លោក ហ៊ុន សែន ព្រមានថា អ្នកដែរហ៊ានជេររូបអាចនឹងត្រូវរន្ទះបាញ់ស្លាប់មិនខាន un Sen កាលពីថ្ងៃពុធបានចំអកលើមរណភាពរបស់ពលរដ្ឋជនជាតិដើមភាគតិចជង នៅតំបន់អារ៉ែង ដែលត្រូវបានរន្ទះបាញ់ស្លាប់៥នាក់ កាលពីសប្តាហ៍មុននោះថា ដោយសារពួកគេជាសមាជិករបស់គណបក្សប្រឆាំងដែលតែងជេរ និងរិះគន់រូបលោក។
ការចំអករបស់លោក ហ៊ុន សែនធ្វើឡើងនៅចំពោះមុខកម្មករជិត ២ម៉ឺននាក់ នៅក្នុងខេត្តកំពង់ស្ពឺ កាលពីថ្ងៃទី ២៣ ម្សិលមិញ។
ក្រុមសកម្មជនការពារបរិស្ថានតំបន់អារ៉ែងសម្តែងការសោកស្តាយ ចំពោះការចំអកឡកឡឺយរបស់លោក ហ៊ុន សែន ចំពោះមនុស្ស ដែលបាត់បង់ជីវិតទៅហើយមកធ្វើជារឿងកំប្លុកកំប្លែងនោះ។
ពួកគេទាមទារឲ្យលោក ហ៊ុន សែន សុំទោសចំពោះវិញ្ញាណក្ខន្្ធ អ្នកដែលបានបាត់បង់ជីវិតទាំងនោះ។
ក្រុមសកម្មជនការពារបរិស្ថានចាត់ទុកសម្តីរបស់លោក ហ៊ុន សែន ថា ជាសម្តីអសីលធម៌ដែលមិនសក្តិសមជាសម្តីរបស់មេដឹកនាំ ប្រទេសនោះឡើយ។
កាលពីថ្ងៃទី១៧ ឧសភាកន្លងទៅ ពលរដ្ឋជនជាតិដើមភាគតិចជងនៅភូមិច្រកឫស្សី ក្នុងតំបន់អារ៉ែងចំនួន៥នាក់បានស្លាប់ និងសត្វពាហនៈមួយចំនួនបានងាប់ភ្លាមៗនៅនឹងកន្លែងក្នុងហេតុការណ៍គ្រោះធម្មជាតិរន្ទះបាញ់៕