលោក សួន មាន។
អគ្គលេខាធិការដ្ឋានរដ្ឋសភា លោក ឡេង ប៉េងឡុង បានប្រាប់ក្រុមអ្នក សារព័ត៌មានថា សមាជិកថ្មីរបស់ព្រឹទ្ធសភាទាំងពីររូបនេះមកបីគណបក្សគណបក្សហ៊្វុនស៊ិនប៉ិច។
ការបោះឆ្នោតព្រឹទ្ធសភា នីតិកាលទី៤ កាលពីថ្ងៃទី២៥ ខែកុម្ភៈ ឆ្នាំ ២០១៨ កន្លងមកនេះ មានការចូលរួមពីគណបក្សចំនួន៤ រួមមាន គណបក្សប្រជាជនកម្ពុជា គណបក្សយុវជនកម្ពុជា គណបក្សខ្មែររួបរួមជាតិ និងគណបក្សហ្វ៊ុនស៊ិនប៉ិច។
ព្រះមហាក្សត្រ នរោត្តមសីហមុនី នឹងយាងចូលរួមជាព្រះរាជអធិបតីភាពនៅក្នុងកិច្ចប្រជុំព្រឹទ្ធសភាថ្មី នីតិកាលទី ៤ នៅថ្ងៃទី ២៣ ខែមេសាខាង មុខ។
ក្នុងចំណោមសមាជិកព្រឹទ្ធសភា៦២រូប គឺ៥៨រូបមកពីខាងគណបក្សកាន់អំណាច ២រូប ត្រូវបានចាត់តាំងដោយព្រះមហាក្សត្រ និង ២រូបទៀត ជ្រើសតាំងដោយរដ្ឋសភា។
សមាជិក២រូប ដែលតែងតាំងដោយព្រះរាជក្រឹត្យរបស់ព្រះមហាក្សត្រ គឺព្រះអនុជ នរោត្តម អរុណរស្មី និង លោកស្រី អ៊ុំ សូម៉ានី។
សមាជិកព្រឹទ្ធសភារបស់គណបក្សកាន់អំណាច ៥៨រូប បានជាប់ឆ្នោត ១០០% កាលពីថ្ងៃទី២៥ ខែកុម្ភៈ ដោយគ្មានគណបក្សសង្គ្រោះជាតិចូលរួមឡើយ ក្រោយពីតុលាការកំពូលបានរំលាយគណបក្សប្រឆាំងដ៏ធំជាងគេនៅកម្ពុជា៕