នៅក្នុងកិច្ចប្រជុំសភា លើកដំបូង បុរសម្នាក់ដែល បានប្លន់អំណាចពីរដ្ឋាភិបាល ប្រជាធិបតេយ្យ ត្រូវបានប្រធានរដ្ឋសភា ប្រាប់អោយឡើងអានគោលនយោបាយរបស់ខ្លួន ស្ដីពីការដឹកនាំរាជរដ្ឋាភិបាល ថៃមានអាណត្តិប្រាំឆ្នាំដែលទើ់បជាប់ឆ្នោត។ បុរសម្នាក់នេះ គឺលោក ប្រាយុទ្ធចាន់អូចា ដែលជាអតីតមេរដ្ឋប្រហារឆ្នាំ២០១៤ ហើយបានលើកខ្លួនជានាយករដ្ឋមន្ត្រីនៃការដឹកនាំ បែបយោនិយម។ ឥឡូវ បុរេសនេះ ក្លាយជានាយករដ្ឋមន្ត្រីម្ដងទៀត ក្រោមរដ្ឋាភិបាល ចម្រុះ១៩គណបក្ស។
ក្នុងកិច្ចប្រជុំសភា ថ្ងៃទី២៥កក្ដដា បុរសនេះ បានលាងដៃស្អាត ហើយចាប់អានឯកសារកម្រាស៦៦ទំព័រ ប៉ុន្តែ មើលទៅគាត់មានការអៀនខ្មាស់បន្តិច ដែរ ដោយខ្លួនគាត់នេះ ជាអតីតមេដឹកនាំប្លន់អំណាចពីអ្នកប្រជាធិបតេយ្យ។កិច្ចប្រជុំនៅថ្ងៃដំបូង គឺសភាពហុបក្សដែលមានដល់២៦បក្ស បានប្រើពេល១៦ម៉ោងដើម្បីស្ដាប់លោកប្រាយុទ្ធអានគោលនយោបាយថ្មីស្ដីពី យុទ្ធសាស្ត្រនៃការដឹកនាំរាជរដ្ឋាភិបាល ក្រោម ចក្ខុវិស័យ នៃការស្ដារលទ្ធិប្រជាធិបតេយ្យឡើងវិញ ។ កិច្ចប្រជុំថៃ្ងដំបូងនេះ អតីតឧត្តមសេនីយ៍រូបនេះ រងការចោទសួរ សមល្មមដែរ ពីសំណាក់ គណបក្សប្រឆាំង ដែលមានសំឡេងភាគច្រើន ក្នុងរដ្ឋសភា។ សារព័ត៌មាន Thai The Nation បានចុះផ្សាយថា លោកប្រាយុទ្ធដូចជាខ្មូរមុខបន្តិច ហើយអ៊ឺមអៀនទៀតផង។
ចំណែកកិច្ចប្រជុំនៅថ្ងៃទី២នេះ ត្រូវបានរាយការណ៍មកថា មុខលោកប្រាយុទ្ធឡើងក្រហមហើយកាន់តែអៀនខ្មាស់ មានការហត់នឿយ និង បាត់ការចងចាំជាច្រើន។
តាម The Nation លោកប្រាយុទ្ធ មុខឡើងក្រហម ទំនងមានកំហឹង នឹងការដេញដោលសួរជាច្រើន របស់អ្នកតំណាងរាស្ត្រមកពីក្រុមបក្សប្រឆាំង ដឹកនាំដោយ គណបក្សភឿថៃ និង គណបក្ស ឆ្ពោះទៅអនាគត។ ក្រុមប្រឆាំងបានចោទសួរ ច្រើនវិស័យណាស់ រួមទាំង ការកាត់បន្ថយបំណុល សាធារណៈ ការលុបបំបាត់អំពើពុករលួយ ការពង្រីកប្រាក់ចំណូលរដ្ឋឡើងវិញ និងការពង្រឹកច្បាប់ស៊ីវិល ប្រកបដោយ ប្រជាធិបតេយ្យនិងលំហរសេរីភាព ខាងនយោបាយជាដើម។
នៅក្នុងការបើកសម័យប្រជុំរដ្ឋសភាថៃ ដែល លោក ប្រាយុទ្ធ ក្នុងនាមជានាយករដ្ឋមន្ត្រី បានថ្លែងស្វាគមន៍អ្នកតំណាងរាស្ត្រ។ លោកថ្លែងដូចនេះថា«ខ្ញុំតែងតែនឹកអ្នកទាំងអស់គ្នាជានិច្ច…»។
លោក ប្រាយុទ្ធ បានឆ្លើយតបទៅនឹងបក្សប្រឆាំងវិញដោយសេចក្ដីដើមថា «បាទ! ខ្ញុំនឹងអានវាទៅតាមការចង់បានរបស់អ្នក ហើយអានរហូតដល់ចប់»។
យ៉ាងណា លោកប្រាយុទ្ធបានប្រាប់អ្នកសារព័ត៌មាន ថា លោកធ្លាប់កាន់តំណែងនេះ ប្រាំឆ្នាំរួចហើយ។ លោកចង់ប្រាប់ថា លោកមិនរឹងខ្លួនពេកនោះទេ។ បែបនេះ លោកធ្លាប់ប្រាប់អ្នកសារព័ត៌មានថា ក្នុងឋានៈលោកជានាយករដ្ឋមន្ត្រីលើកនេះ គឺអ្វីៗមិនអាចចេះតែ នឹងឃើញ ធ្វើបាននោះទេ ព្រោះត្រូវទទួលខុសត្រូវនៅ ចំពោះមុខសភា ពហុបក្ស។លោក ប្រាយុទ្ធ ចាន់អូចា បានស្បថចូលកាន់តំណែងជានាយករដ្ឋមន្ត្រីថៃ កាលពីថ្ងៃទី១៦ ខែកក្កដា ឆ្នាំ២០១៩ ។ លោកគឺជាប្រមុខរាជរដ្ឋាភិបាលដែលមាន១៩គណបក្ស និង ជារដ្ឋបាលងាយប្រឈមនឹងការវាយប្រហារពីក្រុមប្រឆាំងនិងគណបក្សសម្ព័ន្ធភាពចម្រុះ របស់លោកផ្ទាល់។ យ៉ាងណា លោកសន្យាថានឹង ដឹកនាំរាជរដ្ឋាភិបាល ក្រោមគោលការណ៍សេរីពហុបក្ស និងតម្កល់ ផលប្រយោជន៍ជាតិជាធំ។
រាជាណាចក្រថៃ ធ្លាប់ឆ្លងកាត់ធ្វើរដ្ឋប្រហារ តាំងពីឆ្នាំ១៩៣២គឺ មិនតិចដងនោះទេ។ រដ្ឋប្រហារខ្លះ មានការបង្ហូរឈាម និងខ្លះទៀត ជារដ្ឋប្រហារស្ងប់ស្ងាត់ ។ រដ្ឋប្រហារចុងក្រោយ ប្ដន់អំណាច ពីគណបក្សភឿងថៃដែលលោកស្រីយីងឡាក់ជានាយរដ្ឋមន្ត្រី គឺនៅខែ ឧសភា ឆ្នាំ២០១៤ បន្ទាប់ពីប្រទេសនេះ ធ្លាក់ក្នុងវិបត្តិនយោបាយ ជិត១០ឆ្នាំ ។ លោកប្រាយុទ្ធគឺជាឧត្តមសេនីយ៍ផុតលេខ ជាមេបញ្ជាការកងទ័ពទូទាំងប្រទេស ។ លោកជាមេទ័ពចុងក្រោយគេ ដែលដឹកនាំរដ្ឋប្រហារលើកទី១៩៕
© 2019, . All rights reserved.