33 C
Phnom Penh

ប្រធានាធិបតីចិនអះអាងថា បន្តិចទៀត យើងនឹង​ឈ្នះមេរោគ​កូរ៉ូណា តែ WHO បាន​ហៅ​មេរោគ​នេះ ថាសាហាវជាងអំពើភេរកម្ម

ដោយ ឌឹ ខេមបូឌា ដេលី

បទវិភាគ

ប្រធានាធិបតីចិន ស៊ីជីនពីងដែលបានសម្រេចពាក់ម៉ាសមុខ ព្រោះតែខ្លាច ការឆ្លងមេរោគកូរ៉ូណា បានអះអាងជាថ្មីម្ដងទៀតថា មិនយូរទេ យើងនឹងឈ្នះលើសមរភូមិមេរោគកូរ៉ូណា។ នេះបើតាមប្រព័ន្ធផ្សព្វផ្សាយរបស់រដ្ឋចិន CCTV កាលពី អង្គារទី១១កុម្ភៈ។

លោកស៊ីបាន ទទូចថា ទោះបីយើងនឹងឈ្នះមេរោគនេះក៏ដោយ តែ យើងត្រូវរួមគ្នា ប្រយុទ្ធប្រឆាំងវា ដោយសេចក្ដីទុកចិត្តនិងសង្ឃឹមទៅមុខទៀត។ កាលពីសប្ដាហ៍មុន លោកស៊ីបាន សម្រេចពាក់ម៉ាសជាលើកដំបូង នៅពេលលោក ទៅពិនិត្យដោយផ្ទាល់ សហគមន៍មួយនៅជាយក្រុងប៉េកាំង ដើម្បីស្វែងយល់ពីស្ថានភាពនៃការឆ្លងមេរោគដ៏កាយសាហាវនេះ។

តាមតួលេខ ដែលបង្ហោះដោយ បណ្ដាញផ្សាយព័ត៌មាន CNN គឺមនុស្សស្លាប់នៅចិន បានកើនដល់ទៅ១ពាន់ ១១៥នាក់ ហើយអ្នកឆ្លងកើនជាង៤ម៉ឺន៤ពាន់នាក់គិតត្រឹមថ្ងៃទី១២កុម្ភៈនេះ។

ស្របដែល ស្ថានភាពអ្នកស្លាប់កើនឡើងក្នុងមួយថ្ងៃជាង១០០នាក់ អង្គការសុខភាពពិភពលោក WHO បានធ្វើការព្រមានថា ការសម្លាប់មនុស្ស ដោយមេរោគកូរ៉ូណា គឺសាហាវខ្លាំង គឺជាងការផ្ទុះជំងឺរលាកផ្លូវដង្ហើមឈ្មោះថាជំងឺសា នោះទៅទៀត។

លោក Tedros Adhanom Ghebreyesus អគ្គលេខាធិការរបស់WHO បាននិយាយថា កូរ៉ូណាវីរុសប្រភេទថ្មីនេះ គឺសាហាវជាងការវាយប្រហារដោយ «ភេរវកម្ម» ទៅទៀត ។

លោកបន្តថា ការរីករាលដាលនៃជំងឺផ្លូវដង្ហើមបង្កឡើងដោយកូរ៉ូណាវីរុសប្រភេទថ្មី -COVID-19 គឺពិតជា បង្កការគំរាមកំហែងយ៉ាងធ្ងន់ធ្ងរបំផុតចំពោះពិភពលោក។ លោកបញ្ជាក់ថា គេអាចចាត់ទុក «មេរោគនេះ គឺជាសត្រូវសាធារណៈលេខ១នៃពិភពលោក » ។

មន្រ្តីជាន់ខ្ពស់នៃអង្គការសុខភាពពិភពលោក បានអះអាងដូច្នេះកាលពីថ្ងៃអង្គារ ១១ កុម្ភៈនៅក្នុងសន្និសីទព័ត៌មាននាទីក្រុង ហ្សឺណែវ។

ប្រធានអង្គការWHO ក៏បានមកជួបលោកស៊ីផងដែរកាលពីថ្ងៃទី២៨ មករា គឺមួយសប្ដាហ៍ បន្ទាប់ពី មេរោគ កូរ៉ណា បានផ្ទុះឡើងខ្លាំងក្លានៅថ្ងៃទី២២ ខែមករា បន្ទាប់វាបានអោយសញ្ញាណនៃការឆ្លងនៅ ថ្ងៃទី១២ ធ្នូឆ្នាំ២០១៩។

សម្រាប់ លោក Tedros  បាន អោយដឹងថា វិរុសកូរ៉ូណា ប្រភេទថ្មីនេះ ត្រូវបានហៅឈ្មោះផ្លូវការថា «COVID-19» ។

លោក Tedros បានទទូចឲ្យប្រទេសទាំងអស់បង្កើតវិធានការចាំបាច់រៀងៗខ្លួនដើម្បីទប់ស្កាត់វីរុសនេះ តែលោកព្រមានថា ប្រទេសយ៉ាងតិច ៣០ ដែលមានប្រព័ន្ធសុខាភិបាលទន់ខ្សោយគឺត្រូវប្រុងប្រយ័ត្នបំផុតពីការឆ្លងពីមេរោគដ៏កំណាចនេះ។

ស្របពេលដែល ពិភពលោក កំពុងព្រួយបារម្ភអំពីការរីករាលដាលនៃមេរោគកូរ៉ូណា  Covid-19 មាននាវាដ៏ធំមួយគ្រឿងឈ្មោះថា Westerdam ត្រូវបានប្រទេសជាច្រើន រួមនឹងកោះចំនួន៦ទៀត បដិសេធមិនឲ្យនាវានេះចូលចតឡើយ ដោយសារភ័យខ្លាចអ្នកដំណើរមានវីរុសកូរ៉ូណាថ្មីនេះ។

បើតាមCNNឲ្យដឹងថា នាវាទេសចរណ៍ខ្នាតយក្សដ៏ប្រណិតនេះកំពុងស្ថិតនៅក្នុងភាពវិលវល់ ដោយមិនដល់រកទីតាំងណាមួយពិតប្រាកដដើម្បីចតនោះទេ។ នាវានេះ ដឹកមនុស្ស ២ពាន់ ២០០នាក់ ។

នាវានេះ បាន ទៅសុំចត នៅកោះតៃវ៉ាន់, ហ្វីលីពីន, ជប៉ុន, កូរ៉េខាងត្បូង, កោះហ្គាំ  និងចុងក្រោយ គឺប្រទេសថៃគឺត្រូវបានបដិសេធទាំង             អស់។

ការបដិសេធនេះ ព្រោះតែខ្លាចនៅលើនាវានោះមានអ្នកផ្ទុកវីរុសកូរ៉ូណាថ្មី នេះ។

ក្រុមហ៊ុនដែលគ្រប់គ្រងនាវា Westerdam បានចេញសេចក្តីប្រកាសថា អ្នកជិះទាំងអស់ ដែលនៅលើនាវារបស់ខ្លួន  ពុំមាននរណាម្នាក់មានផ្ទុកវីរុសកូរ៉ូណាថ្មី Covid-19 នេះទេ។ ប៉ុន្តែបើយោងតាមព័ត៌មានដដែលនេះ គឺនាវានេះកំពុងស្ថិតនៅឈូងសមុទ្រថៃនៅឡើយ។

រដ្ឋមន្រ្តីសុខាភិបាលថៃលោក Anutin Charnvirakul បាននិយាយ ថា ប្រទេសថៃមិនអនុញ្ញាតឲ្យ នាវាទេសចរណ៍នេះ ចូលចត និងដាក់អ្នកដំណើរនៅឯកំពង់ផែ Laem Chaban នោះឡើយ។ លោកបញ្ជាក់ថា រហូតមានការស្រាវជ្រាវ និងត្រួតពិនិត្យ សុខភាពរបស់អ្នកនៅលើនាវាថាគ្មានផ្ទុកមេរោគកូរូណានេះឡើយ។ ប៉ុន្តែលោកនៅតែបញ្ជាក់ថា មិនអនុញ្ញាតិអោយនាវាចូលកំពុងផែប្រទេសថៃឡើយទោះ ជានៅទីណាក៏ដោយ។

ចំណែក ឯនាវាទេសចរណ៍មួយគ្រឿងទៀតដែលដឹកអ្នកទេសចរ ៣ពាន់ ៧០០នាក់ គឺនាវា Diamond Princess ដែលកំពុងចតនៅកំពង់ផែ Yokohama របស់ជប៉ុនត្រូវបានរកឃើញថា មានអ្នកផ្ទុកវីរុស Covid-19 ចំនួន ១៧៥នាក់។

រដ្ឋាភិបាលជប៉ុន ប្រកាសថា អាចនឹងអនុញ្ញាតិអោយអ្នកទេសចរណ៍ទាំងនោះ ឡើងគោក នៅថ្ងៃទី១៩ ខែកុម្ភៈ លុះត្រាតែរកលែងឃើញ អ្នកផ្សេងទៀត ពុំមានការឆ្លង មេរោគកូរ៉ូណា  Covid-19  នេះ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស