មិនថាឡើយ ប្រទេសរុស្ស៊ីមួយទេ ដែលអះអាងថាខ្លួននឹងមានវ៉ាក់សាំង ដែលជាវ៉ាក់សាំងប្រឆាំងនឹងជំងឺកូវិដ-១៩ ។ រុស្ស៊ីបានអះអាងទៀតថាខ្លួនបានធ្វើតេសលើកទី៣ហើយ ទៅលើមនុស្ស ដោយបង្ហាញថា វ៉ាំក់សាំង«Sputnik V»ពិតជាមានប្រសិទ្ធភាព។ចំណែកឯប្រទេសអាមេរិក អាល្លឺម៉ង់ អង់គ្លេស បាំរាំង ចិន ជប៉ុន ឥណ្ឌា ថៃ ឥណ្ឌូនេស៊ី សុទ្ធតែបានអះអាងថា បានធ្វើតេសដំណាក់កាលទី៣បានសព្វគ្រប់ហើយ ដោយឃើញថា មានប្រសិទ្ធភាពដើម្បីយកទៅប្រើប្រាស់។
តែយ៉ាងណា អង្គការសុខភាពពិភពលោក WHO បានកំពុងតាមដាន ប្រទេសទាំងឡាយណាដែលអះអាងថាខ្លួននឹងចាប់ផ្ដើមប្រើប្រាស់វាំងសាំងដែលបានធ្វើតេសរួចហើយដើម្បីយកទៅប្រើប្រាស់លើ មនុស្ស។ តែបែបនេះក្ដី ពិភពលោកទាំងមូលអាចនឹងមានវ៉ាក់សាំងដើម្បីប្រើប្រាស់គឺយ៉ាងយូរនៅចុងឆ្នាំ២០២០ឬ ដើមឆ្នាំ២០២១។បណ្ដាញផ្សាយព័ត៌មាន Channel News Asia បានចុះផ្សាយនៅថ្ងៃទី១២ ខែសីហានេះ ថា វ៉ាក់សាំង COVID-19 ប្រមាណជា ៥លាន ៧សែនដប ត្រូវបានបញ្ជាទិញនៅជុំវិញពិភពលោក។
តាមប្រភពដដែលនេះប្រទេសចំនួន៦យ៉ាងតិច បានកំពុងឆ្លងកាត់ការធ្វើតេសលើកចុងក្រោយរបស់ខ្លួន ក្នុងនោះមាន អាល្លឺម៉ង់ បារាំង អង់គ្លេស សហរដ្ឋអាមេរិក ចិននិងឥណ្ឌូនេស៊ី។ ចំណែកឯរុស្ស៊ី ក៏បានប្រកាសថាខ្លួនគេបានធ្វើតេស ដោយរកឃើញថាមានប្រសិទ្ធភាព នូវវ៉ាក់សាក់ ឈ្មោះថា វ៉ាំក់សាំង«Sputnik V»។ប្រធានាធិបតីរុស្ស៊ី វ្ល៉ាឌីមៀ ពូទីន បានប្រកាសពីភាពជោគជ័យ នៃការផលិតបានសម្រេចនូវវ៉ាក់សាំងឈ្មោះ «Sputnik V» ដែលត្រូវបានចុះបញ្ជីដំបូងគេបំផុតនៅលើពិភពលោក ។សាកលវិទ្យាល័យអង់គ្លេស Oxford University ដែលកំពុងសហការជាមួយក្រុមហ៊ុន Astra Zeneca រំពឹងថា ការធ្វើតេស្ដវ៉ាក់សាំង COVID-19 របស់ពួកគេអាចនឹងចេញលទ្ធផលនៅខែកញ្ញាខាងមុខ។
ចំណែក ក្រុមហ៊ុន Moderna និងវិទ្យាស្ថានជាតិសុខាភិបាលរបស់រដ្ឋាភិបាលអាមេរិកក៏រំពឹងដែរថា នៅខែវិច្ឆិកា ឬចុងខែធ្នូ ឆ្នាំ២០២០នេះ ក្រុមហ៊ុននឹងបញ្ចេញវ៉ាក់សាំង ដើម្បីចែកចាយទៅទីផ្សារ។ស្របពេលនេះ រដ្ឋការរបស់លោកប្រធានាធិបតីដូណាល់ត្រាំបានប្រកាសថា សហរដ្ឋអាមេរិកបានចុះកិច្ចព្រមព្រៀង ជាមួយក្រុមហ៊ុនស្រាវជ្រាវឱសថអាមេរិក Moderna ដើម្បីទទួលបានវ៉ាក់សាំង COVID-19 ចំនួន ១០០លានដប ក្នុងទំហំទឹកប្រាក់ ត្រូវចំណាយ១ពាន់៥រយលានដុល្លារអាមេរិក។រដ្ឋាភិបាលសហរដ្ឋអាមេរិកបានចុះកិច្ចព្រមព្រៀង ជាមួយក្រមហ៊ុនជាច្រើនដើម្បីទិញវ៉ាក់សាំង COVID-19 ក្នុងតម្លៃរាប់ពាន់លានដុល្លារ ដើម្បីយកវ៉ាក់សាំងមកប្រើប្រាស់អោយទាន់នៅចុងឆ្នាំ២០២០នេះ ។វ៉ាក់សាំងដែលផលិតដោយក្រុមហ៊ុន Moderna មានឈ្មោះថា MRNA-1273 គឺស្ថិតក្នុងចំណោមវ៉ាក់សាំង ដែលបានឈានដល់ដំណាក់កាលចុងក្រោយ នៃការសាកល្បងហើយគ្រោងនឹងបញ្ចប់ នៅខែកញ្ញាឆ្នាំ២០២០នេះ។
តែបែបនេះក្ដី សម្រាប់ប្រទេសរុស្ស៊ីវិញ ដែលបានធ្វើអោយពិភពលោកភ្ញាក់ផ្អើលខ្លាំងជាងគេ ព្រោះថា ខ្លួនបានធ្វើតេសលើមនុស្សរួចរាល់ហើយដោយមានប្រសិទ្ធភាពផងនោះ គឺកំពុងរង់ចាំតែផលិតដើម្បីចែកចាយនិងប្រើប្រាស់តែប៉ុណ្ណោះ។ រដ្ឋាភិបាលក្រុងម៉ូស្គូអះអាងថា មានប្រទេសយ៉ាងតិច២០ប្រទេស បានស្នើទិញវ៉ាក់សាំងរបស់រុស្ស៊ី។ តែក្រុងម៉ូស្គូថា ជាដំបូងគេត្រូវផ្ដល់អោយពលរដ្ឋរុស្ស៊ីជាមុនសិនទើបចែកចាយទៅប្រទេសស្នើ់សុំគឺក្នុងតម្លៃមនុស្សធម៌។យ៉ាងណា អង្គការសុខភាពពិភពលោក ហៅកាត់ថា WHO ដែលសង្ស័យអំពីប្រសិទ្ធភាពរបស់ វ៉ាក់សាំងរុស្ស៊ី បានប្រកាសថា ខ្លួនកំពុង ទំនាក់ទំនងជាមួយក្រសួងសុខាភិបាលនៃប្រទេសរុស្ស៊ី។អ្នកនាំពាក្យ WHO Tarik Jasarevic ដែលត្រូវបានដកស្រង់ ដោយទីភ្នាក់ងារព័ត៌មានចិនស៊ីនហួរ នៅថ្ងៃពុធ ទី១២ ខែនេះ បានថ្លែងនៅក្នុងសន្និសីទសារព័ត៌មានមួយ តាមរយៈវីដេអូអនឡាញដែលមានដូចនេះថា WHO កំពុងតែធ្វើទំនាក់ទំនងយ៉ាងជិតស្និទ្ធ ជាមួយក្រុមជំនាញសុខភាពនៃ សហព័ន្ធរុស្ស៊ី ដើម្បីធ្វើការកំណត់គុណភាពជាលើកដំបូង នៃវ៉ាក់សាំងរបស់រុស្ស៊ី។តាមអ្នកនាំពាក្យ WHO ការកំណត់ប្រសិទ្ធភាពនៃវ៉ាក់សាំង គឺតម្រូវឲ្យមានការពិនិត្យ និងវាយតម្លៃយ៉ាងហ្មត់ចត់ នៃកម្រិតប្រសិទ្ធភាព និង គុណភាពរបស់វា ទើបអាចដឹងថា វាពិតជាមានសុវត្ថិភាព និងប្រសិទ្ធមែនឬអត់។
តែយ៉ាងណា អ្នកនាំពាក្យ WHO ទទួលស្គាល់ថា ប្រទេសនានាមានស្ថាប័នជាតិរបស់ពួកគេ ដែលអាចអនុម័តឲ្យប្រើប្រាស់វ៉ាក់សាំង ឬថ្នាំព្យាបាល នៅក្នុងប្រទេសរបស់ពួកគេ។កាលពីថ្ងៃទី១១ ខែសីហាប្រធានាធិបតីរុស្ស៊ី វ៉្លាឌីមៀ ពូទីន បានប្រកាសថា ប្រទេសរបស់លោកបានអនុម័តជាផ្លូវការ នូវវ៉ាក់សាំង ប្រឆាំងនឹងវីរុសកូរ៉ូណាថ្មី ឬជំងឺCOVID-19។ក្នុងន័យនេះ រដ្ឋាភិបាលរុស្ស៊ី សូមធានាថា វ៉ាក់សាំងរបស់រុស្ស៊ីនឹងត្រូវចាប់ផ្តើមផលិត នៅចុងខែសីហានេះ ឬក៏ដើមខែកញ្ញាខាងមុខ ហើយបុគ្គលិកសុខាភិបាលរុស្ស៊ី នឹងក្លាយក្រុមមនុស្សដែលត្រូវចាក់វ៉ាក់សាំង ។
វាំក់សាំងរបស់រុស្ស៊ី ស្រាយជ្រាវនិងផលិតដោយវិទ្យាស្ថាន Gamleya នៅរដ្ឋធានីម៉ូស្គូ។ការបង្កើនល្បឿនការស្រាយជ្រាវនិងការផលិតវ៉ាក់សាំងប្រឆាំងកូវិដ-១៩ គឺជាការប្រឡងប្រជែងមួយកម្រិតអន្តរជាតិ ដែលគ្រប់ប្រទេសត្រូវការជាចាំបាច់។ប្រទេសឥណ្ឌូនេស៊ីក៏បានអះអាងថាខ្លួននឹងបញ្ចេញវ៉ាក់សាំង សម្រាប់ប្រើប្រាស់នៅខែមករាឆ្នាំ២០២១។ប្រធានាធិបតីឥណ្ឌូណេស៊ីលោក Joko Widodo បានអះអាង ថា ការធ្វើតេសនៅដំណាក់កាលទី ៣ ដែលជាដំណាក់កាលចុងក្រោយ នៃការសាកល្បងធ្វើតេស្តវ៉ាក់សាំង COVID-19 នឹងទទួលបានជោគជ័យក្នុងអំឡុងពេល ៦ខែមកនេះ។តាមទីភ្នាក់ងារសារព័ត៌មានស៊ីនហួរ លោកប្រធានាធិបតី Jokowi បានទៅត្រួតពិនិត្យមន្ទីរពេទ្យ នៃសកលវិទ្យាល័យវេជ្ជសាស្រ្ត Padjajaran នៅខេត្តជ្វាដែលជាទីតាំងនៃការធ្វើតេសវ៉ាក់សាំងនេះ។
លោកបានត្រួតពិនិត្យដោយការធ្វើតេស្តសាកល្បងវ៉ាក់សាំងប្រឆាំង COVID-19ដោយមាន អ្នកស្ម័គ្រចិត្ត ១៦២០នាក់។លោកប្រធានាធិបតីឥណ្ឌូណេស៊ី សង្ឃឹមថា នៅខែមករា ឆ្នាំ២០២១ខាងមុខនេះ ឥណ្ឌូនេស៊ីនឹងអាចចាប់ផ្ដើមផលិតវ៉ាក់សាំងទាំងនោះ ។លោក ប្រធានាធិបតីបានបង្ហើបអោយដឹងថា ក្រុមហ៊ុន Bio Farma នឹងត្រៀមផលិតវ៉ាក់សាំងរហូតដល់ ២៥០លានដូសក្នុងមួយឆ្នាំ។ ឥណ្ឌូនេស៊ី ជាប្រទេសមួយក្នុងតំបន់ ដែលមានអ្នកឆ្លងជំងឺកូវិដ មានចំនួនច្រើន ។
សម្រាប់ប្រទេសថៃក៏ធ្លាប់បានអះអាងថានឹងអាចមានវ៉ាក់សាំង ប្រឆាំងនឹងមេរោគកូរ៉ូណានេះផងដែរ។គិតត្រឹម ថ្ងៃ ទី១២ ខែសីហា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ជាង២លាននាក់ (២០៤៩២៩៥៩នាក់)។ ក្នុងនោះអ្នកស្លាប់មានចំនួន ៧សែន៤ម៉ឺន៤១៣៤នាក់ និងជាសះស្បើយឡើងវិញជាង១៣លាននាក់ (១៣លាន,៤សែន១ម៉ឺន៧៨១៤នាក់)។សហរដ្ឋអាមេរិក នៅតែជាប្រទេសដែល អ្នកឆ្លង និងស្លាប់ដោយសារជំងឺ COVID-19 មានចំនួនបច្រើនជាងគេ។ ប្រទេសប្រេស៊ីល ទី២ និងឥណ្ឌា ទី៣ ។ ប្រភពដំបូងដែលបណ្ដាលអោយរីករាលដាលនៃជំងឺកូវិដ- ១៩ នៅទូទាំងពិភពលោកគឺចេញពីក្រុងវូហាន់ប្រទេសចិន៕