37 C
Phnom Penh

ក្រុមអ្នកស្រាវជ្រាវរកឃើញថាចំនួនសត្វផ្សោតទន្លេមេគង្គកើនឡើងជាលើកដំបូងក្នុងពេលជាង២០ឆ្នាំមកនេះ

ដោយ ឌឹ ខេមបូឌា ដេលី

បទវិភាគ

លទ្ធផលនៃការសិក្សាស្រាវជ្រាវ បង្ហាញថា ចំនួនសត្វផ្សោតនៅតាមដងទន្លេមេគង្គមានការកើនឡើងពី ៨០ ទៅ៩២ក្បាលក្នុងរយៈពេលពីរឆ្នាំចុងក្រោយនេះ។

ចំនួននេះគឺជាការកើនឡើងលើកដំបូងបង្អស់ក្នុងកំណត់ត្រាស្រាវជ្រាវអស់រយៈពេលជាង២០ឆ្នាំមកហើយ។

សេចក្តីប្រកាសព័ត៌មានរបស់អង្គការមូលនិធិសកលសម្រាប់អភិរក្សធនធានធម្មជាតិ WWF-កម្ពុជា ដែលចេញផ្សាយកាលពីថ្ងៃ២៣ខែមេសា ម្សិលមិញ ឱ្យដឹងថា ការកើនឡើងចំនួនសត្វផ្សោតនេះគឺដោយសារតែប្រសិទ្ធភាពនៃការចុះល្បាត និងការដកហូតបានឧបករណ៍នេសាទខុសច្បាប់ជាច្រើន ដូចជាមងក្រឡាល្អិត ដែលតែងធ្វើអោយសត្វផ្សោតទាក់ជាប់ រហូតដល់ងាប់។

ក្រុមនេះឲ្យដឹងថា មងនេសាទខុសច្បាប់ដែលក្រុមឆ្មាំទន្លេរឹបអូសបានរយៈពីរឆ្នាំមុន មានប្រវែងសរុបជាង៣រយគីឡូម៉ែត្រ ស្មើនឹងចំនួនទ្វេដងនៃប្រវែងជម្រករបស់សត្វផ្សោតរស់នៅ។

តាមការសិក្សាស្រាវជ្រាវ ដែលធ្វើឡើងរួមគ្នារវាងអង្គការ WWF និង រដ្ឋាភិបាលបង្ហាញថាចាប់តាំងពីឆ្នាំ ១៩៩៧មក ចំនួនសត្វផ្សោតទន្លេមេគង្គមានប្រមាណ២រយក្បាលហើយធ្លាក់ចុះមកនៅត្រឹម៨០ក្បាលនៅឆ្នាំ២០១៥៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស