អ្នកស្រីអ៊ុងសាន ស៊ូជី មេដឹកនាំប្រទេសភូមានឹងមកបំពេញទស្សនកិច្ចនៅកម្ពុជា នៅថ្ងៃទី២៩ខែមេសាឆ្នាំ២០១៩ អាទិត្យក្រោយ។
នេះបើតាមការអះអាងរបស់លោកហ៊ុន សែន នៅក្នុងពិធីចែកសញ្ញាប័ត្រដល់និស្សិតនៃសាកលវិទ្យាល័យជាតិគ្រប់គ្រង់ក្នុងទីក្រុងភ្នំពេញកាលពីព្រឹកមិញ ប៉ុន្តែលោកហ៊ុន សែននៅមិនទាន់អាចបញ្ជាក់អំពីរបៀបវារៈនៃដំណើរទស្សនកិច្ចរបស់អ្នកស្រី អ៊ុង សានស៊ូជីមកកម្ពុជានោះទេ។
សារព័ត៌មានThe Cambodia Dailyបានព្យាយាមសុំសេចក្តីអត្ថាធិប្បាយពីលោកផៃ ស៊ីផានអ្នកនាំពាក្យរបស់រដ្ឋាភិបាលដែរ តែលោកមិនលើកទូរស័ព្ទ។ប៉ុន្តែលោកសុខ ឥសានអ្នកនាំពាក្យគណបក្សប្រជាជនកម្ពុជាបានប្រាប់សារព័ត៌មាន The Cambodia Dailyថា នេះជាលើកទីមួយហើយ ដែលអ្នកស្រីអ៊ុង សានសូជី នឹងមកបំពេញទស្សនកិច្ចនៅកម្ពុជាចាប់តាំងពីអ្នកស្រីមានសេរីភាពពីការឃុំឃាំងក្នុងផ្ទះរយៈពេលប្រមាណ២០ឆ្នាំនិងក្រោយពេលដែលអ្នកស្រីក្លាយជានាយករដ្ឋមន្រ្តីរបស់ប្រទេសភូមា កាលពីឆ្នាំ២០១៦៕