បេក្ខជន​ប្រធានាធិបតី​បក្ស​ប្រជាធិបតេយ្យ Joseph Biden រើស​យក​សមាជិកព្រឹទ្ធសភា ភេទ​ស្រី ជា​ដៃគូ​សម្រាប់​តំណែង​អនុ​ប្រធានា ធិបតី​

បេក្ខជន​ឈរឈ្មោះ​ប្រធានាធិបតី​ខាង​បក្ស ប្រជា​ធិប តេយ្យ លោក Joseph Biden បានសម្រេច​ចិត្ត​រើស​យក​បេក្ខជន​ភេទ​ស្រី ជា​ដៃគូ​របស់​លោក​សម្រាប់​តំណែង​អនុ​ប្រធានា​ធិប តី ពី​និវេសនដ្ឋាន​របស់​លោក ក្នុង​រដ្ឋ Delaware ប៉ែក​ខាង​កើ​តស.រ​. អា។

ការ​ជ្រើសរើស​កាលពី​ថ្ងៃអង្គារ ទី១១ សីហា កន្លងទៅ​នេះ បាន​បំបាត់​នូវ​ភាព​សង្ស័យ​ដែល​ពលរដ្ឋ​អាមេរិកាំង​មាន​មួយ​រយៈកាល​កន្លងទៅ។ក្នុង​ការប្រកាស​ជា​ផ្លូវការ​ទទួលយក​បេក្ខ​ភា​ពប្រ​ធានា ធិបតី ដើម្បី​ប្រកួតប្រជែង​នឹង​ប្រធានា ធិបតី​កំពុង​កាន់ អំណាច លោក Donald Trump នៅ​សប្តាហ៍​ទី១ គឺ​ថ្ងៃទី៣ ខែវិច្ឆិកា ខាងមុខនេះ លោក Joseph Biden បាន​សន្យា​ថា លោក​នឹង​យក​ស្រ្តីជា​ដៃគូ ប៉ុន្តែ មិនបាន​បញ្ជាក់​អំពី​ពណ៌​សម្បុរ។

ដៃគូ​ក្នុង​តំណែង​អនុ​ប្រធានាធិបតី​ខាង​បក្ស ប្រជា​ធិប តេយ្យ ភេទ​ស្រី មាន​ពណ៌​សម្បុរ​ខ្មៅ គឺ​អ្នកស្រី កា​ម៉ា​ឡា ហ៊ែ​ររីស (Kamala Harris​) ដែល​បច្ចុប្បន្ន​ជាស​មា​ជិ​កព្រឹទ្ធសភា​ខាង​បក្ស ប្រជាធិបតេយ្យ ពីរ​ដ្ឋ​កា​លី​ហ្វ័​នី​ញ៉ា។ រៀន​ចេញពី​មហាវិទ្យាល័យ​ច្បាប់ Hastings នៃ​សកល វិទ្យាល័យ​កា​លី​ហ្វ័​នី​ញ៉ា អ្នកស្រី​ធ្វើជា​រដ្ឋអាជ្ញា ប្រចាំ​ក្រុង San Francisco។ អ្នកស្រី​បាន​ជាប់ឆ្នោត​បម្រើការ​ជា​អ្នកធ្វើ​ច្បាប់​លើក​ទី១សម្រាប់​អាណត្តិ៦ឆ្នាំ។ មុន​ក្លាយជា​សមា ជិ​កព្រឹទ្ធ សភា​ឆ្នាំ២០១៧ អ្នកស្រី កា​ម៉ា​ឡា ហ៊ែ​ររីស (Kamala Harris​) ធ្លាប់​ជាប់ឆ្នោត​បម្រើការ​ងារ​អនុវត្តន៍​ច្បាប់​ក្នុង​រដ្ឋ​កា​លី​ហ្វ័​នី​ញ៉ា ក្នុង​ថានៈ​ជា រដ្ឋមន្រ្តី​ក្រសួង​យុត្តិធម៌​ប្រចាំ​រដ្ឋ ដែល​មាន​ពល រដ្ឋ​ច្រើនជាង​គេ​ក្នុង​ស.រ.អា។

កា​ម៉ា​ឡា ដែល​មានន័យ​ជា​ភាសា​សំស្រ្កឹត​ថា ផ្កាឈូក រៀបការ​នឹង​លោក Douglas Emhoff ជា​មេធាវី។ អ្នកស្រី​ជា​កូនកាត់ មាន​ម្តាយ​ជា​ជនជាតិ​ឥណ្ឌា កាត់​សាសន៍ តា​មីល ពី​តំបន់​អាស៊ី​ខាងត្បូង ឪពុក​ជា​ជនជាតិ​អាហ្វ្រិក​ស្បែក​ខ្មៅ​ពី​ប្រទេស Jamaica នៅ​អាមេរិក​កណ្តាល។ ទាំងពីរ​នាក់​ឪពុក​−ម្តាយ ជួបគ្នា​កាល​នៅ​រៀន​ឯស​កល​វិទ្យាល័យ​ក្នុង​រដ្ឋ​កា​លី​ហ្វ័​រនី​ញ៉ា។ ឪពុក គឺ​លោក Donald Harris ជា​សាស្រ្តា​ចារ្យ​ផ្នែក​សេដ្ឋកិច្ច​នៃ​សកល វិទ្យាល័យ Stanford។ ម្តាយ គឺ​អ្នកស្រី Shyamala Gopalan Harris ជា​អ្នកស្រាវជ្រាវ​ផ្នែក​ជម្ងឺ​មហារីក។ ម្តាយ​ស្លាប់​ក្នុង​ឆ្នាំ២០០៩។

តាម​ការស្ទង់មតិ​ពី​ប្រភព​ជាច្រើន ពលរដ្ឋ​អាមេរិកាំង​ភាគច្រើន​ហាក់ដូចជា​មិនសូវ​សប្បាយចិត្ត​ចំពោះ​របៀប​ចាត់ចែង​កិច្ចការរដ្ឋ និង ការអនុវត្ត​ន៍​គោលនយោបាយ​ជាតិ ហើយនិង​គោលនយោបាយ​ក្រៅប្រទេស​របស់​លោក Donald Trump។ គួរ​កត់សម្គាល់​ថា បក្ស ប្រជា​ធិប​តេយ្យ ជា​បក្ស​មាន​គោលនយោបាយ​ជាតិ​យកចិត្ត​ទុកដាក់​នឹង​បញ្ហា​សង្គមកិច្ច សេដ្ឋកិច្ច​សង្គម ច្រើនជាង​បក្ស សាធារណរដ្ឋ។

នេះ​ជា​លើក​ទី១ក្នុង​ប្រវត្តិ​សាស្រ្ត​ជាង២០០ឆ្នាំ​នៃ​សហរដ្ឋអាមេរិក ដែល​បក្សនយោបាយ​ធំ​មួយ រើស​បេក្ខជន​ភេទ​ស្រី​ស្បែក​ខ្មៅ​ជា​អនុ​ប្រធានាធិបតី។ កាលពី​ថ្ងៃទី១២ សីហា លោក Joseph Biden និង អ្នកស្រី កា​ម៉ា​ឡា ហ៊ែ​ររីស (Kamala Harris​) ថ្លែងការណ៍​រួមគ្នា​ថា នឹង​ផ្លាស់​ប្តូរ​ជីវភាព​ពលរដ្ឋ​អាមេរិកាំង​ឲ្យ​វិល​ទៅ​រក​ភាព​ធម្មតា​ដូច​កាលមុន​ជម្ងឺ កូ​វិដ​−១៩ រាតត្បាត និង លើកមុខ​មា​ត់ស.រ.អា​លើ​ពិភពលោក​ឡើងវិញ ក្រោយ ពិធីសម្ពោធ ស្បថ​កាន់​តំណែង​ថ្ងៃទី២០ មករា ២០២១។

កាលពី​ខែកក្កដា មាន​កិច្ចប្រជុំ​ការងារ​ចម្រុះ​បក្ស​មួយ ត្រៀម​ផែនការ បន្ទាប់ពី​លោក Donald Trump បង្ហើប​ថា លោក​មិន​ចាកចេញ​ពី​សេតវិមាន​ទេ បើ​លោក​ចាញ់ ឆ្នោត​ដោយហេតុ​អយុត្តិធម៌​៕

© 2020, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.