37.3 C
Phnom Penh

លោក ហ៊ុន សែន សម្រេច​ឱ្យ​ប្រើ​អត្តសញ្ញាណប័ណ្ណ​គំរូ​ថ្មី​ផុត​សុពលភាព​អាច​បោះឆ្នោត​បាន​នៅ​ខែ​កក្កដា​ខាងមុខ

ដោយ ឌឹ ខេមបូឌា ដេលី

បទវិភាគ

បុរស​ខ្លាំង​ក្រាញ​អំណាច​ត​ពូជ​នៅ​កម្ពុជា លោក ហ៊ុន សែន សម្រេច​ឲ្យ​ពលរដ្ឋ​ដែល​កាន់​អត្តសញ្ញាណប័ណ្ណ​សញ្ជាតិ​ខ្មែរ​គំរូ​ថ្មី​ផុត​សុពលភាព អាច​យក​ទៅ​បោះឆ្នោត​បាន ខណៈ​លោក​បាន​ផាត់​បក្ស​ភ្លើង​ទៀន​មិន​ឲ្យ​ចូលរួម​បោះឆ្នោត​នៅ​ខែ​កក្កដា ខាងមុខ​នេះ។

ការ​សម្រេច​របស់​លោក ហ៊ុន សែន ធ្វើឡើង​នៅ​ក្នុង​អនុក្រឹត្យ​ស្ដីពី​ការ​បន្ត​សុពលភាព​អត្តសញ្ញាណប័ណ្ណ​សញ្ជាតិ​ខ្មែរ​គំរូ​ថ្មី​ដែល​បាន​ផុត​សុពលភាព អាច​ប្រើប្រាស់​សម្រាប់​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៧ ចុះ​ថ្ងៃទី​២០ ខែ​មិថុនា ឆ្នាំ​២០២៣។

បើ​តាម​អនុក្រឹត្យ​ដដែល​ថា អត្តសញ្ញាណប័ណ្ណ​សញ្ជាតិ​ខ្មែរ​គំរូ​ថ្មី​ដែល​បាន​ផុត​សុពលភាព​ប្រើប្រាស់​ក្នុង​ឆ្នាំ​២០២២ និង​ឆ្នាំ​២០២៣ គឺ​ត្រូវ​បាន​បន្ត​សុពលភាព​សម្រាប់​ប្រើប្រាស់​ក្នុង​ការ​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៧ រហូត​ដល់​ត្រឹម​ថ្ងៃ​ប្រកាស​លទ្ធផល​ផ្លូវការ​នៃ​ការ​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៧។

ទោះបីជា​លោក ហ៊ុន សែន ប្រកាស​ឲ្យ​ប្រជាពលរដ្ឋ​យក​អត្តសញ្ញាណប័ណ្ណ​អស់​សុពលភាព​ទៅ​បោះឆ្នោត​ក្ដី ប៉ុន្តែ​ការ​បោះឆ្នោត​នៅ​ថ្ងៃទី​២៣ ខែ​កក្កដា ឆ្នាំ​២០២៣ ខាងមុខ​នេះ មិន​មាន​គណបក្ស​ប្រឆាំង​ចូលរួម​ប្រកួតប្រជែង​ឡើយ។

ការ​បោះឆ្នោត​ជ្រើសតាំង​តំណាងរាស្ត្រ​ខាងមុខ​នេះ បណ្ដាញ​ប្រទេស​លោក​សេរី ក្នុង​នោះ​សហរដ្ឋ​អាមេរិក អូស្ត្រាលី និង​បារាំង ជាដើម មិន​បាន​បញ្ជូន​អ្នក​សង្កេតការណ៍​មក​ចូលរួម​ទេ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស