26 C
Phnom Penh

ពលរដ្ឋខ្មែរនៅថៃនាំគ្នាមកកម្ពុជាដើម្បីចូលរួមពិធីបុណ្យចូលឆ្នាំថ្មី

ដោយ ឌឹ ខេមបូឌា ដេលី

បទវិភាគ

ពលរដ្ឋខ្មែរដែលកំពុងធ្វើការជាកម្មករនៅក្នុងប្រទេស​​ថៃជាច្រើនកំពុងនាំគ្នាសម្រុកចូលមកកម្ពុជាវិញ​ក្នុងមួយថ្ងៃមានពី៤រយ ទៅ៥រយនាក់ នៅតាមច្រកទ្វារអន្តរជាតិប៉ោយប៉ែត ដើម្បីចូលរួមពិធីបុណ្យចូលឆ្នាំថ្មីនៅស្រុកកំណើតរបស់ពួកគេ។

គេហទំព័ររបស់អគ្គស្នងការនគរបាលជាតិកាលពីថ្ងៃទី៩ ខែមេសា បានដកស្រង់សម្តីលោកឧត្តម​សេនីយ៍ត្រី ស៊ឹម សំអាត នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត ចុះ​ផ្សាយ​ថា ពលករខ្មែរដែលវិលត្រឡប់មកស្រុក​កំណើតវិញ រយៈពេល២ទៅ៣ថ្ងៃមកនេះ គឺមានច្រើន​ បើប្រៀបធៀបទៅនឹងឆ្នាំមុន គឺមានចំនួន ប្រមាណពី៣០០ទៅ៤០០នាក់ ក្នុងមួយថ្ងៃៗ។

លោកបន្តថា អាជ្ញាធរថៃ ក៏បានចាប់បញ្ជូនពលករខ្មែរដែលទៅធ្វើការខុសច្បាប់ តាមរយៈមេខ្យល់ក្នុងប្រទេសថៃ ប្រមាណពី១០០នាក់ ទៅ១៥០នាក់ក្នុង​១​ថ្ងៃ រយៈពេលប៉ុន្មានថ្ងៃកន្លងមកនេះ។

លោកស៊ឹម សំអាត បន្ថែមថា ចាប់ពីពេលនេះតទៅចំនួន ប្រជាពលរដ្ឋខ្មែរ ដែលទៅធ្វើការនៅប្រទេសថៃនឹងត្រឡប់មកស្រុកកំណើរវិញ មុនថ្ងៃបុណ្យឆ្នាំថ្មី អាចកើនឡើងរៀងរាល់ថ្ងៃ រហូតដល់ថ្ងៃជិតប្រារព្ធបុណ្យចូលឆ្នាំថ្មី។

លោកសំណូមពរ កុំអោយរថយន្ត​ក្រុង​និងរថយន្តតាក់ស៊ីឡើងថ្លៃឈ្នួល ដើម្បីសំរួលការ​ធ្វើដំណើររបស់ពលរដ្ឋ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស