ក្រសួងសុខាភិបាលបានប្រកាសពីរកឃើញអ្នកឆ្លងកូវីដ១៩ ចំនួន៧នាក់បន្ថែមទៀត។ ការរកឃើញថ្មី៧ករណីបន្ថែមទៀតនេះ ធ្វើឱ្យករណីរកឃើញជំងឺកូវីដ១៩ នៅកម្ពុជាកើនដល់២៣៣ករណី។
តាមសេចក្តីជូនព័ត៌មានរបស់ក្រសួងសុខាភិបាលដែលចេញនៅថ្ងៃនេះ ក្នុងចំណោមអ្នកឆ្លងថ្មីទាំង៧នាក់ រួមមាន កងកម្លាំងមួកខៀវកម្ពុជាចំនួន៤នាក់ ដែលទើបត្រលប់មកពីប្រទេសម៉ាលីកាលពីថ្ងៃទី១០ ខែកក្កដា និងពលរដ្ឋខ្មែរដែលទើបមកពីប្រទេសឥណ្ឌូនេស៊ីកាលពីថ្ងៃទី២៣ ខែកក្កដា ចំនួន៣នាក់ផងដែរ។
គិតត្រឹមថ្ងៃទី២៩ ខែកក្កដា កម្ពុជា រកឃើញអ្នកឆ្លងកូវីដ១៩ចំនួន២៣៣នាក់ ដោយក្នុងនោះអ្នកព្យាបាលឱ្យជាសះស្បើយចំនួន១៥៤នាក់ និងអ្នកកំពុងសម្រាកព្យាបាលនៅមន្ទីរពេទ្យរដ្ឋ និងក្នុងស្ថានទូតអាមេរិកប្រចាំកម្ពុជាចំនួន៧៩នាក់ទៀត៕