Janelle Retka

កាល​​​ពី​​​ម្សិលមិញ ក្រសួង​​​អប់​​​រំ​​​ យុវជន និង​​​កីឡា​​​​​​បាន​​​ប្រកាស​​​ថា ក្នុង​​​ចំណោម​​​ពាក្យ​​​បណ្តឹង​​​របស់​​​ខ្លួន​​​ទទួល​​​បាន​ពី​​​សិស្ស​​​ដែល​​​មិន​​​ពេញ​​​ចិត្ត​​​​​​នឹង​​​ការ​​​ផ្តល់​​​ពិន្ទុ​​​ប្រឡង​​​សញ្ញាបត្រ​មធ្យម​សិក្សាទុតិ​យ​ភូមិ(​បាក់​​​ឌុប) របស់​​​ពួកគេ​ ​​​​​​គ្មាន​​​​​​ការ​​​កែ​​​សម្រួល​​​ពិន្ទុ​​​​​​​នោះ​​​ឡើយ​​​ ហើយ​​​​​​ថា អត្រា​​​សិស្ស​​ប្រឡង​​​ជាប់​​​នៅ​​​តែ​​​​​​៥៦​​​ភាគ​​​រយ​​​ដដែល​​​។ មុន​​​ការ​​​ប្រឡង​​​មក​​​ដល់​​​ ក្រសួង​​​បាន​​​ប្រាប់​​​​​​បេក្ខ​​​ជន​​​ចំនួន​​​​​​៨៣.៣៤១​​​នាក់​​​ថា នឹង​​​គ្មាន​​​ការ​​​ប្រឡង​​​ឡើង​​​វិញ​​​ឡើយ​​​សម្រាប់​​​អ្នក​​​​​​ដែល​​​ប្រឡង​​​ធ្លាក់​​​ មិន​​​ដូច​​​ឆ្នាំ​​​២០១៤​​​ទេ។ ប៉ុន្តែ ក្រសួង​​​ទុក​​​ពេល​​​វេលា​​​៣០​​​ថ្ងៃ​​​ឲ្យ​​​ដាក់​​​ពាក្យ​​​ប្តឹង​​​តវ៉ា​​​ចំពោះ​​​ពិន្ទុ​​​របស់​​​​​​ពួក​​​គេ។ យោង​​​តាម​​​លោក ហង់ ជួន ណារ៉ុន រដ្ឋ​​​មន្ត្រី​​​ក្រសួង​​​អប់​​​រំ យុវជន និង​​​​​​កីឡា បាន​​​ឲ្យដ​​​ឹង​​​ថា ​​​មាន​​​សិស្ស​​​ជាង​​​១០០នាក់​​​បាន​​​ដាក់​​​ពាក្យ​​​ប្តឹង​​​តវ៉ា​​​​​​នៅ​​​ពេល​​​នោះ​​​ ហើយ​​​នៅ​​​ក្នុង​​​សេចក្តី​​​ប្រកាស​​​ព័ត៌មាន​​​កាល​​​ពី​​​ម្សិលមិញ ក្រសួង​​​បាន​​​លើក​​​ឡើង​​​ថា ក្នុង​​​ចំណោម​​​ពាក្យ​​​បណ្តឹង​​​ទាំង​​​នោះ​​​ គ្មាន​​​ពាក្យ​​​បណ្តឹង​​​ណា​​​មួយ​​​យក​​​ជា​​​ការ​​​​បាន​​​ឡើយ​​​។ សេចក្តី​​​ប្រកាស​​​ព័ត៌មាន​​​នេះ​​​មាន​​​ខ្លឹម​​​សារ​​​ដូច្នេះ​​​ថា "លទ្ធផល​​​នៃ​​​ការ​​​ប្រឡង​​​ដែល​​​បាន​​​ប្រកាស​​​ គឺ​​​ពិត​​​ជា​​​ឆ្លុះ​​​បញ្ចាំង​​​ទៅ​​​លើ​​​សមត្ថ​​​ភាព​​​របស់​​​បេក្ខ​​​ជន"។ សេចក្តី​​​ប្រកាស​​​ព័ត៌មាន​​​នេះ​​​បាន​​​បន្ថែម​​​ថា បន្ទាប់​​​ពី​​​ត្រួត​​​ពិនិត្យ​​​លើ​​​ពាក្យ​​​បណ្តឹង​​ គណៈ​​​កម្មការ​​​ទទួល​​​បន្ទុក​​​ផ្នែក​​​សើុបអង្កេត​​​ពាក្យ​​​បណ្តឹង​​​បាន​​​រក​​​ឃើញ​​​ថា ការ​​​ផ្តល់​​​ពិន្ទុ​​​ពិត​​​ជា​​​ត្រឹម​​​ត្រូវ​​​ ហើយ​​​ថា ប្រព័ន្ធ​​​កុំព្យូទ័រ​​​ដែល​​​ត្រូវ​​​បាន​​​ប្រើ​​​ប្រាស់​​​ដើម្បី​​​បូក​​​​​​ស្រង់​​​ពិន្ទុ​​​របស់​​​បេក្ខ​​​ជន​​​ទាំង​​​៧​​​មុខ​​​វិជ្ជា​​​ ​​​ដំណើរ​​​ការ​​​បានល្អ​។ ដើម្បី​​​ដាក់​​​ពាក្យ​​​បណ្តឹង​​​ បេក្ខ​​​ជន​​​ ឬ​​​អាណា​​​ព្យាបាល​​​របស់​​​បេក្ខ​​​ជន​​​ត្រូវ​​​តែ​​​ផ្តល់​​​​​​ភ័ស្តុតាង​​​ទាក់ទិន​លទ្ធផល​នៃ​ការ​​​សិក្សា​​​​ដែល​​​បង្ហាញ​​​ថា ពិន្ទុ​​​របស់​​​បេក្ខជន​​​​មិន​​​ស្រប​​​តាម​​​ប្រវត្តិ​​​សិក្សា​​​ពីមុន។ លោក ហង់ ជួនណារ៉ុន បាន​​​មាន​​​ប្រសាសន៍​​​កាល​​​ពី​​​​​​ម្សិលមិញ​​​ថា "យើង​​​មាន​​​ករណី​​​​ខ្លះ​​​​ដែល​​​ផ្តល់​​​ភ័ស្តុ​​​តាងមួយ​​​ចំនួន ឬ​​​ការ​​​លើក​​​ឡើង​​​ពី​​​គ្រូ​​​បង្រៀន ឬ​​​សាលា​​​ដែល​​​ថា បេក្ខ​​​ជន​​​គឺជា​​​សិស្ស​​​ពូកែ​ ឬ​​​ជា​ស​​​ិស្ស​​​ពូកែបំផុត​​​​​​​​​​នៅក្នុង​​​សាលា ហេតុ​​​ដូច្នេះ​​​យើង​​​អាច​​​ពិនិត្យ​​​ បាន​”។ រដ្ឋ​​​មន្ត្រីក្រសួង​​​អប់​​​រំ​​​រូប​​​នេះ បាន​​​បន្ថែម​​​ថា គ្រូបង្រៀន​​​​​​ដែល​​​កែ​​​សន្លឹក​​​កិច្ច​​​ការ​​​​​​បាន​​​ប្រើ​​​ប្រាស់​​​គំរូច​​​ម្លើយ​​​ស្តង់​​​ដារ​​​​​​ ហើយ​​​ប្រើ​​​ប្រាស់​​​ប្រព័ន្ធ​​​កុំព្យូទ័រ​​​ផ្តល់​​​ពិន្ទុ​​​ដែលមាន​ភាពសុក្រឹត​ ។ លោក​​​បាន​​​​ថ្លែង​ថា "គ្រូបង្រៀន​​​បាន​​​ផ្តល់​​​ពិន្ទុ​​​​​​​យ៉ាង​ត្រឹម​​ត្រូវ​ មាន​​​ន័យ​​​ថា ពួក​​​គាត់​​​​​​​​​ផ្តល់​​​ពិន្ទុ​​​មិន​​​ខុស​​​​​​​ឡើយ​​​។ ហេតុ​​​ដូច្នេះ​​​អ្នក​​​ដែល​​​ពិនិត្យ​​​សន្លឹក​​​​កិច្ច​​​ការ​​​​​​​​​មិន​​​បាន​​​ឲ្យ​​​ពិន្ទុ​​​ខុស​​ទេ​​​​"។ បេក្ខ​​​ជន​​​ម្នាក់​​​ឈ្មោះ ផាន ឆលីដា អាយុ​​​១៨​​​ឆ្នាំ​​​ ដែល​​​ប្រឡង​​​នៅ​​​វិទ្យាល័យ​​​ ជា សីុម បឹង​​​កេង​​​កង ​​​ក្នុង​​​រាជ​​​ធានី​​​ភ្នំពេញ និង​​​ដែល​​​បាន​​​ដាក់​​​ពាក្យ​​​បណ្តឹង​​​ទៅ​​​កាន់​​​ក្រសួង​​​អប់​​​រំ​​​ បន្ទាប់​​​ពី​​​ប្រឡង​​​ធ្លាក់​​​ បាន​​​និយាយ​ថា នាង​​​មានការ​​​បាក់ទឹកចិត​្ត​​ពេល​​​ដឹង​​​ថា ខ្លួន​​​ប្រឡង​​​ធ្លាក់។ "ខ្ញុំ​​​មិន​​​ដែល​​​រំពឹងថា នឹង​​​ទទួល​​​បាន​​​និទេ្ទស​​​ល្អ​​​ទេ ប៉ុន្តែ យោងតាម​ប្រវត្តិនៃ​ការ​​​សិក្សា​​​របស់​​​ខ្ញុំ​​​នៅ​​​ក្នុង​​​សាលា​​​​​​ខ្ញុំ​​​គួរ​​តែ​​​ប្រឡង​​​ជាប់​​​។ ខ្ញុំ​​​ចង់​​​ឲ្យ​​​ក្រសួង​​​ពិនិត្យ​​​លទ្ធផល​​​ប្រឡង​​​របស់​​​ខ្ញុំ ព្រោះ​​​ខ្ញុំ​​​មាន​​​មិត្ត​​​ភក្តិ​​​ម្នាក់​​​ដែល​​​មិន​​​ដែល​​​មក​​​រៀន​​​សោះ​​​ ប៉ុន្តែ នាង​​​បាន​​​ប្រឡង​​​ជាប់​​​។ តើ​​​នាង​​​ប្រឡង​​​ជាប់​​​ដោយ​​​​របៀប​​​ណា​​​ទៅ"។ បេក្ខ​​​ជនម្នាក់​​​ទៀត​​​ឈ្មោះ ឆុន សិលា ដែល​មាន​​​អាយុ​​​១៨​​​ឆ្នាំ​​​ដែរ​​​ ហើយ​​​​ប្រឡង​​​នៅវិទ្យាល័យ​​​ច្បារ​​​អំពៅ​​​បាន​​​ឲ្យដឹង​ថា ពិន្ទុ​​​របស់​​​ខ្លួន​​​​​​មិនសមហេតុសមផលសោះ​​​​។ បេក្ខ​​​ជន​​​រូប​​​នេះ​​​ បាន​​​និយាយ​​​ថា "ខ្ញុំ​​​ប្តឹង​​​តវ៉ា​​​ទៅ​​​កាន់​​​ក្រសួង​​​ ព្រោះ​​​ខ្ញុំ​​​ជាប់​​​បី​​​មុខ​​​វិជ្ជា ហើយ​​​ទទួល​​​បាន​​​ពិន្ទុ​​​ត្រឹម​​​តែ​​​២៨​​​ភាគ​​​រយ​​​។ ហើយ​បេក្ខ​​​ជន​​​ម្នាក់​​​​​​​​​​​​ដែលប្រឡង​នៅក្នុង​​​​បន្ទប់​​​​ជាប់​​​បន្ទប់​​​​របស់​ខ្ញុំ​​​​​​ ជាប់​ត្រឹម​​​តែ​​​ពីរ​​​មុខ​​​វិជ្ជា​​​​ប៉ុណ្ណោះ តែ​​​ទទួល​​​បាន​​​៥៨​​​ភាគ​​​រយ។ ខ្ញុំ​​​គិត​​​ថា វា​​​ជា​​​កំហុស​​​បច្ចេកទេស​​​របស់​​​ក្រសួង​​​អប់​​​រំ ព្រោះ​​​អ្នក​​​ដែល​​​ទទួល​​​បាន​​​ពិន្ទុ​​​ខ្ពស់​​​បែរ​​​ជា​​​ធ្លាក់​​​ទៅ​​​វិញ​​​"៕ស៊ុយឈាង  

ក្រោយពី​លទ្ធផល​ប្រឡង​មធ្យម​សិក្សា​ទុតិយភូមិ​ចេញ​កាលពី​ចុង​សប្តាហ៍ ដោយ​មាន​សិស្ស​ប្រហែល​៥៦ភាគរយ​បាន​ប្រឡង​ជាប់ សិស្ស​មួយ​ចំនួន​ដែល​មិន​បាន​ប្រឡង​ជាប់ បាន​ទៅ​ក្រសួង​អប់រំ​កាលពី​ថ្ងៃ​ច័ន្ទ ដើម្បី​ដាក់​ពាក្យ​តវ៉ា​ជា​ផ្លូវការ។ ដោយ​ក្រសួង​បាន​ប្រកាស​នៅ​ពេល​មុន​ប្រឡង​ថា នឹង​មិន​មាន​ការ​ប្រឡង​ជា​លើក​ទី​២​ដូចដែល​បាន​ធ្វើ​កាលពី​ឆ្នាំមុន​នោះ សិស្ស​មាន​រយៈ​ពេល​តវ៉ា​៣០ថ្ងៃ ដើម្បី​ស្នើ​ឲ្យ​ពិនិត្យ​ពិន្ទុ​របស់​ខ្លួន​ឡើងវិញ។ យ៉ាំ ថាវីរៈ អាយុ​២០ឆ្នាំ ដែល​ទើប​តែ​ដាក់​ពាក្យ​តវ៉ា បាន​និយាយ​ថា "ខ្ញុំ​មិន​ដឹង​ថា ខុស​ទាស់​អ្វី​ទេ​ក្នុង​ការ​ប្រឡង​របស់​ខ្ញុំ ប្រហែលជា​កំហុស​បច្ចេកទេស​ហើយ"។ យុវសិស្ស ថាវរៈ ស្ថិត​ក្នុងចំណោម​សិស្ស​៣៦.៧៨១​នាក់​ដែល​បាន​ប្រឡង​ធ្លាក់​ ក្នុង​ចំណោម​សិស្ស​សរុប​៨៣.៣៤១នាក់​ដែល​បាន​ចូលរួម​ប្រឡង។ សិស្ស ថាវរៈ បាន​និយាយ​ថា គាត់​រន្ធត់ចិត្ត​នៅ​ពេល​ដឹង​ថា គាត់​មិន​បាន​ប្រឡង​ជាប់ ពីព្រោះ​គាត់​មាន​ជំនឿ​ទុកចិត្ត​ថា...

មន្ត្រីម្នាក់​បាន​និយាយ​កាលពី​ថ្ងៃ​ច័ន្ទ​ថា លោក ហោ ណាំហុង រដ្ឋមន្ត្រី​ការបរទេស និង​​សហប្រតិបត្តិការ​អន្តរជាតិ បាន​ប្រាប់​តំណាង​អង្គការ​យូនីសេហ្វ​ថ្មី (Unicef) ប្រចាំប្រទេស​កម្ពុជាឲ្យ​ផ្តោត​លើ​ការ​ជួយ​ក្មេង​ដែល​ដើរ​សុំ​ទាន​តាម​ចិញ្ចើម​ផ្លូវ ហើយ​​កុំ​រិះគន់​ច្បាប់​ថ្មី​ដ៏​ចម្រូង​ចម្រាស ដែល​ដាក់​កម្រិត​លើ​អង្គការ​មិនមែន​រដ្ឋាភិបាល​និង​សមាគម​នៅ​ប្រទេស​កម្ពុជា។ លោក ជុំ សុន្ទរី អ្នកនាំពាក្យ​ក្រសួង​ការបរទេស បាន​មាន​ប្រសាសន៍​ថា លោក ហោ ណាំហុង បាន​ថ្លែង​ប្រាប់​លោក​ស្រី ដេបូរ៉ា ខូមីនី (Debora Comini) អំឡុង​ការ​ប្រជុំ​បិទ​ទ្វារ​នៅ​ក្រសួង​កាលពី​ព្រឹក​ថ្ងៃ​ច័ន្ទ។ លោក...

ឡាយ មា៉ឡែនពណ្ណរាយ  អាយុ​១៧​ឆ្នាំ ​មាន ​​​​​ក្ដី​រំភើប​ឥត​ឧបមា​​ បន្ទាប់ពីដឹង​ថា កញ្ញា​ប្រឡង​ជាប់​បាក់ឌុប​ទូទាំង​​ប្រទេស​ កាលពី​ថ្ងៃ​សៅរ៍​។ បើ​ទោះ​ជា​កញ្ញា​សិក្សា​រហូត​ដល់​ម៉ោង​១១​​​​រាល់​យប់​ក្នុង​រយៈ​ពេល​ប៉ុន្មាន​សប្ដាហ៍​មុន​​​​ដល់​ថ្ងៃប្រឡង​​ និង​​ភ្ញាក់​ឡើងនៅ​​៥ម៉ោង​ក្រោយ​មក​ដើម្បី​បន្ត​រៀន​ទៀត​ក៏​ដោយ ក៏​ ម៉ាឡែន​ពណ្ណរាយ បាន​និយាយ​ថា កញ្ញាក៏​​បាន​ស្ដាប់​ចម្រៀង​​ផង​ដែរ​។ ​​មិន​​​យូរ​​​ប៉ុន្មាន​​​បន្ទាប់​ពី​ការ​ប្រកាស​លទ្ធ​​​ផល​តាម​ឧគ្ឃោសនសព្ទនៅវិទ្យាល័យ​បាក់​​​ទូក​ក្នុង​រាជធានី​ភ្នំពេញ​ កាលពី​រសៀល​ថ្ងៃ​សៅរ៍ កញ្ញា​បាន​និយាយថា "​ខ្ញុំ​បារម្ភ​ថា ខ្ញុំ​​​មិន​ទទួល​បាន​និទ្ទេស​ល្អ​ទេ  ប៉ុន្តែ​នៅពេល​ខ្ញុំឮ​ថា  ខ្ញុំ​ទទួល​បាន​និទ្ទេស​B នោះ ខ្ញុំ​រំភើប​​ជា​ខ្លាំង​"។ ដោយ​មាន​សិស្ស​ចំនួន​៨៣.៣៤១​​នាក់​​ប្រឡង​កាលពី​ថ្ងៃទី​២៤ និង​២៥ ខែ​សីហា ម៉ាឡែនពណ្ណរាយ ​ស្ថិត​ក្នុង​​ចំណោម​សិស្ស​៤៦.៥៦០​នាក់​​ ឬ​ស្មើ​៥៥,៨៧​ភាគរយ​ ដែល​​ បាន​ដឹង​កាលពី​ចុង​សប្ដាហ៍​ថា ខ្លួន​ប្រឡង​ជាប់ដោយធ្វើ​ឲ្យ​ពួកគេ​មានស​ិទ្ធិ​ចុះ​ឈ្មោះ​ចូល​រៀន​នៅ​តាម​សាកលវិទ្យាល័យ​រដ្ឋ​។ ​បន្ទាប់ពី​ក្រសួង​អប់រំ​​បាន​អនុវត្ត​កំណែ​​​ទម្រង់​កាលពី​ឆ្នាំ​មុន ដើម្បី​លុប​បំបាត់​ការ​លួច​ចម្លង និង​ការ​សូកប៉ាន់​ដែល​បាន​ញាំញី​ការ​ប្រឡង​កន្លង​មក​ អត្រាប្រឡង​ជាប់​បាន​ថយ​ចុះ​មក​៤០,៦៧​​ភាគរយ​​។ អត្រា​នោះ​​សម្រេច​បាន​បន្ទាប់ពី​មាន​ការ​ប្រឡង​លើក​ទី២​ ដើម្បី​​បន្ថែម​លើ​​អត្រាប្រឡងជាប់​​លើក​ដំបូង​ដែល​មានចំនួន​​​តែ​​​​២៥,៥​ភាគរយ​​​ប៉ុណ្ណោះ ជា​ អត្រា​ទាប​បំផុត​ចាប់​តាំង​ពី​ឆ្នាំ​១៩៩៤​មក​។ យោងតាម​សេចក្តីប្រកាស​របស់ក្រសួង​អប់រំ​បានឲ្យ​ដឹង​ថា នៅ​ឆ្នាំ​នេះ សិស្ស​១០៨​នាក់​​ទទួល​បាន​និទ្ទេស​ A ដោយ​មាន​​ពិន្ទុ​៩០​ភាគរយ ឬ​ខ្ពស់​ជាង​នេះ​ គឺ​កើន​ឡើង​​ច្រើន​​​ជាង​​​កាលពី​ឆ្នាំ​ដែល​មាន​​តែ​១១​នាក់​។ សិស្ស​១.០៨៥​​នាក់​ទៀត​​ទទួល​បាន​និទ្ទេស​B ចំណែក​៣.២៩២​នាក់...

សមាគម​​​ការ​​​ពារ​​​សិទ្ធិ​​​មនុស្ស​​​អាដ​​​ហុក​​​​​​បាន​​​កត់​​​ត្រា​​​ករណី​​​រំលោភ​​​ចំនួន​​​១៣១​​​ករណី​​​ក្នុង​​​រយៈ​​​​​ពេល​​​ប្រាំ​​​មួយ​​​ខែ​​​ដើម​​​​​​​​​ឆ្នាំ​​​នេះ បើ​​​ធៀប​​​​​​​​​ទៅ​​​នឹង​​​​​​ឆ្នាំ​​​២០១៤​​​ ដែល​​​មាន​​​៨០​​​ករណី គឺ​​​កើន​​​ឡើង​​​ជិត​​​៦៤​​​ភាគ​​​រយ​​​ ដោយ​​​សារ​​​ឥទ្ធិពល​​​ "វប្បធម៌​​​បរទេស​​​ដែល​​​គ្មាន​​​ការ​​​គ្រប់​​​គ្រង”ដូច​​​ជា​​​រូប​​​អាស​​​អាភាស​​​ជា​​​ដើម​​​។ របាយការណ៍​​​នេះ​​​លើក​​​ឡើង​​​ថា ១០០​​​ករណី​​​ក្នុង​​​ចំណោម​​​ករណី​​​ទាំង​​​នោះ​​​​​​ពាក់​​​ព័ន្ធ​​​នឹង​​​ការ​​​រំលោភ​​​អនីតិជន​​​។ ៦៣ករណី​​​ដែល​​​ជន​​​រង​​​គ្រោះ​​​មាន​​​អាយុ​​​ចន្លោះ​​​១០​​​ឆ្នាំដល់​​​១៨​​​ឆ្នាំ ៣២​​​ករណី​​​ដែលជន​​​រង​​​គ្រោះអាយុ​​​ចន្លោះ​​​៥​​​ឆ្នាំ​​​ដល់​​​១០​​​ឆ្នាំ និង​​​ប្រាំ​​​ករណី​​​ដែល​​​ក្នុង​​​នោះ​​​ជន​​​រង​​​គ្រោះ​​​អាយុ​​​តិច​​​ជាង​​​៥​​​ឆ្នាំ។ ក្នុង​​​ចំណោម​​​ករណី​​​ទាំង​​​១៣១ ​​​មាន​​​​​​១៥​​​ករណី​​​ដែល​​​ជន​​​រង​​​គ្រោះ​​​ជា​​​មនុស្ស​​​ពិការ​​​ប្រាំ​​​មួយ​​​ករណី​​​ពាក់​​​ព័ន្ធ​​​ជន​​​ល្មើស​​​ច្រើន​​​នាក់​​​​និង​​​បីករណីដែល​​​​ជន​​​រង​​​គ្រោះ​​​ត្រូវ​​​បាន​​​សម្លាប់​​​​​នៅ​​ក្នុង​ដំណើរការ​​​​នោះ​​​។ សមាគម​​​អាដហុក​​​បាន​​​លើក​​​ឡើង​​​​​​នៅក្នុង​​​សេចក្តី​​​ថ្លែង​​​ការណ៍អម​​​ថា "មូល​​​ហេតុ​​​ចម្បង​​​ដែល​​​នាំ​​​ឲ្យ​​​មាន​​​ការ​​​កើន​​​ឡើង​​​ករណី​​​រំលោភ​​​គឺ​​​ 'ឥទ្ធិពល​​​វប្បធម៌​​​បរទេស​'​​​​​ ដែល​​​គ្មាន​​​ការ​​​គ្រប់​​​​​​​​គ្រង​​​ (ដូច​​​ជា​​​ការ​​​ចូល​មើល​​​រឿង​​​អាស​អាភាស​​​​​នៅ​​​តាម​​​ប្រព័ន្ធ​​​អីុនធើណិត​​​ បណ្តាញ​​​ផ្សព្វ​​​ផ្សាយ​​​​​សង្គម និង​​​រឿង​​​លក់​​​នៅ​​​តាម​​​ទីផ្សារ​​​​​​ដែល​​​គ្មាន​​​​​​ការ​​​គ្រប់​​​គ្រង​​​)"ជាដើម។ សេចក្តី​​​ថ្លែង​​​ការណ៍​​​ដដែល​​​នេះ​​​មាន​​​ខ្លឹម​​​សារ​​​​​ថា "ការ​មិន​បាន​រឹត​​​បន្តឹង​​​របស់​​​រដ្ឋាភិបាល​​​ក្នុង​​​ការ​​​ចូលទៅមើល​រឿង​អាស​អាភាស​​​​​​​​ បណ្តាល​ឲ្យ​ជន​ល្មើស​ដែល​​​នៅ​​​ក្នុង​​​ករណី​​​ជា​​​ច្រើន​​​ស្ថិត​​​ក្រោម​​​ឥទ្ធិពល​​​ថ្នាំ​​​ញៀន ឬ​​​គ្រឿង​ស្រវឹង​​​នោះ​​​​​​ ​​​ចូលរួម​ក្នុង​​​សកម្មភាពចាប់​​​​រំលោភ​​​”។ ពេល​​​​ទាក់​​​ទង​​​តាម​​​ទូរស័ព្ទ​​​កាល​​​ពី​​​​​​ម្សិល​មិញ ​​លោក ធន សារាយ ប្រធាន​​​សមាគម​​​អាដ​​ហុក​​​បាន​​​មាន​​​ប្រសាសន៍​​​ថា ការ​​​​​​ចូលទៅមើល​រឿង​​​​​អាស​​​អាភាស​​​ដោយ​ងាយ​​​ស្រួល​​​គឺ​​​ស្ថិត​​​ក្នុង​​​ចំណោម​​​កត្តា​​​​​​ជាច្រើន​​​ដែល​​​នាំ​​​ឲ្យ​​​មាន​​​កំណើន​​​​​​នៅ​​​ក្នុង​​​ករណី​​​រំលោភ​​​ដែល​​​ត្រូវ​​​បាន​​​កត់​​​ត្រា​​​ទុក​​​ផង​​​ដែរ ប៉ុន្តែ វា​​​ជា​​​បញ្ហា​​​ដ៏​​​សំខាន់​​​។ លោក​​​​​​ថ្លែង​​​ថា "រឿង​​​អាស​​​អាភាស​​​ដែល​​​​​​មិន​​​បាន​ពិនិត្យ​មើល ​​​ថ្នាំ​​​ញៀន និង​​​ជាតិ​​​អាល់​កុល​​​ដែល​​​ប្រជាជន​​​បាន​​​ប្រើ​​​ប្រាស់​​​....ជា​​​មូល​ហេតុ​​​ដ៏​សំខាន់​​​ នៃ​​​ករណី​​​ចាប់​​​រំលោភ​​​"។ លោក​​​បន្ថែម​​​ថា អនុបាត​ខ្ពស់​​​​រវាង​​​បុរស​​​​​​និង​ស្ត្រី​​​​​​នៅ​​​តាម​​​ជន​​​បទ​​​ និង​​​ការ​យល់​ខុស​ជា​​​ទូទៅថា ស្ត្រី​​​អាយុ​​​ក្រោម​​​១៨​​​ឆ្នាំ​​​ មិន​​​មាន​​​ជំងឺ​​​កាម​​​រោគ ក៏​​​ជា​ចំណែក​​​ចំពោះ​​​បញ្ហា​​​នោះ​​​ដែរ​​​។ លោក​​​ស្រី ចក់​​​ សុភាព ប្រធាន​​​មជ្ឈ​មណ្ឌល​​​​​សិទ្ធិ​​​មនុស្ស​​​កម្ពុជា​​​បាន​​​មាន​​​ប្រសាសន៍​​​ថា ការ​​​បន្ទោស​​​ទៅ​​​លើ​​​រូប​​​អាស​​​អាភាស​​​ដែល​​​នាំ​​​ឲ្យ​​​មាន​​​​​ករណី​​​រំលោភ​​​នោះ​​​ គឺ​​​ជា​​​បញ្ហា​​សាមញ្ញ​ពេក។ លោក​​​ស្រី​​​បាន​​​លើក​​​ឡើង​​​ថា ខ្ញុំ​​​មិន​​​ចាត់ទុកថា​​​ជា​​​កត្តា​​​សំខាន់​​​ឡើយ។​​​ វា​​​ជា​​​ការ​​​ទទួល​​​ខុស​​​​​​ត្រូវ​​​​​​របស់​​​បុគ្គល​​​។ មនុស្ស​​​មួយ​​​ចំនួន​​​​​បន្ទោស​​​ទៅលើ​​​ជាតិ​អាល់កុលថា 'ជាតិ​អាល់កុល' បណ្តាល​​​ឲ្យ​​​មាន​​​ការ​​​ចាប់​​​រំលោភ ​​និង​​​'ជាតិអាល់កុល' ​​​បណ្តាល​​​ឲ្យ​​​មាន​​​​​​គ្រោះ​​​ថ្នាក់​​​​​ចរាចរណ៍។ ជាការ​​​ពិត​​​នេះ​​​ជា​​​កត្តា​​​មួយ​​​ ប៉ុន្តែ ​វា​​​ជាការ​​​ទទួល​​​ខុស​​​ត្រូវ​​​របស់​​​បុរស​"។ លោកស្រី សុភាព បាន​​​មាន​​​ប្រសាសន៍ ​ថា ​​និទណ្ឌ​​​ភាព​​​ទំនង​​​ជា​​​ហេតុផល​​​ចម្បង​​​នាំ​​​ឲ្យ​​​មាន​​​​​ការ​​​កើន​​​ឡើង​​ទាក់ទង​តួលេខ​រំលោភ​​​ របស់​​​សមា​​​គម​​​អាដហុក។ ដោយ​កត់សម្គាល់ថា ករណីរំលោភភាគ​ច្រើន​រាយការ​ណ៍មិន​គ្រប់គ្រាន់​​ដោយ​សារនិន្នា​​​ការ​របស់​សហគមន៍​ទៅលើ​ជន​រងគ្រោះ​នោះ ​​លោក​ស្រី​​លើកឡើង​ថា "វា​​​ធ្វើ​​​ឲ្យ​​​ជន​​​ល្មើស​​​​​គិត​​​​​​ថា ពួក​​​គេ​​​អាច​​​​​​រួច​​​ខ្លួន​​​"។ លោក​​​ស្រី​​​បាន​​​បន្ថែម​​​ថា "ខ្ញុំ​​​នឹង​ហៅ​​​ថា ​​​ជន​​​រងគ្រោះ​​​​​​ពីរ​​​បែប​ ​​​ពីព្រោះ​​​ទី​​​១​​​ពួក​​​គេ​​​ត្រូវ​​​បាន​​​​​​រំលោភ ហើយ​​​បន្ទាប់​​​មក​​​ពួក​​​គេ​​​ប្រព្រឹត្ត​​​មិន​​​គប្បី ហើយ​​​ប្រាប់​ថា វាជា​​​​​កំហុស​​​​​របស់​​​ពួកគេ"។ នៅ​​​ក្នុង​​​សេចក្តី​​​ថ្លែង​​​ការ​​​ណ៍​របស់ខ្លួន​ដែល​​​​​ក៏បាន​​​លើក​​​ឡើង​​​អំពី​​​អំពើ​​​ហិង្សា​​​ក្នុង​​​គ្រួសារ​​​ការ​​​ជួញ​​​ដូរ​​​ផ្លូវ​​​ភេទ​​​ និង​​​អាពាហ៍​​​ពិពាហ៍​​​ដោយ​​​​​បង្ខំ​​​ សមាគម​​​អាដ​​​ហុក​​​​​​លើក​​​ឡើង​​​ថា ​ក្រសួង​​​មហាផ្ទៃ និង​​​ក្រសួង​​​កិច្ច​​​ការ​​​នារី​​​មិន​​​បាន​​​បង្កើត​​​"គណៈកម្មាធិការ​​​សិទ្ធិស្ត្រី និង​​​កុមារ​" ​​​ដូច​​​ការ​សន្យា ដើម្បី​​​កាត់​​​បន្ថយ​​​អំពើ​​​ហិង្សា​​​លើ​​​​ស្ត្រី​​​។ សេចក្តី​​​ថ្លែង​​​ការណ៍​​​ដដែល​​​នេះ​​​​​​បន្ថែម​​​ថា "គណៈកម្មាធិការ​​​​​េនះ​​​មិន​​​ទាន់​​​ដំណើរការ​នៅ​​​ឡើយ​​​ទេ​​​ ដោយសារ​ខ្វះ​សមត្ថភាព និង​​​សុវត្ថិ​ភាព​​​ច្បាស់លាស់​ដើម្បី​​​​​​​ជួយ​​​ដល់​​​ជន​​​រង​​​គ្រោះ​​​នៃ​​​អំពើ​​​ហិង្សា​​​ផ្លូវ​ភេទ"។ នៅ​​​ពេល​​​ទាក់​​​ទង​​​កាល​​​ពី​​​ម្សិល​មិញ ​លោក ​​ផុន​ ពុទ្ធបុរី អ្នក​​​នាំពាក្យ​​​ក្រសួង​​​កិច្ច​​​ការនារី​​​បាន​​​បដិសេធ​​​មិន​​​ឆ្លើយ​​​សំណួរ​​អំពីគណៈ​កម្មា​ធិការ​​​​​នេះ​​​តាម​​​​ទូរស័ព្ទ​​​ឡើយ​ ហើយ​មិន​យក​ចិត្ត​ទុក​ដាក់​នឹង​សំណួរ​តាម​អីុម៉េលដែរ ផ្ទុយ​​​ទៅ​​​វិញ​​​បាន​​​ផ្តល់​​​ព័ត៌​​​មាន​​​អំពី​​​រចនា​​​សម្ព័ន្ធ​​​ផ្ទៃក្នុង​​​របស់​​​ក្រសួង កម្មវិធី​​​ និង​ការ​ផ្តល់​​​មូល​​​និធិ​​ដែល​កំពុង​​​តែ​​​បន្តទៅវិញ​​​៕សារុន​​​

កាលពី​ម្សិលមិញ ក្រសួង​ពាណិជ្ជកម្ម​​បាន​បញ្ចេញ​សេចក្ដី​ព្រាង​​ច្បាប់​​​​ស្តីពី​សុវត្ថិ​ភាព​ចំណី​​​អាហារ​ដំបូង​របស់​កម្ពុជា ដែល​​នឹង​បង្កើត​ឲ្យ​មាន​អាជ្ញាធរ​​​សុវត្ថិភាព​ចំណីអាហារ​ ទទួល​​បន្ទុក​​កិច្ច​ការ​ពារ​​​សុវត្ថិភាព​របស់​អ្នក​​ទទួល​​ទាន​​​​ក្នុង​ស្រុក និង​ការ​ធានា​ថា ការ​នាំចេញ​ស្រប​តាម​​​​​បទដ្ឋាន​អន្តរជាតិ​។ ច្បាប់​ដែល​គេ​រំពឹង​ថានឹង​​ព្រាង​ចប់​រួច​រាល់​ ហើយ​បញ្ជូន​​ទៅ​ទីស្ដីការគណៈរដ្ឋមន្ត្រី​​ត្រឹម​ដំណាច់​ខែ​នេះ ​ចែង​អំពី​បទល្មើស​ផ្ដន្ទា​ទោស​​​ជាច្រើន​ ក្នុង​នោះ​រួម​មាន​ទាំង​ការ​លក់​ចំណី​អាហារ​ដែល​ផ្ទុក​​សារធាតុ​គ្រោះ​ថ្នាក់ ការ​បិទ​ស្លាក​​​សញ្ញា​​មិន​បាន​ត្រឹម​ត្រូវលើ​ចំណីអាហារ ការ​ត្រៀម​ ឬ​ការ​លក់​ចំណីអាហារ​ក្នុង​ស្ថាន​​ភាព​​​គ្មាន​អនាម័យ និង​​​ការ​ដំណើរ​ការ​​​​អាជីវកម្ម​​ចំណីអាហារ​ដោយ​គ្មាន​អាជ្ញាប័ណ្ណ​ផង​ដែរ​។ បន្ទាប់ពី​​សិក្ខាសាលា​មួយ​ស្ដីពី​ច្បាប់​នេះ ដែល​​បាន​​រៀប​ចំ​ឡើង​នៅ​សណ្ឋាគារ​អាំង​ទែ​​​កុង​ទីណង់តាល់ ក្នុង​រាជធានី​ភ្នំពេញ លោកស្រី ​​នីណា ប្រែ៊នស្ត្រាប់ (Nina​ Brandstrup) តំណាង​​​​ប្រចាំប្រទេស​កម្ពុជា​​ នៃ​អង្គការ​​ស្បៀង​អាហារ​ ​​និង​កសិកម្ម​ (FAO) របស់​អង្គការ​សហ​ប្រជា​ជាតិ​ បាន​មាន​ប្រសាសន៍​កាលពី​ម្សិលមិញ​​ “ ​ច្បាប់​នេះ​​​គឺចាំបាច់ណាស់​​ ពីព្រោះ​តែ​​មិន​​ទាន់​មាន​​វា​នៅ​ឡើយ​​។ កម្ពុជា​...

អគ្គិសនី​កម្ពុជា​ (EdC) បាន​​​ចេញ​​​សេចក្តី​​​ជូន​​​ដំណឹង​​​កាល​​​ពីថ្ងៃ​​​អង្គារ ដោយ អះ​​​អាង​​​ថា វិក្កយបត្រ​​​អគ្គិសនី​​​​​​កើន​​​ឡើង​​​ដោយ​​​សារ​​​អាកាស​​​ធាតុ​​​ក្តៅ​​​ មិនមែន​​​ដោយ​​​សា​​​រការ​​​​ប្រែ​​​ប្រួល​​​អត្រា​​​​​​ តម្លៃ​​​​​​ដែលគិតថ្លៃពីអតិថិជន ​​​នោះ​​​ឡើយ​​​។ សេចក្តី​​​ជូន​​​ដំណឹង​​​ដែល​​​ចុះ​​​ហត្ថលេខា​​​ដោយ​​​លោក កែវ រតនៈ អគ្គនាយក​​​ EdC បាន​​​លើក​​​ឡើង​​​ថា “កាល​​​ពី​​​ខែ​​​មេសា ឧសភា និង​​​ខែ​​​មិថុនា វា​​​ជា​​​រដូវ​​​ក្តៅ​​​ ដូច្នេះ​​​អ្នក​​​ប្រើ​​​ប្រាស់​​​អគ្គិសនី​​​តែង​​​តែ​​​ប្រើ​​​ច្រើន​​​។ រដ្ឋាភិបាល​​​មិន​​​មាន​​​គម្រោង​​​បោក​​​ប្រាស់អតិថិជន​​​ទេ​​​។ ប្រសិន​​​បើ​​​អតិថិជន​​​មាន​​​ចម្ងល់​​​អំពី​​​ការ​​​ប្រើ​​​ប្រាស់​​​អគ្គិសនី​​​នៅ​​​លើ​​​កុង​​​ទ័រ​​​អគិ្គសនី​​​របស់​​​ខ្លួន​​​ពួក​​​គាត់​​​អាច​​​​​មក​​​​​​កាន់​​​ការិយាល័យ​​​ធ្វើ​​​ការ​​​តវ៉ា​​​បាន​​​”។ នៅ​​​ក្នុង​​​រាជ​​​ធានី​​​ភ្នំពេញ លោក អា៊ាន សាវុធ អនុប្រធាន​​​សាខា EdC ក្នុង​​​​​​សង្កាត់​​​ចាក់​​​អង្រែ​​​ក្រោម​​​...