26 C
Phnom Penh

អ្នកយកព័ត៌មានទូរទស្សន៍អប្សរារបស់គ្រួសារត្រកូលហ៊ុនបដិសេធរឿងស្នេហាត្រីកោណជាមួយលោកហ៊ុន ម៉ាណែត

ដោយ ឌឹ ខេមបូឌា ដេលី

បទវិភាគ

អ្នកយកព័ត៌មានទូរទស្សន៍អប្សរារបស់គ្រួសារត្រកូលហ៊ុនបដិសេធរឿងស្នេហាត្រីកោណជាមួយលោកហ៊ុន ម៉ាណែត កញ្ញាយុង ខេមរា ដែលជាអ្នករាយការណ៍ព័ត៌មានឲ្យទូរទស្សន៍អប្សរារបស់ក្រុមបក្សកាន់អំណាច និងជាវរសេនីយ៍ទោ ប្រចាំការិយាល័យទី៥នៃកងពលតូចលេខ៧០ កាលពីថ្ងៃទី៤ ខែតុលា បានប្រកាសទាត់ចោលការសង្ស័យថា នាងមានស្នេហាត្រីកោណជាមួយលោកហ៊ុន ម៉ាណែត។

ការប្រកាសរបស់នាងយុង ខេមរាធ្វើឡើងក្រោយពេលមានក្រុមចោរព័ត៌មានវិទ្យាបានទម្លាយ គណនីហ្វេសប៊ុករបស់កញ្ញាយុង ខេមរា កាលពីថ្ងៃទី៣ ខែតុលា បង្ហោះតាមបណ្តាញសង្គមហ្វេសប៊ុក បង្ហាញពីកិច្ចសន្ទាតាម Messenger ដែលកញ្ញាយុង ខេមរា បានផ្ញើសារជាសម្លេងសោកសង្រេងរបស់នាងទៅកាន់គណនីហ្វេសប៊ុកឈ្មោះហ៊ុន ម៉ាណែតអំពីការបែកបាក់ស្នេហា។

ប្រព័ន្ធឃោសនារបស់លោកហ៊ុន សែនបានដកស្រង់សម្តីកញ្ញាយុង ខេមរា ចុះផ្សាយថា កញ្ញាពិតជាបានទទួលស្គាល់ថា មានក្រុមជនក្រុមចោរព័ត៌មានវិទ្យាបានលួចយកគណនីហ្វេសបុករបស់កញ្ញាទៅគ្រប់គ្រងតាំងពីថ្ងៃទី ២៧ ខែ កញ្ញា មកម៉្លេះ ហើយកញ្ញាទើបតែដណ្តើមយកមកគ្រប់គ្រងវិញនៅថ្ងៃទី៤ខែ តុលានេះ។

កញ្ញាបញ្ជាក់ថា ក្រុមចោរដែលលួចហ្វេសប៊ុករបស់កញ្ញានោះបានកែ profile បុរសម្នាក់ផ្សេងទៀតទៅជាលោកហ៊ុន ម៉ាណែតទៅវិញ។

ប៉ុន្តែកញ្ញាទទួលស្គាល់ថា សារជាអក្សរ និងសំឡេងទាំងនោះគឺពិតរបស់កញ្ញាមែន ប៉ុន្តែនាងបានផ្ញើទៅអ្នកផ្សេងដែលមិនមែនជាលោកហ៊ុន ម៉ាណែតនោះឡើយ។

រហូតមកទល់ពេលនេះ លោកហ៊ុន ម៉ាណែត នៅមិនទាន់មានប្រតិកម្មអ្វីនោះឡើយចំពោះការបែកធ្លាយសារស្នេហារវាងកញ្ញាយុង ខេមរា និងគណនីហ្វេសប៊ុកឈ្មោះហ៊ុន ម៉ាណែតនោះ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស