Wednesday, November 13, 2019
Home Authors Posts by Khy Sovuthy

Khy Sovuthy

860 POSTS 0 COMMENTS

កម្ពុជា​​ស្នើ​ឱ្យ​មាន​​ការ​កែប្រែ​​​កិច្ច​​​ព្រមព្រៀង​​​បញ្ជូន​​​ពលរដ្ឋពី​​​អាមេរិក​​​

មន្ត្រីម្នាក់បាននិយាយកាលពីម្សិលមិញថា ក្នុងការខិតខំប្រឹងប្រែងធ្វើយ៉ាងណាកុំឱ្យមានការបញ្ជូនពលរដ្ឋកម្ពុជាដែលរងការគំរាមកំហែងពីសហរដ្ឋអាមេរិកមកកម្ពុជាវិញទាំងក្រុមគ្រួសារនោះ ក្រសួងការបរទេសមានគម្រោងផ្ដល់ជូនសហរដ្ឋអាមេរិកនូវកំណែប្រែថ្មីនៃកិច្ចព្រមព្រៀងមាតុភូមិនិវត្តន៍រវាងប្រទេសទាំងពីរ។ លោក អ៊ូច បូរិទ្ធ រដ្ឋលេខាធិការក្រសួងការបរទេសបានមានប្រសាសន៍ថា ក្រសួងកំពុងពិនិត្យមើលអនុស្សរណៈនៃការយោគយល់ (MoU) ឆ្នាំ២០០២ ដែលអនុញ្ញាតឱ្យមានការបញ្ជូនពលរដ្ឋកម្ពុជាដែលត្រូវបានផ្ដន្ទាទោសពាក់ព័ន្ធបទឧក្រិដ្ឋនៅសហរដ្ឋអាមេរិកត្រឡប់មកវិញ ដោយផ្អែកលើច្បាប់អន្តរជាតិ និងច្បាប់ស្ដីពីសិទ្ធិមនុស្ស។ លោកបានថ្លែងថា ក្រសួងចង់ធ្វើវិសោធនកម្មMoUនេះ ពីព្រោះអ្នកដែលត្រូវបានបញ្ជូនត្រឡប់មកវិញនោះ "គឺជាសាច់ឈាមខ្មែររបស់យើង" ហើយដោយសារពលរដ្ឋខ្មែរឆ្អែតឆ្អន់នឹងការបែកពីក្រុមគ្រួសាររបស់ខ្លួនយូរលង់ណាស់មកហើយ។ លោកបានមានប្រសាសន៍បន្តថា "ពលរដ្ឋខ្មែរប្រហែលជាគ្រប់គ្រាន់ពីរឿងនេះហើយ។ ដូច្នេះហើយ មិនចង់បន្តឱ្យមានការបែកពីគ្រួសារទៀតទេ"។ លោក អ៊ូច បូរិទ្ធ បានថ្លែងទៅកាន់អ្នកយកព័ត៌មានអំឡុងសន្និបាតបូកសរុបលទ្ធផលការងារថ្ងៃទី១នៃសន្និបាតដែលមានរយៈពេលពីរថ្ងៃនៅទីស្ដីការក្រសួងក្នុងរាជធានីភ្នំពេញថា ក្រសួងទទួលបានសំណើពីពលរដ្ឋកម្ពុជាដែលរស់នៅសហរដ្ឋអាមេរិក ហើយក៏ទទួលបានពីសំណើពីសាច់ញាតិរបស់ពួកគេផងដែរ។ លោកបានថ្លែងថា ក្រសួងកំពុងវាយតម្លៃចំណុចនីមួយៗនៃ MoU នេះ ហើយស្នើឱ្យសហរដ្ឋអាមេរិកសហការធ្វើយ៉ាងណាឱ្យមានការកែប្រែសមស្របណាមួយ។ លោកបានបន្តថា "យើងនឹងបញ្ជូនសំណើនេះទៅឱ្យសហរដ្ឋអាមេរិកពិនិត្យក្នុងពេលឆាប់ៗនេះ"។ ក្រសួងបានស្នើកាលពីខែតុលាឱ្យផ្អាកកិច្ចព្រមព្រៀងនេះជាបណ្ដោះអាសន្នសិន រហូតដល់មានការកែប្រែ "ដើម្បីអនុវត្តឱ្យបានត្រឹមត្រូវ  និងឱ្យនិវត្តជនទាំងនេះសម្របខ្លួនក្នុងសង្គមកម្ពុជាវិញសិន។ ស្ថានទូតអាមេរិកប្រចាំរាជធានីភ្នំពេញបានលើកឡើងនៅពេលនោះថា MoU នេះ នៅមានប្រសិទ្ធភាពដដែល...

មន្ត្រី​​​ម្នាក់​​​និយាយ​​​ថា ទាហាន​​​ឡាវ​​​​​​ជីក​​​លេណដ្ឋាន​​​​​​ក្នុង​​​ទឹក​​​ដី​​​កម្ពុជា​​​​រារាំង​ការ​ស្ថាបនា​ផ្លូវ​

មន្ត្រីម្នាក់បាននិយាយកាលពីម្សិលមិញថា ទាហានឡាវបានចាប់ផ្តើមជីកលេណដ្ឋាននៅក្នុងទឹកដីកម្ពុជា ដើម្បីធ្វើឱ្យប្រាកដថាការស្ថាបនាផ្លូវមួយខ្សែដ៏ចម្រូងចម្រាសមិនអាចចាប់ផ្ដើមជាថ្មីបានឡើយ ខណៈដែលអាជ្ញាធរនៃប្រទេសទាំងពីរបានបន្តខ្វែងគំនិតគ្នាជុំវិញជម្លោះនេះ។ ការស្ថាបនាផ្លូវមួយខ្សែប្រវែង២៥៧គីឡូម៉ែត្រក្នុងខេត្តស្ទឹងត្រែង ចាប់ពីក្រុងស្ទឹងត្រែងដល់ស្រុកសៀមប៉ាង ត្រូវបានផ្អាកក្នុងរយៈពេលប៉ុន្មានសប្ដាហ៍ថ្មីៗនេះ ក្រោយពីទាហានប្រដាប់អាវុធឡាវជាង៤០០នាក់បានចូលមកក្នុងទឹកដីកម្ពុជារារាំងមិនឱ្យបន្តដំណើរការនេះ។ ជាការឆ្លើយតប ទាហានកម្ពុជាត្រូវបានបញ្ជូនទៅកាន់ព្រំដែនដើម្បីតតាំងនឹងការដាក់ពង្រាយកម្លាំងនេះ។ ស្ថានភាពនេះគ្មានអ្វីប្រែប្រួលឡើយចាប់តាំងពីត្រូវបានរាយការណ៍ដំបូងដោយអាជ្ញាធរកាលពីសប្ដាហ៍មុន។ បើទោះជារដ្ឋាភិបាលប្រឹងប្រែងនិយាយសម្រាលជម្លោះនេះក៏ដោយ ក៏លោក ដួង ពៅ អភិបាលរងខេត្តស្ទឹងត្រែងបានមានប្រសាសន៍កាលពីម្សិលមិញថា ការចរចាមិនទាន់មានដំណោះស្រាយផ្លែផ្កានៅឡើយទេ។ លោកបានមានប្រសាសន៍បន្ទាប់ពីជំនួបថ្មីបំផុតកាលពីម្សិលមិញថា "ជំនួបនេះមិនទាន់សម្រេចបានលទ្ធផលជាផ្លែផ្កានៅឡើយទេ ពីព្រោះភាគីឡាវមិនទាន់ព្រមព្រៀងជាមួយយើងនៅឡើយ"។ លោកបានមានប្រសាសន៍បន្ថែមថា "យើងនៅតែប្រកាន់ជំហរដដែល គឺថាត្រូវបន្តស្ថាបនា ្លូវនេះ ពីព្រោះវាជាផែនការរបស់រដ្ឋាភិបាល ប៉ុន្តែខាងភាគីឡាវមិនព្រមព្រៀងជាមួយយើងឡើយ"។ ខណៈការចរចាបានជាប់គាំង លោក ដួង ពៅ បានមានប្រសាសន៍ថា ទាហានឡាវបាន"ចាប់ផ្ដើមជីកលេណដ្ឋានដើម្បីរារាំងយើងមិនឱ្យបន្តការស្ថាបនាផ្លូវនេះ"។ លោកមានប្រសាសន៍ថា "ពួកគេសង្ស័យថា...

​​​ឧទ្ធរណ៍​​​បដិសេធសំណើ​​​នៅ​​​ក្រៅឃុំ​​​របស់​​​មន្ត្រី​​​អាដហុក​​​ជាលើកទី​​​៤

មន្ត្រីជាន់ខ្ពស់បួនរូបនៃសមាគមសិទ្ធិមនុស្សអាដហុកត្រូវបានសាលាឧទ្ធរណ៍បដិសេធសំណើសុំនៅក្រៅឃុំជាលើកទី៤កាលពីម្សិលមិញ ដោយបន្តឃុំខ្លួនពួកគេក្នុងពន្ធនាគារព្រៃសរាជធានីភ្នំពេញតទៅទៀត ខណៈរង់ចាំការជំនុំជម្រះរយៈពេលជិត១០ខែទៅហើយនោះ។ លោក ឡោ ជុនធី មេធាវីការពារក្តីអ្នកទាំងបួនបានមានប្រសាសន៍ថា តុលាការកំពូលនឹងពិចារណាសំណើសុំនៅក្រៅឃុំនេះនៅថ្ងៃច័ន្ទ។ លោក ឡោ ជុនធី បានថ្លែងថា លោក ផូ ពៅស៊ុន ចៅក្រមប្រធានក្រុមប្រឹក្សាជំនុំជម្រះបានបដិសេធសំណើសុំនៅក្រៅឃុំនេះ ព្រោះចៅក្រមស៊ើបសួរមិនទាន់បញ្ចប់ការពិនិត្យរឿងក្តីនេះនៅឡើយទេ។ លោកបន្ថែមថា ចៅក្រមក៏បានឆ្លើយតបផងដែរថា ដោយសារវាជារឿងក្តីព្រហ្មទណ្ឌ ដូច្នេះលោកចង់ឱ្យមានការធានាថា មន្ត្រីទាំងនេះនឹងមិនរត់ទៅណាឡើយ។ លោក នី សុខា ប្រធានផ្នែកស៊ើបអង្កេតនៅសមាគមសិទ្ធិមនុស្សអាដហុក និងអនុប្រធានរបស់លោកគឺលោក ណៃ វង់ដា និង លោក យី សុខសាន្ត និងលោកស្រី លឹម មុន្នី អ្នកស៊ើបអង្កេតជាន់ខ្ពស់ ត្រូវបានចោទប្រកាន់កាលពីខែឧសភាពីបទសូកប៉ាន់ស្រីកំណាន់របស់លោក កឹម សុខា ប្រធានស្តីទីគណបក្សសង្គ្រោះជាតិឱ្យបដិសេធរឿងស្នេហាលួចលាក់។ លោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប.) និងជាអតីតមន្ត្រីសិទ្ធិមនុស្សរបស់សមាគមអាដហុក ត្រូវបានចោទប្រកាន់ថាជាអ្នកសមគំនិត ហើយកំពុងត្រូវឃុំខ្លួននៅពន្ធនាគារប៉េហ្ស៊ី ស្ថិតក្នុងរាជធានីភ្នំពេញ ប៉ុន្តែមិនត្រូវបានរាប់បញ្ចូលក្នុងសវនាការកាលពីម្សិលមិញឡើយ។ លោក សំ ចាន់គា អ្នកនាំពាក្យសមាគមសិទ្ធិមនុស្សអាដហុកបានមានប្រសាសន៍ថាបើអ្នកទោសទាំងនេះមិនត្រូវបានគេប្រើសម្រាប់ការចរចានយោបាយរវាងគណបក្សប្រជាជនកម្ពុជាកាន់អំណាច និងគណបក្សសង្គ្រោះជាតិទេនោះ ពួកគេប្រហែលជាត្រូវបានដោះដែលផងដែរ។ លោកបានមានប្រសាសន៍ថា "ខ្ញុំគិតថា គ្មានប្រយោជន៍អ្វីដែលតុលាការត្រូវបន្តឃុំខ្លួនពួកគាត់នោះឡើយ"។ ការឃុំខ្លួនពួកគាត់ត្រូវបានបន្តក្នុងខែតុលា បន្ទាប់ពីមន្ត្រីតុលាការបានសម្រេចថា ពួកគេត្រូវការពេល៦ខែទៀតដើម្បីស៊ើបអង្កេតករណីនេះ។ ប៉ុន្តែក្រុមអ្នករិះគន់អះអាងថា សាលាដំបូងរាជធានីភ្នំពេញមានចេតនាអូសបន្លាយរយៈពេលស៊ើបអង្កេត។ ក្រុមអ្នកយកព័ត៌មានមិនត្រូវបានអនុញ្ញាតឱ្យចូលស្តាប់សវនាការឡើយកាលពីម្សិលមិញ។ នៅពេលត្រូវបានទាក់ទងក្រោយមក ចៅក្រម ផូ ពៅស៊ុន បានអះអាងថា លោកបានតម្កល់សេចក្តីសម្រេចមិនផ្តល់ឱ្យនៅក្រៅឃុំ ប៉ុន្តែបានបដិសេធមិនធ្វើអត្ថាធិប្បាយបន្ថែមឡើយ។ នៅពេលដើរចេញពីសាលសវនាការ លោក យី សុខសាន្ត បានប្រាប់ក្រុមអ្នកយកព័ត៌មានថា លោកគ្មានការភ្ញាក់ផ្អើលឡើយ ព្រោះតុលាការជារបស់លោកនាយករដ្ឋមន្ត្រី ហ៊ុន សែន។ លោកបានថ្លែងថា "វាគ្មានអ្វីចម្លែកទេ ព្រោះតុលាការរបស់សម្តេច តេជោ ធ្វើតែអ៊ីចឹងឯង"។ លោកស្រី លឹម មុន្នី អះអាងថា លោកស្រីមិនត្រូវបានអនុញ្ញាតឱ្យនៅក្រៅឃុំទេ ពីព្រោះការឃុំខ្លួនលោកស្រីគឺជា "រឿងនយោបាយ"។ លោកស្រីបានមានប្រសាសន៍ថា "តុលាការនៅក្នុងប្រទេសកម្ពុជាយើង ពួកគាត់មានចំណេះដឹង តែពួកគាត់មិនប្រើឆន្ទៈពិតប្រាកដរបស់ខ្លួនធ្វើការបម្រើប្រជាពលរដ្ឋឡើយ"៕សារុន

លោក​​​ គឹម សុខ​​ រកបាន​​​មេធាវី ហើយគ្រោង​​​​ដាក់សំណើ​​​នៅ​​​ក្រៅឃុំ​​​

លោក គឹម សុខ អ្នកអត្ថាធិប្បាយនយោបាយជាប់ពន្ធនាគារទទួលបានមេធាវីមួយរូបដែលធ្លាប់តំណាងឱ្យអ្នកនយោបាយបក្សប្រឆាំង ដែលក្នុងរឿងក្តីភាគច្រើនតែងតែចាញ់នោះ មានគម្រោងស្នើសុំនៅក្រៅឃុំបណ្ដោះអាសន្ននៅថ្ងៃនេះ នេះបើតាមការលើកឡើងរបស់មេធាវីរូបនេះ។ លោក ជូង ជូងី ជាមេធាវីមានប្រសាសន៍ថា លោកបានយល់ព្រមតំណាងឱ្យលោក គឹម សុខ កាលពីសប្ដាហ៍មុន បន្ទាប់ពីអ្នកអត្ថាធិប្បាយរូបនេះទទួលរងបណ្ដឹងដាច់ដោយឡែកពីគ្នាចំនួនពីរដែលលោកនាយករដ្ឋមន្ត្រី ហ៊ុន សែន បានប្ដឹងទាមទារសំណងជំងឺចិត្តក្នុងទឹកប្រាក់ជាង៥០០.០០០ដុល្លារ។ អ្នកអត្ថាធិប្បាយរូបនេះជាប់ពន្ធនាគារតាមការចោទប្រកាន់ពីបទបរិហារកេរ្តិ៍ និងញុះញង់កាលពីថ្ងៃសុក្រចំពោះការភ្ជាប់គណបក្សកាន់អំណាចទៅនឹងការធ្វើឃាតលោក កែម ឡី អ្នកវិភាគនយោបាយ នៅក្នុងបទសម្ភាសន៍តាមវិទ្យុ។ លោក ជូង ជូងី បានមានប្រសាសន៍កាលពីម្សិលមិញ បន្ទាប់ពីទៅសួរសុខទុក្ខកូនក្ដីរបស់លោកនៅក្នុងពន្ធនាគារព្រៃសថា "សុខភាពរបស់លោក គឹម សុខ នៅធម្មតា...

អាជ្ញាធរ​​កម្ពុជា ​​​​និយាយ​សម្រាល​​ទាក់​​ទិន​​​​ជម្លោះ​​​ព្រំដែន​ជាមួយ​ឡាវ

កាលពីម្សិលមិញ អាជ្ញាធរបាននិយាយសម្រាលទាក់ទិនជម្លោះជាមួយប្រទេសឡាវ ក្រោយពីមានការបង្កើនកម្លាំងយោធានៅព្រំដែននៃប្រទេសទាំងពីរ ឆ្លើយតបទៅនឹងទាហានឡាវ រាប់រយនាក់ដែលបានចូលមកក្នុងទឹកដីកម្ពុជា ដើម្បីរារាំងកងវិស្វកម្មមិនឱ្យស្ថាបនាផ្លូវ។ ក្នុងរយៈពេលពីរសប្ដាហ៍មកនេះ មន្ត្រីកម្ពុជា អះអាងថា ទាហានប្រដាប់អាវុធឡាវ ជាង៤០០នាក់បានឆ្លងដែនចូលមកក្នុងខេត្តស្ទឹងត្រែង  បណ្ដាលឱ្យការងារស្ថាបនាផ្លូវប្រវែង២៥៧គីឡូម៉ែត្រពីក្រុងស្ទឹងត្រែង ឆ្ពោះទៅស្រុកសៀមប៉ាង  ត្រូវផ្អាកជាបណ្តោះអាសន្ន។ ជាការឆ្លើយតប កងកម្លាំងកម្ពុជា ត្រូវបានបញ្ជូនទៅ "ការពារព្រំដែន" នេះបើយោងតាមសេចក្ដីថ្លែងការណ៍មួយបង្ហោះាមគេហទំព័ររបស់នគរបាលជាតិកាលពីចុងសប្ដាហ៍កន្លងទៅ។ ពេលទាក់ទងបានកាលពីម្សិលមិញ លោក ឈុំ សុជាតិ អ្នកនាំពាក្យក្រសួងការពារជាតិអះអាងថា  កម្ពុជាមិនបានរំលោភកិច្ចព្រមព្រៀងព្រំដែនជាមួយប្រទេសជិតខាងរបស់ខ្លួនមួយនេះឡើយ។ លោកមានប្រសាសន៍ថា "យើងស្ថាបនាផ្លូវនៅក្នុងទឹកដីកម្ពុជា ផ្អែកតាមផែនទីគូសដោយបារាំង" ជាការសំដៅដល់ព្រំដែនដែលត្រូវបានគូសវាស នៅពេលប្រទេសទាំងពីរស្ថិតក្រោមនឹមអាណានិគមរបស់បារាំង នៅដើមសតវត្សន៍ទី២០។ លោកបានលើកឡើងទៀតថា "ប៉ុន្តែខាងភាគីឡាវ...

មានការ​​​ប​​​ន្ថែម​​​កង​​​កម្លាំង​​​នៅ​​​ព្រំដែនឡាវដោយសារ​​​​​​វិវាទ​​​ទាក់ទិន​​​ការ​​​ស្ថាបនា​​​ផ្លូវ​​​ព្រំដែន

ក្រុមមន្ត្រីកម្ពុជាបាននិយាយកាលពីម្សិលមិញថា ទាហានឡាវជាង៤០០នាក់បានឆ្លងចូលទឹកដីកម្ពុជាមករារាំងកងវិស្វកម្មមិនឱ្យស្ថាបនាផ្លូវមួយខ្សែ ដោយបង្កឱ្យមានការបន្ថែមកងទ័ពនៅតាមតំបន់ព្រំដែនកាលពី២សប្ដាហ៍កន្លងមក។ សេចក្ដីថ្លែងការណ៍មួយដែលចុះផ្សាយក្នុងគេហទំព័រនគរបាលជាតិមានខ្លឹមសារថា វរការពារព្រំដែនលេខ១០១ខាងភាគីកម្ពុជា បានរាយការណ៍ថា ការលុកលុយរបស់ទាហានឡាវចូលក្នុងខេត្តស្ទឹងត្រែងនេះបានបង្កឱ្យមានការផ្អាកការស្ថាបនាផ្លូវមួយខ្សែតាមតំបន់ព្រំដែនពីថ្ងៃទី៨ ខែកុម្ភៈមក។ សេចក្ដីថ្លែងការណ៍ដដែលនេះបន្តថា "បន្ទាប់ពីទាហានឡាវបានបញ្ជូនកម្លាំងបន្ថែម ខាងភាគីកម្ពុជាក៏បានត្រៀមកម្លាំងទៅការពារព្រំដែនផងដែរ  រួមមានវរការពារព្រំដែនលេខ១០១ កម្លាំងនគរបាលវរការពារលេខ៧០១ កម្លាំងតំបន់ប្រតិបត្តិការសឹករងខេត្តកម្លាំងយោធភូមិភាគ១នៃកងយោធពលខេមរភូមិន្ទ និងកងកម្លាំងវិស្វកម្ម"។ សេចក្ដីថ្លែងការណ៍នេះបន្ថែមថា ទាហានកម្ពុជាបានចុះធ្វើការណែនាំដល់ទាហានឡាវមិនឱ្យនាំនូវអាវុធចូលមកក្នុងដែនដីកម្ពុជា "ប៉ុន្តែទាហានឡាវមិនឯកភាពតាមសំណូមពររបស់ភាគីកម្ពុជាទេ ហើយគេឆ្លើយថាធ្វើទៅតាមបទបញ្ជារបស់ថ្នាក់លើ"។ សេចក្ដីថ្លែងការណ៍នេះលើកឡើងថា កិច្ចប្រជុំថ្នាក់លើគ្រោងធ្វើពីថ្ងៃនេះដល់ថ្ងៃទី២៧ ខែកុម្ភៈ តែមិនបានផ្ដល់ព័ត៌មានលម្អិតថាមន្ត្រីណាខ្លះនឹងចូលរួមនៅក្នុងការចរចានោះឡើយ។ សេចក្តីថ្លែងការណ៍បន្តទៀតថា មានការស្ថាបនាផ្លូវយុទ្ធសាស្ត្រក្រវាត់ព្រំដែនប្រវែង២៥៧គីឡូម៉ែត្រ ពីក្រុងស្ទឹងត្រែងទៅស្រុកសៀមបា៉ងតាមបណ្ដោយព្រំដែន។ ការស្ថាបនានេះបានចាប់ផ្ដើមក្នុងឆ្នាំ២០១៥ ហើយស្ថាបនាបានចម្ងាយប្រហែល១៥០គីឡូម៉ែត្រហើយ។ លោក សេង អុិត មេបញ្ជាការកងវិស្វកម្មទទួលបន្ទុកស្ថាបនាផ្លូវបានមានប្រសាសន៍ថា "យើងនៅតែស្ថាបនាផ្លូវនេះដដែល ហើយថ្នាក់លើនឹងដោះស្រាយបញ្ហានេះ"។ លោក មី ប៊ុនប៉ន...

អតីត​ប្រធាន​តុលាការ​​​​មិន​អាច​បម្រើ​ការ​ងារ​រដ្ឋ​បាន​ទៀត​ឡើយ​ ក្រោយ​​ដោះលែង​​ពីពន្ធនាគារ​

មន្ត្រីនិយាយថា អតីតប្រធានតុលាការម្នាក់ដែលតុលាការផ្ដន្ទាទោសឱ្យជាប់ពន្ធនាគារពីបទប្រគល់រថយន្ត Audi ដែលរឹបអូសបានទៅឱ្យកូនប្រុសរបស់ខ្លួនប្រើប្រាស់ផ្ទាល់ខ្លួនត្រូវបានដោះលែងឱ្យមានសេរីភាពឡើងវិញហើយកាលពីម្សិលមិញ បន្ទាប់ពីអនុវត្តទោសជាប់ពន្ធនាគារបានមួយឆ្នាំកន្លះ ហើយនឹងត្រូវបានហាមឃាត់មិនឱ្យបម្រើការងារជាព្រះរាជអាជ្ញា ចៅក្រម ឬបុគ្គលិករដ្ឋទៀតឡើយ។ យោងតាមលោក លឹម សុគន្ថា ព្រះរាជអាជ្ញាអមសាលាដំបូងខេត្តកណ្ដាលបានឱ្យដឹងថា លោក អាំង មាលតី អតីតប្រធានសាលាដំបូងរាជធានីភ្នំពេញ ត្រូវបានដោះលែងពីពន្ធនាគារខេត្តកណ្ដាលនៅម៉ោងប្រហែល១០ព្រឹក។ លោកមានប្រសាសន៍ទៀតថា "យោងតាមច្បាប់ គាត់មិនអាចធ្វើជាចៅក្រម ឬព្រះរាជអាជ្ញាទៀតបានទេ"។ លោក ជិន ម៉ាលីន អ្នកនាំពាក្យក្រសួងយុត្តិធម៌បានមានប្រសាសន៍ថា លោក អាំង មាលតី គ្មានសិទ្ធិចូលបម្រើការងាររដ្ឋឡើយ...

សមាជិក​​​សភា​​​អាមេរិក​​​​​​​​​ឱ្យ​​​ CPP បោះ​​​បង់​​​ចោល​ការ​​ធ្វើ​វិសោធកម្ម​​​

កាលពីថ្ងៃពុធ សមាជិកសភាអាមេរិកមួយរូបបានអំពាវនាវឱ្យគណបក្សប្រជាជនកម្ពុជាបោះបង់ចោលការបោះឆ្នោតធ្វើវិសោធនកម្មច្បាប់ដែលនឹងផ្ដល់អំណាចថ្មីៗមួយចំនួនទៀតដល់រដ្ឋាភិបាលកម្ពុជា ដើម្បីកម្ចាត់គូប្រជែងរបស់ខ្លួន គឺថ្ងៃតែមួយដែលឯកអគ្គរដ្ឋទូតអាមេរិកបានជួបជាមួយលោក កឹម សុខា ប្រធានស្តីទីគណបក្សសង្គ្រោះជាតិដើម្បីពិភាក្សាអំពីច្បាប់នេះ។ លោក អេលែន ឡូវិនថល (Alan Lowenthal) សមាជិកសភាមកពីគណបក្សប្រជា ធិបតេយ្យប្រចាំរដ្ឋកាលីហ្វ័រញ៉ា ជាសហគមដែលមានជនជាតិខ្មែររស់នៅច្រើនជាងគេក្នុងសហរដ្ឋអាមេរិកនោះ បានមានប្រសាសន៍ថា សំណើធ្វើវិសោធនកម្មច្បាប់ស្ដីពីគណបក្សនយោបាយនេះ នឹងធ្វើឱ្យការគ្រប់គ្រងរដ្ឋដោយគណបក្សប្រជាជនកម្ពុជាកាន់អំណាចដុះស្លែចាក់ឫសកាន់តែជ្រៅ។ លោកបន្ថែមថា "ច្បាប់ស្ដីពីគណបក្សនយោបាយនេះនឹងផ្ដល់អំណាចលើសលប់ដល់រដ្ឋាភិបាលអាចព្យួរគណបក្សនយោបាយបានតាមអំពើចិត្ត។ ខ្ញុំជំរុញឱ្យរដ្ឋសភារបស់កម្ពុជាកុំអនុម័តច្បាប់មិនស្របតាមលទ្ធិប្រជាធិបតេយ្យនេះ ដែលរុញច្រានកម្ពុជាឱ្យឈានទៅក្លាយជារដ្ឋឯកបក្សប្រកបដោយភាពគ្រោះថ្នាក់ ហើយត្រូវអនុញ្ញាតឱ្យពលរដ្ឋកម្ពុជាមានសេរីភាពក្នុងការជ្រើសរើសមេដឹកនាំរបស់ខ្លួន"។ គណបក្សប្រជាជនកម្ពុជាដែលមានសំឡេងភាគច្រើនក្នុងរដ្ឋសភាគ្រោងនឹងអនុម័តការធ្វើវិសោធនកម្មនេះនៅពេលរដ្ឋសភាកោះប្រជុំពិសេសនៅថ្ងៃច័ន្ទ។ នៅពេលអនុម័តរួច តុលាការកំពូលនឹងត្រូវអនុញ្ញាតឱ្យរម្លាយគណបក្សណាដែលមេដឹកនាំកំពូលណាម្នាក់ជាប់ទោស ហើយហាមឃាត់ថ្នាក់ដឹកនាំគណបក្សទាំងមូលរបស់គណបក្សនោះមិនឱ្យធ្វើសកម្មភាពនយោបាយរហូតដល់ទៅ៥ឆ្នាំ។   សូម្បីមុនពេលសំណុំរឿងធ្លាក់ដល់ដៃតុលាការ ក្រសួងមហាផ្ទៃនឹងមានឆន្ទានុសិទ្ធិព្យួរគណបក្សណាមួយតាមតែអំពើចិត្តទាក់ទិនការប្រព្រឹត្តបទល្មើសនានាដែលមិនមានចែងច្បាស់លាស់ ដែលក្នុងនោះរួមមាន "ការញុះញង់ដែលនឹងនាំទៅរកការមិនឯកភាពនៃរដ្ឋ"។ លោកនាយករដ្ឋមន្ត្រី ហ៊ុន សែន ដែលបានដឹកនាំប្រទេសអស់រយៈពេលជាង៣០ឆ្នាំ បានបញ្ជាក់យ៉ាងច្បាស់ថា ការធ្វើវិសោធនកម្មនេះមានបំណងតម្រង់គោលដៅទៅរកគណបក្សសង្គ្រោះជាតិ ដែលស្ទើរតែផ្តួលគណបក្សប្រជាជនកម្ពុជាបានទៅហើយនៅក្នុងការបោះឆ្នោតជ្រើសតាំងតំណាងរាស្ត្រកាលពី៤ឆ្នាំមុន និងដែលនៅតែជាគូប្រកួតពិតប្រាកដតែមួយគត់របស់ខ្លួននៅឆ្នាំ២០១៨។ លោក ឈាង វុន...

រដ្ឋមន្ត្រី​​​ក្រសួង​​​ការ​​​បរទេស​​​ប្រាប​់​​​​​​​ការិយាល័យ​ អ.ស.ប.​កុំឱ្យ​ជ្រៀត​​​​​ជ្រែក​​​កិច្ច​​​ការ​​​ផ្ទៃក្នុង​​​​​របស់​កម្ពុជា​​​

ក្រសួងការបរទេសបានចាប់ផ្ដើមជាថ្មីម្ដងទៀតនូវទំនាក់ទំនងដ៏តានតឹងរបស់ខ្លួនជាមួយការិយាល័យសិទ្ធិមនុស្សអង្គការសហប្រជាតិកាលពីម្សិលមិញ ដោយជាថ្មីម្តងទៀតបានប្រាប់តំណាងប្រចាំប្រទេសរបស់ការិយាល័យនេះថា កុំឱ្យជ្រៀតជ្រែកកិច្ចការរបស់កម្ពុជា។ ដោយរៀបរាប់សង្ខេបប្រាប់អ្នកយកព័ត៌មានបន្ទាប់ពីជំនួបរយៈពេល៤៥នាទីរវាងលោក ប្រាក់ សុខុន រដ្ឋមន្ត្រីក្រសួងការបរទេស និងលោកស្រី វ៉ានហៀ លី (Wan-Hea Lee) តំណាងប្រចាំប្រទេសនៃការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) ជាលើកទី១សម្រាប់ពួកគាត់ទាំងពីរចាប់តាំងពីការិយាល័យនេះស្ទើរតែត្រូវបានបិទកាលពីឆ្នាំមុននោះ លោក ជុំ សុន្ទរី អ្នកនាំពាក្យក្រសួងនេះបានមានប្រសាសន៍ថា រដ្ឋាភិបាលបានយកឱកាសនេះរំឭកប្រាប់លោកស្រី វ៉ាហៀ លី ថាឱ្យប្រយ័ត្នប្រយែង។ លោកបានមានប្រសាសន៍ថា លោក ប្រាក់ សុខុន "បានស្នើឱ្យ...

លោកនាយក​រដ្ឋមន្ត្រី​ ហ៊ុន សែន ប្ដឹង​អ្នក​វិភាគ​​​​​​​នយោបាយ​​​ទារ​សំណង​ជំងឺ​ចិត្ត​កន្លះ​លាន​ដុល្លារ​

មិនយូរទេ ទ្រព្យសម្បត្តិរបស់លោក គឹម សុខ អ្នកអត្ថាធិប្បាយនយោបាយដែលមានដូចជា ទូរស័ព្ទ iPhone ពីរគ្រឿង iPad មួយគ្រឿង និងលុយសន្សំក្នុងគណនីធនាគារចំនួន២០០ដុល្លារ អាចនឹងក្លាយជាទ្រព្យសម្បត្តិរបស់លោកនាយករដ្ឋមន្ត្រី ហ៊ុន សែន បន្ទាប់ពីលោកនាយករដ្ឋមន្ត្រីបានដាក់ពាក្យប្ដឹងអ្នកធ្វើអត្ថាធិប្បាយរូបនេះទារសំណងជំងឺចិត្តកន្លះលានដុល្លារចំពោះការអះអាងថា គណបក្សប្រជាជនជាអ្នកសម្លាប់លោក កែម ឡី។ អំឡុងសុន្ទរកថាក្នុងពិធីសម្ពោធដាក់ឱ្យប្រើប្រាស់សមិទ្ធផលមួយនៅក្រៅរាជធានីភ្នំពេញកាលពីម្សិលមិញ លោក ហ៊ុន សែន បានព្រមានលោក គឹម សុខ ថា "កុំរត់ហ្អាស ជាប់គុកត្រឹម២ឆ្នាំតើ"។ ក្នុងថ្ងៃដដែល...