យោងតាមការស្រាវជ្រាវពីគេហទំព័រGlobal Fire Powerពីឆ្នាំ២០១៧ ដល់ឆ្នាំ២០១៩ សាធារណរដ្ឋសង្គមនិយមវៀតណាម មានពលរដ្ឋជាង ៩៦លាននាក់។ រដ្ឋាភិបាលក្រុងហាណូយ ចាយថវិកាសម្រាប់ការពារជាតិចំនួនជិត៣ពាន់៤រយលានដុល្លារក្នុងមួយឆ្នាំ។ ក្នុងចំណោមប្រទេសមានកម្លាំងទ័ព១៣៦ក្នុងពិភពលោកវៀតណាម ជាប់លំដាប់លេខ២០។
១. កម្លាំងទ័ព
– មានមនុស្សពេញកម្លាំងចំនួនជិត៥១លាននាក់
– មានមនុស្សអាចធ្វើទាហានបានចំនួនជិត៤២លាននាក់
– មានមនុស្សគ្រប់អាយុបម្រើជាតិមួយឆ្នាំៗចំនួនជាង១លាន៦សែននាក់
– មានទាហានសរុបចំនួនជិត៥លាន៥សែននាក់
– មានទាហានសកម្មចំនួនជិត៥សែននាក់
– មានទាហានបម្រុងជាង៥លាននាក់
២. យុទ្ធភណ្ឌទ័ពអាកាស
– មានយន្តហោះគ្រប់ប្រភេទសរុប២៨៣គ្រឿង
– មានយន្តហោះប្រយុទ្ធ៧៦គ្រឿង
– មានយន្តហោះទម្លាក់គ្រាប់បែក៧៦គ្រឿង
– មានយន្តហោះដឹកជញ្ជូន១៦៥គ្រឿង
– មានយន្តហោះបង្ហាត់ហ្វឹកហ្វឺន២៨គ្រឿង
– មានឧទ្ធម្ភាគចក្រ ឬកន្ទុមរុយសរុប១៣៩គ្រឿង
– មានឧទ្ធម្ភាគចក្រវាយប្រហារ២៥គ្រឿង
៣. យុទ្ធភណ្ឌទ័ពជើងគោក
– មានរថក្រោះចម្បាំងធុនធ្ងន់ចំនួនជាង១ពាន់៥រយគ្រឿង
– មានរថពាសដែកចំនួនជាង៣ពាន់គ្រឿង
– មានកាំភ្លើងធំផ្ទុករថក្រោះចំនួនជាង៥០០គ្រឿង
– មានកាំភ្លើងធំសណ្តោងចំនួនជាង២ពាន់គ្រឿង
– មានរថយន្តផ្ទុកកាំជ្រួច ឬ មីស៊ីលធុនបេអឹម−២១ជាង១ពាន់គ្រឿង
៤. យុទ្ធភណ្ឌទ័ពជើងទឹក
– មាននាវាចម្បាំងគ្រប់ធុនចំនួន៦៥គ្រឿង
– គ្មាននាវាផ្ទុកយន្តហោះ
– មាននាវាចម្បាំងធុនតូចចំនួន១៤គ្រឿង
– មាននាវាប្រដាប់អាវុធអមក្បួនដឹកជញ្ជូនចំនួន៩គ្រឿង
– គ្មាននាវាកម្ទេច
– មាននាវាមុជទឹកចំនួន ៦គ្រឿង
– មាននាវាល្បាតចំនួន ២៥គ្រឿង
– មាននាវាដោះ ឬ កម្ទេចមីនក្នុងទឹកចំនួន៨គ្រឿង
៥. វៀតណាមផលិតប្រេងឥន្ធនៈបានជាង៣សែនធុងក្នុងមួយថ្ងៃ ហើយប្រើប្រាស់ប្រេងឥន្ធនៈក្នុងមួយថ្ងៃអស់ជិត៤សែន២ម៉ឺនធុង។ វៀតណាមមានប្រេងកាតបម្រុងអាចបូមបានប្រមាណ៤ពាន់ ៤រយលានធុង។ ចំពោះបំណុលបរទេស វៀតណាមជំពាក់គេជិត ៩២ពាន់លានដុល្លារ។ រូបិយវត្ថុជាទ្រព្យ
តម្កល់ទុកបម្រុងក្រៅប្រទេស រួមទាំងមាសដុំ មានតម្លៃជិត ៣៩ពាន់លានដុល្លារ។
គួររំឭកហេតុការណ៍ក្នុងប្រវត្តិសាស្រ្តមួយថា គ្រាដែលយួនកុម្មុយនិស្តបង្កើតទ័ព
ព្រៃយួនខាងជើង−យៀកកុង ច្បាំងជាមួយទ័ពអាមេរិកាំងរយៈពេលប្រមាណជាង១២ឆ្នាំពីឆ្នាំ១៩៦៣ដល់ឆ្នាំ១៩៧៥ បណ្តាលឲ្យទាហានអាមេរិកាំងស្លាប់ប្រមាណជាង៥ម៉ឺន៨ពាន់នាក់។
យោងតាមកាសែតអាមេរិកាំងChicago Tribuneផ្សាយពីក្រុងព្រៃនគរថ្ងៃទី១កក្កដា១៩៨៨ ឧត្តមសេនីយ៍ឯកឡេ ខាហ្វីវ មេបញ្ជាការរងកងទ័ពប្រជាជនវៀតណាមនៅកម្ពុជាប្រាប់អ្នកកាសែតថា គ្រាដែលទ័ពវៀតណាមវាយឈ្លានពានកាន់កាប់ប្រទេសកម្ពុជាក្នុងរយៈពេលជាង១០ឆ្នាំ ទាហាន វៀតណាមស្លាប់នៅស្រុកខ្មែរមានចំនួនជិតស្មើនឹងទាហានអាមេរិកាំងស្លាប់នៅស្រុកយួន។
ឧត្តមសេនីយ៍ឯក ឡេ ខាហ្វីវពោលថា៖ ពីឆ្នាំ១៩៧៧មកទល់ឆ្នាំ១៩៨៨ ទាហានវៀតណាមស្លាប់លើទឹកដីខ្មែរមានចំនួន៥ម៉ឺន ៥ពាន់នាក់ ហើយរបួស៥ម៉ឺន៥ពាន់នាក់ដែរ។
ការបាត់បង់ជីវិតទាហានវៀតណាមនោះកើតឡើងដោយការប្រឈមប្រយុទ្ធជាមួយកងទ័ពនៃចលនាតស៊ូខ្មែរទាំង៣ភាគីតាមបែបទ័ពព្រៃ គឺចលនារាជានិយមសម្តេចនរោត្តម សីហនុ ចលនាសាធារណរដ្ឋនិយម ដឹកនាំដោយលោកសឺន សាននិងចលនាខ្មែរក្រហម ដែលក្រោយមកបង្កើតជារដ្ឋាភិបាលត្រីភាគីកម្ពុជាប្រជាធិតេយ្យ។
លើកក្រោយសូមជូនការប្រៀបធៀបអំពីកម្លាំងទ័ពថៃ៕