ក្រសួងប្រៃសណីយ៍ ប្រាប់ឱ្យអ្នកប្រើប្រាស់បណ្តាញសង្គម WhatsApp មានការប្រុងប្រយ័ត្នចំពោះចោរបច្ចេកវិទ្យា លួចគណនីផ្ទាល់ខ្លួន

ក្រសួងប្រៃសណីយ៍ និងទូរគមនាគមន៍ ធ្វើការណែនាំទៅអ្នកប្រើប្រាស់បណ្តាញសង្គមត្រូវប្រុងប្រយ័ត្ន ដោយសារតែមានចោរ បច្ចេកវិទ្យា ឬHackers ធ្វើជាផ្ញើសារតាមប្រព័ន្ធ WhatsApp ទៅកាន់អ្នកប្រើប្រាស់ ដើម្បីទទួលបានលេខកូដ៦ខ្ទង់ រួចលួច log ចូលគណនីនោះ មកគ្រប់គ្រងជំនួសម្ចាស់ដើមវិញ។

សេចក្តីជូនដំណឹងរបស់ក្រសួងប្រៃសណីយ៍ កាលពីម្សិលមិញបញ្ជាក់ថា នាពេលថ្មីៗនេះ ចោរបច្ចេកវិទ្យាឬ Hackers បានវាយប្រហារដោយធ្វើការក្លែងបន្លំជាផ្ញើសារតាម WhatsApp ទៅកាន់អ្នកប្រើប្រាស់ ដែលក្រសួងហៅថាជាជនរងគ្រោះ។ សារដែលផ្ញើទៅនោះ មានខ្លឹមសារ ថា «Sorry ! I send 6digit code by SMS by mistake. Can you transfer it to me? It is Urgent» ។ ក្រសួងបន្តថា ខ្លឹមសារនេះក៏អាចផ្ញើទៅកាន់មិត្តភក្តិឬអ្នកដែលយើងស្គាល់ក្នុងគណនី WhatsApp ដែលគេលួចរួចហើយផងដែរ។

ក្រសួងរំឭកថា អ្នកប្រើប្រាស់ទាំងអស់មិនត្រូវផ្ញើលេខកដ៦ខ្ទង់ ទៅឱ្យអ្នកដទៃនោះទេ ទោះជាមនុស្សស្គាល់គ្នា ឬធ្លាប់ផ្ញើសារ (Chat) ជាមួយគ្នារាល់ថ្ងៃក៏ដោយ ជាពិសេសលេខកូដ៦ខ្ទង់នៃបណ្តាញសង្គម ដូចជា WhatsApp , Telegram, Messenger, Viber, Line ឬកម្មវិធីប្រើប្រាស់សេវាធនាគារតាមទូរសព្ទ ជាដើម។

ករណីនេះ ក្រសួងបញ្ជាក់ថា បើចោរបច្ចេកវិទ្យា Hackers ទទួលបានលេខកូដ៦ខ្ទង់នោះ នោះពួកគេអាចមានលទ្ធភាព Log ចូលគណនី WhatsApp របស់អ្នកប្រើប្រាស់ ដោយប្រើលេខកូដ ៦ខ្ទង់ និងលេខទូរសព្ទរបស់អ្នកប្រើប្រាស់ដោយជោគជ័យផងដែរ។

ក្រសួងណែនាំថា អ្នកប្រើប្រាស់ WhatsApp ទាំងអស់ត្រូវពិនិត្យខ្លឹមសារនិងគណនីរបស់បុគ្គលដែលផ្ញើសារមកឱ្យបានច្បាស់លាស់ និងមិនគួរធ្វើតាមការទាមទាររបស់ក្រុម Hackers ទេ ទើបចៀសវាងជាប់អន្ទាក់របស់ក្រុមទាំងនោះ។

លើសពីនេះ ប្រសិនបើអ្នកប្រើប្រាស់ WhatsApp មានការសង្ស័យនៅពេលមានអ្នកផ្ញើសារសុំលេខកូដ៦ខ្ទង់នោះ គួរតែតេទៅសាកសួរម្ចាស់គណនីដោយផ្ទាល់វិញ។ ប៉ុន្តែបើសិនជាតេទៅ ម្ចាស់គណនីមិនមែនជាម្ចាស់ពិតប្រាកដទេ ម្ចាស់គណនីត្រូវចុចបិទឬ Block ចោលតែម្តង។ ក្នុងករណីបាត់បង់គណនី WhatsApp របស់ខ្លួន អ្នកប្រើប្រាស់អាចព្យាយាម Log ចូល WhatsApp របស់ខ្លួនសារជាថ្មីទៀត ដើម្បីទទួលបានការកាន់កាប់ជាថ្មីឡើងវិញ៕

បទវិភាគ

អត្ថបទវិភាគ៖ ដំណោះស្រាយនយោបាយតឹងតែង

បទវិភាគ៖ បក្សកាន់អំណាចបង្កើតបន្ទប់ឃ្លាំមើលអ្នកប្រើប្រាស់អ៊ីនធឺណិត១០ឆ្នាំមកហើយ

បទវិភាគ៖ បើបក្សប្រឆាំងនៅថៃឈ្នះឆ្នោត តើពលរដ្ឋកម្ពុជាគួរបង្ហាញឆន្ទៈបោះឆ្នោតដូចម្តេចនៅខែកក្កដា?

បទវិភាគ៖ អ្វីនៅពីក្រោយមេដឹកនាំចិនសម្រេចលើកទូរសព្ទនិយាយទៅរកលោក ហ្សេឡេនស្គី?

បទវិភាគ៖ តើអ្វីទៅជាអាថ៌កំបាំងនៃការបិទវិទ្យុសំឡេងប្រជាធិបតេយ្យ VOD?

បទវិភាគ៖ សមាជិកណាតូនៅអឺរ៉ុបខាងកើតកាន់តែកក់ក្ដៅប្រឆាំងការគំរាមឈ្លានពានពីរុស្ស៊ី

បទវិភាគ៖ ពិភពលោកមិនអាចបញ្ចប់សង្គ្រាមរុស្ស៊ីនិងអ៊ុយក្រែនដោយការចរចាបានទេ

បទវិភាគ៖ នៅតំបន់អាស៊ីយ៉ាងតិច ៥ទីតាំង អាចប្រឈមមុខនឹងការផ្ទុះសង្គ្រាម

អត្ថបទទាក់ទង

មន្ត្រីជាន់ខ្ពស់បក្សភ្លើងទៀនម្នាក់សុំឈប់ពីតួនាទីសមាជិកគណៈកម្មាធិការអចិន្ត្រៃយ៍និងគណៈកម្មាធិការនាយក

លោក ហ៊ុន សែន សម្ដែងមោទនភាពដែលក្លាយជាឪពុករបស់នាយករដ្ឋមន្ត្រីកម្ពុជា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

ខួបឆ្នាំទី៥៣ដែលសម្ដេចនរោត្ដម សីហនុ ត្រូវបានបោះឆ្នោតដកសេចក្ដីទុកចិត្តពីតំណែងប្រមុខរដ្ឋ

គ្រួសារលោក ហ៊ុន សែន ត្រូវគេរកឃើញថាជាអ្នកនៅពីក្រោយនៃការចរាចរគ្រឿងញៀនដ៏ធំនៅតាមក្លឹបរាត្រី

របរកាប់ឈើ និងពលកម្មទណ្ឌិតក្នុងខេត្តកោះកុង

អត្ថបទប្រៀបធៀប៖ ការប្រើប្រាស់កម្លាំងបាយ និងប្រាជ្ញា

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។