36 C
Phnom Penh

នាវាចម្បាំង​ក្រិច​បើក​បុក​នាវាចម្បាំង​តួ​កគី​បង្ក​ភាព​តានតឹង​នៅ សមុទ្រ Mediterraneanខាងកើត​

ដោយ ឌឹ ខេមបូឌា ដេលី

បទវិភាគ

Turkish, Greek Frigates Collide in the Mediterranean Sea

នៅទីបំផុត នាវាចម្បាំង​របស់​ប្រទេស​ក្រិច​បានសម្រេច​បើក​បុក​នាវាចម្បាំង​របស់​តួ​កគី ដែល​កើតឡើង​នៅ​លើ​ដែនសមុទ្រ Mediterranean ខាងកើត។ នេះ​បើ​តាម ប្រភព​ពី​ក្រសួងការពារជាតិ​នៃ​ប្រទេស​ក្រិច​ហើយ​ត្រូវ​បាន​ទីភ្នាក់ងារ​សារព័ត៌មាន Reuters ដកស្រង់​ចុះផ្សាយ​នៅ​ថ្ងៃសុក្រ​ទី១៤ ខែសីហា​នេះ។

ហេតុការណ៍​នេះ បាន​កើតឡើង កាលពី​ថ្ងៃ​ព្រហស្បតិ៍ ក្នុង​សប្ដាហ៍​នេះ បន្ទាប់ពី​ប្រទេស​តួ​កគី​បាន​បញ្ជូន​នាវា​ខួង​ប្រេង​មួយ​គ្រឿង អម​ដោយ​នាវាចម្បាំង បាន​បើក​ចូល ទៅ​តំបន់​ដែនទឹក​ដែល​ប្រទេស​ក្រិច​អះអាង​ថា ជា​ដែន​អធិបតេយ្យ​របស់​ខ្លួន​ហើយ នាវា​តួ​កគី​បើក​ទៅ​ទីនោះ ដើម្បី ស្ទង់រក​អណ្ដូងប្រេង​កាត និង​ឧស្ម័ន។ ប៉ុន្តែ​សម្រាប់​តួ​កគី​ក៏បាន អះអាង​ថា តំបន់​នោះ​ជា​ដែនទឹក​របស់​តួ​កគី។

ពាក់ព័ន្ធ​ហេតុការណ៍​នេះ បាន​នាំ​អោយ ក្រុម​រដ្ឋមន្ត្រី​ការបរទេស​ជួប​ប្រជុំ​គ្នា​នៅ​ថ្ងៃនេះ។ នាវា​ខួង​ប្រេង​របស់​តួ​កគី Oruc Reis ត្រូវ​បាន​រាយការណ៍​មក​ថា បាន បើក​ឆ្លងកាត់​កោះ Cyprus និង​កោះ​មួយចំនួន​របស់​ក្រិច ហើយ​ក្រោយមក​នាវាចម្បាំង​ជាច្រើន​របស់​ក្រិច​ក៏បាន​បើក​សំដៅ​ទៅកាន់​នាវា​របស់​តួ​កគី។ក្រសួងការពារជាតិ​ប្រទេស​ក្រិច​បាន​បញ្ជាក់​ថា នាវាចម្បាំង​របស់​ក្រិច មិន​ចង់​ប៉ះ​ទង្កិច នឹង​នាវាចម្បាំង​របស់​តួ​កគី​នោះ​ទេ ប៉ុន្តែ​វា​ជា​ឧបទ្ទវហេតុ​ដែល​តួ​កគី​បង្កឡើង ព្រោះ​បាន​បើក​ចូល​ដែនទឹក​របស់​ក្រិច ចំ​ពេល នាវាចម្បាំង​របស់​ក្រិច បាន​កំពុង​ធ្វើ​សមយុទ្ធ​ទ័ពជើងទឹក​ជាមួយ កង​នាវាចម្បាំង​នៃ​ប្រទេស​បារាំង។

សេចក្ដីរាយការណ៍​របស់​សារព័ត៌មាន​អង់គ្លេស The Guardian បាន​ចុះផ្សាយ​ថា​ក្រិច​បាន​ប្រកាស​គ្រា​មាន​អាសន្ន​ផ្នែក​កងទ័ព ដោយ​កោះហៅ បុគ្គលិក​នៃ​កង​នាវាចម្បាំង និង​កងទ័ព​ជើងអាកាស ដែល​កំពុង​សម្រាក​ប្រចាំឆ្នាំ​អោយ​ត្រឡប់​មកកាន់​ទីតាំង​ឈរជើង​របស់​ខ្លួន​វិញ​ដើម្បី​ប្រឈម​ជាមួយ​ប្រទេស​តួ​កគី​ដែល​បញ្ជូន នាវាចម្បាំង​ជាច្រើន​គ្រឿង​ចូល​ទៅ​ដែនទឹក​របស់​ក្រិច។

រដ្ឋាភិបាល​នៃ ប្រទេស​តួ​កគី​បាន​បញ្ជូន​នាវា​ស្ទង់​ប្រេង​មួយ​ឈ្មោះថា Oruc Reis បំពាក់​ដោយ​ឧបករណ៍​ខួង​ប្រេង​អម​ដោយ​នាវាចម្បាំង​បាន​ទៅដល់​ដែនទឹក​នៃ សមុទ្រ​មេ​ឌីទ័​រ៉ូ​ណេ ខាងកើត ដែល​ប្រទេស​ក្រិច​អះអាង​ថា​បាន​ចូល​ដែនទឹក​របស់​ខ្លួន​ដោយ​បាន​ប្រាប់​ទៅ​តួ​កគី​អោយ​ដក​ត្រឡប់មកវិញ​នូវ​នាវា​ទាំងនោះ តែ​តួ​កគី​មិន​ស្ដាប់​ឡើយ ។ទាំង​ក្រិច និង​តួ​កគី គឺជា​សមាជិក​នៃ​អង្គការយោធា​ណា​តូ ប៉ុន្តែ​តួ​កគី បាន​កំពុង​ប្រែក្លាយ​ជាស​ត្រូវ​បន្តិច​ម្ដង​ៗរបស់​អង្គការ​នេះ ដោយ​បាន​ទិញ​កាំជ្រួច S-400 របស់​រុស្ស៊ី ដែល​ជា​ការបំពាន​គោល​ការ​ផ្ទៃក្នុង​របស់ ណា​តូ​ហើយ​បង្ក​ឲ្យ​ប្រទេស​ជាច្រើន នៅក្នុង​អង្គការ​ណា​តូ​សម្ដែង​កំហឹង​ទៅលើ​ប្រទេស​បារាំង​ជាពិសេស និង​សហរដ្ឋអាមេរិក។

សេចក្ដីរាយការណ៍​របស់The Guardian បាន​បញ្ជាក់​ទៀត​ថា សហរដ្ឋអាមេរិក សហភាព​អឺរ៉ុប អ៊ីស្រាអែល បាន​សំដែង​ការ​ព្រួយ បារម្ភ​អំពី​ស្ថានភាព​ដ៏​តាន់​តឹង​នេះ​ជាពិសេស​គឺ​ប្រទេស​បារាំង។បារាំង ដែល​ជាស​មា​ជិ​កនៃ​អង្គការ​ណា​តូ​បាន​បញ្ចូន​យន្ដ​ហោះRafael ទៅ​អន្ដរា​គមន៍​ជួយការ​ពារ ដែន​អធិបតេយ្យ​របស់​ក្រិច។ នេះ​បើ​តាម​នាយក​រដ្ឋមន្ត្រី​របស់​ក្រិច។នាយក​រដ្ឋ​មន្ដ្រី​ក្រិច Kyriakos Mitsotakis បាន​ថ្លែង​ទៅកាន់​ជនរួមជាតិ​ក្រិច​ថា ប្រទេស​របស់ យើង​មិន​គំរាមកំហែង​ប្រទេស​ណាមួយ​ទេ​ប៉ុន្ដែ​យើង​ក៏​មិន​អាច​ឲ្យ​ប្រទេស​ផ្សេងទៀត​មក គំរាមកំហែង​យើង​ដែរ។

លោក​បញ្ជាក់​ទៀត​ថា​នៅពេល​នេះ​ពិភពលោក​ទាំងមូល​មានការ​ព្រួយបារម្ភ​ជា​ខ្លាំង​អំ​ពី​មហិ​ច្ច​តា​របស់​តួ​កគី។ ដូច្នេះ​យើង​សូម​អរគុណ​លោក​ប្រធានាធិបតី បារាំង Emmanuel Macron ដែល​ជា​មិត្ត​ពិតប្រាកដ​របស់​ក្រិច​ដែល​ជា​អ្នកការពារ​យើង​ក្នុង​គ្រប់​តំលៃ នៃ​អឺរ៉ុប និង​ការពារ​ស្របតាម​ច្បាប់​អន្ដរ​ជាតិ។ ឥឡូវនេះ​យើង​ឃើញ​ហើយ​ថា​ប្រធានាធិបតី​បារាំង​បាន​ទាមទារ​ឲ្យ​តួ​កគី​បញ្ឈប់​សកម្មភាព​ស្ទង់​និង​រុករក​ឧស្ម័ន​នៅ​តំបន់​នោះ​ជាបន្ទាន់ ហើយ​បាន​ប្រកាស​ថា​បារាំង​នឹង​បញ្ជូន​កងទ័ព​និង​គ្រឿង​សព្វាវុធ​ទៅ​ក្រិច​ជាបន្ទាន់​បន្ថែម​ទៀត។បើ​តាម​នាយក​រដ្ឋមន្ត្រី​ក្រិច ក្រសួងការពារជាតិ​បារាំង​បាន​សំរេច​បញ្ជូន​យន្ដ​ហោះ Rafale ចំនួន ពីរ​គ្រឿង​និង​នាវាពិឃាត​មួយ​គ្រឿង​ទៅ​សមុទ្រ​មេ​ឌីទ័​រ៉ូ​ណេនៅ​តំបន់​ភាគ​ខាងកើត​នៃ​ប្រទេស ក្រិច​បន្ទាប់ពី​

ប្រធានាធិបតី​បារាំង​បាន​ថ្កោលទោស​តួ​កគី ហើយ​បាន​សម្ដែង​ការ​ព្រួយបារម្ភ​អំពី ស្ថានភាព​ដ៏​តាន់​តឹង​នេះ។តាម​មេដឹកនាំ​ក្រិច លោក Macron បាន​បញ្ជាក់​នៅក្នុង​សារលិខិត​របស់​លោក​ថា​តួ​កគី ត្រូវតែ​បញ្ឈប់​ជាបន្ទាន់ ហើយ​ត្រូវតែ​ត្រលប់​មក​តុ​ចរ​ចារ​ជាបន្ទាន់​ព្រោះ​តួ​កគី និង​ក្រិច​ក៏​ជាស​មា​ជិ​កអង្គការ​ណា​តូ​ដូច គ្នា។ជាមួយគ្នា​នេះ ប្រធានាធិបតី​បារាំងMacron ក៏បាន​អំពាវនាវ​ឲ្យ​សហភាព​អឺរ៉ុប​ដាក់ទណ្ឌកម្ម ប្រឆាំង​តួ​កគី​នូវ​អ្វី​ដែល​លោក​ហៅថា​ជា​ការបំពាន​លើ​ដែន​អធិបតេយ្យ​លើ​ប្រទេស​ក្រិច និង​កោះ​សីប។

ជាមួយគ្នា​នេះ​ទៀត​ប្រធាន​គោលនយោបាយ​ការបរទេស​សហភាព​អឺរ៉ុប​លោក Josep Borrell បាន​ហៅ ការ​ចល័ត​កង​កំលាំង​នាវាចម្បាំង​នៃ​ប្រទេស​ទាំងពីរ ក្រិច និង តួ​កគី​ថា​ជា​ការ​បង្ហាញ​អំពី​សញ្ញា​អាសន្ន​ហើយ​ត្រូវតែ​កោះ​ប្រជុំ​ជាបន្ទាន់​នៃ​ក្រុមប្រឹក្សា​ការបរទេស​នៃ​សហភាព​អឺរ៉ុប នៅ​ថ្ងៃសុក្រ​ទី១៤សីហា​នេះ។

ស្រប​ពេល​ជាមួយគ្នា​នេះ​មាន​សេចក្ដីរាយការណ៍​មក​ថា​បារាំង​និង​ក្រិច​ក៏បាន​ចាំ​ផ្ដើម​ធ្វើ​សម យុទ្ធ​ទ័ព​ជើង​ទឹ​កភ្លាម​ៗនៅ​ថ្ងៃទី១៣ ខែសីហា​នេះ​គឺ​នៅ​តំបន់​សមុទ្រ​មេ​ឌីទ័​រ៉ូ​ណេ​ភាគ​ខាងកើត ដែល​នៅ​ទីនោះ​នាវា​ខួង​ប្រេង​របស់​តួ​កគី​បាន​ស្ថិត​ទីនោះ​ដែរ។ប្រធានាធិបតី​តូ​គី​លោក Recep Tayyip Erdogan ព្រមាន​ថា ការ​បាញ់​នាវា​របស់​តួ​កគី គឺ​ត្រូវ​សង​មកវិញ​នូវ​តំលៃ​ខ្ពស់​បំផុត ហើយ​ពុំ​នោះ​ទេ តួ​កគី​នឹង​បាញ់កាំជ្រួច​សងសឹក​លើ​នាវា​នោះ​៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស