28 C
Phnom Penh

គណបក្សខ្មែររួបរួមជាតិរៀបចំតម្កល់លុយនៅរតនាគារជាតិ មុនចូលរួមការបោះឆ្នោត

ដោយ ឌឹ ខេមបូឌា ដេលី

បទវិភាគ

គណបក្សខ្មែរួបរួមជាតិកាលពីម្សិលមិញ បានទៅយកបែបបទពីគ.ជ.ប.ដើម្បីដាក់ប្រាក់តម្កល់១៥លានរៀល នៅរត នាគារជាតិ មុន នឹងចូលរួមការបោះឆ្នោតនាខែកក្កដាខាងមុខនេះ។

រហូតមកទល់ពេលនេះ មានគណបក្សចំនួន៣ បានចុះបញ្ជីឈ្មោះនៅ គ.ជ.ប. រួចហើយរួមមាន គណបក្សយុវជនកម្ពុជា គណបក្សប្រជាជនកម្ពុជា និងគណបក្សសញ្ជាតិកម្ពុជា។

សារព័ត៌មានរបស់លោក ហ៊ុន សែន បានដកស្រង់សម្តី លោក សិង្ហ គិរី ប្រធានគណបក្សខ្មែររួបរួមជាតិ ចុះផ្សាយកាលពីម្សិលមិញថាគណបក្សរបស់លោកនឹងចុះបញ្ជីឈ្មោះចូលរួមបោះឆ្នោត និងចុះបញ្ជីបេក្ខជនឈរឈ្មោះសម្រាប់ការបោះឆ្នោតជូន គ.ជ.ប. នៅអំឡុងថ្ងៃទី៤ ឬទី៥ ខែឧសភានេះ។

លោក សិង្ហ គីរីបន្តថា គណបក្សខ្មែររួមរួបជាតិ នឹងរៀបចំសមាជមួយនៅពេលឆាប់ៗខាងមុខដើម្បីប្រគល់តំណែងប្រធានគណបក្ស ជូនលោកញ៉ឹក ប៊ុនឆៃ ដែលទើបត្រូវបានដោះលែងពីពន្ធនាគារជា បណ្តោះអាសន្ននោះ។

លោក ញ៉ឹក ប៊ុនឆៃ អតីតប្រធានគណបក្សខ្មែររួបរួមជាតិ ត្រូវបានសមត្ថកិច្ចឃាត់ខ្លួន កាលពីថ្ងៃទី៣ ខែសីហា ឆ្នាំ២០១៧ ពាក់ព័ន្ធករណីផលិតគ្រឿងញៀន កាលពីឆ្នាំ២០០៧ នៅស្រុកភ្នំស្រួច ខេត្តកំពង់ស្ពឺ។

ក្រុមអ្នកឃ្លាំមើលសង្គមនិយាយថា ការដោះលែងលោកញ៉ឹក ប៊ុនឆៃ នៅពេលនេះដោយសារលោក ហ៊ុន សែន ត្រូវការគណបក្សតូចតាច ជាច្រើនដើម្បីចូលរួមការបោះឆ្នោតជាតិដើម្បីបំពេញភាពស្របច្បាប់ ឲ្យរដ្ឋាភិបាលរបស់លោកតែប៉ុណ្ណោះ ខណៈគណបក្សសង្គ្រោះជាតិ ដែលជាគណបក្សប្រឆាំងដ៏ធំនៅកម្ពុជា ត្រូវបានលោក ហ៊ុន សែន រំលាយចោលកាលពីចុងឆ្នាំ២០១៧ ក្រោយពីគណបក្សនេះទទួលបាន សម្លេងគាំទ្រខ្លាំងពីមហាជនក្នុងការបោះឆ្នោតឃុំ-សង្កាត់៕

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស