38 C
Phnom Penh

អ្នកជំនាញម្នាក់ថា វ៉ាក់សាំងចិននៃក្រុមហ៊ុន Sinopharm មានបញ្ហាដល់សុខភាពមនុស្សដោយ បង្កអោយបានបាត់ការចងចាំ

ដោយ ឌឹ ខេមបូឌា ដេលី

បទវិភាគ

មកដល់ពេលនេះ បណ្ដាប្រទេសអ្នកមាន និងប្រទេសឧស្សាហកម្មជឿនលឿន បានចាប់ផ្ដើម ប្រើប្រាស់វ៉ាក់សាំង បង្កាជំងឺកូវិដ១៩ បណ្ដើរៗហើយ ទោះជាវ៉ាក់សាំង នោះពុំទាន់ទទួលបានការអនុម័តពី អង្កការសុខភាពពិភពលោក ក៏ដោយ។ 

មកដល់ពេលនេះ អង្កការសុខភាពពិភពលោក បានផ្ដល់ការអនុម័តឲ្យ វ៉ាក់សាំងនៃប្រទេសអាល្លឺម៉ង់ នៃក្រុមហ៊ុន BioNTech និងក្រុមហ៊ុន Pfizer នៃសហរដ្ឋអាមេរិកដែលមានប្រសិទ្ធភាពខ្ពស់ហើយមិនប៉ះពាល់សុខភាពរបស់មនុស្ស។

សម្រាប់សហរដ្ឋអាមេរិក បានបញ្ជាទិញ វ៉ាក់ សាំងពីក្រុមហ៊ុន Pfizer ចំនួនរហូតទៅដល់ ៦រយ លានដូស ខណៈប្រទេសសមាជិក ២៧ប្រទេសនៃសហភាពអឺរ៉ុប កំពុងបង្កើនការចាក់វ៉ាក់សាំងជូនប្រជាជនរបស់ខ្លួនទាំង ៤៥០លាននាក់ ដោយលការបញ្ជាទីញពីក្រុមហ៊ុនទាំង២នេះ។ ចំណែកប្រទេសជប៉ុន បានបញ្ជាទិញវ៉ាក់សាំងពីក្រុម Pfizer របស់អាមេរិក ១២០លានដូស។ សម្រាប់អង់គ្លេស បានកំពុងប្រ់ប្រាស់វ៉ាក់សាំង ទាំងពីរក្រុមហ៊ុននេះ មុនគេបង្អស់។ ប្រទេសផ្សេងៗទៀត ក៏បានដាក់ពាក្យស្នើសុំដែរ ពីក្រុមហ៊ុនទាំង២នេះ ។

សម្រាប់អាស៊ីអាគ្នេយ៍គឺប្រទេសសិង្ហបុរី បានបញ្ជាទិញមុនគេ ពីក្រុមហ៊ុនទាំង២នេះ។ រីឯប្រទេសក្រីក្រមួយចំនួន កំពុងរង់ចាំ ជំនួយ ពីប្រទេសអ្នកមាន និងពីអង្កការសុខភាពពិភពលោក។ 

ប៉ុន្តែអ្វីដែល ធ្វើអោយមានការចាប់អារម្មណ៍  សារព័ត៌មានតៃវ៉ាន់ គឺ Taiwan News បានចុះផ្សាយនៅថ្ងៃទី១១ ខែមករា ឆ្នាំ២០២១នេះថា  វ៉ាក់សាំងចិននៃក្រុមហ៊ុន Sinopharm មានបញ្ហាប៉ះពាល់ដល់សុខភាពមនុស្សធ្ងន់ធ្ងរ ។

សារព័ត៌មាននេះ បានបញ្ជាក់ថា ខ្លួនគេបាន ស្រង់សំដី របស់អ្នកឯកទេសខាងឱសថ បង្ការមេរោគ ដែលគេហៅថា វ៉ាក់សាំងគឺអ្នកឯទេស Tao Lina ដែលមានមូលដ្ឋាននៅសៀងហៃ។ តាមអ្នកឯទេសរូបនេះឲ្យដឹងថា វ៉ាក់សាំងរបស់ក្រុម ក្រុមហ៊ុន Sinopharm ជាវ៉ាក់សាំងបង្ការជំងឺកូវិដ-19 មានអាការៈប៉ះពាល់សុខភាពមនុស្ស ដូចជា បង្កអោយឡើងសំពាធឈាម ការបាត់បង់ការចងចាំ ការបាត់បង់ជីវហាវិញ្ញាណ  និងប៉ះពាល់ដល់ប្រព័ន្ធតម្រង់នោមជាដើម។

សារព័ត៌មាន Taiwan News បានដកស្រង់សម្តី អ្នកឯកទេស Tao Lina ដែលបានធ្វើការពន្យល់ដូចនេះ នៅលើគេហទំព័រ Weibo page របស់លោក ហើយត្រូវបាន សារព័ត៌មាន Ming Pao នៅទីក្រុងហុងកុង ចុះផ្សាយបន្ត។

ទោះជាបែបនេះក្ដីពុំមានអ្នកឯទេស ណាផ្សេងទៀត ឬ ប្រភពឯករាជ្យណាផ្សេងទៀត បានសុំការឆ្លើយបតបពី ក្រុមហ៊ុន Sinopharm នៅឡើយទេ ខណៈ ក្រុមនេះ ក៏បានពុំទាន់ឃើ់ញប្រតិកម្ម នឹងការចុះផ្សាយរបស់សារព័ត៌មាន Taiwan News នៃដែនកោះតៃវ៉ាន់នេះនៅឡើយ។

តាមច្បាប់នៃប្រទេសចិន ជនណា ឬ សារព័ត៌មានណា និយាយបំភ្លើស បង្ខូចកេរ្តិ៍ ដែលជាការផ្សាយព័ត៌មានមិនពិត នឹងប្រឈមនឹងការចោទប្រកាន់តាមផ្លូវច្បាប់ ហើយមានទោស ជាច្រើនឆ្នាំ។ ប៉ុន្តែគណនី Weibo របស់អ្នកឯកទេស Tao Lina ត្រូវបានអាជ្ញាធរចិន ប្លុកជាបន្ទាន់ ដោយចោទថា គណនី Weibo បានរំលោភគោលការណ៍ច្បាប់របស់ប្រទេសចិន។

ក្រុមហ៊ុន Sinopharm គឺជាសារជីវកម្ម ឱសថជាតិនៃប្រទេសចិន ។ ក្រុមហ៊ុន Sinopharm ត្រូវបានអនុម័តទទួលស្គាល់ជាផ្លូវការដោយ រដ្ឋបាលផលិតឱសថជាតិ នៃប្រទេសចិន។

បែបនេះក្ដី ប្រធានអង្គការសុខភាពពិភពលោក WHO លោក Tedros Adhanom Ghebreyesus បានឱ្យដឹងថា ក្រុមអ្នកឯទេសរបស់លោក កំពុងស្ថិតនៅក្នុង ប្រទេសចិន ដើម្បីវាយតម្លៃអំពីប្រសិទ្ធភាព និងសុវត្ថិភាពរបស់វ៉ាក់សាំង COVID-19 ផលិតឡើងដោយក្រុមហ៊ុនចិន Sinovacនិងក្រុមហ៊ុន Sinopharm។

លោក Tedros បានបញ្ជាក់ទៀតថា ក្រុមអ្នកឯកទេស WHO កំពុងធ្វើការជាមួយក្រុមហ៊ុនចិន Sinovac និងក្រុមហ៊ុន Sinopharm ដើម្បីវាយតម្លៃលើបេក្ខភាព និងប្រសិទ្ធភាពវ៉ាក់សាំង COVID-19 របស់ក្រុមហ៊ុនចិនទាំងពីរនេះ ថាតើស្របទៅតាមបទដ្ឋានគុណភាពអន្តរជាតិ ឬយ៉ាងណា  មុននឹងបញ្ចូលវ៉ាក់សាំងរបស់ក្រុមហ៊ុនទាំង២នេះ ទៅក្នុងបញ្ជីប្រើប្រាស់ក្នុងករណីបន្ទាន់ របស់អង្គការសុខភាពពិភពលោក។

បើតាមលទ្ធផលនៃការធ្វើតេស្ដ ក្នុងដំណាក់កាលចុងក្រោយ ចេញផ្សាយកាលពីពេលថ្មីនេះគឺ វ៉ាក់សាំង COVID-19 របស់ក្រុមហ៊ុន Sinopharm គឺមានប្រសិទ្ធភាពជាង ៧៩% រីឯវ៉ាក់សាំងរបស់ក្រុមហ៊ុន Sinovac មានប្រសិទ្ធភាព ៧៨ភាគរយ។

ប្រធានអង្គការសុខភាពពិភពលោក លោក Tedros បានលើកឡើងថា ពេលនេះបញ្ហាគួរអោយព្រួយបារម្ភ គឺ ប្រទេសមានប្រាក់ចំណូលទាប និងមធ្យមមិនទាន់បានទទួលវ៉ាក់សាំង COVID-19 នៅឡើយទេ ។

ក្នុងន័យនេះ លោកបានអំពាវនាវ ឲ្យប្រទេសអ្នកមានទាំងឡាយ បញ្ឈប់ការសម្រុកចុះកិច្ចព្រមព្រៀង ទិញវ៉ាក់សាំងពីក្រុមហ៊ុននានា ជាបណ្តោះអាសន្នសិនដោយទុកឱកាសដល់ប្រទេសក្រីក្រផង។

តាមប្រធាន WHO គឺលោកចង់ឲ្យបណ្តាប្រទេសអ្នកមាន បញ្ឈប់ការបង្កើតកិច្ចព្រមព្រៀងនានា និងជួយសម្រួលឲ្យកម្មវិធីចែកចាយវ៉ាក់សាំងក្នុងកម្មវិធី COVAX បានទៅដល់ប្រទេសក្រីក្រ។

គិតមកដល់ពេលនេះ ប្រទេស និងដែនកោះ ចំនួន២១៨ បានឆ្លងកូវិដ ១៩ ក្នុងនោះ មនុស្ស ផ្ទុកជំងឺនេះ មានជាង៩០លាននាក់ និងស្លាប់ជិត២លាននាក់៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស