វៀតណាម ស្វែងរកការសុំលើកពេលកិច្ចប្រជុំកំពូលអាស៊ាន ដោយសារមេរោគកូរ៉ូណា

សមាគមអាស៊ាន គឺជាប្រជាជាតិដ៏ធំមួយក្នុងតំបន់អាស៊ី ដែលមានប្រជាជន ជាង៦៣០លាននាក់។ សមាគមនេះ មាន១០ប្រទេស                  ជាសមាជិក។ សម្រាប់ឆ្នាំ២០២០នេះ ប្រធានប្រចាំឆ្នាំ បានទៅលើប្រទេសវៀតណាម។ ប៉ុន្តែឆ្នាំនេះ គឺជាឆ្នាំនៃការផ្ទុះមេរោគកូរ៉ូណា ដ៏កំណាច ដែលផ្ទុះចេញពីក្រុងវូហាន ខេត្តអ៊ូប៉ី នៃប្រទេសចិន។ មេរោគនេះ បានសម្លាប់ពលរដ្ឋចិន រាប់ពាន់នាក់ មុនពេលឆ្លងរាតត្បាតមកដល់ តំបន់អាស៊ាន និងរីករាលពាសពេញពិភពលោក។

ទោះជាយ៉ាងណាក៏ដោយសម្រាប់ពេលនេះក្នុងតំបន់អាស៊ានទាំងមូលកំពុងស្លន់ស្លោ ដោយសារមេរោគនេះ បានវាយ លុកយ៉ាងខ្លាំង។ គ្រប់ប្រទេសនៃសមាជិកអាស៊ានទាំងអស់ សុទ្ធតែ មានអ្នកឆ្លង និងប្រទេសខ្លះទៀតមានអ្នកស្លាប់ដោយមេរោគនេះទៀតផង។

សម្រាប់វៀតណាម នៅថ្ងៃទី១៨មីនានេះ បានបិទជ្រកព្រំដែនជាមួយ កម្ពុជា ទៅហើយ ដោយសារភ័យខ្លាចការរីកសាយភាយ ការឆ្លងជំងឺនេះ ពីកម្ពុជា ខណៈប្រទេសកម្ពុជា ដែលចំនួនអ្នកឆ្លងកំពុងមានការកើនឡើង ។ 

អ្វីជាការព្រួយបារម្ភ គឺវៀតណាមខ្លួនគេផ្ទាល់ មានអ្នកផ្ទុកមេរោគ Covid-19 នេះ បានកើនឡើង ៦៨នាក់ ហើយចំពោះកម្ពុជាមានអ្នកឆ្លង៣៥នាក់ ។

ប៉ុន្តែបើតាម អ្នកនាំពាក្យក្រសួងសុខាភិបាលកម្ពជា អាចមានអ្នកឆ្លងជាង១០០នាក់ ដែល អ្នកទាំងនោះអាចឆ្លង ពីបងប្អូនរបស់ពួកគេ ជាពិសេសពលរដ្ឋខ្មែរ ឥស្លាមដែលត្រឡប់ពី ជួបជុំសាសនា មួយនៅប្រទេសម៉ាឡេស៊ី ដែលជាប្រទេសក្នុងសមាគមអាស៊ានមានអ្នកឆ្លង     មេរោគ នេះជិត៨០០នាក់។ ដោយភ័យខ្លាចកាន់តែខ្លាំង  រដ្ឋាភិបាល វៀតណាម បានកំពុងស្វះស្វែងរកការសុំលើកពេលកិច្ចប្រជុំកំពូលអាស៊ានដោយមិនបានប្រាប់ថា ពេលណានឹងអាចបើកកិច្ចប្រជុំ បាននោះទេ។

សារព័ត៌មាន វៀតណាម VN Express បានចុះផ្សាយនៅថ្ងៃនេះថាវៀតណាមកំពុងប្រឹក្សា ជាមួយដៃគូរបស់ខ្លួន ទាំង៩ទៀត ដើម្បីលើកពេលប្រជុំអាស៊ាន លើកទី៣៦ ដែលបំរុងធ្វើឡើងនៅខែមេសា។

អ្នកនាំពាក្យក្រសួងការបរទេសវៀតណាម អ្នកស្រី Le Thi Thu Hang បាននិយាយថា កិច្ចប្រជុំនេះ គ្រោងធ្វើឡើងនៅ រវាងថ្ងៃទី៦ដល់ថ្ងៃទី៩មេសា នៅក្រុង Da Nang ប្រទេសវៀតណាម ដែលទីក្រុងមួយនេះ មានអ្នកជំងឺ Covid-19 ចំនួន៤នាក់កំពុងព្យាបាល។

អ្នកស្រីបន្តថា ស្ថានភាពជំងឺនេះមិនអាចចុះថយលឿនបានឡើយ នៅអំឡុងប៉ុន្មានសប្ដាហ៍ទៀតនេះ។ អ្នកស្រីបន្ថែមថា វៀតណាម នឹងប្រកាស អំពីការសម្រេចលើកពេលប្រជុំនេះ នៅពេលមានការ  សម្រេចពី មេដឹកនាំអាស៊ាន។

អាស៊ាន មានសមាជិករបស់ខ្លួន ១០ប្រទេស គឺវៀតណាម កម្ពុជា ឡាវ ភូមា ថៃ ម៉ាឡេស៊ី សិង្ហបុរី ហ្វីលីពីន ព្រូយណេ និងឥណ្ឌូនេស៊ី។ ប៉ុន្តែអាស៊ានមានដៃគូផ្សេងទៀត៨ប្រទេសគឺ អាស៊ាន-អូស្តា្រលី អាស៊ាន-ចិន អាស៊ាន-ឥណ្ឌា អាស៊ាន-ជប៉ុន អាស៊ាន-ញូហ្សេឡេន   អាស៊ាន-រុស្ស៊ី អាស៊ាន-កូរ៉េខាងត្បូង និងអាស៊ាន -អាមេរិក ជាដើម។

កាលពីខែមុននេះ ប្រធានាធិបតីសហរដ្ឋអាមេរិកលោកដូណាល់ត្រាំ បាន សម្រេចផ្អាកកិច្ចកំពូល អាស៊ាន-អាមេរិក ដែលគ្រោងធ្វើឡើងនៅថ្ងៃទី១៤ មីនា ដោយសារ ភ័យខ្លាច ការឆ្លងមេរោគកូរ៉ូណា ។

ប្រធានបទនៃកិច្ចកំពូលប្រមុខដឹកនាំអាស៊ាន ផ្ដោតលើ ស្ថានភាព សេដ្ឋកិច្ច នយោបាយ សន្តិសុខ និងវប្បធម៌។ នៅទូទាំងអាស៊ាន គឺករណីផ្ទុះមេរោគ Covid-19  មានជាង១ពាន់ ៥រយករណី។  ចំពោះពិភពលោកទាំងមូលវិញ គឺមាន ១៦៧ ប្រទេសបានឆ្លង។ នៅប្លុកអឺរ៉ុប គឺកំពុងឆ្លងរីករាលដាលយ៉ាងខ្លាំង។ នៅសហរដ្ឋអាមេរិក បានរីករាលដល់ទាំង៥០រដ្ឋដែលនាំអោយអ្នកឆ្លង ៦ពាន់ ៣រយនាក់ និងស្លាប់ ១០៨នាក់។ នៅទូទាំង ពិភពលោក គឺមានអ្នកឆ្លង ជិត ២០ម៉ឺននាក់ និងស្លាប់ជិត ៨ពាន់នាក់៕

© 2020, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.