33 C
Phnom Penh

សាលាឧទ្ធរណ៍បដិសេធបណ្ដឹងសុំនៅក្រៅឃុំរបស់អតីតអ្នកយក​ព័ត៌មាន វិទ្យុអាស៊ីសេរីពីររូប ជាលើកទី២

ដោយ ឌឹ ខេមបូឌា ដេលី

បទវិភាគ

សាលាឧទ្ធរណ៍កាលពីថ្ងៃព្រហស្បតិ៍ម្សិលម៉ិញ បដិសេធបណ្ដឹងសុំនៅក្រៅឃុំ របស់អតីតអ្នកយកព័ត៌មានអា​ស៊ី​សេរី​ពីរ​រូប លោក យាង សុធារិន្ទ ហៅ យាង សុជាមេត្តា និង លោក អ៊ួន ឈិន ជាលើកទី២។

អតីតអ្នកយកព័ត៌មានអាស៊ីសេរីទាំងពីរនាក់នេះ ត្រូវបានសមត្ថកិច្ចឃាត់ខ្លួន និងរឹបអូសយកទ្រព្យសម្បត្តិអស់ជាច្រើន ដូចជាកុំព្យូទ័រជាច្រើនគ្រឿង និងម៉ូតូ កាលពីថ្ងៃទី១៤ វិច្ឆិកា ឆ្នាំ​២០១៧។ រហូតមកទល់ពេលនេះ អ្នកទាំងពីរត្រូវបានឃុំខ្លួនជាង៥ខែហើយ។

លោក កែវ វន្នី ដែលជាមេធាវីការពារក្តីឲ្យអតីតបុគ្គលិកវិទ្យុអាស៊ីសេរីទាំងពីររូបនេះ បានប្រាប់ក្រុមអ្នកសាព័ត៌មានថា ការបដិសេធរបស់​សាលាឧទ្ធរណ៍មិនឲ្យកូនក្តីរបស់លោកនៅក្រៅឃុំដោយសារហេតុផលថា ពួកគេបារម្ភអ្នកទាំងពីរលួចរត់ចេញទៅក្រៅប្រទេសដែលនាំឲ្យពិបាកដល់​នីតិ​វិធីរបស់តុលាការ។ ម្យ៉ាងទៀតចៅក្រមប្រឹក្សាបានប្រាប់ទៅ​អតីតអ្នក​យក​ព័ត៌មានអាស៊ីសេរីទាំងពីរថា បទល្មើស​របស់​ពួកគេជាបទល្មើសធ្ងន់ធ្ងរដែលប៉ះពាល់ដល់សន្តិសុខជាតិ។

ក្រុមអង្គការឃ្លាំមើលសិទ្ធិមនុស្សទាមទារឲ្យសាលា​ឧទ្ធរណ៍ដោះលែងអតីតអ្នកយកព័ត៌មានអាស៊ីសេរីទាំងពីរនាក់នេះ ហើយថាតុលាការគ្មានហេតុផលណាមួយក្នុងការបន្តឃុំខ្លួនពួកគេទាំងពីរនាក់នេះទេ ដោយសារតុលាការរកមិនឃើញភស្តុតាងក្នុងការដាក់បន្ទុកពួកគេ ឡើយ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស