31 C
Phnom Penh

ជនជាតិចិនបាញ់សម្លាប់ចិនដូចគ្នា ផ្អើលក្រុងព្រះសីហនុ ហើយខ្មាន់កាំភ្លើងគេចខ្លួនដោយសុវត្ថិភាព

ដោយ ឌឹ ខេមបូឌា ដេលី

បទវិភាគ

សមត្ថកិច្ចនគរបាល នៃស្នងការដ្ឋានខេត្តព្រះសីហនុ បានឲ្យដឹងថា ខ្មាន់កាំភ្លើងជនជាតិចិនម្នាក់ បានធ្វើសកម្មភាពបាញ់ប្រហារបុរសម្នាក់ ដែលជាជនជាតិចិនដូចគ្នា បណ្ដាលឲ្យស្លាប់នៅកន្លែងកើតហេតុ កាលពីព្រឹកថ្ងៃទី២១ ខែមករា ឆ្នាំ២០២១។

ឃាតកម្មនេះកើតឡើង នៅចំណុចមុខកាស៊ីណូ ជីយវនីសិន ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។ សមត្ថកិច្ច បញ្ជាក់ថា ជនរងគ្រោះជនជាតិចិន ដែលត្រូវខ្មាន់កាំភ្លើងបាញ់ស្លាប់នោះ ជិះរថយន្ដម៉ាក Rang Rover ពណ៌ខ្មៅ ពាក់ផ្លាកលេខភ្នំពេញ 2AL-9459។ ចំណែកជនសង្ស័យ បន្ទាប់ពីបានបាញ់សម្លាប់ជនរងគ្រោះរួចមក ហើយ ក៏បានជិះរថយន្ដ ០១គ្រឿង ម៉ាក Ford Ranger Rapter ពណ៌ខ្មៅ ពាក់ផ្លាកលេខ ភ្នំពេញ 2BI-1413 យកទៅផ្លុងចោលនៅដីឡូត៍មួយកន្លែង នៅម្តុំឆ្នេរអូរឈើទាល២ (អតីតឆ្នេរអារីស្តុន) ហើយចុះពីរថយន្តគេចខ្លួនបាត់។

ទាក់ទិនឃាតកម្មខាងលើនេះ  សមត្ថកិច្ចនៅមិនទាន់អាចបញ្ជាក់ ពីដើមហេតុ ដែលនាំឲ្យមានការបាញ់ប្រហារនេះ នៅឡើយទេ។ បច្ចុប្បន្ន កម្លាំងសមត្ថកិច្ចជំនាញ ខេត្តព្រះសីហនុ កំពុងចុះស្រាវជ្រាវតាមចាប់ខ្លួនខ្មាន់កាំភ្លើងខាងលើ នេះ ដោយកចិត្ដទុកដាក់ ដើម្បីឈានដល់នាំខ្លួន ជនល្មើសយកមកផ្ដន្ទាទោសតាមច្បាប់៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស