លោកហ៊ុន សែន នៅថ្ងៃសុក្រនេះ បានក្រើនរំឭកថា ការចូលរួមផ្សព្វផ្សាយព័ត៌មានវិជ្ជមានរបស់រដ្ឋាភិបាលជាការចូលរួមចំណែកអភិវឌ្ឍប្រទេសជាតិ ដែលកម្ពុជាកំពុងមានសន្តិភាពយ៉ាងបរិបូណ៌។
ការអះអាងរបស់លោក ហ៊ុន សែនធ្វើឡើងស្របពេលដែលលោកជួបជាមួយក្រុមអ្នកសារព័ត៌មាន នៅថ្ងៃសុក្រនេះ។
មេដឹកនាំដែលក្រាញអំណាចជាង៣០ឆ្នាំរូបនេះអះអាងថា ក្រោយពីប្រទេសជាតិមានសុខសន្តិភាពពេញលេញ កម្ពុជាត្រូវការទេសចរ ពាណិជ្ជករ និងអ្នកវិនិយោគទុនបរទេសជាច្រើនមកវិនិយោគនៅកម្ពុជា ហើយដែលត្រូវការការចូលរួមផ្សព្វផ្សាយព័ត៌មានវិជ្ជមានពិតប្រាកដ ដើម្បីផ្តល់នូវទំនុកចិត្តដល់ភ្ញៀវទេសចរ អ្នកវិនិយោគបរទេសផ្សេងៗទៀត។
ប៉ុន្តែក្រុមអ្នកជំនាញនិយាយថា សារព័ត៌មានដែលហ៊ានរិះគន់ភាពអសកម្មរបស់រដ្ឋាភិបាល ជាកម្លាំងចលករមួយដែលជំរុញឲ្យមានការដឹកនាំប្រទេសល្អ និងការទទួលខុសត្រូវ៕