31 C
Phnom Penh

តុលាការកំពូលនឹងបើកដំណើរការជំនុំជម្រះករណីលោក កឹម សុខា

ដោយ ឌឹ ខេមបូឌា ដេលី

បទវិភាគ

តុលាការកំពូលនឹងបើកដំណើរការជំនុំជម្រះករណីលោក កឹម សុខា តុលាការកំពូលនៃរបបលោកហ៊ុន សែននឹងបើកសវនាការជំនុំជម្រះក្តី ប្រធានគណបក្សសង្គ្រោះជាតិ លោកកឹម សុខា ដែលត្រូវបានរបបលោកហ៊ុន សែនរំលាយចោលនៅថ្ងៃទី២២ខែសីហា ពាក់ព័ន្ធនឹងបទសន្ធិដ្ឋិភាពជាមួយបរទេស។

អគ្គព្រះរាជអាជ្ញារងនៃតុលាការកំពូល លោកឈួន ចាន់បានដាក់លិខិតអញ្ជើញមេធាវីរបស់ លោក កឹម សុខា គឺលោក ផាន់ ច័ន្ទស័ក្តិឲ្យចូលសវនាការវេលាម៉ោង៨ព្រឹក។

លោកកឹម សុខាត្រូវបានតុលាការរបបលោកហ៊ុន សែន ឃុំខ្លួនរយៈពេលជិត១ឆ្នាំទៅហើយដោយមិនបានបើកសវនាការនោះទេ។

ក្រុមមេធាវីរបស់លោកកឹម សុខាបានស្នើឲ្យតុលាការដោះលែងលោក ដោយសារតែតុលាការគ្មានភស្តុតាងដាក់បន្ទុកកូនក្តីរបស់លោក ហើយម្យ៉ាងទៀត លោកកឹម សុខាក៏កំពុងមានជំងឺត្បៀតសរសៃឆ្មា ធ្ងន់ធ្ងរក្នុងពន្ធនាគារ ដែលត្រូវការព្យាបាលនៅមន្ទីរពេទ្យបរទេស។

ក្រុមសិទ្ធិមនុស្សបានហៅការឃុំខ្លួនលោកកឹម សុខា ថា ជារឿងអយុត្តិធម៌ និងជាការប្រឌិតដោយសារតែរដ្ឋាភិបាលលោកហ៊ុន សែនខ្លាចចាញ់ការបោះឆ្នោតជាតិកាលពីថ្ងៃទី២៩ ខែកក្កដា កន្លងទៅនេះ ។

ពួកគេនិយាយថា ការឃុំខ្លួនលោកកឹម សុខា ដោយសារតែគណបក្សសង្គ្រោះជាតិ កន្លងមកបានទទួលសម្លេងគាំទ្រភ្លូកទឹកភ្លូកដីក្នុងការបោះឆ្នោតឃុំ សង្កាត់ កាលពីខែមថុនា ឆ្នាំ២០១៧កន្លងទៅ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស