33.3 C
Phnom Penh

ពុទ្ធបរិស័ទ​ចំណុះជើងវត្ត​ព្រែ​កអញ្ទា​ញរាប់​រយ​នាក់​ផ្ទុះ​ការ​តវ៉ា ក្រោយ​មានការ​រំលោភ​ដី​យក​ដី​វត្ត​

ដោយ ឌឹ ខេមបូឌា ដេលី

បទវិភាគ

ត​ពុទ្ធបរិស័ទ​ចំណុះជើងវត្ត ព្រមទាំង​ព្រះសង្ឃ​នៃ​វត្ត​រតនៈ​បុប្ផារាម ហៅ​វត្ត​ព្រែកអញ្ចាញ ស្ថិតនៅ​ស្រុក​មុខកំពូល ខេត្តកណ្តាល រាប់​រយ​នាក់​ផ្ទុះ​ការ​តវ៉ា រហូត​ឈាន​ទៅ​បិទផ្លូវ​ជាតិ​លេខ៦A នៅ​ព្រឹក​ថ្ងៃទី១៩ ខែមិថុនា​នេះ ដើម្បី​ទាមទារ​ឱ្យ​ម្ចាស់​អាជីវកម្ម​ដេប៉ូ លក់​ខ្សាច់​និង​ថ្ម ប្រគល់​ដី​មួយ​កន្លែង​ដែល​ពួក​គេ​អះអាង​ថា​ជា​ដី​វត្ត ឱ្យមក​វត្ត​វិញ។

ការ​តវ៉ា​នេះ បន្ទាប់ពី​ពលរដ្ឋ​អះអាង​ថា​ម្ចាស់​ដេប៉ូ លក់​ខ្សាច់​បាន​ជួល​ដី​វត្ត ដើម្បី​ស្តុក​ទុក​ខ្សាច់ សម្រាប់​លក់​បន្ត​ឱ្យ​អា​តិថិ​ជន ប៉ុន្តែ​ទីតាំង​នោះ​ត្រូវ​បាន​ថៅកែ​ខ្សាច់​រំលោភ​យក​ធ្វើជា​កម្មសិទ្ធិ​តែម្តង និង​បាន​កាយដី​របស់​វត្ត លក់​ឱ្យ​ឈ្មួញ​ថែមទៀត។ក្រុម​អ្នក​តវ៉ា និយាយ​ថា ដំបូង​ឡើយ​វត្ត​រតនៈ​បុប្ផារាម ហៅ​វត្ត​ព្រែកអញ្ចាញ បាន​ជួល​ទីតាំង​នោះ​ឱ្យទៅ​ម្ចាស់​អាជីវកម្ម​សម្រាប់​ដាក់​ស្តុក​ខ្សាច់ និង​ថ្ម តែ​ក្រោយមក ម្ចាស់​អាជីវកម្ម​នោះ បែរជា​កាយដី​វត្ត​នោះ​លក់ទៅវិញ ខណៈ​កុងត្រា​ជួល​ក៏បាន​ផុតកំណត់។

តាមរយៈ​វីដេអូ​ដែល​បង្ហោះ​នៅ​លើ​បណ្តាញ​សង្គម​ហ្វេសប៊ុក បង្ហាញ​ពី​ការ​តវ៉ា​រហូត​ឈាន​ទៅដល់​ការ​បិទ​កំណាត់ផ្លូវ​ជាតិ​លេខ៦ A ដែល​បាន​ធ្វើឲ្យ​កកស្ទះ​ចរាចរណ៍​យ៉ាង​ខ្លាំង​នៅ​លើ​ផ្លូវជាតិ​មួយ​នេះ។យ៉ាងនេះ​ក្តី នៅ​ម៉ោង​ប្រមាណ១១ថ្ងៃត្រង់ អាជ្ញាធរ​ខេត្តកណ្តាល​បាន​ចុះ​សម្របសម្រួល​ករណីនេះ រហូតដល់​ពលរដ្ឋ ព្រមទាំង​ព្រះសង្ឃ​ផង​បាន​យល់ព្រម​បើកផ្លូវ​ធ្វើ​ចរាចរណ៍​ឡើងវិញ។

អ្នកវិភាគ​ដែល​មាន​មូលដ្ឋាន​នៅ​ក្រៅប្រទេស​លោក គឹម សុខ លើកឡើង​ដោយ​ភ្ជាប់​រូបភាព​មហាជន​ផ្ទុះ​ការ​តវ៉ា​រឿង​រំលោភ​ដី​វត្ត​នេះ ដោយ​លោក​ថា ក្រុម​មេដឹកនាំ​នយោបាយ ដែល​ប្រជាពលរដ្ឋ​គាំទ្រ​ជាង​កន្លះ​នគរ​ទៅ​ហើយ បែរជា​មិន​មាន​យុទ្ធសាស្ត្រ​ដឹកនាំ​ពលរដ្ឋ​ដណ្ដើមយក​ឈ្នះ ឈាន​ទៅ​រក​ការផ្លាស់ប្ដូរ​បែប​ប្រជាធិបតេយ្យ។ លោក​បន្ត​ថា ពលរដ្ឋ​ក្នុង​សង្គម​ភាគច្រើន​នៅ​កម្ពុជា​កំពុង​រង់ចាំ​អ្នកនយោបាយ​ដែល​អាច​ជា​មេដឹកនាំ​របស់​ពួក​គាត់​បាន​៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស