Latest
កូរ៉េខាងជើងបញ្ជាឱ្យផលិតអាវុធនុយក្លេអ៊ែរថែមទៀតក្រោយពីអាវុធនេះដាក់ចូលក្នុងរដ្ឋធម្មនុញ្ញ
ប្រធានាធិបតីកូរ៉េខាងជើង ដែលគេហៅថាជាមេដឹកនាំនៃត្រកូលសន្តតិវង្សកាន់អំណាចតពីឪពុក ពីជីតារបស់ខ្លួន បានចេញបទបញ្ជាទៅកាន់បក្សពលករ ឬបក្សកុម្មុយនីស្តឱ្យខិតខំផលិតអាវុធនុយក្លេអ៊ែរឱ្យកាន់តែមានចំនួនច្រើនឡើង។
ទីភ្នាក់ងារសារព័ត៌មានមជ្ឈិមបក្សកូរ៉េ KCNA បានរាយការណ៍មកថា ការចេញបទបញ្ជារបស់លោក គីម ជុងអ៊ុន ធ្វើឡើងរយៈពេល ២ថ្ងៃក្រោយពេលសភារបស់ប្រទេសផ្ដាច់ការមួយនេះអនុម័តបញ្ចូលឋានៈប្រទេសជាមហាអំណាចអាវុធនុយក្លេអ៊ែរទៅក្នុងរដ្ឋធម្មនុញ្ញជាផ្លូវការ។
លោក គីម ជុងអ៊ុន បានហៅអាវុធនុយក្លេអ៊ែររបស់កូរ៉េខាងជើង គឺជាឧបករណ៍មួយដើរតួនាទីយ៉ាងសំខាន់ប្រឈមមុខនឹងមហាអំណាចអាមេរិក ដែលជាប្រទេសនុយក្លេអ៊ែរធំបំផុតមួយដែរនៅលើពិភពលោក។
លោក ជុងអ៊ុន បាននិយាយថា គោលនយោបាយកសាងកងកម្លាំងនុយក្លេអ៊ែររបស់កូរ៉េខាងជើង ត្រូវបានបញ្ចូលជាអចិន្ត្រៃយ៍ជាមូលដ្ឋានច្បាប់របស់រដ្ឋ ដែលគ្មាននរណាម្នាក់អាចល្មើស ឬបំពានបានឡើយ។
មេដឹកនាំរបបនៅក្រុងព្យុងយ៉ាង បានធ្វើការកត់សម្គាល់បែបនេះនៅឯកិច្ចប្រជុំនៃសភាប្រជាជនជាន់ខ្ពស់កាលពីថ្ងៃអង្គារ...
