នៅពេលនេះ នាវាចម្បាំងជាច្រើននៃប្រទេសអូស្ត្រាលី បានកំពុងប្រឈមទល់មុខនឹងនាវាចម្បាំងនៃប្រទេសចិន នៅសមុទ្រចិនខាងត្បូង ដែនក្រុងប៉េកាំង បានអះអាងថា ជាដែនទឹករបស់ខ្លួន ។បណ្ដាញផ្សាយព័ត៌មាន អូស្ត្រាលីABC News បានចុះផ្សាយថា កងកម្លាំង ការពារជាតិរបស់ ប្រទេសអូស្ត្រាលី នៃកងនាវាចរណ៍ ចំនួន៥គ្រឿងបាន ចេញពីដែនសមុទ្រអូស្ត្រាលី តាំងពីសប្ដាហ៍មុន ដោយបើកឆ្លងកាត់ផ្លូវទឹក នៅសមុទ្រចិនខាងត្បូង ក្នុងនោះមាន តំបន់ប្រជុំកោះស្ព្រាលី និងកោះប៉ារ៉ាហ្សែល ដែលប្រទេស ចិន អះអាងថា ជាដែនទឹករបស់ចិនមានតាំងពីយូលង់មកហើយ។
ប្រភពដដែលឲ្យដឹងទៀតថា នាវាចម្បាំងរបស់អូស្ត្រាលី ដែលស្ថិតនៅ តំបន់សមុទ្រចិនខាងត្បូង គឺចំពេលដែលនាវាចម្បាំងរបស់អាមេរិក ជាច្រើនគ្រឿងក៏បានកំពុងដាក់ពង្រាយ រួចហើយ នៅទីនោះ ដោយបានឆ្លងកាត់ចុះឡើងៗ ដែលសហរដ្ឋអាមេរិក ចាត់ទុកថា ជាផ្លូវនាវាចរណ៍អន្តរជាតិ។ យ៉ាងណានេះក្ដី គេនៅពុំទាន់ឃើញចិន ប្រតិកម្មអ្វីទេ ប៉ុន្តែសេចក្ដីថ្លែងការណ៍របស់ក្រសួងការពារជាតិអូស្ត្រាលីឲ្យដឹងថា ការធ្វើសកម្មភាពនាវាចរណ៍របស់អូស្ត្រាលី នៅសមុទ្រចិនខាងត្បូង គឺជាការហ្វឹកហ្វឺន កម្លាំងនាវាចរណ៍។
នាវាចម្បាំងនៃប្រទេសអូស្ត្រាលី ទាំង៥គ្រឿងនេះដឹកនាំដោយនាវា HMAS Canberra បានកំពុងឆ្លងកាត់ តំបន់សមុទ្រចិនខាងត្បូង ដែលថា ទីនោះ ទើបបានត្រូវ ហ្វីលីពីន និងជប៉ុនយកប្រើប្រាស់ជាការធ្វើសមុទ្រ កាលពីចុងខែមិថុនា។សេចក្តីថ្លែងការណ៍ដដែលឲ្យដឹងថា នាវា HMAS Canberra, HMAS Hobart, HMAS Stuart, HMAS Arunta និង នាវាHMAS Sirius នឹង ទៅដល់កោះហាវៃ ដើម្បីចូលរួមសមុទ្រ ដ៏ធំមួយនៅទីនោះ។ក្រុមអ្នកនាំពាក្យក្រសួងការបរទេសអូស្ត្រាលី បាននិយាយថា អូស្ត្រាលីបានសន្យាថា ជួយជំរុញអោយតំបន់ផ្លូវនាវានៅអាស៊ីប៉ាហ្វីច ទាំងអស់ ក្លាយជា តំបន់បើកជំហ ដោយសេរី។
តំបន់អាស៊ីប៉ាស៊ីហ្វិច គឺជាផ្លូវនាវាចរណ៍អន្តរជាតិ ដែលប្រទេសណា ក៏មានសិទ្ធិបើកនាវា កាត់តាមនោះដែរហើយចំណែកអូស្ត្រាលី តែងតែធ្វើសមយុទួ្ធជារៀងរាល់ឆ្នាំហើយ វាមិនអាចអោយចិន កាន់កាប់ផ្ដាច់មុខឡើយ។កាលពីឆ្នាំទៅមិញ កងនាវាចរណ័អូស្ត្រាលី ដែលបានបើកចូលទៅដល់សមុទ្រចិនខាងត្បូងត្រូវបានរងការបណ្ដេញ ពីសំណាក់ នាវាចម្បាំងជាច្រើនគ្រឿងរបស់កងទ័ពចិន។រដ្ឋមន្ត្រីការពារជាតិអាមេរិក Mark Esper បានប្រកាសថា តំបន់សមុទ្រចិន គឺជារបស់អន្តរជាតិ ដែលប្រទេសណាក៏ពុំមានអំណាច កាន់កាប់ដោយឯកតោភាគីបានឡើយ។
សមយុទ្ធរបស់នាវាសហរដ្ឋអាមេរិកធ្វើឡើងជាការឆ្លើយតបនឹងសមយុទ្ធរបស់កងទ័ពជើងទឹកចិន រយៈពេល៥ថ្ងៃដែលបានបិទបញ្ចប់កាលពីថ្ងៃទី៥ ខែកក្កដា។សមុទ្រចិនខាងត្បូងកំពុងធ្លាក់ក្រោមការគ្រប់គ្រង របស់ប្រទេសចិន ដល់ទៅ៨០ភាគរយ។ នេះបើ យោងតាមសារព័ត៌មានរបស់អាមេរិកNational Interest។ ប្រភពដដែលឲ្យដឹងថា ចិនមានផែនការ ហាមឃាត់ការហោះហើរនិង ការធ្វើនាវាចរណ៍ លើដែនសមុទ្រចិនខាងត្បូងនៅក្នុងខែសីហានៅពេលកងទ័ពប្រជាជនចិន ធ្វើសមុទ្ធជាថ្មីទៀត។
ក្នុងស្ថានភាពនេះហើយ ដែលនាំអោយប្រទេសអូស្ត្រាលី ជប៉ុននិងសហរដ្ឋអាមេរិក ចេញសេចក្ដីថ្លែងការណ៍រួមគ្នាមួយនៅថ្ងៃទី៩ ខែកក្ដដានេះ ។ សេចក្ដីថ្លែងការណ៍របស់ ប្រទេសទាំង៣នេះ បានហៅសកម្មភាពយោធារបស់កងទ័ពចិន ថាជាការបង្ករឿង។
សេចក្ដីសម្រេចនេះ បានធ្វើឡើង នៅក្នុងជំនួបថ្នាក់រដ្ឋមន្ត្រីការពារជាតិ នៃប្រទេសទាំង៣ នៅទីក្រុងវ៉ាស៊ីនតោនកាលពីថ្ងៃអង្គារទី៧ ខែកក្ដដា។ប្រទេសនៃសមាគមអាស៊ាន ចំនួន៥ប្រទេស រួមមានវៀតណាម ហ្វីលីពីន ម៉ាឡេស៊ី ព្រុយណេ ឥណ្ឌូនេស៊ី បូកនឹងដែនដីកោះតៃវ៉ាន់ តែងប្រកាសជំទាស់នឹងក្រុងប៉េកាំង ដែលកំពុងមានផែនការ ជាថ្មីទៀត ចូលកាន់កាប់ដែនទឹក និងកោះ ជាច្រើននៅសមុទ្រចិនខាងត្បូង ។ប្រទេស អាស៊ានទាំង៥នេះ ត្បិតចង់បានដំណោះស្រាយពីចិន ក៏ពិតមែន តែ ប្រទេសទាំងនេះ បានគាំទ្រ សហរដ្ឋអាមេរិក ដែលចូលខ្លួនមកពាក់ព័ន្ធនឹងជំលោះសមុទ្រចិនខាងត្បូង ដោយសង្ឃឺមថា នឹងមានដំណោះស្រាយមួយរឹងមាំ ៕