Kaing Menghun
ចារនារីថៃ និងទណ្ឌិត៤១២នាក់ នឹងត្រូវដោះលែងនៅថ្ងៃច័ន្ទ
អ្នកស្រី រ៉ាទ្រី ពីប៉ាតាណាប៉ៃប៊ូន ដែលត្រូវបានចោទប្រកាន់ថា ជាចារនារី និងត្រូវបានផ្ដន្ទាទោសឲ្យជាប់ពន្ធនាគារតាំងពីឆ្នាំ២០១០នោះ សប្បាយចិត្តរហូតស្រក់ទឹកភ្នែកនៅពេលបានឮថា ទោសជាប់ពន្ធនាគាររយៈពេលប្រាំមួយឆ្នាំរបស់ខ្លួនបានបញ្ចប់យ៉ាងរហ័សកាលពីថ្ងៃសុក្រ ដោយសារតែការព្រះរាជទានលើកលែងទោសពីសំណាក់ព្រះមហាក្សត្រ នរោត្តម សីហមុនី ដែលទ្រង់បានកាត់បន្ថយរយៈពេលជាប់ពន្ធនាគារ ព្រមទាំង និងបានដោះលែងទណ្ឌិតកម្ពុជារាប់រយនាក់ទៀត អំឡុងពេលប្រារព្ធពិធីថ្វាយភ្លើងដល់ព្រះបរមសពសម្ដេចឪ នរោត្តម សីហនុ។
នៅចំពោះមុខអ្នកយកព័ត៌មានថៃដែលបានមកជួបជុំគ្នានៅឯពន្ធនាគារព្រៃសក្នុងរាជធានីភ្នំពេញដើម្បីត្រួតពិនិត្យមើលការដោះលែងនេះ អ្នកស្រី រ៉ាទ្រី បានរៀបរាប់អំពីទោសជាប់ពន្ធនាគាររយៈពេលពីរឆ្នាំកន្លះរបស់អ្នកស្រី ដែលអ្នកស្រីបានឆ្លងព្រំដែនចូលមកក្នុងទឹកដីប្រទេសកម្ពុជាខុសច្បាប់ ហើយបន្ទាប់មកបានចូលក្នុងតំបន់យោធាហាមឃាត់នៅក្នុងខេត្តបន្ទាយមានជ័យជាផ្នែកមួយនៃការតវ៉ារបស់ពួកជាតិនិយមជ្រុល"ពួកអាវលឿងថៃ”។
អ្នកស្រីត្រូវបានចាប់ខ្លួន ចោទប្រកាន់ និងផ្ដន្ទាទោសជាមួយនឹងចៅហ្វាយរបស់ខ្លួនឈ្មោះ វីរ៉ា សុំក្វាមឃីដ សកម្មជនជាន់ខ្ពស់របស់ពួកអាវលឿងដែលទោសជាប់ពន្ធនាគាររយៈពេលប្រាំបីឆ្នាំរបស់គាត់ត្រូវបានបន្ថយមកនៅត្រឹមរយៈពេលប្រាំមួយខែប៉ុណ្ណោះ កាលពីថ្ងៃសុក្រ។
លោក នុត សាអាន រដ្ឋលេខាធិការក្រសួងមហាផ្ទៃបានមានប្រសាសន៍ថា អ្នកស្រី រ៉ាទ្រី...
អ្នកបាត់ឈ្មោះអស់សង្ឃឹមពេលការបោះឆ្នោតខិតជិតមកដល់
លោក យឹម វីវត្តី តែងតែបោះឆ្នោតនៅការិយាល័យបោះឆ្នោតដដែលក្នុងខណ្ឌ៧មករា រាជធានីភ្នំពេញ ចាប់តាំងពីឆ្នាំ២០០៣មក។ លោកមិនដែលផ្លាស់ទីលំនៅទេ ហើយមានឈ្មោះបោះឆ្នោតនៅការិយាល័យបោះឆ្នោតដដែលនេះរាល់លើក គឺនៅការិយាល័យលេខ៣៥១។
ប៉ុន្តែ នៅពេលបុរសវ័យ៣៥ឆ្នាំរូបនេះស្វែងរកឈ្មោះរបស់ខ្លួននៅលើច្បាប់ចម្លងនៃបញ្ជីឈ្មោះបោះឆ្នោតដែលកឹបជាប់នឹងក្ដារបិទប្រកាសមួយនៅខាងក្រៅសាលាសង្កាត់វាលវង់ កាលពីពីរថ្ងៃមុន លោករកឈ្មោះរបស់ខ្លួនមិនឃើញទេ។
លោកបាននិយាយបន្ទាប់ពីពិនិត្យរកឈ្មោះរបស់លោកម្ដងហើយម្ដងទៀតអស់កន្លះម៉ោងថា “ ខ្ញុំព្រួយបារម្ភខ្លាចមិនអាចបោះឆ្នោតាន។ នៅពេលខ្ញុំប្រាប់ពួកគេ ពួកគេគ្រាន់តែប្រាប់ខ្ញុំឲ្យរកមើលម្ដងទៀត។ ប៉ុន្តែ ខ្ញុំបានរកមើលម្ដងហើយម្ដងទៀត ហើយខ្ញុំនៅតែរកមិនឃើញ”។ បញ្ហានេះមិនមែនកើតមានឡើងតែចំពោះលោក យឹម វីវត្តី ម្នាក់ឯងនោះទេ។
យោងតាមសវនកម្មឯករាជ្យមួយលើបញ្ជីឈ្មោះបោះឆ្នោតរបស់រដ្ឋាភិបាលសម្រាប់ការបោះឆ្នោតនៅថ្ងៃអាទិត្យនេះបង្ហាញថា...
លទ្ធផលឌីអិនអេពាក់ព័ន្ធករណីធ្វើឃាតស្ត្រីទេសចរជនជាតិបារាំងនៅមិនទាន់ច្បាស់នៅឡើយ
មន្ត្រីក្រសួងមហាផ្ទៃម្នាក់បាននិយាយកាលពីម្សិលមិញថា ការស៊ើបអង្កេតរបស់នគរបាលបារំាំងពីករណីធ្វើឃាតទេសចរជនជាតិបារាំងអាយុ២៥ឆ្នាំម្នាក់នៅក្នុងខេត្តកំពតកាលពីខែកុម្ភៈ នោះ មិនបានបង្ហាញលទ្ធផលឌីអិនអេ ដែលអាចកំណត់សញ្ញាណអ្នកសម្លាប់ស្ត្រីរូបនេះបានឡើយ។
លោកឧត្តមសេនីយ៍ឯក ម៉ក់ ជីតូ ដែលជាប្រធាននាយកដ្ឋាននគរបាលយុត្តិធម៌បានមានប្រសាសន៍ថា លោកទទួលបានរបាយការណ៍ឌីអិនអេ ពីមន្ត្រីស្ថានទូតបារាំងកាលពីពីរសប្ដាហ៍មុន ប៉ុន្តែរបាយការណ៍នេះមិនទាន់ច្បាស់លាស់នៅឡើយទេ។
សាកសពអាក្រាតកាយរបស់ស្ត្រីឈ្មោះ អូហ្វីលី បេកនីស (Ophelie Begnis) ត្រូវបានគេប្រទះឃើញអណ្ដែតទឹកក្បែរមាត់ស្ទឹងក្នុងក្រុងកំពតកាលពីថ្ងៃទី១០ ខែកុម្ភៈ ដោយមានស្នាមរបួសត្រង់ដៃនិងក្បាល។គេឃើញស្ត្រីរូបនេះលើកចុងក្រោយជិះកង់ចេញពីផ្ទះសំណាក់ដែលនាងស្នាក់នៅមួយថ្ងៃមុនពេលសាកសពរបស់នាងត្រូវបានគេប្រទះឃើញ។
កាលពីខែមីនា នគរបាលបារំាងមួយក្រុមរួមទាំងក្រុមកោសល្យវិច័យបានធ្វើដំណើរទៅខេត្តកំពត ដើម្បីស៊ើបអង្កេតករណីនេះ និងប្រមូលសំណាកឌីអិនអេ បន្ទាប់ពីក្រុមគ្រួសារស្ត្រីឈ្មោះ អូហ្វីលី បេកនីស បានប្តឹងទៅរដ្ឋាភិបាលបារាំង។ មកទល់ពេលនេះ នគរបាលមូលដ្ឋានបានរកឃើញជនសង្ស័យតែម្នាក់ប៉ុណ្ណោះ គឺឈ្មោះ អូលីវីយេ វ៉ាន ដែន បូហ្គាអឺត (Olivier van den Bogaert) ដែលមានអាយុ៤០ឆ្នាំជាជនជាតិបែលហ្ស៊ិក។
ឈ្មោះ វ៉ាន ដែន បូហ្គាអឺត ត្រូវបានចាប់ខ្លួនកាលពីខែមេសា និងចោទប្រកាន់ពីបទមនុស្សឃាត បន្ទាប់ពីសាក្សីបានឃើញជននេះទុកកង់ចោលនៅចម្ការទុរេនមួយ...
ក្រុមគាំទ្រជាយុវជនរបស់បក្សប្រជាជន និងបក្សសង្គ្រោះជាតិឌឺដងពាក្យសម្ដី តែមិនប្រើហិង្សា
នៅពេលក្រុមអ្នកគាំទ្ររបស់គណបក្សប្រជាជនកម្ពុជានិងគណបក្សសង្គ្រោះជាតិ ប្រមូលផ្តុំគ្នាធ្វើយុទ្ធនាការឃោសនាចល័តតាមដងផ្លូវនានាមុនការបោះឆ្នោតនៅថ្ងៃអាទិត្យនោះ ការប្រឈមមុខដាក់គ្នារវាងភាគីទាំងពីរអាចនិយាយបានថា មិនខុសពីនាដកថា ក្នុងនាដកម្មរឿង វ៉េសសាយ ស្តូរី (West Side Story) ដែលពណ៌នាពីការប្រឈមមុខដាក់គ្នារវាងក្រុម ជែតស៍ (Jets) និងក្រុមសាក (Sharks) នោះទេ។
ដូចជាក្រុម ជែតស៍ និងក្រុម សាក ដែរ ក្រុមអ្នកគាំទ្រជាយុវជនរបស់គណបក្សប្រជាជនកម្ពុជាកំពុងកាន់អំណាចនិងគណបក្សសង្គ្រោះជាតិបានសើចចំអកឡកឡាយដាក់គ្នា និងប្រមាថគ្នាទៅវិញទៅមក ពេលពួកគេជិះទោចក្រយានយន្តកាន់ទង់គណបក្សនិងបដាឃោសនា។
អ្នកចូលរួមធ្វើយុទ្ធនាការឃោសនា និងអ្នកឃ្លាំមើលការបោះឆ្នោតបានលើកឡើងកាលពីម្សិលមិញថា ការប្រមាថគ្នានេះអាចមានភាពជូរចត់ក៏ពិតមែន ប៉ុន្តែវាមិនបានឈានដល់ការប្រើអំពើហិង្សាទេ ដែលទិដ្ឋភាពបែបនេះគឺផ្ទុយគ្នាស្រឡះពីវប្បធម៌នយោបាយរបស់អ្នកធ្វើយុទ្ធនាការឃោសនាជំនាន់មុន។
យុវជន ទី ម៉េង អាយុ១៩ឆ្នាំ ជាអ្នកគាំទ្រគណបក្សប្រជាជនកម្ពុជាប្រចាំនៅវត្តភ្នំ បាននិយាយអំពីការធ្វើយុទ្ធនាការឃោសនាឲ្យគណបក្សប្រជាជនកម្ពុជាថា “ វាសប្បាយ តែក៏ពិបាកដែរ”។
ទី ម៉េង និយាយថា ខ្លួនសប្បាយនឹងការជិះម៉ូតូជុំវិញក្រុង ហើយថា ការឌឺដងគ្នាជាមួយក្រុមយុវជនគាំទ្រគណបក្សសង្គ្រោះជាតិតាមរយៈការស្រែកដាក់គ្នាថា “ ដូរ មិនដូរ?” “ អត់ដូរ!” “ លេខ៤!” និង “ លេខ៧” ជាដើម គឺជារឿង “ សប្បាយ”។
ទីម៉េងបាននិយាយថា “ ប៉ុន្តែ...
អ្នកគាំទ្រប្រមូលផ្ដុំគ្នាកកកុញខណៈលោក សម រង្ស៊ី វិលវិញដោយប្ដេជ្ញាឲ្យមានការផ្លាស់ប្ដូរ
ក្នុងសុន្ទរកថាលើកដំបូងរបស់ខ្លួន បន្ទាប់ពីបានធ្វើមាតុភូមិនិវត្តមកដល់ប្រទេសកម្ពុជាវិញ ក្រោយពីបានបញ្ចប់ការនិរទេសខ្លួនអស់រយៈពេលបួនឆ្នាំ លោក សម រង្ស៊ី ប្រធានគណបក្សសង្គ្រោះជាតិ បានប្ដេជ្ញាកាលពីថ្ងៃសុក្រថានឹងផ្លាស់ប្ដូរទំព័រប្រវត្តិសាស្ត្រកម្ពុជា តាមរយៈការបោះឆ្នោតនាសប្ដាហ៍ក្រោយនេះ។
លោក ប៉ែន សុវណ្ណ អតីតនាយករដ្ឋមន្ត្រីសង្ឃឹមថានឹងក្លាយជាតំណាងរាស្ត្រក្រោយការបោះឆ្នោត
នៅពេលរដ្ឋសភាបង្កើតឡើងបន្ទាប់ពីការបោះឆ្នោតនៅខែនេះនោះ លោក ប៉ែន សុវណ្ណ អតីតនាយករដ្ឋមន្ត្រីដំបូងនៅប្រទេសកម្ពុជា បន្ទាប់ពីការដួលរលំរបបខ្មែរក្រហមក្នុងឆ្នាំ១៩៧៩ ហើយត្រូវគេចាប់ដាក់គុកនៅក្នុងទីក្រុងហាណូយចាប់ពីឆ្នាំ១៩៨១ដល់ឆ្នាំ១៩៩១ អាចអង្គុយធ្វើការជិតបុរសម្នាក់ដែលលោកជឿថា បានក្បត់លោកកាលពីបីទសវត្សរ៍មុន។
លោក ប៉ែន សុវណ្ណ ដែលជីវិតរបស់លោកបានតាមដានប្រវត្តិសាស្ត្រកម្ពុជាសម័យទំនើបពីចលនាឥស្សរៈប្រឆាំងអាណានិគមក្នុងទសវត្សរ៍ឆ្នាំ១៩៥០រហូតដល់រណសិរ្សសង្គ្រោះជាតិដែលបានផ្តួលរំលំខ្មែរក្រហម ក្នុងឆ្នាំ១៩៧៩ កំពុងឈរឈ្មោះជាបេក្ខជនស្ថិតនៅលើគេរបស់គណបក្សសង្គ្រោះជាតិជាគណបក្សប្រឆាំងនៅមណ្ឌលកំពង់ស្ពឺ។
ហើយលោករំពឹងថា នឹងទទួលបានជ័យជម្នះ។ លោកបានមានប្រសាសន៍កាលពីម្សិលមិញថា “មានអាសនៈចំនួនប្រាំបី ហើយមានតែរូបខ្ញុំម្នាក់ប៉ុណ្ណោះ។ តើខ្ញុំមិនអាចឈ្នះដូចម្តេចកើត?”។ លោក ប៉ែន សុវណ្ណ បានមានប្រសាសន៍ថា ចំណាត់ការរបស់លោកគ្រាន់តែជាការបន្តអាជីពនយោបាយដែលលោកធ្លាប់ប្រឡូករួចមកហើយ...
នាយករដ្ឋមន្ត្រីថៃ និងនាយករដ្ឋមន្ត្រីឡាវ អញ្ជើញមកគោរពវិញ្ញាណក្ខន្ធសពលោក ហ៊ុន នាង
មន្ត្រីម្នាក់បានឲ្យដឹងថា នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា និងសមភាគីឡាវរបស់លោកស្រី បានអញ្ជើញមកដល់ប្រទេសកម្ពុជាកាលពីម្សិលមិញ ដើម្បីចូលរួមគោរពវិញ្ញាណក្ខន្ធសពលោក ហ៊ុន នាង ដែលត្រូវជាឪពុកលោកនាយករដ្ឋមន្ត្រី ហ៊ុន សែន ។
លោក ហ៊ុន នាង បានទទួលមរណភាពក្នុងជន្មាយុ៩០ឆ្នាំ នៅវេលាទៀបភ្លឺឈានចូលព្រឹកថ្ងៃសុក្រ។ ពិធីបុណ្យសពរបស់លោកនឹងធ្វើឡើងនៅព្រឹកនេះ នៅបរិវេណភូមិគ្រិះរបស់លោក ហ៊ុន សែន ក្នុងខណ្ឌដូនពេញ រាជធានីភ្នំពេញ។ បន្ទាប់មក សពរបស់លោកនឹងត្រូវយកទៅបញ្ចុះនៅវត្ត វង្កដ្ឋបុរី ក្នុងខណ្ឌ សែនសុខ ជាមួយសពភរិយារបស់លោក។
លោក ឈិន កេតណា អគ្គលេខាធិការនៃគណៈកម្មាធិការជាតិរៀបចំបុណ្យជាតិនិងអន្តរជាតិបានមានប្រសាសន៍ថា “ នាយករដ្ឋមន្ត្រីថៃ គឺលោកស្រី យីងឡាក់ និងនាយករដ្ឋមន្ត្រីឡាវ គឺលោក ថុងស៊ីង ថាំម៉ាវង្ស បានអញ្ជើញមកគោរពវិញ្ញាណក្ខន្ធនៅម៉ោងប្រហែល៣រសៀល ហើយពេលនេះនាយករដ្ឋមន្ត្រីទាំងពីរបានចាកចេញពីប្រទេសកម្ពុជាវិញហើយ”។
លោក កេតណា បានឲ្យដឹងថា អតីតនាយករដ្ឋមន្ត្រីថៃគឺលោក ថាក់ស៊ីន ស៊ីណាវ៉ាត្រា ដែលត្រូវជាបងប្រុសរបស់លោកស្រី យីងឡាក់ និងជាសម្ពន្ធមិត្តហើយក៏ជាអតីតទីប្រឹក្សាសេដ្ឋកិច្ចរបស់លោក ហ៊ុន សែន បានមកគោរពវិញ្ញាណក្ខន្ធកាលពីថ្ងៃអាទិត្យ ចំណែកនាយករដ្ឋមន្ត្រីវៀតណាម ង្វៀន តាន់យុង បានមកគោរពវិញ្ញាណក្ខន្ធសពលោក ហ៊ុន នាង កាលពីថ្ងៃច័ន្ទ រួចហើយ។
សាលារាជធានីភ្នំពេញបានចេញសេចក្តីប្រកាសមួយចុះថ្ងៃទី១៣ ខែកក្កដា ដោយស្នើឲ្យគណៈកម្មាធិការជាតិរៀបចំការបោះឆ្នោតប្រាប់គណបក្សនយោបាយទាំងអស់ថា យុទ្ធនាការឃោសនាបោះឆ្នោតនឹងមិនត្រូវបានអនុញ្ញាតឲ្យធ្វើនៅតាមផ្លូវមួយចំនួនជុំវិញបរិវេណភូមិគ្រឹះរបស់លោក ហ៊ុន សែន និងតាមផ្លូវដង្ហែសពទេ។
សេចក្តីប្រកាសដែលចុះហត្ថលេខាដោយលោក ប៉ា សុជាតិវង្ស អភិបាលរាជធានីភ្នំពេញនេះ មានខ្លឹមសារថា “ ចាប់ពីថ្ងៃទី១៣ដល់ថ្ងៃទី១៧ខែកក្កដា គឺមិនអនុញ្ញាតឲ្យមានការជួបជុំ ការដង្ហែក្បួនធ្វើយុទ្ធនាការឃោសនាបោះឆ្នោត និងការបង្កសំឡេងអូ៊អរនៅជុំវិញកន្លែងរៀបចំពិធីបុណ្យសពក្នុងភូមិគ្រឹះរបស់លោកនាយករដ្ឋមន្ត្រីឡើយ”។
សេចក្តីប្រកាសនេះមានខ្លឹមសារបន្តថា ផ្លូវដង្ហែសព គឺរាប់ទាំងមហាវិថីសហព័ន្ធរុស្ស៊ីផងដែរ។លោក ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត បានឲ្យដឹងថា លោកមិនទាន់បានចេញបម្រាមជាក់លាក់លើការធ្វើយុទ្ធនាការនៅជុំវិញកន្លែងរៀបចំពិធីបុណ្យសពទេ។...
ឪពុករបស់លោកនាយករដ្ឋមន្ត្រី ហ៊ុន សែន ទទួលមរណភាពក្នុងជន្មាយុ៩០ឆ្នាំ ដោយរោគាពាធ
មន្ត្រីរដ្ឋាភិបាលបាននិយាយថា លោកព្រឹទ្ធាចារ្យ ហ៊ុន នាង ឪពុករបស់លោកនាយករដ្ឋមន្ត្រី ហ៊ុន សែន បានទទួលមរណភាពកាលពីវេលារំលងអធ្រាត្រឈានចូលថ្ងៃសុក្រក្នុងជន្មាយុ៩០ឆ្នាំ។
លោក ឈិន កេតនា អគ្គលេខាធិការគណៈកម្មាធិការជាតិរៀបចំបុណ្យជាតិ និងអន្តរជាតិបានមានប្រសាសន៍ថា “ បានទទួលមរណភាពនៅម៉ោង៤និង១០នាទីរំលងអធ្រាត្រក្នុងជន្មាយុ ដោយរោគាពាធ”។ លោកបានមានប្រសាសន៍បន្ថែមទៀតថា “ ខ្លួនខ្ញុំផ្ទាល់នឹងទៅគោរពវិញ្ញាណក្ខន្ធនៅរសៀលនេះ”។
លោកព្រឹទ្ធាចារ្យ ហ៊ុន នាង ប្រសូតនៅក្នុងស្រុកស្ទឹងត្រង់ ខេត្តកំពង់ចាមក្នុងខែសីហា ឆ្នាំ១៩២៣។ លោកបានរៀបការជាមួយលោកស្រី ឌី ប៉ុក ដែលបានទទួលមរណភាពហើយដែរ ហើយមានកូនប្រុសស្រីប្រាំមួយនាក់...
សវនកម្មរបស់គ.ជ.ប. លើកឡើងថា ៩ភាគរយនៃឈ្មោះរបស់អ្នកបោះឆ្នោតបានបាត់ពីបញ្ជី
កាលពីម្សិលមិញ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានចេញផ្សាយលទ្ធផលសវនកម្មផ្ទៃក្នុងនៃបញ្ជីឈ្មោះអ្នកបោះឆ្នោតរបស់ខ្លួន ហើយបានរកឃើញថា ប្រជាពលរដ្ឋ៩ភាគរយដែលបានចុះឈ្មោះដើម្បីបោះឆ្នោត នៅថ្ងៃទី២៨ ខែកក្កដា រកឈ្មោះរបស់ខ្លួនមិនឃើញនៅក្នុងបញ្ជីបោះឆ្នោតឡើយ។
លទ្ធផលសវនកម្មនេះស្រដៀងទៅនឹងការស្ទាបស្ទង់មតិដោយឡែកមួយចំនួនផ្សេងទៀតធ្វើឡើងដោយគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល និងវិទ្យាស្ថានជាតិប្រជាធិបតេយ្យ ដែលមានមូលដ្ឋាននៅក្រុងវ៉ាស៊ីនតោន ដោយបានរកឃើញថា ក្នុងចំណោមអ្នកបោះឆ្នោត១០នាក់ មានម្នាក់អាចត្រូវបានដកសិទ្ធិចេញពីការបោះឆ្នោតក្នុងខែនេះ។
យោងតាមសវនកម្មរបស់គណៈកម្មាធិការជាតិររៀបចំការបោះឆ្នោត ដែលធ្វើឡើងដោយក្រុមហ៊ុនស្រាវជ្រាវ Business and Marketing Research Solutions Asia (BMRS) បានរកឃើញថា ១៣ភាគរយនៃឈ្មោះទាំងអស់នៅក្នុងបញ្ជីអ្នកបោះឆ្នោតត្រូវបានចុះដោយមិនត្រឹមត្រូវ។
គណៈកម្មាធិការជាតិរៀបចំការបោះឆ្នោតបានលើកឡើងនៅក្នុងរបាយការណ៍សង្ខេបនៃសវនកម្មនេះ ដែលបានចេញនៅទីស្នាក់ការកណ្ដាលរបស់ខ្លួនក្នុងរាជធានីភ្នំពេញថា “ ទោះបីជាគណៈកម្មាធិការជាតិរៀបចំការបោះឆ្នោតខិតខំប្រឹងប្រែង និងប្តេជ្ញាចិត្តយ៉ាងណាក្តី ក៏បញ្ជីឈ្មោះអ្នកបោះឆ្នោតមិនអាចត្រឹមត្រូវ១០០ភាគរយដែរ”។
គណៈកម្មាធិការជាតិរៀបចំការបោះឆ្នោតបានបន្ថែមថា “ ពាក់ព័ន្ធនឹងបញ្ហាដែលលើកឡើងអំពីបញ្ជីឈ្មោះអ្នកបោះឆ្នោត គណៈកម្មាធិការជាតិរៀបចំការបោះឆ្នោត នឹងពិនិត្យមើលដំណោះស្រាយផ្អែកលើបទពិសោធ ការលើកឡើងមួួយចំនួនកន្លងមក និងស្ថាប័នពាក់ព័ន្ធនានា...
គណបក្សប្រជាជនកម្ពុជា និងគណបក្សសង្គ្រោះជាតិ ប្ដឹងគ្នាទៅវិញទៅមកនៅមុនការបោះឆ្នោតជាតិ
យោងតាមលោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានមានប្រសាសន៍ថា រយៈពេលជាងពីរសប្ដាហ៍ទៀតនៅមុនការបោះឆ្នោតជ្រើសរើសសមាជិកសភាគ.ជ.ប. បានទទួលពាក្យបណ្ដឹងជាង១៥០ករណី ដែលបានប្ដឹងជុំវិញការរំលោភបំពានច្បាប់ធ្វើយុទ្ធនាការឃោសនារកសំឡេងឆ្នោតនៅកម្ពុជា ពាក្យបណ្ដឹងជាង៦០ភាគរយមកពីគណបក្សសង្គ្រោះជាតិ ជាគណបក្សប្រឆាំង។
នៅក្នុងសន្និសីទសារព័ត៌មានមួយកាលពីម្សិលមិញនៅរាជធានីភ្នំពេញ ដែល គ.ជ.ប.ធ្វើការត្រួតពិនិត្យបញ្ជីឈ្មោះអ្នកបោះឆ្នោតជាផ្លូវការរបស់ខ្លួនជាចុងក្រោយនោះ លោក ទេព នីថា បានមានប្រសាសន៍អំពីការទទួលពាក្យបណ្ដឹងនេះ ហើយពាក្យបណ្ដឹងចំនួន២២ករណី មិនអាចដោះស្រាយនៅថ្នាក់ ឃុំ-សង្កាត់បានទេ ហើយពាក្យបណ្ដឹងនោះត្រូវបញ្ជូនមកកាន់គណៈកម្មាធិការរៀបចំការបោះឆ្នោតខេត្ត និងមានពាក្យបណ្ដឹងតែបួនករណីប៉ុណ្ណោះ ត្រូវបានបញ្ជូនមកគ.ជ.ប.ដោយផ្ទាល់ ហើយពាក្យបណ្ដឹងពីរ ក្នុងចំណោមពាក្យបណ្ដឹងទាំងបួននេះនៅតែមិនអាចដោះស្រាយបានទេ។
លោក ហឿ រ៉ុង នាយកប្រតិបត្តិនៅក្នុងនាយកដ្ឋានប្រតិបត្តិការរបសគណៈកម្មាធិការរៀបចំការបោះឆ្នោត មានប្រសាសន៍ថា លោកមិនទាន់ដឹងច្បាស់ថា បណ្ដឹងណាមួយដែលមិនអាចដោះស្រាយបាននោះទេ ប៉ុន្ដែបានមានប្រសាសន៍ថា បណ្ដឹងជាច្រើនផ្សេងទៀត ពាក់ព័ន្ធនឹងទីតាំងនៃការដង្ហែក្បូនឃោសនារកសំឡេងឆ្នោត និងការដកប័ណ្ណឃោសនាបោះឆ្នោតរបស់គណបក្ស។
លោក ហឿ រ៉ុង បានមានប្រសាសន៍ថា “គណបក្សសង្គ្រោះជាតិបានដាក់ពាក្យបណ្ដឹងចំនួន៩៩ករណី រីឯគណបក្សប្រជាជនវិញបានដាក់ពាក្យបណ្ដឹងចំនួន៣៣ករណី។ រីឯពាក្យបណ្ដឹង ផ្សេងទៀតមកពីគណបក្សផ្សេងៗ និងពីអាជ្ញាធរមូលដ្ឋាន”។លោកមានប្រសាសន៍បន្ថែមថា អាជ្ញាធរមូលដ្ឋានបានប្ដឹងគណបក្សជាច្រើនអំពីការដាក់ប័ណ្ណឃោសនារបស់គណបក្សនានា នៅតាមបង្គោលភ្លើងឬ នៅទីកន្លែងហាមឃាត់ផ្សេងៗទៀត។
កាលពីថ្ងៃទី២ ខែកក្កដា គណៈកម្មាធិការរៀបចំការបោះឆ្នោតរាជធានីភ្នំពេញ បានប្រាប់គណបក្សសង្គ្រោះជាតិថា ការប្រើបង្គោលភ្លើង គឺជាការប្រឆាំងនឹងច្បាប់បោះឆ្នោត ដែលហាមមិនឲ្យប្រើប្រាស់ទ្រព្យសម្បត្តិរដ្ឋសម្រាប់ធ្វើយុទ្ធនាការរកសំឡេងឆ្នោត។ទោះជាយ៉ាងណាក៏ដោយ ក៏ប័ណ្ណឃោសនាបោះឆ្នោតជាច្រើនរបស់គណបក្សសង្គ្រោះជាតិនៅតែមាននៅតាមបង្គោលភ្លើងផ្សេងទៀតនៅទូទាំងរាជធានី។ គណបក្សសង្គ្រោះជាតិបានប្ដឹងថា គណបក្សប្រជាជនកម្ពុជាមិនបានអនុញ្ញាតឲ្យមានការចូលឃោសនារកសំឡេងឆ្នោតដោយស្មើភាពនៅសួនមុខវត្តបទុម ជាកន្លែងសាធារណៈដ៏ធំមួយ ក្នុងចំណោមកន្លែងសាធារណៈធំៗផ្សេងទៀត នៅចំកណ្ដាលរាជធានីភ្នំពេញ និងមិនមានការពន្យល់ឲ្យបានត្រឹមត្រូវពីគណៈកម្មាធិការរៀបចំការបោះឆ្នោតរាជធានីនោះទេ។
សាលារាជធានីភ្នំពេញ បានការពារចំពោះការផ្ដល់ទីតាំងសួននៅមុខវត្ត បុទុមឲ្យគណបក្សប្រជាជនកម្ពុជា ជាគណបក្សកាន់អំណាចដោយអះអាងថា គណបក្សនេះ បានស្នើសុំសាលារាជធានីដើម្បីប្រើសម្រាប់ធ្វើការឃោសនារកសំឡេងឆ្នោតបានមុនគណបក្សប្រឆាំង។
លោក យ៉ែម បុញ្ញា រិទ្ធ អ្នកនាំពាក្យគណបក្សប្រឆាំង មានប្រសាសន៍កាលពីម្សិលមិញថា គណបក្សរបស់លោក បានប្ដឹងគណបក្សប្រជាជនកម្ពុជាអំពីការប្រើប្រាស់អ្នកផ្ដាច់ខ្លួនពីគណបក្សសង្គ្រោះជាតិ ចុះចូលជាមួយនឹងគណបក្សប្រជាជនឲ្យវាយប្រហារមេដឹកនាំគណបក្សគឺលោកកឹម សុខា និង លោក សម រង្ស៊ីដោយផ្ទាល់ ដោយធ្វើមិនដឹងមិនឮអំពីការស្នើសុំពី គ.ជ.ប. កាលពី ខែមុន ឲ្យភាគីនានាបញ្ឈប់ការវាយប្រហារជាលក្ខណៈបុគ្គលអំឡុងពេល ធ្វើយុទ្ធនាការឃោសនារកសំឡេងឆ្នោត នេះ។
ក្នុងរយៈពេលប៉ុន្មានសប្ដាហ៍ខាងមុខនេះនៅមុនការបោះឆ្នោតជាតិ ដែលប្រព្រឹត្តទៅនៅថ្ងៃទី២៨ ខែកក្កដា គណបក្សប្រជាជនកម្ពុជាបានប្រើប្រាស់ ឧត្ដមសេនីយ៍ទោនគរបាលជាតិ លោក កឹម សុខុន ប្អូនប្រុសរបស់លោក កឹម សុខា និងជាអតីត អ្នកនយោបាយប្រឆាំងដោយផ្ទាល់នោះ បានបង្ហាញខ្លួននៅក្នុងការដង្ហែរក្បួនឃោសនារកសំឡេងឆ្នោតនិងនៅតាមបណ្ដាញទូរទស្សន៍ និងស្ថានីយវិទ្យុដែលគាំទ្រគណបក្សប្រជាជនកម្ពុជា ធ្វើការវាយប្រហារបងប្រុសរបស់ខ្លួន និងលោក សម រង្សុី ដោយឥតសំចៃ។
លោក ឈាង វុន សមាជិកសភាមកពីគណបក្សប្រជាជនកម្ពុជា និងជាអ្នកនាំពាក្យរដ្ឋសភាបានបដិសេធមិនធ្វើអត្ថាធិប្បាយអំពីពាក្យបណ្ដឹងដែលគណបក្សប្រជាជនកំពុងកាន់អំណាចបានប្ដឹងនោះឡើយ។ លោក ហឿ រ៉ុង បានមានប្រសាសន៍ថា ពាក្យបណ្តឹងនៅឆ្នាំនេះមានចំនួនស្មើនឹងឆ្នាំ២០០៨ផងដែរ។
លោក ទេព នីថា ក៏បានមានប្រសាសន៍នៅឯសន្និសីទសារព័ត៌មានកាលពីម្សិលមិញថា អ្នកសង្កេតការបោះឆ្នោតក្នុងស្រុកជាង២០.០០០នាក់ ហើយអ្នកសង្កេតការអន្តរជាតិចំនួន៤១រូប នឹងចូលរួមឃ្លាំមើលការបោះឆ្នោតនៅតាមមណ្ឌលនានានៅថ្ងៃបោះឆ្នោតខាងមុខនេះ។ សហភាពអឺរ៉ុបបានបញ្ចូលអ្នកសង្កេតការរាប់រយនាក់ឲ្យមកឃ្លាំមើលការបោះឆ្នោតកាលពីឆ្នាំ២០០៨ បានបដិសេធមិនចូលរួមឃ្លាំមើលការបោះឆ្នោតនៅឆ្នាំនេះទេ។
អង្គការតម្លាភាពអន្តរជាតិក៏បានជូនដំណឹងកាលពីម្សិលមិញផងដែរថា ខ្លួននឹងដាក់ពង្រាយអ្នកសង្កេតការបោះឆ្នោតរបស់ខ្លួនចំនួន៨២២នាក់នៅតាមមណ្ឌលបោះឆ្នោតចំនួន៤១១កន្លែងនៅទូទាំងប្រទេសកម្ពុជា៕
ប្រែសម្រួលដោយស៊ុំ សុខភុំ
MEDIA FEEDS
Popular
ចិនប្រាប់ហ្វីលីពីនអោយបញ្ឈប់ការបង្ករឿងខណៈនាវាចម្បាំងចិនចូលដែនទឹកហ្វីលីពីន
ក្នុងស្ថានភាពដែល ប្រទេសហ្វីលីពីន បានធ្លាក់ក្នុងភាពតានតឹង នៃជម្លោះ ដែនទឹក នៅសមុទ្រចិនខាងត្បូង ហើយតែងតែប្រាប់ចិនឲ្យដកទ័ពចេញពីដែនទឹករបស់ខ្លួន បើពុំនោះទេការបង្កជម្លោះ មិនអាចរកទី បញ្ចប់បានឡើយ។
រហូតមកទល់ពេលនេះ ហ្វីលីពីន បានបញ្ជូននាវាចម្បាំងជាច្រើនគ្រឿង ទៅកាន់ទីតាំងដែលនាវាចម្បាំងរបស់ចិន បានស្ថិតនៅទីនោះ ។ នាវារបស់ហ្វីលីពិន ទៅទីនោះ គឺដើម្បីធ្វើសមយុទ្ធ...
