Wednesday, September 18, 2019
Home Authors Posts by Eang Mengleng

Eang Mengleng

334 POSTS 0 COMMENTS
Reporter

តុលាការ​​​ចោទ​​​ប្រកាន់​​​មនុស្ស​​​បី​​​នាក់​​​ពី​​​បទ​​​សម្លាប់​​​ស្ត្រី​​​ជន​​​ជាតិ​​​ភាគតិច​​​ព្នង ​​​ម្នាក់​​​ថា​​​ចេះ​​​អំពើ​​​អាប​​​ធ្មប់

ក្រុម​មន្ត្រី​បាន​ឲ្យ​ដឹង​កាលពី​ម្សិលមិញ​ថា ​សាលា​ដំបូង​ខេត្ត​ក្រចេះ​កាលពី​ថ្ងៃ​សៅរ៍​បាន​​​ចោទ​ប្រកាន់​មនុស្ស​បី​នាក់​​ពី​បទ​សម្លាប់​ស្ត្រី​អាយុ​៣២​ឆ្នាំ​ម្នាក់​យ៉ាង​​​ព្រៃ​​​ផ្សៃ ដែល​​​ពួកគេ​ជឿ​ថា ចេះ​​​អំពើ​អាប​ធ្មប់ ដោយ​ធ្វើ​ឲ្យ​មនុស្ស​ស្លាប់​ដ៏​​​អាថ៌​កំបាំង​ជា​ច្រើននាក់​នៅ​ក្នុង​សហគមន៍​របស់​ខ្លួន ចំណែក​ជនសង្ស័យ​ទី៤​ម្នាក់​ទៀត​កំពុង​រត់គេច​ខ្លួន​​។ យោង​តាម​លោក ឈិន សំបូរ អធិការ​រង​នគរ​បាល​ស្រុក​បាន​ឲ្យ​ដឹង​ថា​ លោក ចក់ ណែម អាយុ​២៦​ឆ្នាំ និង​លោក ត្រៃ អេន អាយុ​៥៦​ឆ្នាំ​ និង​អ្នកស្រី យ៉យ អន អាយុ​៥៨​ឆ្នាំ​ត្រូវ​បាន​ចាប់​ខ្លួន​កាលពី​ថ្ងៃ​ព្រហស្បតិ៍​ពី​បទ​សម្លាប់​អ្នកស្រី អ៊ុំ ផាតមុំ ជា​ជនជាតិ​ដើម​ភាគតិច​ព្នង​​​មកពី​​ខេត្ត​មណ្ឌលគិរី​...

មន្ត្រី​កង​រាជ​អាវុធ​ហត្ថ​ពីរ​នាក់​ត្រូវ​បាន​ចាប់ខ្លួន​បន្ទាប់ពី​បាញ់​បោះ​ពេល​មាន​ជម្លោះ ​​នៅ​កន្លែង​ផឹក​ស៊ី​តាម​ចិញ្ចើម​ផ្លូវ​

យោង​តាម​នគរបាល​មូលដ្ឋាន​បាន​ឲ្យ​ដឹង​ថា មន្ត្រី​កង​រាជ​អាវុធ​ហត្ថ​ពីរ​នាក់​ត្រូវ​បាន​ចាប់​ខ្លួន​កាលពី​វេលា​ទៀប​ភ្លឺ​ថ្ងៃ​ម្សិលមិញ​បន្ទាប់​ពី​ធ្វើការ​បោះ​ក្នុង​ទី​សា​ធារ​ណៈ​អំឡុង​ការ​ប៉ះទង្គិច​គ្នា​នៅ​កន្លែង​ផឹកស៊ី​មួយ​ពេល​ស្រវឹង​ស្រា​ស្ថិត​ក្នុង​ខណ្ឌ​៧មករា រាជ​ធានី​ភ្នំពេញ។ លោក ម៉ុក បុរាណឆសាក់ ​នាយ​ប៉ុស្តិ៍​សង្កាត់​វាល​វង់​​បាន​មាន​ប្រសាសន៍​ថា លោក គុជ យឹម​សុភា អាយុ​៥២ឆ្នាំ និង​លោក អ៊ុក បូរ៉ា អាយុ​៣៨​ឆ្នាំ​បាន​ផឹកស៊ី​នៅ​កន្លែង​លក់​ស្រា​តាម​ចិញ្ចើម​ផ្លូវ​មួយ​ជាមួយ​មិត្ត​ភក្តិ​ពីរ​នាក់​ទៀត ស្រាប់តែ​មាន​ជម្លោះ​កើតឡើង​នៅ​ម៉ោង​ប្រហែល​៤និង​៥៥នា​ទី​ទៀប​​ភ្លឺ​បន្ទាប់ពី​លោក បូរ៉ា បាន​និយាយ​ថា លោក​ចង់​ត្រឡប់​ទៅ​ផ្ទះ។ លោក បុរាណ​ឆសាក់ បាន​មាន​ប្រសាសន៍​ថា លោក យឹមសុភា អាយុ​៥២ឆ្នាំ​ជា​គណនេយ្យ​ករ​នៅ​កង​រាជ​អាវុ​ធ​ហត្ថ បាន​បាញ់​មួយ​គ្រាប់​ឡើង​លើ​ជា​ការ​...

ភូមិ​មួយ​ក្នុង​ក្រុង​ភ្នំពេញ​ញាំញី​ដោយ​សកម្មភាព​ថ្នាំ​ញៀន

ក្នុង​ទី​ប្រជុំជន​ស្កេះស្កះ​ដោយខ្ទម​មួយ​កន្លែង ដែល​មាន​ផ្លូវ​ខ្វាត់ខ្វែង​នៅ​ខណ្ឌ សែន សុខ រាជធានី​ភ្នំពេញ មាន​សហគមន៍​ក្រីក្រ​មួយ​ពោរពេញ​ដោយ​ថ្នាំ​មេតំ​ហ្វេ​តា​មីន ឬ ហៅ​ថា "ទឹកកក" ជា​ប្រភេទ​ថ្នាំ​ញៀន​ខ្លាំង តែ​មាន​តម្លៃ​ថោក ត្រូវ​បាន​គេ​លក់​ចេញពី​ខ្ទម​ជាច្រើន និង​ប្រើប្រាស់​ដោយ​ប្រជាជន​ក្នុង​សហគមន៍ មាន​តាំង​ពី​ក្មេង​អាយុ​១២​ឆ្នាំ​ឡើងទៅ។ នគរបាល​បាន​ធ្វើការ​ឆ្មក់​ចាប់​ជាង​៥០​លើក​ក្នុង​តំបន់​នោះ​កាលពី​ខែ​មុន ប៉ុន្តែ​សមាជិក​សហគមន៍​និយាយ​ថា មេខ្លោង​គឺ​ជា​មន្ត្រី​ថ្នាក់​ខ្ពស់​ម្នាក់ ហើយ​ថា​អាជ្ញាធរ​មូលដ្ឋាន​ឃុបឃិត​ក្នុង​ការ​ជួញដូរ​គ្រឿងញៀន​នេះ។ នៅ​ម្ខាង​ផ្លូវ​ទល់​មុខ​មន្ទីរ​ពេទ្យ​ព្រះកុសុមៈ គឺ​ភូមិ​ត្រពាំង​ឈូក​ក្នុង​សង្កាត់​ទឹក​ថ្លា មិន​សូវ​គេ​ស្គាល់​ទេ ប៉ុន្តែច្រក​ផ្លូវ​ដ៏​ចង្អៀត​នីមួយៗ​បែក​ចេញ​ពី​ផ្លូវ​ធំ គឺជា​ផ្លូវ​ចូល​ទៅ​កាន់​ផ្លូវដើរ​ធ្វើ​ពី​ឈើ​រយីករយាក ហើយ​ជា​ផ្លូវ​ទាល់ ដែល​តភ្ជាប់​ទៅ​នឹងផ្ទះ​ខ្ទម​ប្រក់​ស័ង្កសី​ប្រហែល​២០០​ខ្នង​ស្អេកស្កះ ដែល​អណ្តែត​ឃ្លីងឃ្លោង​លើ​បឹង​កក​ស្ទះ​ដោយ​សំរាម។ គេ​ដឹង​ឮ​គ្រប់គ្នា​ថា...

អាណិកជន​ខ្មែរ​រស់​នៅ​អាមេរិកបដិសេធ​ថា​ ខ្លួន​គ្មាន​បាន​ធ្វើ​អ្វី​ខុស​ឡើយ​

បុរស​អាណិកជន​ខ្មែរ​រស់​នៅ​អាមេរិក​ម្នាក់​ ដែល​​​អាជ្ញាធរ​កម្ពុជា​តាម​ចាប់​ខ្លួន​ពីបទ​គំរាម​សម្លាប់​មេដឹកនាំ​របស់​ប្រទេស​កម្ពុជា​បាន​ចេញ​មក​ការ​ពារ​ខ្លួន​នៅ​លើ​បណ្ដាញ​អុីនធើណិត​ ដោយ​បដិសេធ​ថា ខ្លួន​គ្មាន​ធ្វើ​អ្វី​ខុស​ទេ ហើយ​បាន​អំពាវ​នាវ​ឲ្យ​លោក កឹម​ សុខា អនុប្រធាន​គណបក្ស​សង្គ្រោះ​ជាតិ​ជួយ​។ លោក សំរិទ្ធី ដេវីដ​យឿន អាយុ​៤៩​ឆ្នាំ គឺ​ជា​អាណិកជន​ខ្មែរ​រស់​នៅ​អាមេរិក​ម្នាក់​ក្នុង​​ចំណោម​អាណិកជន​ខ្មែរ​រស់​នៅ​អាេមរិក​ចំនួន​បីនាក់​ ដែល​ត្រូវ​​បាន​ចោទ​ប្រកាន់​ពីបទ​​គំរាម​សម្លាប់​មេដឹកនាំ​កម្ពុជា​នៅ​ដើម​ឆ្នាំ​នេះ​​នៅ​ពេល​អ្នក​គាំទ្រ​គណបក្ស​សង្គ្រោះ​ជាតិ​ក្នុង​រាជ​ធានី​ភ្នំពេញ​នាំ​គ្នា​ធ្វើ​ការ​តវ៉ា​ប្រឆាំង​លទ្ធផល​នៃការ​បោះ​ឆ្នោត​ដ៏​ចម្រូង​ចម្រាស​កាលពី​ឆ្នាំ​មុន។ នគរ​បាល​អន្តរជាតិ​អំាងទែប៉ូល​ក៏​បាន​ចេញ​​បទ​បញ្ជា​ចាប់​ខ្លួន​ជន​ទាំង​បី​នាក់​នេះ​ដែរ​។ ប្រព័ន្ធ​ផ្សព្វ​ផ្សាយ​ក្នុង​ស្រុក​បាន​​ធ្វើ​សេចក្ដី​ការណ៍​ថា ជនទាំង​បី​នាក់​នេះ​គឺ​ជា​អ្នក​គាំទ្រ​គណបក្ស​សង្គ្រោះ​ជាតិ​។ កាលពី​ថ្ងៃ​សុក្រ លោក យឿន បាន​ប្រើ​ទំព័រ​ហ្វេសប៊ុក​របស់​លោក ដើម្បី​បដិសេធ​​​ថា ខ្លួន​គ្មាន​ធ្វើ​អ្វី​ខុស​ឡើយ​។ លោក​បានអំពាវ​នាវ​ឲ្យ​មេដឹកនាំ​គណបក្ស​ប្រឆាំង​ជួយ​ខ្លួន​​​ឲ្យ​រួច​ផុត​​ពី​ការ​ចោទ​ប្រកាន់​នេះ ប៉ុន្តែ​ស្រប​ពេល​ដំណាល​គ្នា​នោះ​ដែរ​ លោក​បាន​លើក​ឡើង​ថា លោក​មិន​ខ្លាច​ការ​ចាប់​ខ្លួន​ឡើយ​។ លោក​បាន​និយាយ​ថា...

ជនជាតិ​ខ្មែរ​អាមេរិក​បី​នាក់​ត្រូវ​គេ​តាម​ចាប់​ពី​បទ​គំរាម​សម្លាប់​មេដឹកនាំ​ខ្មែរ

ដីកា​ចាប់​ខ្លួន​អន្តរជាតិ​ត្រូវ​បាន​ចេញ​ដើម្បី​ចាប់​ពលរដ្ឋ​ខ្មែរ​អាមេរិក​៣​នាក់ ដែល​រដ្ឋាភិបាល​ចោទ​ថា បាន​គំរាម​សម្លាប់​មេដឹកនាំ​ខ្មែរ​ជាច្រើន​នាក់។ នគរបាល​អន្តរជាតិអាំងទែប៉ូល​បាន​បន្ថែម​ឈ្មោះ បូណា ប៊ុនផាត់ អាយុ​៤៤​ឆ្នាំ ម៉ៅ ឃឿន អាយុ៥០​ឆ្នាំ និង យឿន សំរិទ្ធី ដេវិដ អាយុ​៤៩​ឆ្នាំ លើ​បញ្ជី​តាម​ចាប់​ខ្លួន​របស់​អាំងទែប៉ូល ពី​បទធ្វើ​ការ​គំរាមកាលពី​ដើម​ឆ្នាំ​នេះ ក្នុងពេល​ដែល​អ្នក​គាំទ្រ​គណបក្ស​សង្គ្រោះ​ជាតិ​ធ្វើ​បាតុកម្ម​ជាច្រើន​លើក​ក្នុង​ក្រុង​ភ្នំពេញ ដើម្បី​តវ៉ា​នឹង​លទ្ធផល​បោះ​ឆ្នោត​កាលពី​ឆ្នាំ​មុន។ លោក ខៀវ សុភ័គ អ្នក​នាំពាក្យ​ក្រសួង​មហាផ្ទៃ​បាន​បញ្ជាក់​ថា រដ្ឋាភិបាល​បាន​ស្នើ​អាំងទែប៉ូល​និង​សហរដ្ឋ​អាមេរិក​ឲ្យ​បញ្ជូន​អ្នក​ទាំង​នេះ​ពី​រដ្ឋ​វ៉ាស៊ីនតោន រដ្ឋ​ផេនស៊ីលវែនៀ​និង​រដ្ឋ​ចចចា មក​កម្ពុជា​ឲ្យ​ប្រឈម​នឹង​ការ​កាត់​ទោស។ លោក​ឧត្តមសេនីយ៍...

តុលាការ​ចោទប្រកាន់​យុវជន​ប្រាំពីរ​នាក់​ពី​បទ​កាប់​យុវជនម្នាក់រហូត​ដល់ស្លាប់

ក្រុម​​​មន្ត្រី​​​បាន​​​និយាយ​​​កាល​​​ពីម្សិលមិញ​​​ថា យុវជន​​​ប្រាំពីរ​​​នាក់​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​មនុស្ស​​​ឃាត​​​កាល​​​ពី​​​យប់​​​ថ្ងៃ​​​សុក្រ ជុំ​​​វិញ​​​ការ​​​សម្លាប់​​​ក្មេង​​​ជំទង់​​​ម្នាក់​​​ដ៏​​​ឃោរឃៅ​​​នៅ​​​ក្នុង​​​ខេត្ត​​​ត្បូង​​​ឃ្មុំ​​​កាល​​​ពី​​​សប្តាហ៍​​​មុន​​​។ នគរ​​​បាន​​​លើក​​​ឡើង​​​ថា ម៉ាប់ ណៃ អាយុ​​​១៦​​​ឆ្នាំ​​​ ត្រូវ​​​បាន​​​កាប់នឹងពូថៅ​​​ដល់ស្លាប់បន្ទាប់​​​ពី​​​រត់​​​គេច​​​ជា​​​មួយ​​​មិត្ត​​​ភក្តិ​​​ម្នាក់​​​ពី​​ពិធី​មួយក្នុង​ថ្ងៃ​​​បុណ្យភ្ជុំ​​​បិណ្ឌ​​​មួួ​​យ​​​ក្នុង​​​ឃុំ​​​ថ្ម​​​ពេជ្រ ស្រុក​​​ត្បូង​​​ឃុំ​​​កាល​​​ពី​​​យប់​​​ថ្ងៃ​​​ទី​​​២២​​​ ខែ​​​កញ្ញា បន្ទាប់ពី​​​មាន​​​ជម្លោះ​​​ជា​​​មួយ​​​ក្មេង​​​ជំទង់​​​មួយ​​​ក្រុម​​​ទៀត​​​នៅ​​​កន្លែង​​​រាំ​​​​​​កម្សាន្ត​​​មួយ។ ជន​​​សង្ស័យ​​​ប្រាំ​​​នាក់​​​ អាយុ​​​១៦​​​ដល់​​​១៨​​​ឆ្នាំ​​​ ត្រូវ​​​បាន​​​ចាប់ខ្លួន​​​កាល​​​ពី​​​ថ្ងៃ​​​អង្គារ និង​​​ថ្ងៃ​​​ពុធ​​​។ ​​​​​​​​​ លោក ឱក នី នាយ​​​ប៉ុស្តិ៍​​​ឃុំបាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា "សែម សុភា អាយុ​​​២០​​​ឆ្នាំ និង​​​ យ៉ែម ប៊ុនហួ អាយុ​​​២១ឆ្នាំ ត្រូវ​​​បាន​​​ចាប់ខ្លួន​​​​​​កាល​​​ពី​​​ថ្ងៃ​​​ព្រហស្បតិ៍ ហើយ​​​ត្រូវ​​​បាន​​​បញ្ជូន​​​ទៅ​​​តុលាការ​​​កាល​​​ពី​​​ថ្ងៃ​​​សុក្រ​​​"។ លោក ហួត វុទ្ធី ព្រះ​​​រាជ​​​អាជ្ញា​​​អម​​​សា​​​លា​​​ដំបូង​​​ខេត្ត​​​កំពង់​​​ចាម​​​បាន​​​មាន​​​ប្រសាសន៍​​​ថា ជន​​​សង្ស័យ​​​ទាំង​​​ប្រាំពីរ​​​នាក់​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​មនុស្ស​​​ឃាត​​​កាល​​​ពី​​​ថ្ងៃសុក្រ ហើយ​​​ត្រូវ​​​បាន​​​បញ្ជូន​​​ទៅ​​​ឃុំ​​​ខ្លួន​​​បណ្តោះ​​​អាសន្ន​​​នៅ​​​ពន្ធ​​​នាគារ​​​ខេត្ត​​​កំពង់​​​ចាម។ នគរបាល​​​បាន​​​រក​​​ឃើញ​​​សាក​​​សព​​​ ម៉ាប់​​​ ណៃ ចម្ងាយ​​​ប្រហែល​​​២០០​​​ម៉ែត្រ​​​ ពី​​​កន្លែង​រាំកម្សាន្តនោះ​​​​​​ដោយ​​​មាន​​​ស្នាម​​​កាប់​​​ប្រហែល​​​១០​​​ពូថៅ​​​។ មិត្ត​​​ភក្តិ​​​របស់​​​ជន​​​រង​​​គ្រោះ​​​រូបនេះ​អាច​​​រត​់​គេច​​​ខ្លួន​​​រួច​​​។ ប្រសិន​​​បើ​​​ត្រូវ​​​បាន​​​រក​​​ឃើញ​​​ពិរុទ្ធ​​​ភាព​​​ ជន​​​សង្ស័យ​​​ទាំង​​​នេះ​​​ប្រឈម​​​នឹង​​​ការ​​​ជាប់​​​ពន្ធ​​​នាគារ​​​ពី​​​១០​​​ទៅ​​​១៥​​​ឆ្នាំ៕សារុន​​​​​​​​​  

កង​​​រាជ​​​អាវុធ​​​ហត្ថ​​​កម្ចាត់​​​អ្នក​​​ប្រើ​​​ប្រាស់​​​ថ្នាំ​​​ញៀន​​​ពី​​​ផ្ទះ​​​មួយ​​​ក្នុង​​​រាជ​​​ធានី​​​ភ្នំពេញ​​​

អាជ្ញាធរ​​​មូល​​​ដ្ឋាន​​​បាន​​​ឲ្យ​​​ដឹង​​​ថា កង​​​រាជ​​​អាវុធ​​​ហត្ថ​​​បាន​​​ឆ្មក់​​​ចូល​​​កន្លែង​​​ចែក​​​ចាយ​​​​​​និង​​​ប្រើ​​​ប្រាស់​​​ថ្នាំ​​​ញៀន​​​មួយ​​​កន្លែង​​​ នៅ​​​ក្នុង​​​ខណ្ឌ​​​សែន​​​សុខ​​​កាល​​​ពី​​​យប់​​​ថ្ងៃ​​​សៅរ៍ ហើយ​​​​​​ចាប់​​​ខ្លួន​​​បាន​​​មនុស្ស​​​ចំនួន​​​១១​​​នាក់​​​ពី​​​បទ​​​ប្រើ​​​ប្រាស់​​​ និង​​​ចែក​​​ចាយ​​​ថ្នាំ​​​ញៀន​​​​​​ ប្រភេទ​​​ម៉ាទឹក​​​កក​​​។ ​​លោក​​​ តាន់ ណាវិន ចៅ​​​សង្កាត់​​​​​​ទឹក​​​ថ្លា​​​បាន​​​ឲ្យ​​​ដឹង​​​កាល​​​ពី​​​ម្សិលមិញ​​​ថា ការ​​​ឆ្មក់​​​ចូល​​​នេះ​​​គឺ​​​​​​ជា​​​ការ​​​ខិត​​​ខំ​​​ថ្មី​​​បំផុត​​​ដើម្បី​​​កម្ចាត់​​​​​​អ្នក​​​ប្រើ​​​ប្រាស់​​​ថ្នាំ​​​ញៀន ពី​​​ផ្ទះ​​​​​​ចែក​​​ចាយ​​​​​​ និង​​​ប្រើ​​​ប្រាស់​​​ថ្នាំញៀន ដែល​​​គេ​​​សាង​​​សង់​​​ឡើង​​​លើ​​​​​​បឹង​​​ទឹក​​​ស្អុយ​​​មួយ​​​កន្លែង​​​នៅ​​​សង្កាត់​​​ទឹក​​​ថ្លា​​​។ លោក​​​បាន​​​មាន​​​ប្រសាសន៍​​​ថា "អ្នក​​​ប្រើ​​​ប្រាស់​​​ថ្នាំ​​​ញៀន​​​យ៉ាង​​​តិច​​​ចំនួន​​​៥០​​​នាក់​​​ត្រូវ​​​បាន​​​ចាប់ខ្លួន​​​  ក្នុង​​​ខែ​​​នេះ​​​។ អ្នក​​​ខ្លះ​​​ត្រូវ​​​បាន​​​បញ្ជូន​​​ទៅ​​​ពន្ធ​​​នាគារ​​​ ហើយ​​​អ្នក​​​ផ្សេង​​​​​​​​​ទៀត​​​ដែល​​​ត្រូវ​​​បាន​​​ដោះ​​​លែង​​​វិញ​​​នោះ​​​ បាន​​​ត្រឡប់​​​មក​​​ផ្ទះ​​​នេះ​​​​​​ម្តង​​​ទៀត"។ កាល​​​ពី​​​ឆ្នាំ​​​២០០៨​​​ មាន​​​អគ្គិភ័យ​​​ដ៏​​​ធំ​​​មួយ​​​បាន​​​ឆាប​​​ឆេះ​​​តំបន់​​​នេះ​​​ ហើយ​​​ធ្វើ​​​ឲ្យ​​​មនុស្ស​​​រាប់​​​រយ​​​​​គ្រួសារ​​​បាត់​​​បង់​​​ផ្ទះ​​​សំបែង​​​ ប៉ុន្តែ ក្រោយ​​​មក​​​ផ្ទះ​​​បណ្ដោះ​​​អាសន្ន​​​ត្រូវ​​​បាន​​​គេ​​​សាង​​​សង់​​​នៅ​​​លើ និង​​​ជុំ​​​វិញ​​​បឹង​​​ទឹក​​​ស្អុយ​​​នេះ​​​។ លោក ណាវិន បាន​​​ឲ្យ​​​ដឹង​​​ទៀត​​​ថា ផ្ទះ​​​ដែល​​​កាន់​​​កាប់​​​ដោយ​​​អ្នក​​​ប្រើ​​​ប្រាស់​​​ថ្នាំ​​​ញៀន​​​នេះ​​​ ពិបាក​​​ចូល​​​ទៅ​​​ដល់​​​​​​ណាស់​​​​​​។ នៅ​​​ពេល​​​នគរ​​​បាល​​​​​​បាន​​​ចូល​​​ទៅដល់​​​ផ្ទះ​​​នោះ​​​កាល​​​ពី​​​ថ្ងៃ​​​សៅរ៍ មនុស្ស​​​មួយ​​​ចំនួន​​​បាន​​​រត់​​​គេច​​​ខ្លួន​​​ចូល​​​ទៅ​​​ក្នុង​​​បឹង​​​បាត់​​​ទៅហើយតាម​​​រូង​​​មួយ​​​​​​នៅ​​​ក្នុង​​​ផ្ទះ​​​ ចំណែក​​​ឯ​​​អ្នក​​​ដែល​​​មិន​​​អាច​​​គេច​​​ខ្លួន​​​បាន​​​ បាន​​​គប់​​​ថ្នាំ​​​ញៀន​​​របស់​​​​​ខ្លួន​​​​​​ចូល​​​ទៅ​​​ក្នុង​​​ទឹក​​​។ លោក​​​បាន​​​បន្ថែម​​​ថា គេ​​​មិន​​​អាច​​​រក​​​ភ័ស្តុ​​​តាង​​​ឃើញ​​​ទេ​​​នៅ​​​កន្លែង​​​កើត​​​ហេតុ​​​ ហើយ​​​ថា នគរ​​​បាល​​​នៅ​​​មិន​​​ទាន់​​​កំណត់​​​អត្ត​​​សញ្ញាណ​​​ម្ចាស់​​​ផ្ទះ​​​បាន​​​នៅ​​​ឡើយ​​​ទេ​​​។ លោក បាន់ សុភាព ប្រធាន​​​នាយក​​​ដ្ឋាន​​​ប្រឆាំង​​​គ្រឿង​​​ញៀន​​​រាជ​​​ធានី​​​របស់​​​​​​កង​​​រាជ​​​អាវុធ​​​ហត្ថ​​ បាន​​​ឲ្យ​​​ដឹង​​​ថា អ្នក​​​ដែល​​​ត្រូវ​​​បាន​​​ចាប់​​​ខ្លួន​​​ទាំង​​​នោះ​​​​​​ដែល​​​រួម​​​មាន​​​ស្ត្រី​​​ម្នាក់​​​​​​ផង​​​ គឺ​​​សុទ្ធ​​​តែ​​​មាន​​​អាយុ​​​ចន្លោះ​​​ពី​​​១៨​​​ដល់​​​២៥​​​ឆ្នាំ​​​។ លោក​​​បាន​​​មាន​​​ប្រសាសន៍​​​ថា "ពួក​​​គេ​​​ទាំង​​​អស់​​​សុទ្ធ​​​តែ​​​ជា​​​អ្នក​​​ប្រើ​​​ប្រាស់​​​ថ្នាំ​​​ញៀន ហើយ​​​អ្នក​​​ខ្លះ​​​ទៀត​​​ក្នុង​​​ចំណោម​​​នោះ ទំនង​​​ជា​​​អ្នក​​​ចែក​​​ចាយ​​​ថ្នាំ​​​ញៀន ប៉ុន្តែ មេខ្លោង​​​​​​មិន​​​មាន​​​វត្តមាន​​​នៅ​​​ទី​​​នោះ​​​ទេ​​​៕ស៊ុយ​​​ឈាង​​​​​​  

អ្នក​យក​ព័ត៌មាន​២​នាក់​ជាប់ចោទ​ក្នុង​ករណី​គំរាម​យក​ប្រាក់

កាលពី​ថ្ងៃ​អង្គារ តុលាការ​ខេត្ត​កំពតបាន​ចោទ​អ្នក​យក​ព័ត៌មាន​២​នាក់​ពី​បទ​គំរាម​យក​ប្រាក់ ទោះជា​យ៉ាង​នេះ​ក្តី ក្រុមមន្ត្រីមិន​បាន​បញ្ចេញ​ឲ្យ​ដឹងអំពី​ស្ថានភាព​នៃ​បទ​ល្មើស​ទេ។​​​ លោក ហុក លី អ្នក​យក​ព័ត៌មាន​ទូរទស្សន៍​ប៉ុស្តិ៍​លេខ​៩ និង​ម្នាក់​ទៀត​ឈ្មោះ សរ ស៊ុនលី ធ្វើ​ការ​នៅ​ទូរទស្សន៍​ហង្សមាស និង​កាសែត​កម្ពុជា​ថ្មី ត្រូវ​បាន​អង្គភាព​ប្រឆាំង​អំពើ​ពុករលួយ​ចាប់​ខ្លួន​នៅ​ក្រុង​កំពត​កាលពី​ថ្ងៃ​សុក្រ​សប្តាស៍​មុន។ លោក ឱម យ៉ិនទៀង ប្រធាន​អង្គភាព​ប្រឆាំង​អំពើ​ពុករលួយ ជា​ថ្មី​ម្តងទៀត បាន​បដិសេធ​មិន​បញ្ចេញ​ឲ្យ​ដឹង​ពីមូលហេតុ​នៃការ​ចាប់​ខ្លួន​អ្នក​ទាំង២​ទេ។ លោក ងឹម វ៉ាត អធិការ​នគរបាល​ក្រុង​កំពត​បាន​មាន​ប្រសាសន៍​ថា លោក​មិន​បាន​ដឹង​អ្វី​អំពី​ករណី​នេះ​ទេ។ ដោយ​មិន​អធិប្បាយ​ច្រើន លោក...

នគរបាល​ចាប់ខ្លួន​កម្មករ​ចាំចម្ការ​ពីរនាក់ពី​បទ​សម្លាប់​ស្ត្រីម្ចាស់​ចម្ការ

យោង​​​តាម​​​នគរ​​​បាល​​​បាន​​​ឲ្យ​​​ដឹង​​​ថា កម្មករ​​​​​ចំា​​​ចម្ការ​​​ជំទង់​​​ពីរ​​​នាក់​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ល្ងាច​​​ថ្ងៃ​​​ច័ន្ទ នៅ​​​ក្នុង​​​ខេត្ត​​​ត្បូង​​​ឃ្មុំ​​​ពីបទ​​​ប្លន់​​​សម្លាប់​​អ្នកស្រី ថៃ ហ៊ួយ​​​ ជា​​​ម្ចាស់​​​ចម្ការ​​​ស្វាយ​​​ចន្ទី​​​មួយ​​​ដែល​​​សាក​​​សព​​​របស់​​​គាត់​​​ត្រូវ​​​បាន​​​គេ​​​ប្រទះ​​​ឃើញ​​​នៅ​​​​​​ក្នុង​​​អណ្តូង​​​​ទឹក​​​មួយ​​​នៅ​​​ក​​​្នុង​​​ខេត្ត​​​កំពង់​​​ចាម​​​កាល​​​ពី​​​ថ្ងៃ​​​អាទិត្យ​​​។ លោក សេម ឃាង មេបញ្ជាការ​​​រង​​​កង​​​រាជ​​​អាវុធ​​​ហត្ថ​​​ខេត្ត​​​កំពង់​​​ចាម​​​បាន​​​មាន​​​ប្រសាសន៍​​​ថា ជន​​​ជាប់​​​ចោទ​​​ឈ្មោះ ឃន ឆាយ អាយុ​​​២០​​​​​​ឆ្នាំ និង​​​ ម៉ាន់ រ៉ូ អាយុ​​​១៩​​​ឆ្នាំ​​​ ត្រូវ​​​បាន​​​បញ្ជូន​​​ទៅ​​​ទី​​​បញ្ជាការ​​​ដ្ឋាន​​​កង​​​រាជ​​​អាវុធ​​​ហត្ថ​​​ខេត្ត​​​ដើម្បី​​​ធ្វើ​​​ការ​​​សាក​​​សួរ​​​មុន​​​ពេល​​​បញ្ជូ​​​ន​​​ករណី​​​របស់ពួក​​​គេ​​​ទៅតុលាការ​​​នៅ​​​ថ្ងៃ​​​ពុធ។ លោក​​​ សេម ឃាង ដែល​​​កម្លាំង​​​របស់​​​លោក​​​បាន​​​សហការ​​​ជាមួយ​​​នគរ​​​បាល​​​មូល​​​ដ្ឋាន​​​ក្នុង​​​​ករណី​​​នេះ​​​បាន​​​មាន​​​ប្រសាសន៍​​​ថា បុរស​​​ទាំងពីរ​​​នាក់​​​​​​នេះ​​​បាន​​​សារ​ភាព​​​ថា ពួកគេពិតជាបាន​​​សម្លាប់​​​អ្នកស្រី ​​​ថៃ​​​ ហ៊ួយ ដែល​​​ពួក​​​គេ​​​ទាំង​​​ពីរ​​​នាក់​​​បាន​​​ចាំ​​​ចម្ការ​​​ឲ្យ​​​រយៈ​​​ពេល​​​ប្រាំ​​​ឆ្នាំ​​​មក​​​ហើយ​​​មែន។ លោក​​​បាន​​​មាន​​​ប្រសាសន៍​​​ថា ពួក​​​គេ​​​ក៏​​​បាន​​​សារភាព​​​ថា បាន​​​ប្លន់​​​យក​​​ប្រាក់​​​ចំនួន​​​១.៥០០​​​ដុល្លារ​​​ពី​​​ផ្ទះ​​​របស់​​​គាត់​​​ផង​​​ដែរ​​​ ហើយ​​​បាន​​​គេ​​​ច​​​ខ្លួន​​​ពី​​​កន្លែង​​​កើត​​​ហេតុ​​​តាម​​​ម៉ូតូ​​​ដែល​​​ប្លន់​​​បាន​​​នោះ​​​។ លោក សេម ឃាង បាន​​​​​​មាន​​​ប្រសាសន៍​​​ថា "ពួក​​​គេ​​​បាន​​​សារភាព​​​ថា ពួក​​​គេ​​​បាន​​​សម្លាប់​​​អ្នក​​​ស្រី ថៃ ហួ៊យ​​​  ប្លន់​​​យក​​​ទ្រព្យ​​​សម្បត្តិ​​​របស់​​​គាត់​​​ និង​​​​​​បាន​​​យក​​​សាក​​​សពទៅ​​​ទម្លាក់​​​ក្នុង​​​អណ្តូង​​​ទឹក​​​មួយ​​​មុន​​​ពេល​​​គេច​​​ខ្លួន​​​"។ លោក​​​បាន​​​បន្ថែម​​​ថា នគរ​​​បាល​​​ជឿ​​​ថា បទ​​​ឧក្រិដ្ឋ​​​នេះ គឺ​​​ជា​​​ការ​​​គិត​ទុក​​​ជា​​​មុន​​​។ លោក កាំង​​​ គឹម​​​ហ៊ុយ​​​ ប្អូន​​​ប្រុស​​​របស់​​​អ្នកស្រី ថៃ​​​ ហួ៊យ បាន​​​និយាយ​​​​​​ថា លោក​​​​​ជឿថា ឈ្មោះ ឆាយ និង​​​ រ៉ូ គឺជា​​​ឃាត​​​ករ​​។ លោក​​​បាន​​​និយាយ​​​ថា "ខ្ញុំ​​​ដឹង​​​ថា ឆាយ និង​​​ រ៉ូ​​​​​​​​​​​​ បាន​​​សម្លាប់​​​បង​​​ស្រី​​​របស់​​​ខ្ញុំ​​​ ពី​​​ព្រោះ​​​ពួក​​​គេ​​​ជា​​​មនុស្ស​​​ដែល​​​ស្នាក់​​​នៅ​​​ជា​​​មួយ​​​គាត់​​​នៅ​​​ពេល​​​ហេតុ​​​ការណ៍​​​បាន​​​កើត​​​ឡើ​​​ង"។ សាច់​​​ញាតិ​​​របស់​​​អ្នកស្រី​​​ ថៃ  ហួ៊យ​​​ បាន​​​បើក​រថយន្ត​​កាត់​តាម​​​ផ្ទះ​​​អ្នកស្រី​​​ក្នុង​​​ខេត្ត​​​កំពង់​​​ចាម​​​កាល​​​ពី​​​ថ្ងៃ​​​ព្រហស្បតិ៍ ហើយមិន​ឃើញមាន​នរណា​​​ម្នាក់​​​នៅ​​​ផ្ទះ​​​ទេ។ ពួក​​​គាត​់បាន​​​​​​រាយ​​​ការ​​​ណ៍​​​ពី​​​អ្នកដែល​​​បាត់​​​ខ្លួនកាល​​​ពី​​​ថ្ងៃ​​​អាទិត្យ​​​ទៅ​​​នគរ​​​បាល​​​ស្រុក​​​​​​ ដែល​​​បាន​​​រក​​​ឃើញ​​​សាក​​​សព​​​អ្នក​​​ស្រី ថៃ​​​ ហួ៊យ​​​ នៅ​​​ថ្ងៃ​​​ដដែល​​​នោះ។ លោក គឹមហ៊ុយ បាន​​​និយាយ​​​ថា បង​​​ស្រី​​​របស់​​​គាត់​​​រស់​​​នៅ​​​​​​ក្នុង​​​រាជ​​​ធានី​​​ភ្នំពេញ​​​ ប៉ុន្តែ តែងតែ​​​មក​​​មើល​​​ចម្ការ​​​របស់​​​គាត់​​​ក្នុង​​​ខេត្ត​​​កំពង់​​​ចាម​​​រហូត​​​ដល់​​​បួន​​​ដង​​​ឯណោះ​​​ក្នុង​​​មួយ​​​ខែ​​​។ លោក​​​បាន​​​និយាយ​​​ថា ជាមួយនឹង​​​ការ​​​ផ្តន្ទាទោស​​​ជន​​​សង្ស័យ​​​ទាំង​​​ពីរ​​​នាក់​​​នេះ​​​ ក្រុម​​​គ្រួសារ​​​ជន​​​រង​​​គ្រោះ​​​នឹង​​​ទាម​​​ទារ​​​សំណង​​​ជា​​​ប្រាក់​​​ចំនួន​​​១០០​​​លាន​​​រៀល​​​ ចំពោះ​​​ការ​​​សម្លាប់​​​អ្នក​​​ស្រី ថៃ​​​ ហួ៊យ ៕សារុន​​​  

បុរស​បី​នាក់​​ត្រូវ​បាន​ចាប់​ខ្លួន​ពីបទ​ក្លែង​ឯកសារ​​​ និង​ត្រា​របស់​រដ្ឋាភិបាល​

នគរ​បាល​ព្រហ្មទណ្ឌ​នៃ​ក្រសួង​មហាផ្ទៃ​បាន​ចាប់​​ខ្លួន​បុរស​បី​នាក់​កាលពី​ម្សិលមិញ​​នៅ​ក្នុង​រាជធានី​ភ្នំពេញ បន្ទាប់ពី​ដកហូត​ត្រា​​ និង​ឯកសារ​ក្លែង​បន្លំ​របស់​រដ្ឋាភិបាល​ដាក់​ក្នុង​ប្រអប់ និង​​ថង់​ រួម​ទាំង​សញ្ញាបត្រ​បរិញ្ញា​ក្លែង​ក្លាយ​ផង​ដែរ​​។ លោក អ៊ាវ រិទ្ធ នាយការិយាល័យ​ព្រហ្មទណ្ឌ​នៃ​ក្រសួង​មហាផ្ទៃ​បាន​មាន​ប្រសាសន៍​ថា បុរស​បី​នាក់​​ដែល​មាន​អាយុ​ចាប់​ពី​២៤​ឆ្នាំ​ដល់​៥២​ឆ្នាំ ត្រូវ​បាន​សួរនាំ​នៅ​ក្រសួង​មហាផ្ទៃ​ និង​ត្រូវ​បាន​ចោទ​ប្រកាន់​ពីបទ​ក្លែង​ក្បាលលិខិត​ និង​ត្រា​របស់​រដ្ឋាភិបាល​។ លោក​បាន​មាន​ប្រសាសន៍​ថា " យើង​កំពុង​រាប់​ឯកសារ​ និង​ត្រា​ទាំង​នោះ ហើយ​យើង​មិន​ទាន់​បែងចែក​​ដោយឡែកពីគ្នា​នៅ​ឡើយ​ទេ"។ លោក​បាន​គូស​បញ្ជាក់​ថា មួយ​ចំនួន​​ចេញ​ពី​ក្រសួង​អប់រំ រួម​ទាំង​សញ្ញាបត្រ​ក្លែង​ក្លាយ​ផង និង​មួយ​ចំនួន​ទៀត​ចេញ​ពី​ក្រសួង​ទេសចរណ៍។ លោក​បាន​មាន​ប្រសាសន៍​បន្ថែម​ទៀត​ថា ឯកសារ​ផ្សេងៗ​ទៀត​ដែល​ដក​ហូត​បាន​ពី​​ផ្ទះ​មួយ​ក្នុង​សង្កាត់​ផ្សារថ្មី៣​ ខណ្ឌដូនពេញ រួម​មាន​​ទាំង​ក្បាល​លិខិត​របស់​អាជ្ញាធរ​ថ្នាក់​ឃុំ​-សង្កាត់...