33.3 C
Phnom Penh

រដ្ឋាភិបាលអង់គ្លេសផ្តល់ថវិកា៩លានដុល្លារសម្រាប់ដោះមីននៅកម្ពុជា

ដោយ ឌឹ ខេមបូឌា ដេលី

បទវិភាគ

រដ្ឋាភិបាលអង់គ្លេសផ្តល់ថវិកា៩លានដុល្លារសម្រាប់ដោះមីននៅកម្ពុជា ប្រទេសអង់គ្លេសបានផ្តល់ថវិកាចំនួន៩លានដុល្លារសម្រាប់ជួយដល់ការដោះមីននៅកម្ពុជា។

ប្រធានអាជ្ញាធរមីនកម្ពុជាលោកលី ធុជបានប្រាប់ក្រុមអ្នកសារព័ត៌មានថា កម្ពុជាអគុណជាខ្លាំងចំពោះរាជរដ្ឋាភិបាល និងប្រជាជនអង់គ្លេស ចំពោះជំនួយសម្រាប់សកម្មភាពដោះមីនដែលកំពុងរួមចំណែកជួយសង្គ្រោះអាយុជីវិតប្រជាជន និងការអភិវឌ្ឍនៅកម្ពុជា។

លោកលី ធុជបានស្នើឲ្យប្រទេសម្ចាស់ជំនួយ បន្តការផ្តល់ជំនួយនៅក្នុងវិស័យសកម្មភាពបោសសំអាតមីននេះបន្ថែមទៀត ដើម្បីឲ្យកម្ពុជាអាចសម្រេចបំណង ឆ្ពោះទៅរកកម្ពុជាជាទីដែលគ្មានមីននៅឆ្នាំ២០២៥។

ជំនួយទាំងនេះធ្វើឡើងរវាងលោកលី ធុជអនុប្រធានទី១ នៃអាជ្ញាធរមីនកម្ពុជា និងលោកស្រីTina Redshaw ឯកអគ្គរាជទូតអង់គ្លេសប្រចាំនៅកម្ពុជា កាលពីថ្ងៃទី២៤ ខែតុលា ក្នុងកម្មវិធីគាំទ្រវិស័យសកម្មភាពដោះមីននៅកម្ពុជា ដែលរៀបចំធ្វើឡើងនៅទីស្នាក់ការអង្គការហាឡូត្រាស់ក្នុងខេត្តសៀមរាប។

លោកស្រីTina Redshawក៏បានទស្សនាការធ្វើបទបង្ហាញ អំពីការបោសសម្អាតមីននៅស្រុកអូស្មាច់ ខេត្តឧត្តរមានជ័យ និងបានជួបជាមួយពលរដ្ឋដែលអាចប្រើប្រាស់ដីរបស់ពួកគាត់ដោយសុវត្ថិភាព បន្ទាប់ពីការបោសសម្អាតមីនរួចផងដែរ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស