30 C
Phnom Penh

ក្រសួងធនធានទឹក និងឧតុនិយម ប្រាប់​ឱ្យ​ពលរដ្ឋ​ប្រុងប្រយ័ត្ន​ចំពោះ​បាតុភូត​ខ្យល់​កន្ត្រាក់​

ដោយ ឌឹ ខេមបូឌា ដេលី

បទវិភាគ

ក្រសួងធនធានទឹក និងឧតុនិយម បាន​អំពាវនាវ​ដល់​ប្រជាពលរដ្ឋ​ទាំងអស់​មានការ​ប្រុងប្រយ័ត្ន​ខ្ពស់​ចំពោះ​បាតុភូត​ផ្គរ រន្ទះ និង​ខ្យល់​កន្ត្រាក់​ដែល​នឹងអាច​កើតមានឡើង ចន្លោះ​ពី​ថ្ងៃទី២២ ដល់​ថ្ងៃទី២៤ ខែសីហា។

ជាង​នេះ​ទៀត ក្រសួង​ក៏បាន​សង្កត់ធ្ងន់​ទៅ​បណ្តា​ខេត្ត​នៅ​ភាគ​ពាយ័ព្យ​ជាប់​ប្រទេស​ថៃ និង​ខេត្ត​ជាប់​ជួរភ្នំ​ដងរែក ឱ្យ​បង្កើន​ការ​ប្រុងប្រយ័ត្ន​ចំពោះ​ភ្លៀង​ធ្លាក់​ច្រើន​ចាប់ពី​ចុង​សប្តាហ៍​នេះ ដល់​ដើម​សប្តាហ៍​ក្រោយ ដោយសារ​កម្ពុជា​រង​សម្ភាព​ទាប​ដែល​អូស​បន្លាយ​ពី​ប្រទេស​ថៃ។

ក្នុង​សេចក្តី​ជូនដំណឹង​របស់ក្រ​សួង​ធនធានទឹក និងឧតុនិយម នៅ​ថ្ងៃអង្គារ​នេះ បាន​លើកឡើង​ថា តាម​ការ​ព្យាករ​អាកាសធាតុ កម្ពុជា ទទួលរង​ឥទ្ធិពល​ពី​ជ្រលង​នៃ​ប្រព័ន្ធ​សម្ពាធ​ទាប​ដែល​អូស​បន្លាយ​ពី​ប្រទេស​ថៃ ដោយ​ឆ្លងកាត់​ប្រទេស​ឡាវ និង​វៀតណាម ខណៈ​ដែល​វិសម្ពាធ​ទាប​មួយ​បាន​កើតឡើង​លើស​មុទ្រ​ចិន​ខាងត្បូង​ដែល​អាច​វិវត្ត​ទៅជា​ព្យុះ​ទី៧។

ប្រភព​ដដែល​បន្ត​ថា ស្ថានភាព​បែបនេះ នឹង​ធ្វើ​ឱ្យ​បណ្តា​ខេត្ត​នៅ​តំបន់​វាលទំនាប​កណ្តាល អាច​នឹង​មាន​ភ្លៀង​ធ្លាក់​ពី​មធ្យម​ទៅ​ច្រើន និង​បណ្តា​ខេត្ត​នៅ​តំបន់​ជួរភ្នំ​ដងរែក និង​ខ្ពង់រាប​ឦសាន អាច​មាន​ភ្លៀង​ធ្លាក់​ពី​បង្គួរ​ទៅ​ច្រើន ខណៈ​បណ្តា​ខេត្ត​ជាប់មាត់​សមុទ្រ អាច​នឹង​មាន​ភ្លៀង​ធ្លាក់​ក្នុង​កម្រិត​ពី​ខ្សោយ​ទៅ​មធ្យម។

ជាមួយគ្នា​នេះ ក្រសួងធនធានទឹក ក៏​អំពាវនាវ​ដល់​បងប្អូន​ប្រជាពលរដ្ឋ សូម​ប្រុងប្រយ័ត្ន​ចំពោះ​បាតុភូត ផ្គរ រន្ទះ និង​ខ្យល់​កន្ត្រាក់ ដែល​អាច​នៅ​បន្ត​កើតមាន។ លើស​ពីនេះ តាម​បណ្ដា​ខេត្ត​នៅ​ភាគ​ពាយ័ព្យ​ជាប់​ប្រទេស​ថៃ និង​ខេត្ត​ជាប់​ជួរភ្នំ​ដងរែក សូម​ប្រុងប្រយ័ត្ន ចំពោះ​ភ្លៀង​ធ្លាក់​ច្រើន​ជាប់​បន្ត​ចាប់ពី​ថ្ងៃទី ២២​-២៤ ខែសីហា​៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស