28 C
Phnom Penh

លោកហុង លីមប្រកាសអំពីការចូលនិវត្តន៍ ប៉ុន្តែនៅតែតស៊ូដើម្បីសេរីភាពនៅកម្ពុជា

ដោយ ឌឹ ខេមបូឌា ដេលី

បទវិភាគ

លោកហុង លីមតំណាងរាស្រ្តអូស្រ្តាលីដើមកំណើតខ្មែរប្រកាសអំពីការចូលនិវត្តន៍ ប៉ុន្តែនៅតែតស៊ូដើម្បីសេរីភាពនៅកម្ពុជា តំណាងរាស្រ្តអូស្ត្រាលីដើមកំណើតខ្មែរប្រចាំរដ្ឋវិចតូរីយ៉ា លោក ហុង លីម កាលពីថ្ងៃទី៣ ខែកក្កដា បានប្រកាសចូលនិវត្តន៍ ក្រោយពេលលោកបានបំពេញតួនាទីជាតំណាងរាស្រ្តអស់រយៈពេល ២២ឆ្នាំ។

នៅក្នុងពិធីជប់លៀងចូលនិវត្តន៍របស់លោក កាលពីយប់ថ្ងៃទី៣ ខែសីហា លោកហុង លីមបញ្ជាក់ថា ថវិកាដែលបានរៃអង្គាសពីពិធីនេះមួយផ្នែកធំនឹងយកទៅជួយដល់អ្នកតស៊ូមតិនៅកម្ពុជា។

ពិធីជប់លៀងអបអរសាទរការចូលនិវត្តន៍របស់លោកមានឈ្មោះថា គ្មានថ្ងៃលាគ្នាទេ។

ពិធីនេះមានអ្នកចូលរួមជាង៤០០នាក់។

លោកហុង លីមបានឡើងថ្លែងនៅក្នុងពិធីនោះថា ដោយសារពលរដ្ឋខ្មែរដែលជាអ្នកតស៊ូមតិកំពុងជួបការលំបាក ហើយអ្នកខ្លះត្រូវរត់ចោលស្រុក អ្នកខ្លះកំពុងជាប់ពន្ធនាគារ ដូច្នេះលោកនឹងយកថវិកាមួយភាគធំដែលប្រមូលបានពីពិធីនេះដើម្បីផ្តល់ជូនដល់អ្នកតស៊ូមតិទាំងអស់នេះ។

លោកហុង លីមបញ្ជាក់ថា អ្នកដែលត្រូវស្នងតំណែងបន្តពីលោក គឺលោកតាក់ មេងហៀង ដែលជាកូនខ្មែរមួយរូបមានការយល់ដឹងខ្ពង់ខ្ពស់ និងមានភក្តីភាពចំពោះពលរដ្ឋខ្មែរក្នុងប្រទេសកម្ពុជា។

លោក តាក់ មេងហៀងមានជំនាញជាមេធាវីផង និងជាសកម្មជនសហគមន៍ខ្មែរដ៏សកម្មម្នាក់ផង៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស