 ទៅថ្ងៃទី២១ និងទី២២ ខែវិច្ឆិកា ឆ្នាំ២០២២ វិញ ដើម្បីសម្រួលដល់ការរៀបចំកិច្ចប្រជុំអាស៊ាន និងកិច្ចប្រជុំកំពូលដែលពាក់ព័ន្ធនៅរាជធានីភ្នំពេញ។){kind=link}
ក្រសួងអប់រំ យុវជន និងកីឡា ប្រកាសសម្រេចពន្យារពេលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ទៅថ្ងៃទី២១ និងទី២២ ខែវិច្ឆិកា ឆ្នាំ២០២២ វិញ ដើម្បីសម្រួលដល់ការរៀបចំកិច្ចប្រជុំអាស៊ាន និងកិច្ចប្រជុំកំពូលដែលពាក់ព័ន្ធនៅរាជធានីភ្នំពេញ។
យោងតាមការជូនដំណឹងរបស់ក្រសួងអប់រំ បានឲ្យដឹងថា ដើម្បីបញ្ចៀសការរំខាននានាដល់កិច្ចប្រជុំអាស៊ាន និងកិច្ចប្រជុំកំពូលដែលពាក់ព័ន្ធនៅរាជធានីភ្នំពេញ និងដើម្បីធានាថាដំណើរការប្រឡងសញ្ញាបត្រមធ្យមសិក្សាទុតិយភូមិ នឹងប្រព្រឹត្តទៅដោយរលូន ក្រសួងសម្រេចពន្យារពេលនៃការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២១-២០២២ ដែលគ្រោងរៀបចំនៅថ្ងៃទី១៤ និងទី១៥ ខែវិច្ឆិកា ឆ្នាំ២០២២ ទៅថ្ងៃទី២១ និងទី២២ ខែវិច្ឆិកា ឆ្នាំ២០២២ វិញ។
ក្រសួងនឹងផ្សព្វផ្សាយកម្មវិធីការងារលម្អិតស្ដីពីការរៀបចំ និងការប្រឡងសញ្ញាបត្រមធ្យមសិក្សាទុតិយភូមិទៅតាមដំណាក់កាលនីមួយៗ។ ការជូនដំណឹងនេះ ក៏ដើម្បីឱ្យគ្រឹះស្ថានអប់រំ អាណាព្យាបាល សិស្សានុសិស្សបានត្រៀមលក្ខណៈផងដែរ។
កម្ពុជានឹងធ្វើជាម្ចាស់ផ្ទះកិច្ចប្រជុំកំពូលអាស៊ានលើកទី៤០ និង៤១ ក៏ដូចជាកិច្ចប្រជុំកំពូលពាក់ព័ន្ធ គ្រោងប្រព្រឹត្តទៅពីថ្ងៃទី១០ ដល់ថ្ងៃទី១៣ ខែវិច្ឆិកា ឆ្នាំ២០២២។ ហេតុដូចនេះហើយបានជាក្រសួងអប់រំ សម្រេចពន្យារពេលប្រឡង ដើម្បីបញ្ចៀសការរំខាននានាដល់កិច្ចប្រជុំ និងធានាពីដំណើរការប្រឡងឱ្យមានភាពរលូន៕