36 C
Phnom Penh

ក្រុម​និស្សិត​ថៃ​ចាប់ផ្តើម​ធ្វើបាតុកម្ម​មុខ​ស្ថានទូត​ខ្មែរ​ទាមទារ​បង្ហាញ​ការពិត​ជុំវិញ​ការ​បាត់ខ្លួន​សកម្មជន​នយោបាយ​ថៃ​លេចធ្លោ​ម្នាក់​នៅ​ក្រុងភ្នំពេញ​

ដោយ ឌឹ ខេមបូឌា ដេលី

បទវិភាគ

ដែល​ជាសកម្ម​ជន​នយោបាយ​ខាង​ក្រុង​អាវ​ក្រហម នៅ​ក្រុងភ្នំពេញ លោក វ៉ាន់​ឆា​ឡឺម សា​ត់​ស័ក្កសិទ្ធ (Wanchalearm Satsaksit​) ដោយ​មិនដឹង​ពី​មូលហេតុ​ច្បាស់លាស់។

ការ​តវ៉ា​នេះ​ធ្វើឡើង​នៅ​ថ្ងៃទី ៨ មិថុនា​នៅ​ខាងមុខ​ស្នាក់​ការ​ស្ថានទូត​កម្ពុជា​ប្រចាំ​ប្រទេស​ថៃ ដោយមាន​ទាំង​ការ​យក​រូបថត​សកម្មជន​នយោបាយ​ក្រុម​អាវ​ក្រហម​ថៃ ឈ្មោះ វ៉ាន់​ឆា​ឡឺម ទៅ​បិទ​នៅ​ជញ្ជាំង​ស្ថានទូត​កម្ពុជា​ថែមទៀត​ផង។

ក្រុម​និស្សិត និង​ពលរដ្ឋ​ថៃ​មាន​គ្នា​រាប់​សិប​នាក់ បាន​អំពាវនាវ​នៅមុខ​ស្ថានទូត​ខ្មែរ​ដោយ​ទាមទារ​ឱ្យ​អាជ្ញាធរ​ប្រទេស​ទាំងពីរ សហការ​គ្នា​បើក​ការស៊ើបអង្កេត​លើ​ករណី​បាត់ខ្លួន​លោក វ៉ាន់​ឆា​ឡឺម ដោយ​អាថ៌កំបាំង កាលពី​ថ្ងៃទី៤ ខែមិថុនា នៅ​កណ្តាល​ក្រុងភ្នំពេញ។​ពួក​គេ​ថា ការ​រក​ឱ្យ​ឃើញ​មូលហេតុ​នៃ​ការ​បាត់ខ្លួន គឺជា​ការ​ផ្តល់​យុត្តិធម៌​ដល់​ជនរងគ្រោះ និង​គ្រួសារ ព្រមទាំង​ជា​ការលើកតម្កើង​សិទ្ធិ​សេរីភាព​បញ្ចេញមតិ​របស់​ពលរដ្ឋ ខណៈ​ករណីនេះ​ពុំមែន​ជា​ការ​បាត់ខ្លួន​សកម្មជន​នយោបាយ​ថៃ​ជា​លើក​ទី១នោះ​ឡើយ។

កាលពី​ថ្ងៃសុក្រ​សប្តាហ៍​មុន អង្គការ​ឃ្លាំមើល​សិទ្ធិមនុស្ស​អន្តរជាតិ Human Right Watch ស្នើ​ឱ្យ​កម្ពុជា​ស៊ើបអង្កេត​បាត់ខ្លួន លោ​កវ៉ាន់​ឆា​ឡឺម នេះ ដែល​អង្គការ​នេះ​ចាត់ទុកថា​ជា​ករណី​ចាប់ជំរិត​សកម្មជន​នយោបាយ​ថៃ​លើទឹក​ដី​កម្ពុជា។ក្នុង​សេចក្តី​ថ្លែងការណ៍​របស់ Human Right Watch បានឱ្យ​ដឹង​ថា ករណី​ចាប់ជំរិត​នេះ កើតឡើង​មួយថ្ងៃ​ក្រោយ​ប៉ុណ្ណោះ បន្ទាប់ពី​លោ​កវ៉ាន់​ឆា​ឡឺម បាន​ចេញ​វីដេអូ​ឃ្លី​បមួយ និយាយ​ជា​ភាសា​ថៃ រិះគន់​មេដឹកនាំ​ប្រទេស​ថៃ​បច្ចុប្បន្ន គឺ​លោកនាយក​រដ្ឋមន្ត្រី ប្រា​យុទ្ធ ចាន់​អូ​ចារ ថា​ជា​មេដឹកនាំ​របប​ផ្តាច់ ដែល​បាន​ធ្វើ​ឱ្យ​ប្រទេសជាតិ​អាប់​អោន​កិត្តិយស និង​ទាមទារ​ឱ្យ​លោក​ប្រា​យុទ្ធ ចុះចេញ​ពី​តំណែង​ថែមទៀត​ផង។

អង្គការ​ឃ្លាំមើល​សិទ្ធិមនុស្ស​អន្តរជាតិ​មួយ​នេះ កំពុង​បារម្ភ​ពី​សុវត្ថិភាព​របស់​សកម្មជន​នយោបាយ​ថៃ និង​ជា​ក្រុម​អាវ​ក្រហម​ថៃ​រូប​នោះ ដោយ​បាន​ស្នើ​ឱ្យ​កម្ពុជា​ស៊ើបអង្កេត​នេះ​ជាបន្ទាន់។យ៉ាងនេះ​ក្តី យោង​តាម​សារព័ត៌មាន​ថៃ បាន​ដកស្រង់​ការ​លើកឡើង​របស់​មន្ត្រី​កម្ពុជា និង​ថៃ ថា​ពួក​គេ​មិនបាន​ដឹងរឿង​នេះ​ឡើយ ហើយក៏​គ្មាន​គម្រោង​ស៊ើបអង្កេត​នោះ​ដែរ ប្រសិនបើ​គ្មាន​ការ​ស្នើសុំ​ពី​ភាគី​ណាមួយ។

អ្នកវិភាគ​នយោបាយ​នៅ​ក្រៅប្រទេស​លោក គឹម សុខ យល់ឃើញ​ថា ករណីនេះ​អាច​ជា​ជំនួញ​នយោបាយ យក​សេរីភាព​ពលរដ្ឋ​ទាំងសងខាង ធ្វើជា​ដើមទុន ដើម្បី​ជា​ប្រយោជន៍​របស់​អ្នកកាន់អំណាច​សព្វថ្ងៃ​នៃ​ប្រទេស​ទាំង​ពីរ​រៀង​ៗខ្លួន។លោក​បន្ត​ថា ការ​ចាប់​សកម្មជន​ប្រជាធិបតេយ្យ​ថៃ​ដោយលាក់កំបាំង​នៅ​ភ្នំពេញ មន្ត្រី​នគរបាល​ខ្មែរ ឆ្លើយ​ថា​មិនដឹង​រឿង។ លោក​ថា​នេះ​ជាច​ម្លើយ​នយោបាយ​សុទ្ធសាធ ព្រោះ​ករណីនេះ​បាន​កើត​នៅ​លើទឹក​ខ្មែរ ក្នុង​ដែន​សមត្ថកិច្ច​នៃ​ការទទួលខុសត្រូវ​របស់​អាជ្ញាធរ​ខ្មែរ ហើយ​បើមិនទាន់​ដឹង​ច្បាស់​ដំណើររឿង ក៏​មិន​អាច​ឆ្លើយ​ថា មិនដឹង​រឿង​ដែរ ពោល​គឺ​យ៉ាងហោចណាស់ ត្រូវ​ហ៊ាន​អះអាង​ធានា​អំពី​ការស្រាវជ្រាវ​ដើម្បី​បំភ្លឺ​ការពិត​ពាក់ព័ន្ធ​រឿង​នេះ។

រដ្ឋប្រហារ​យោធា​ក្នុង​ប្រទេស​ថៃ កាលពី ឆ្នាំ២០១៤ យ៉ាង​យោ​ចណាស់​មាន​សកម្មជន​ថៃ ៨នាក់ បាន​រត់​ភៀសខ្លួន​ទៅកាន់​ប្រទេស​ឡាវ កម្ពុជា និង​វៀតណាម ហើយ​បាន​បាត់ខ្លួន និង​មួយចំនួន​ទៀត ត្រូវ​បាន​រក​ឃើញថា​ស្លាប់។

សារព័ត៌មាន​ថៃ​ក៏បាន​ឱ្យ​ដឹង​ដែរ​ថា លោក វ៉ាន់​ឆា​ឡឺម គឺ​ឋិត​ក្នុងចំណោម​សកម្មជន​និរទេស​ខ្លួន ២៩នាក់ ដែល​រង​ការ​ចោទ​ថា បាន​ប្រមាថ​ព្រះមហាក្សត្រ​ថៃ​ផង​ដែរ។Human Right Watch បានឱ្យ​ដឹង​ថា លោក វ៉ាន់​ឆា​ឡឺម គឺជា​សកម្មជន​នយោបាយ​ថៃ​ម្នាក់ និង​ជាសកម្ម​ជន​នយោបាយ​គាំទ្រ​អតីត​នាយក​រដ្ឋមន្ត្រី​ថៃ លោក ថា​ក់​ស៊ីន ស៊ី​ណា​វ៉ា​តត្រា ដែល​តែង​រិះគន់​របប យោធា​ដឹកនាំ​ប្រទេស​សព្វថ្ងៃ ។លោក វ៉ាន់​ឆា​ឡឺម បាន​រត់គេច​ខ្លួន​មក​សម្ងំ​រស់នៅ​កម្ពុជា តាំងពី​ខែឧសភា​ឆ្នាំ២០១៤ ក្រោយពី​យោធា​ថៃ​តាម​ចាប់ខ្លួន​លោក បន្ទាប់ពី​មានការ​ធ្វើ​រដ្ឋប្រហារ​ទម្លាក់​នាយ​រដ្ឋមន្ត្រី​ជា​ស្ត្រី ដែល​ជា​ប្អូនបង្កើត​របស់​លោក ថា​ក់​ស៊ីន កាលពី​ឆ្នាំ២០១៤ រួចមក​៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស