41.3 C
Phnom Penh

រដ្ឋាភិបាល​អនុញ្ញាត​ឱ្យ​ក្រសួង​ការពារ​ជាតិ​ជ្រើសរើស​ពល​ទាហាន​៤៧​នាក់​បំពេញ​តម្រូវការ​ក្រុង​បូកគោ​ដែល​ទើប​បង្កើត​ថ្មី

ដោយ ឌឹ ខេមបូឌា ដេលី

បទវិភាគ

រដ្ឋាភិបាល​កម្ពុជា បាន​សម្រេច​អនុញ្ញាត​ឱ្យ​ក្រសួង​ការពារ​ជាតិ ជ្រើសរើស​ពល​ទាហាន​ចំនួន ៤៧​នាក់ ដើម្បី​បំពេញ​ក្របខ័ណ្ឌ​ឲ្យ​កងឯកភាព​សម្រាប់​ក្រុង​បូកគោ ខេត្ត​កំពត ដែល​ទើប​បង្កើត​ថ្មី ស្រប​ពេល​ដែល​រដ្ឋាភិបាល​ប្រកាស​ថា​នឹង​គ្មាន​ការ​ជ្រើសរើស​បុគ្គលិក​មន្ត្រី​រាជការ​ក្របខ័ណ្ឌ​ថ្មី​ទេ​សម្រាប់​ឆ្នាំ​២០២១ នេះ។

សេចក្ដី​សម្រេច​របស់​ប្រមុខ​រដ្ឋាភិបាល លោក ហ៊ុន សែន កាលពី​ថ្ងៃ​ទី​១០ ខែ​សីហា ឆ្នាំ​២០២១ ហើយ​ដែល​សារព័ត៌មាន The Cambodia Daily ទទួល​បាន​នៅ​ថ្ងៃ​ទី​២០ សីហា បាន​លើកឡើង​ថា ពល​ទាហាន​ទាំង ៤៧​នាក់​ដែល​នឹង​ត្រូវ​ជ្រើសរើស​ថ្មី​នេះ ត្រូវ​ទៅ​បំពេញ​ការងារ​នៅ​មូលដ្ឋាន​កង​រាជ​អាវុធហត្ថ​ក្រុង​បូកគោ ចំណុះ​ឲ្យ​កង​រាជ​អាវុធហត្ថ​ខេត្ត​កំពត ចំនួន ៣១​នាក់ និង​ផ្នែក​សឹករង​បូកគោ​ចំណុះ​តំបន់​ប្រតិបត្តិការ​សឹក​រង​កំពត ចំនួន ១៦​នាក់។

ក្រុង​បូកគោ នៃ​ខេត្ត​កំពត ត្រូវ​បាន​រាជរដ្ឋាភិបាល​កម្ពុជា បាន​ចេញ​អនុក្រឹត្យ​សម្រេច​បង្កើត​កាលពី​ថ្ងៃ​ទី​១៦ ខែ​មីនា ឆ្នាំ​២០២១ ដោយ​កាត់​យក​ឃុំ​ចំនួន​០៣ ពី​ស្រុក​ទឹកឈូ គឺ​ឃុំ​បឹងទូក ឃុំ​កោះតូច និង​ឃុំ​ព្រែកត្នោត ដោយសារ​ស្ថានភាព​ស្រុក​ទឹកឈូ មាន​ភូមិសាស្ត្រ​ផ្ទៃដី​ធំ​ទូលាយ និង​មាន​ប្រជាពលរដ្ឋ​រស់នៅ​ច្រើន ដែល​ធ្វើ​ឱ្យ​អាជ្ញាធរ​ស្រុក​ជួប​ការ​លំបាក​ក្នុង​ការ​គ្រប់គ្រង​រដ្ឋបាល ការ​ផ្តល់​សេវា​សាធារណៈ សេវា​រដ្ឋបាល​នានា ការ​ថែរក្សា​សន្តិសុខ និង​សណ្ដាប់ធ្នាប់​សាធារណៈ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស