យោងតាមទីភ្នាក់ងារសារព័ត៌មាន Reuters នៅថ្ងៃច័ន្ទ ទី២១ ខែមេសា ទីក្រុងប៉េកាំង បានព្រមានប្រទេសកូនបំណុលរបស់ខ្លួនទាំងអស់ ត្រូវហ៊ានប្រឆាំងនឹងការចុះកិច្ចព្រមព្រៀងពាណិជ្ជកម្មណាមួយជាមួយសហរដ្ឋអាមេរិក ដែលធ្វើយ៉ាងណាមិនឱ្យចិន ខាតបង់ផលប្រយោជន៍។
ក្រសួងពាណិជ្ជកម្មចិន បានប្រកាសថា ទីក្រុងប៉េកាំង មានការយល់យោគដល់គ្រប់ភាគីទាំងអស់ក្នុងការដោះស្រាយបញ្ហាសេដ្ឋកិច្ច និងពាណិជ្ជកម្មជាមួយសហរដ្ឋអាមេរិក តាមរយៈកិច្ចពិភាក្សាដោយផ្អែកលើគោលការណ៍ស្មើភាព ប៉ុន្តែក្រុងប៉េកាំង ស្នើឱ្យប្រទេសសម្ព័ន្ធភាពពាណិជ្ជកម្មជាមួយចិន ត្រូវហ៊ានប្រឆាំងនឹងសង្គ្រាមពាណិជ្ជកម្មជាមួយសហរដ្ឋអាមេរិក ដែលធ្វើយ៉ាងណាជួយការពារផលប្រយោជន៍របស់ចិន ដែលថារាល់ការចុះកិច្ចព្រមព្រៀងពាណិជ្ជកម្មជាមួយអាមេរិក មិនឱ្យចិន ខាតបង់ឡើយ។
ក្រសួងពាណិជ្ជកម្មចិន ព្រមានថា ក្រុងប៉េកាំង នឹងចាត់វិធានការវាយបកក្នុងករណីដែលប្រទេសណាមួយចុះកិច្ចព្រមព្រៀងពាណិជ្ជកម្មជាមួយអាមេរិក ដែលធ្វើឱ្យខូចផលប្រយោជន៍សេដ្ឋកិច្ចរបស់ចិន។
បើតាមទីភ្នាក់ងារសារព័ត៌មាន Reuters ប្រតិកម្មរបស់ក្រសួងពាណិជ្ជកម្មចិន កើតមានឡើងគឺជាការវាយបកទៅលើរដ្ឋការលោកប្រធានាធិបតីអាមេរិក ដូណាល់ ត្រាំ ដែលកំពុងបន្ថែមសម្ពាធលើបណ្ដាប្រទេសដែលជាប្រភពស្រូបផលិតផលប្រទេសចិន ដោយវេចខ្ចប់ផលិតផលចិន ថាជាផលិតផលរបស់ខ្លួន ហើយបញ្ជូនចូលទៅទីផ្សារអាមេរិក ដើម្បីទទួលបានការអនុគ្រោះពន្ធពីសហរដ្ឋអាមេរិក៕
© 2025, . All rights reserved.