Monday, September 23, 2019
Home Authors Posts by Neou Vannarin

Neou Vannarin

84 POSTS 0 COMMENTS
Political editor

រដ្ឋ​​មន្ត្រីក្រសួង​ការ​ពារ​ជាតិ​​​ថៃ​ សូម​ទោស​ចំពោះ​ការ​បាញ់​​​​សម្លាប់ពលរដ្ឋខ្មែរ​

រដ្ឋមន្ត្រី​ក្រសួង​ការ​ពារ​ជាតិ​ថៃ​ បាន​មាន​ប្រសាសន៍​កាលពី​ម្សិលមិញ​ថា រដ្ឋាភិបាល​របស់​លោក​បាន​សូម​អភ័យ​ទោស​​ចំពោះ​ការ​បាញ់​សម្លាប់ស្ត្រី​ខ្មែរ​អាយុ​៥៥​ឆ្នាំ​ម្នាក់ដែល​កំពុង​រក​​​​​​​​​​ស្បៀង​​​អាហារនៅ​តាម​បណ្ដោយ​ព្រំដែន​ខេត្ត​ឧត្ដរមានជ័យ​ជាប់​ប្រទេស​ថៃ កាល​​​ពី​​​ដើម​​​ខែ​​​​​​នេះ។ ទាហាន​ថៃ​ បាន​បាញ់​អ្នកស្រី​ ផាន ចែម ចំក្បាល​កាលពី​ថ្ងៃ​ទី​៩ ខែ​ធ្នូ នៅ​ខាង​ព្រំដែន​ថៃ​ ខណៈ​គាត់​កំពុង​ដើរ​រក​​​មើម​​ក្តួច និង​ផ្សិតព្រៃ​ជាមួយ​កូនស្រី​ពីរ​នាក់​របស់​គាត់​។ មិន​យូរ​ប៉ុន្មាន​ក្រោយ​ពី​ការ​បាញ់​ប្រហារ​​​​នេះ ក្រសួង​ការ​បរទេស​បាន​ផ្ញើ​លិខិត​មួយ​ច្បាប់​ទៅ​ស្ថានទូត​ថៃ​ប្រចាំ​រាជ​ធានី​ភ្នំពេញ ដើម្បី​​​ថ្កោល​ទោស​ "ទង្វើ​ឃោឃៅ​​​" របស់​ទាហាន​​​ទាំង​​​នោះ​។ ថ្លែង​នៅ​ឯ​សន្និសីទ​កាសែត​រួម​​​​​​​មួយ​​​កាលពី​ម្សិលមិញ ក្រោយ​ពី​ជំនួប​​​រយៈពេល​​​មួយ​​​ម៉ោង​​​​របស់​គណៈ​​​កម្មាធិការ​​​​​ព្រំដែន​​ទូទៅ ដើម្បី​បង្កើនកិច្ច​សហប្រតិបត្តិការ​តាម​បណ្ដោយ​ព្រំដែន​កម្ពុជា-ថៃ​ លោក ប្រាវិត វង្សសុវណ្ណ រដ្ឋមន្ត្រី​​​​ក្រសួង​​​ការ​ពារ​ជាតិ​បាន​មាន​ប្រសាសន៍​ថា ​​​ប្រទេសថៃ​ បាន​សុំ​អភ័យ​ទោស​ចំពោះ​ការ​បាញ់​ប្រហារ​នេះ​។ នាយឧត្ដម​សេនីយ៍ ប្រាវិត វង្សសុវណ្ណ បាន​មាន​ប្រសាសន៍​តាម​រយៈ​អ្នក​បក​ប្រែ​ថា "ថៃ​​គ្មាន​បំណង​បាញ់​ប្រជា​ពលរដ្ឋ​ខ្មែរ​ទេ ប៉ុន្តែ​មាន​ការ​យល់​ច្រឡំ ហើយ​យើង​​ចាំបាច់​ត្រូវ​រួម​គ្នា​​​ដោះ​​​ស្រាយ​បញ្ហា​ទាំង​នេះ​។ សម្រាប់​បញ្ហា​នេះ​ ប្រទេស​ថៃ ​បាន​សូម​​​​អភ័យ​ទោស និង​​ផ្ដល់​សំណង​ដល់​ក្រុម​គ្រួសារ​ជនរងគ្រោះ​រួច​ហើយ"។ លោក...

ការ​​​ប្រមូលស្វាយក្នុង​​​មួយ​​​ឆ្នាំ​​​​​​ពី​​​រ​​​លើក​​​នៅ​​​កម្ពុជា​​​ទាក់​​​ទាញ​​​ចំណាប់​​​អារម្មណ៍​​​បរទេស​​​

អ្នក​​​ជំនាញ​​​អន្តរជាតិ​​​ជា​​​និច្ច​​​កាល​​​​​​តែង​​​តែ​​​ធ្វើ​​​ដំណើរ​​​មក​​​ប្រទេស​​​កម្ពុជា​​​ ដើម្បី​​​រៀប​​​ចំ​​​សិក្ខាសាលា​​​ ឬ​​​ផ្តល់​​​ចំណេះ​​​ដឹង​​​ដល់​​​ពល​​​រដ្ឋ​​​មូល​​​ដ្ឋាន​​​ ប៉ុន្តែ អ្នក​​​ស្រាវ​​​ជ្រាវ​​​របស់​​​ប្រទេស​​​អូស្ត្រា​​​លី​​​ទើប​​​តែ​​​បញ្ចប់​​​ការ​​​ចុះ​​​សិក្សា​​​ដល់​​​ទី​​​កន្លែង​​​​​​នៅ​​​ក្នុង​​​ខេត្ត​​​បាត់​​​ដំបង កំពង់​​​ស្ពឺ និង​​​ខេត្ត​​​កណ្ដាល​​​ជា​​​ទី​​​ដែល​​​ពួក​​​គេ​​​បាន​​​ចំណាយ​​​ពេល​​​ជិត​​​ពីរ​​​សប្តាហ៍​​​ដើម្បី​​​សិក្សា​​​អំពី​​​បច្ចេក​​​ទេស​​​ដែល​​​កសិករ​​​ខ្មែរ​​​ប្រើ​​​ក្នុង​​​ការ​​​ដាំ​​​ស្វាយ​​​។ ក្រុម​​​អ្នក​​​ស្រាវ​​​ជ្រាវ​​​ដែល​​​មក​​​ពីរដ្ឋ​​​ខុស​​​ៗគ្នា​​​ក្នុ​​​ង​​​ប្រទេស​​​អូស្ត្រាលី​​​បាន​​​ចាប់អារម្មណ៍​​​ក្នុង​​​ការ​​​សិក្សា​​​ដើម្បី​​​រក​​​​​​ឲ្យ​​​ឃើញ​​​ពី​​​របៀប​​​ដែល​​​កសិករ​​​ខ្មែរ​​​អាច​​​ទទួល​​​ផល​​​ស្វាយ​​​បាន​​​​​​​​​​​​​​​​​​ពីរ​​​លើក​​​ក្នុង​​​មួយ​​​ឆ្នាំ​​​ ដែល​​​លើក​​​ទី​​​១ ចាប់​​​ពី​​​ខែ​​​មីនា ដល់​​​ខែ​​​ឧសភា ហើយ​​​លើក​​​ទី​​​២ចាប់​​​ពី​​​​​​ចន្លោះ​​​ខែ​​​សីហា ដល់​​​ខែ​​​កុម្ភៈ។ លោក Mark Hickey ប្រធាន​​​ក្រុម​​​​​​ដឹក​​​នាំ​​​គម្រោង​​​មក​​​ពី​​​ក្រសួង​​​អភិវឌ្ឍន៍​កសិ​ឧស្សាហកម្ម​​​(Department of Primary Industries) នៅ​​​រដ្ឋ​​​​​​ New South Wales ​​​បាន​​​លើក​​​ឡើង​​​​តាម​​​រយៈ​​​អីុម៉េល​​​មួយ​​​​​​ថា ផល​​​ប្រយោជន​​​៍​​​ដ៏​​​មាន​​​សក្ដានុពល​​សម្រាប់​​​ប្រទេស​​​អូស្ត្រាលី​​​មាន​​​ពីរ​​​ចំណុច​​​គឺ "ការ​​​យល់​​​ដឹង​​​ឲ្យ​​​កាន់​​​តែ​​​ប្រសើរ​​​អំពី​​​សត្វល្អិត​​​ និង​​​មេរោគ​​​ដែល​​​គ្មាន​​​នៅ​​​ក្នុង​​​ប្រទេស​​​អូស្ត្រាលី​​​សព្វ​​​ថ្ងៃ​​​ និង​​​ដឹង​​​អំពី​​​របៀប​​​ដែល​​​កសិករ​​​ខ្មែរ​​​អាច​​​ប្រមូល​​​ផល​​​ស្វាយ​​​បាន​​​ពីរ​​​ដង​​​ក្នុង​​​មួយ​​​ឆ្នាំ​​​។ តើ​​​កត្តា​​​អ្វី​​​ទៅ ដែល​​​អាច​​​ធ្វើឲ្យ​​​វា​​​ទៅ​​​រួច​​​ដូច្នេះ​​​"។ លោក Hickey បាន​​​លើក​​​ឡើង​​​បន្ថែម​​​ទៀត​​​ថា ការ​​​រក​​​ឲ្យ​​​ឃើញ​​​ពី​​​អាថ៌កំបាំង​​​ដែល​​​នៅ​​​ពី​​​ក្រោយ​​​ "កត្តា​​​ដែល​​​អាច​​​ប្រមូល​​​ផល​​​បាន​​​ពីរ​​​លើក​​​ក្នុង​​​មួយ​​​ឆ្នាំ" និង​​​កត្តា​​​ដែល​​​ជំរុញ​​​ឲ្យ​​​ដើម​​​ស្វាយ​​​ចេញ​​​ផ្កា​​​ខុស​​​រដូវ​​​អាច​​​ធ្វើ​​​ឲ្យ​​​កសិករ​​​អូស្ត្រាលី​​​អាច​​​បង្កើន​​​ប្រាក់​​​ចំណូល​​​របស់​​​ខ្លួន​​​​​​តាម​​​រយៈ​​​ការ​​​ផ្គត់​​​ផ្គង់​​​ផ្លែ​​​ឈើ​​​ដល់​​​អតិថិជន​​​របស់​​​ខ្លួន​​​​​​បាន​​​កាន់​​​តែ​​​ច្រើន​​​ជាង​​​មុន​​​។ ហើយ​​​វា​​​ក៏​​​អាច​​​ជួយ​​​អ្នក​​​វេច​​​ខ្ចប់​​​មាន​​​ការ​​​ងារ​​​ធ្វើ​​​ច្រើន​​​ជាង​​​មុន​​​ ដែល​​​ជួន​​​កាល​​​នៅ​​​ទំនេរ​​​នោះ​​​។ លោក​​​បាន​​​សរសេរ​​​ថា "យើង​​​សង្ឃឹម​​​ថា ឆ្លង​​​កាត់​​​តាម​​​រយៈ​​​ការ​​​សិក្សា​​​អំពី​​​របៀប​​​ប្រមូល​​​ផល​​​ស្វាយ​​​ខុស​​​រដូវ​​​នៅ​​​ទី​​​នេះ​​​ វា​​​នឹង​​​ជួយ​​​ឲ្យ​​​ការ​​​ប្រមូល​​​ផល​​​ស្វាយ​​​នៅ​​​ប្រទេស​​​អូស្ត្រាលី​​​បាន​​​កាន់​​​តែ​​​ប្រសើរ​​​ជាង​​​មុន​​​​​​​​​ ដែល​​​អាច​​​ជួយ​​​ឲ្យ​​​កសិករ​​​អូស្ត្រាលី​​​អាច​​​ផ្គត់​​​ផ្គង់​​​ផ្លែឈើ​​​ទៅ​​​ទី​​​ផ្សារ​​​​​​បាន​​​កាន់តែ​​​ច្រើន​​​ជាង​​​មុន ហើយ​​​វា​​​អាច​​​ជួយ​​​ឲ្យ​​​ការ​​​ប្រមូល​​​ផល​​​វិល​​​មក​​​វិញ​​​ឆាប់​​​រហ័ស​​​ដែល​​​កាល​​​ពីមុន​​​ត្រូវ​​​រង់​​​ចាំ​​​រយៈ​​​ពេល​​​យូរ​​​នោះ​​​"។ លោក​​​បាន​​​​​​សរសេរ​​​បន្ត​​​ថា "ម៉្យាង​​​វិញ​​​ទៀត​​​ វា​​​អាច​​​ជៀស​​​វាង​​​ការ​​​ជន់​​​ជោរ​​​ផ្លែ​​​ឈើ​​​នៅ​​​លើ​​​ទី​​​ផ្សារ​​​នៅ​​​ពេល​​​ដែល​​​កសិករ​​​គ្រប់​​​រូប​​​ប្រមូល​​​ផល​​​ក្នុង​​​រយៈ​​​ពេល​​​ដូច​​​គ្នា​​​​​​"។ លោក Richard Markham អ្នក​​​គ្រប់​​​គ្រង​​​កម្ម​​​វិធី​​​ស្រាវ​​​ជ្រាវ​​​វិទ្យា​សាស្ត្រ​នៃការ​ដាំដុះ​នៅ​​​មជ្ឈមណ្ឌល​​​អូស្ត្រាលី​​​សម្រាប់​​​ការ​​​សិក្សា​​​ស្រាវជ្រាវ​​​កសិកម្ម​​​អន្តរជាតិ​​​ (Australian Center for International Agricultural Research) ដែល​​​ផ្តល់​​​មូល​​​និធិ​​​សម្រាប់​​​គម្រោង​​​ដែល​​​មាន​​​រយៈ​​​ពេល​​​បួន​​​ឆ្នាំ​​​នេះ​​​បាន​​​លើក​​​ឡើង​​​ថា ការ​​​ជំរុញ​​​ឲ្យ​​​ស្វាយ​​​ឆាប់​​​ទទួល​​​បានផល​​​គឺ​​​វា​​​ជា​​​រឿង​​​សំខាន់ ព្រោះ​​​ផ្លែឈើ​​​វា​​​ងាយ​​​នឹង​​​ខូច​​​ខ្លាំង​​​ណាស់​​​មិន​​​អាច​​​ទុក​​​យូរ​​​បាន​​​ឡើយ​​​។ លោក​​​​​​បាន​​​លើក​​​ឡើង​​​តាម​​​រយៈ​​​អីុម៉េល​​​មួយ​​​ថា "នៅ​​​ពេល​​​គេ​​​ជំរុញ​​​ឲ្យ​​​ស្វាយ​​​ឆាប់​​​ទទួល​​​បាន​​​ផល​​​ រដូវ​​​ប្រមូល​​​ផល​​​​​​​​​​​​​​​​​​​​​​​​​​​​​​ក៏​​​កាន់​​​តែ​​​ខ្លី​​​ដែរ ហើយ​​​ដោយ​​​សារ​​​តែ​​​ស្វាយ​​​វា​​​មិន​​​អាច​​​ទុក​​​បាន​​​យូរ​​​ទេ​​​ វា​​​អាច​​​យក​​​ទៅ​​​លក់​​​នៅ​​​ក្នុង​​​ទី​​​ផ្សារ​​​បាន​​​តែ​​​ពីរ​​​បី​​​សប្តាហ៍​​​តែ​​​ប៉ុណ្ណោះ"។ លោក ហ៊ាន វណ្ណហន អគ្គនាយក​​​រង​​​នៃ​​​អគ្គ​​​នាយក​​​​​​ដ្ឋាន​​​កសិកម្ម​​​នៅ​​​ក្រសួង​​​កសិកម្ម​​​បាន​​​លើក​​ឡើង​​​ថា ចម្លើយ​​​សម្រាប់​​​ភាព​​​អាថ៌កំបាំង​​​នៃ​​​ស្វាយ​​​គឺ​​​វា​​​សាមញ្ញ​​​ទេ​​​ ព្រោះ​​​ថា កសិករគ្រាន់​​​តែ​​​ប្រើ​​​ "ជី និង​​​អ័រ​​​ម៉ូន"​​​ បន្ថែម​​​ប៉ុណ្ណោះ​​​ដើម្បី​​​អាច​​​ទទួល​​​បាន​​​ផល​​​ពីរ​​​លើក​​​ក្នុង​​​មួយ​​​ឆ្នាំ​​​នោះ។ លោក​​​បាន​​​មាន​​​ប្រសាសន៍​​​ថា "វា​​​មិន​​​ប៉ះពាល់​​​ដល់​​​ដី​​​សម្រាប់​​​ដាំ​​​ស្វាយ​​​ទេ​​​ ប្រសិន​​​បើ​​​កសិករ​​​ប្រើ​​​វា​​​ត្រឹម​​​ត្រូវ​​​​​​"។ ទោះ​​​ជា​​​យ៉ាងណា លោក​​​ ឆាយ វ៉ាន ប្រធាន​​​សមាគម​​​ស្វាយ​​​​​​​​​​​​​​​​​​​​​នៅ​​​ក្នុង​​​ខេត្ត​​​កំពង់​​​ស្ពឺ​​​បាន​​​លើក​​​ឡើង​​​ថា មា​​​ន​​​តែ​​​កសិករ​​​មួយ​​​ចំនួន​​​តូច​​​ប៉ុណ្ណោះ​​​ក្នុង​​​ខេត្ត​​​របស់​​​លោក​​​ អាច​​​ប្រមូល​​​ផល​​​បាន​​​ពីរ​​​លើក​​​ក្នុង​​​មួយ​​​ឆ្នាំ ព្រោះ​​​កម្ពុជា​​​ខ្វះ​​​ហេដ្ឋារចនាសម្ព័ន្ធ និង​​​តម្រូវ​​​ការ​​​។ លោក​​​បាន​​​មាន​​​ប្រសាសន៍​​​ថា "មាន​​​តែ​​​កសិករ​​​ដាំ​​​ស្វាយ​​​​​​ប្រហែល​​​៣០​​​ភាគ​​​រយ​​​ប៉ុណ្ណោះ​​​នៅ​​​ក្នុង​​​ខេត្ត​​​របស់​​​យើង​​​ ដែល​​​ប្រមូល​​​ផល​​​បាន​​​ពីរ​​​លើក​​​ក្នុង​​​មួយ​​​ឆ្នាំ​​​។ យើង​​​គ្មាន​​​ទី​​​ផ្សារ​​​ទេ​​​ ហើយ​​​មាន​​​ការ​​​ចំណាយ​​​ខ្ពស់​​​លើក​​​សង្វាក់​​​ផលិត​​​កម្ម​​​​​​​​​ ហេតុ​​​ដូច្នេះ​​​កសិករ​​​ភាគ​​​ច្រើន​​​មិន​​​ធ្វើ​​​ដូច្នេះ​​​ឡើយ​​​​​​"។ លោក វ៉ាន បាន​​​លើក​​​ឡើង​​​ថា បន្ទាប់​​​ពី​​​ពិចារណា​​​លើ​​​វិស័យ​​​នេះ​​​ លោក​​​ស្វាគមន៍​​​ចំពោះ​​​ការ​​​មក​​​សិក្សាស្រាវជ្រាវ​​​របស់​​​ក្រុម​​​អ្នក​​​ស្រាវ​​​ជ្រាវ​​​​​​អូស្ត្រាលី​​​​​​ ព្រោះ​​​វា​​​អាច​​​ជួយ​​​កសិករ​​​ខ្មែរ​​​ឲ្យ​​​​​​បង្កើនគុណ​​​ភាព​​​​​​ផលិត​​​របស់​​​ខ្លួន​​​​​​​​​ដល់​​​ស្តង់ដារ​​អន្តរជាតិ​​​ ដើម្បី​​​អាច​​​ឈាន​​​ជើង​​​ចូល​​​ទីផ្សារ​​​ក្រៅ​​​ប្រទេស​​​បាន​​​។ លោក​​​បាន​​​មា​​ន​​​ប្រសាសន៍​​​ថា "យើង​​​ពិត​​​ជា​​​ត្រូវ​​​ការ​​​ជំនួយ​​​បច្ចេក​​​ទេស​​​ពី​​​ដៃគូ​​​អន្តរជាតិ​​​ដើម្បី​​​ជួយ​​​បង្កើន​​​គុណភាព​​​ផ្លែ​​​ស្វាយ​​​របស់​​​​​​យើង​​​ដើម្បី​​​នាំ​​​ចេញ​​​"។ យោង​​​តាម​​​លោក​​​ វណ្ណហន បាន​​​ឲ្យ​​​ដឹង​​​ទៀត​​​ថា គ្មាន​​​ស្ថិតិ​​​ផ្លូវ​​​ការ​​​នោះ​​​ទេ​​​ចំពោះ​​​ការ​​​នាំ​​​ស្វាយ​​​ចេញ​​​ ព្រោះ​​​ផ្លែ​​​ឈើ​​​នេះ​​​​​​ជា​​​រឿយ​​​ៗ​​​​​​តែង​​​តែ​​​ដឹក​​​ចេញ​​​តាម​​​ច្រក​​​​​​ក្រៅ​​​ផ្លូវ​​​ការ​​​ទៅ​​​កាន់​​​ប្រទេស​​​​​​ថៃ​​​ និង​​​ប្រទេស​​​វៀតណាម។ លោក​​​បា​​​ន​​​មាន​​​ប្រសាសន៍​​​ថា ការ​​​ដែល​​​មាន​​​ដង្កូវ​​​ច្រើន​​​រួម​​​ទាំង​​​ស្តង់​​​ដារ​​​អនាម័យ​​​ទាប​​​គឺ​​​ជា​​​កត្តា​​​រារាំង​​​ជា​​​យូរ​​​មក​​​ហើយ​​​ក្នុង​​​ការ​​​នាំ​​​ចេញ​​​"។ ការ​​​នាំ​​​ចេញ​​​ស្វាយ​​​ដែល​​​មាន​​​ការ​​​គ្រប់​​​គ្រង​​​ត្រឹម​​​ត្រូវ​​​ទើប​​​តែ​​​ចាប់ផ្តើម​​​នៅ​​​ដើម​​​ឆ្នាំ​​​នេះ​​​តែ​​​ប៉ុណ្ណោះ​​​ បន្ទាប់​​​ពី​​​លោក​​​ឧកញ៉ា ម៉ុង ឬទ្ធី បង្កើត​​​គម្រោង​​​ដាំ​​​ស្វាយ​​​ដែល​​​មាន​​​ទឹក​​​ប្រាក់​​​ប្រហែល​​​២លាន​​​ដុល្លារ​​​នៅ​​​ក​​​្នុង​​​ខេត្ត​​​ព្រះ​​​សីហនុ។ លោកឧកញ៉ា ម៉ុង ឬទ្ធី ដែល​​​មាន​​​ចម្ការ​​​ស្វាយ​​​​​​ទំហំ​​​៥០០​​​ហិកតា នៅក្នុង​​​ខេត្ត​​​កំពង់​​​ស្ពឺ និង​​​ខេត្ត​​​ព្រះ​​​សីហនុ​​​បាន​​​នាំ​​​ចេញ​​​ស្វាយ​​​ប្រហែល​​​១.២០០​​​តោន​​​ទៅ​​​កាន់​​​ប្រទេស​​​ចិន ហើយ​​​មាន​​​គម្រោង​​​ពង្រីក​​​ដល់​​​ទី​​​ផ្សារ​​​ប្រទេស​​​សិង្ហ​​​បុរី​​​​​​បន្ថែម​​​ទៀត​​​នៅ​​​ឆ្នាំ​​​ក្រោយ​​​​​​។ លោក​​​បាន​​​មាន​​​ប្រសាសន៍​​​ថា "នៅ​​​លើ​​​ទី​​​ផ្សារ​​​អន្តរ​​​ជាតិ​​​គេ​​​មាន​​​តម្រូវ​​​ច្រើន​​​។ រឿង​​​សំខាន់ នោះ​​​គឺ​​​គុណភាព អនាម័យ​​​ និង​​​ការ​​​សម្លាប់​​​មេរោគ​​​។ ហើយ​​​  បាន​​​​​​មក​​​ត្រួត​​​ពិនិត្យ​​​ដើម​​​ស្វាយ​​​មុន​​​ពេល​​​យល់​​​ព្រម​​​​​​ទទួល​​​យក​​​​​កិច្ច​​​ព្រម​​​ព្រៀង​​​​​​នាំ​​​ចេញ​​​"។ ប៉ុន្តែ សូម្បី​​​តែ​​​​​​អ្នក​​​ជំនួញ​​​កសិកម្ម​​​រូប​​​នេះ​​​ដែល​​​ជា​​​អ្នក​​​បង្កើត​​​គម្រោង​​​ដំបូង​​​​​​​​​ធ្វើ​​​ឲ្យ​​​ស្វាយ​​​កម្ពុជា​​​ឈាន​​​ដល់​​​ស្តង់​​​ដារ​​​អន្តរ​​​​​​ជាតិ ក៏​​​ស្វាគមន៍​​​ចំពោះ​​​ជំនួយ​​​ពី​​​ខាង​​​ក្រៅ​​​សម្រាប់​​​ឧស្សាហកម្ម​​​នេះ​​​ផង​​​ដែរ​​​។ លោក​​​បាន​​​មាន​​​ប្រសាសន៍​​​បន្ថែម​​​ថា "វា​​​ជា​​​រឿង​​​ល្អ​​​ ប្រសិន​​​បើ​​​ "អូស្ត្រាលី​​​" អាច​​​ផ្តល់​​​ជំនួយ​​​បច្ចេក​​​ទេស​​​ ព្រោះ​​​ប្រសិន​​​បើ​​​យើង​​​ទទួល​​​មូល​​​និធិ​​​ដោយ​​​គ្មាន​​​ការ​​​ផ្តល់​​​ជំនួយ​​​បច្ចេកទេស​​​នោះ​​​ទេ​​​ យើង​​​នឹង​​​មិន​​​ទទួល​​​បាន​​​ផល​​​ចំណេញ​​​ឡើយ​​​"៕ស៊ុយ​​​ឈាង​​​​​​​​​​​​  

រដ្ឋាភិបាល​​ស្នើសុំ​ត្រួត​ពិនិត្យ​វត្ថុ​បុរាណ​ដែល​រឹបអូស​បាន​ពី​ប៉ូលិស​ថៃ

ប្រទេស​កម្ពុជា​កំពុង​រង់ចាំ​ភ្លើង​ខៀវ​ពី​ប្រទេស​ថៃ ដើម្បី​ពិនិត្យ​វត្ថុ​ជាច្រើន​ដែល​រឹបអូស​បាន​កាលពី​ខែ​មុន ពី​មន្ត្រី​ប៉ូលិស​ថៃ​ជាន់​ខ្ពស់​អបយស​ម្នាក់ ​ជា​រតន​សម្បត្តិ​ដែល​រួម​មាន​វត្ថុ​បុរាណ​ខ្មែរ​មួយ​ចំនួន ដែល​អាជ្ញាធរ​ថៃ​និយាយ​ថា ប្រហែល​ត្រូវ​បាន​រត់ពន្ធ​ចូល​ប្រទេស​ថៃ​ដោយ​ខុស​ច្បាប់។ ប៉ូលិស​ថៃ​បាន​រឹបអូស​វត្ថុ​បុរាណ​ទាំង​នោះ​កាលពី​ខែ​មុន ក្នុង​ការ​ឆ្នក់​ចូល​ឆែកឆេរ​ផ្ទះ​របស់​ឧត្តមសេនីយ៍​ឯក ផុងផាត ឆាយាផាន អតីត​ស្នងការ​នៃ​ការិយាល័យ​ស៊ើប​អង្កេត​កណ្តាល​របស់​ប៉ូលិស​ថៃ។ យោងតាម​បណ្តាញ​ព័ត៌មាន​ថៃ​ឲ្យ​ដឹង​ថា ប៉ូលិស​បាន​រក​ឃើញ​បន្ទប់​ក្រោម​ដី​ដែល​ស្តុក​ទុក​ទ្រព្យ​ដែល​មាន​តម្លៃ​ជាង៦០​លាន​ដុល្លារ ក្នុង​នោះ​មាន​ទាំង​វត្ថុ​បុរាណ​ជា​ប្រវត្តិសាស្ត្រ​៥០​ដុំ ដែល​មាន​តម្លៃ​ប្រមាណ​១,៥​លាន​ដុល្លារ​ផង។ យោងតាម​សេចក្តី​រាយការណ៍​មួយ​ក្នុង​កាសែត​ ឌឹ ណេហ្សិន បាន​ឲ្យ​ដឹង​ថា វត្ថុ​បុរាណ​១០.០០០​ដុំ​ទៀត​ដែល​រក​ឃើញ​នៅ​ទី​នោះ​ដែរ នៅ​មិន​ទាន់​កំណត់​ភិនភាគ ឬ​ភាព​ពិត​ប្រាកដ​របស់វា​ទេ។ ឧត្តមសេនីយ៍​ឯក ផុងផាត ត្រូវ​បាន​ចាប់​ខ្លួន​កាលពី​ខែ​វិច្ឆិកា​ជាមួយ​នឹង​មន្ត្រី​ប៉ូលិស​៧​នាក់​ផ្សេង​ទៀត​ទាក់ទិន​នឹង​បទចោទ​ផ្សេងៗ​ រួម​មាន​ការ​ប្រមាថ​ព្រះ​មហាក្សត្រ ការ​លាង​លុយ​កខ្វក់...

មនុស្ស​រាប់​ពាន់​នាក់​ជួប​ជុំគ្នា​នៅ​រាជ​ធានី​ភ្នំពេញ​សម្រាប់​ទិវា​សិទ្ធិ​មនុស្ស

មនុស្ស​​​ជាង​​​១.០០០នាក់​​​បាន​​ប្រមូល​ផ្តុំគ្នាតាម​​​ដង​​​ផ្លូវ​​​ក្នុង​​​រាជ​​​ធានី​​​ភ្នំពេញ​​​កាល​​​ពីម្សិលមិញ អំពាវ​​​នាវ​​​ឲ្យមានការ​កែ​​​ទម្រង់​​​ប្រព័ន្ធ​​​តុលាការ បញ្ចប់​​​អំពើ​​​ហិង្សា​​​ពី​​​សំណាក់​​​រដ្ឋាភិបាល​​​ និង​​​លុប​​​បំបាត់​​​អំពើ​​​ពុករលួយ​​​ដើម្បី​​​រំឭក​​​ដល់​​​​​ខួប​​​លើក​​​ទី​​​៦៦​​​នៃ​​​សេចក្តី​​​ថ្លែង​​​ការណ៍​​​ជា​​​សាកល​​​ស្តីពី​​​សិទ្ធិ​​​មនុស្ស។ ព្រះសង្ឃ​​​ និង​​​សកម្ម​​​ជន​​​ប្រហែល​​​៦០០​​​អង្គ​​​-នាក់​​​មក​​​ពី​​​ទូទាំង​​​ប្រទេស​​​បាន​​​ចាប់​​​ផ្តើម​​​ជួប​​​ជុំ​​​គ្នា​​​នៅ​​​ខាង​​​ក្រៅ​​​រដ្ឋសភា​​​នៅ​​​ម៉ោង​​​ប្រហែល​​​៧​​​និង​​​៣០​​​នាទី​​​ព្រឹក​​​ បន្ទាប់​​​ពី​​​បញ្ចប់​​​ការ​​​ហែ​​​ក្បួន​ប្រាំ​​​មួយ​​​ខេត្តរយៈ​​​ពេល​​​ប្រាំ​​​ថ្ងៃ​​​ទូទាំង​​​ប្រទេស​​​។ ក្រុមអ្នក​​​ហែ​​​ក្បួន​​​ដែល​​​បាន​​​បញ្ចប់​​​ដំណើរ​​​របស់​​​ខ្លួន​​​បន្ទាប់​​​ពី​​​ស្នាក់​​​នៅ​​​តាម​​​វត្ត​​​អារាម​​​នានា​​​ក្នុង​​​រាជ​​​ធានី​​​កាល​​​ពី​​​យប់​​​ថ្ងៃ​​​អង្គារ​​​ ត្រូវ​​​បាន​​​ចូល​​​រួ​​​ម​​​កាល​​​ពីម្សិល​​​មិញ​​​ពី​​​សំណាក់​​​កម្មករ​​​ តំណាង​​​សហជីព​​​ សិស្ស​​​ និស្សិត​​​​​​ និង​​​សកម្មជន​​​សិទ្ធិ​​​ដី​​​ធ្លី​​​ប្រហែល​​​​​​៣០០នាក់​​​។ ទន្ទឹម​​​នឹង​​​នោះ​​​ដែរ​​​ កម្មករ​​​និង​​​សកម្មជន​​​រាប់​​​រយ​​​នាក់​​​បាន​​​ប្រមូល​​​ផ្តុំ​​​គ្នា​​​នៅ​​ក្រោម​​​តង់​​​ ដែល​​​សាងសង់​​​នៅទីលាន​ប្រជា​ធិបតេយ្យ​​​សម្រាប់​​​ព្រឹត្តិការណ៍​​​ដាច់​​​ដោយ​​​ឡែក​​​ពី​​​គ្នា​​​ដែល​​​រៀប​​​ចំ​​​ឡើង​​​ដោយ​​​អង្គការ​​​សង្គម​​​ស៊ីវិល ដែល​​​រួម​​​មាន​​​ការ​​​ថ្លែង​​​សុន្ទរកថា និង​​​ការ​​​រាំ​​​កម្សាន្ត​​​​​។ លោក វន់ ពៅ មេដឹក​​​នាំ​​​ការ​​​ងារ​​​ដែល​​​បាន​​​ជាប់​​​ពន្ធ​​​នាគារ​​​ជា​​​ច្រើ​​ន​​​ខែ​​​កាល​​​ពីដើម​​ឆ្នាំ​​​នេះ​​​ជុ​​​ំ​​​វិញ​​​ការ​​​ចោទ​​​ប្រកាន់​ពីបទ​ពាក់​ព័ន្ធការ​ប្រើរើ​​​អំពើ​​​ហិង្សា​​​នៅ​​​ក្នុង​​​ការ​​​ធ្វើ​​​កូដកម្ម​​​របស់​​​កម្មករ​​​រោង​​​ចក្រ​​​កាត់​​​ដេរ​​​ កាល​​​ពីខែ​​​មករា​​​នោះ បាន​​​អំពាវ​​​នាវ​​​ឲ្យ​​​បញ្ចប់​​​និទណ្ឌភាព​​​ ខណៈ​​​ដែល​​​លោក​​​បាន​​​​​​ថ្លែង​​​ទៅ​​​​​​កាន់​​​មនុស្ស​​​នៅ​​​ខាង​​​ក្រៅ​​​រដ្ឋសភា។ លោក​​​បាន​​​មាន​​​ប្រសាសន៍​​​ថា លើស​​​ពី​​​នេះ​​​ទៅ​​​ទៀត​​​សូម​​​បញ្ឈប់​​​ការ​​​ប្រើ​​​ប្រាស់​​​ប្រព័ន្ធ​​​តុលាការ​​​ដើម្បី​​​ធ្វើ​​​បាប​​​ដល់​​​ប្រជា​​​ជន​​​ខ្មែរ សកម្ម​​ជន​​​នយោបាយ​​​ និង​​​សកម្មជន​​​សិទ្ធិ​​​មនុស្ស"។ ព្រះ​​​េតជគុណ លួន សុវ៉ាត សកម្មជន​​​ជា​​​ព្រះ​​​សង​​​​​​​​្ឃ​​​បាន​​​រិះ​​​គន់​​​ការ​​​ចាត់​​​វិធាន​​​ការ​​​របស់​​​អាជ្ញាធរ​​​​​​មក​​​លើ​​​ការ​​​ហែ​​​ក្បួន​​រហូត​​ដល់​​​​ទិវា​​​សិទ្ធិ​​​មនុស្ស​​​ដែល​​​អាជ្ញាធរ​​​បាន​​​បិទ​​​ផ្លូវ​​​ជាតិ​​​ និង​​​វត្ត​អារាម​​​មួយ​​​ចំនួន មិន​​​ឲ្យ​​​ក្រុមហែ​​​ក្បួន​​​ចូល​​​។ លោក​​​បានមាន​​​ប្រសាសន៍​​​ថា "អាជ្ញាធរ​​​ស្អប់​​​អ្នក​​​ការ​​​ពារ​​​សិទ្ធិ​​​មនុស្ស​​​ និង​​​សកម្មភាព​​​សិទ្ធ​​​ិ​​​មនុស្ស​​​ ប៉ុន្តែ យើង​​​ដឹង​​​ថា អ្វី​​​ដែល​​​យើង​​​កំពុង​​​ធ្វើ​​​គឺ​​​ត្រឹម​​​ត្រូវ​​​តាម​​​ ព្រះ​​​ពុទ្ធ​​​សាសនា និង​​​តាម​​​ច្បាប់​​​ជាតិ និង​​​អន្តរ​​​ជាតិ"។ យោង​​​តាម​​​អង្គការ​​​សិទ្ធិ​​​មនុស្ស​​​លីកាដូ​​​បាន​​​ឲ្យ​​​ដឹង​​​ថា លោកស្រី ឡោក ខេង និង​​​លោកស្រី ឈុន​​​ សារឹម សមាជិក​​​សភា​​​គណបក្ស​​​ប្រជា​​​ជន​​​កម្ពុជា និង​​​លោក ជា​​​ ប៉ូច សមាជិក​​​សភា​​​គណបក្ស​​​សង្គ្រោះ​​​ជាតិ​​​បាន​​​ទទួល​​​យក​​​ញតិ្ត​​​​ដែល​​​អំពាវ​​​នាវ​​​ឲ្យ​​​អនុវត្ត​​​ច្បាប់​​​ស្តី​​​ពី​​​ការ​​​ធ្វើ​​​បាតុកម្ម ​​​ឯករាជភាព​​​នៃ​​​ប្រព័ន្ធ​​​តុលាការ​​​គ្រប់​​​លំដាប់ថ្នាក់ និង​​​បញ្ចប់​​​ការ​​​បណ្តេញ​​​ចេញ​​​ដោយ​​​បង្ខំ​​​។ តំណាង​​​សហជីព​​​បាន​​​ប្រគល់​​​ញតិ្ត​​​​ដាច់​​​ដោយ​​​ឡែក​​​ដល់​​​សមាជិក​​​សភា​​​ទាម​​​ទារ​​​ឲ្យ​​​មាន​​​លក្ខខណ្ឌ​​​ការ​​​ងារ​​​ល្អប្រសើរ។ លោក សម រង្ស៊ី និង​​​លោក កឹម សុខា មេ​​​ដឹក​​​នាំ​​​គណបក្ស​​​សង្គ្រោះ​​​ជាតិ​​​បាន​​​ថ្លែង​​​សុន្ទរកថា ហើយ​​​បាន​​​សន្យា​​​យក​​​ញតិ្ត​​​​នេះ​​​ទៅ​​​ដាក់​​​ជូន​​​​​រដ្ឋសភា​​​។ លោក សម រង្ស៊ី បាន​​​មាន​​​ប្រសាសន៍​​​ថា "យើង​​​ទទួល​​​យក​​​​​​សំណើ​​​របស់​​​បងប្អូន។ រាល់​​​សំណើ​​​របស់​​​បង​​​ប្អូន​​​នឹង​​​ត្រូ​​​វ​​​យក​​​ទៅ​​​ដាក់​​​ជូន​​​រដ្ឋ​​​សភា ដែល​​​មិន​​​មែន​​​គ្រប់​​​គ្រង​​​ដោយ​​​គណបក្ស​​​នយោបាយ​​​តែ​​​មួយ​​​ឡើយ​​​។ គណបក្ស​​​សង្គ្រោះ​​​ជាតិ​​​ក៏​​​បាន​​​រៀប​​​ចំ​​​ព្រឹត្តិការ​​​ណ៍របស់ខ្លួន​ផ្ទាល់​​​​​​នៅ​​​ពេល​​​ល្ងាច​​​ផង​​​ដែរ​​​​​​ ដែល​​​មាន​​​មនុស្ស​ចូល​​​រួមប្រហែល​​​៧០០នាក់​​​នៅ​​​សួន​​​ច្បារ​​​តាម​​​ដង​​​ទន្លេ​​​សាប​​​ ទល់​​​មុខ​​​ការិយាល័យ​​​ក្រុម​​​ប្រឹក្សា​​​អភិវឌ្ឍ​​​ន៍កម្ពុជា។ លោក សម រង្ស៊ី បាន​​​មាន​​​ប្រសាសន៍​​​ថា ការ​​​ជ្រើស​​​រើស​​​យក​​​កន្លែង​​​នេះ ព្រោះ​​​សាលា​​​រាជ​​​ធានី​​​បាន​​​បដិសេធ​​​សំណើ​​​របស់​​​គណបក្ស​​សុំជួបជុំ​​គ្នា​​​នៅ​​​ទីលាន​​​ប្រជា​​​ធិបតេយ្យ​​​។ ព្រឹត្តិការណ៍​​​ដែល​​​រៀប​​​ចំ​​​ឡើយ​​​ដោយ​​​រដ្ឋាភិបាល​​​នៅ​​​កោះ​​​ពេជ្រ​​​ក្នុង​​​រាជ​​​ធានី​​​ភ្នំពេញ​​​នា​​​ព្រឹក​​​ថ្ងៃ​​​នោះ​​​ត្រូវ​​​បាន​​​ចូល​​​រួម​​​ជា​​​អធិបតីដោយ​​​លោក ប៉ា​​​ សុជាតិវង្ស អភិបាល​​​រាជ​​​ធានី​​​ ដែល​​​បាន​​​កោត​​​សរសើរ​​​​​​ប្រវត្តិ​​​សិទ្ធិ​​​មនុស្ស​​​របស់​​​លោក​​​នាយករដ្ឋ​​​មន្ត្រី​​​ ហ៊ុន សែន​​​ ទៅ​​​កាន់​​​អ្នក​​​ចូល​​​រួម​​​ប្រហែល​​​៣.០០០នាក់​​​។ លោក ប៉ា សុជាតិវង្ស បាន​​​មាន​​​ប្រសាសន៍​​​ថា "រដ្ឋាភិបាល​​​កម្ពុជា​​​ក្រោម​​​ការ​​​ដឹក​​​នាំ​​​ប្រកប​​​ដោយ​​​​​​​​​​​​ភាព​​​ឈ្លាស​​​វៃ​​​ និង​​​គតិបណ្ឌិត​​​របស់​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន យល់​​​យ៉ាង​​​ច្បាស់​​​អំពី​​​តម្លៃ​​​សិទ្ធិ​ សេរីភាព​​​ និង​​​​​​សេចក្តី​​​ថ្លៃ​​​ថ្នូរ​​​​​​របស់​​​ប្រជា​​​ពល​​​រដ្ឋ​​​ និង​​​យក​​​ចិត្ត​​​ទុកដាក់ចំពោះសិទ្ធិ​​​មនុស្ស​​​"។ លោក​​​បាន​​​បន្ថែម​​​ថា "ប្រទេស​​​កម្ពុជា​​​បាន​​​ក្លាយ​​​ជា​​​ប្រទេស​​​សន្តិភាព​​​ សុវត្ថិភាព​​​ និង​​​ប្រជា​​​ធិបតេយ្យ​​​សេរីពហុបក្សពិត​​​ប្រាកដ​​​ដែល​​​គោរព​​​សិទ្ធិ​​​មនុស្ស បើក​ទូលាយ​​​ឲ្យ​​​ប្រជា​​​ជន​​​ពល​​​រដ្ឋ​​​ទទួល​​​បាន​​​ព័ត៌​​​មាន​​​... និង​​​គោរ​​​ព​​​សេរីភាពនៃការ​​​តវ៉ា និង​​​ការ​​​បញ្ចេញ​​​មតិ​​​"៕សារុន (រាយការណ៍​​​បន្ថែមដោយ George Wright) ​​​  

សកម្មជន​ទិវា​សិទ្ធិ​មនុស្ស​ប្រឈម​នឹង​ឧបសគ្គ​ចូល​ក្រុង

សកម្មជន​និង​ព្រះស​ង្ឃ​ដែល​កំពុង​ហែក្បួន​មកពី​ទូទាំង​ប្រទេស​ចូល​ក្រុង​ភ្នំពេញ ដើម្បី​អបអរ​ទិវា​សិទ្ធិ​មនុស្ស​នៅ​ថ្ងៃ​ពុធ​នេះ បាន​ជួប​នឹង​ការ​បិទ​ផ្លូវ និង​ប៉ូលិស​ប្រដាប់​អាវុធ​នៅ​ជាយ​ក្រុង​កាលពី​ព្រឹក​ថ្ងៃ​អង្គារ និង​បាន​ចរចា​បើក​ផ្លូវ​ទៅ​វត្ត ដែល​ពួកគេ​ចង់​ស្នាក់នៅ។ អ្នក​ហែក្បួន​មួយ​ក្រុម​ប្រហែល​៧០​នាក់​ដែល​ធ្វើ​ដំណើរ​តាម​បណ្តោយ​ផ្លូវ​ជាតិ​លេខ​២​បាន​ជួប​នឹង​ការ​បិទផ្លូវ​ដោយ​ប៉ូលិស​ប្រហែល​៣០​នាក់​ក្នុង​ខណ្ឌ​មានជ័យ នៅ​ម៉ោង​ប្រហែល​១១​ព្រឹក​ថ្ងៃ​អង្គារ ដែល​នៅទី​នោះ​ពួកគាត់​ត្រូវ​បាន​រារាំង​មិន​ឲ្យ​ឆ្លងកាត់​អស់​រយៈ​ពេល​ប្រហែល​មួយ​ម៉ោង។ ប៉ុន្តែ​ពេល​ទាក់ទង​បាន​កាលពី​ថ្ងៃ​អង្គារ អធិការ​ប៉ូលិស​ខណ្ឌ​ស្តីទីលោក ជឿម ស៊ីថា បាន​បដិសេធ​ថា មន្ត្រី​របស់​លោក​មិន​បាន​ដាក់​របាំង​ផ្លូវ​ទេ។ លោក​បាន​និយាយ​ថា "ទេ យើង​មិន​បាន​ដាក់​របាំង​ផ្លូវ​ទេ វាជា​ពេល​សម្រាប់​ព្រះសង្ឃ​ឆាន់"។ លោក ស៊ីថា បាន​និយាយ​ថា អាជ្ញាធរ​បាន​ទាមទារ​ឲ្យ​តំណាង​អ្នក​ដើរ​ក្បួន​ចុះ​ហត្ថលេខា​សន្យា​ថា ពួកគេ​នឹង​មិន​បិទ​ផ្លូវ ពេលណា​ចូល​ដល់​កណ្តាល​ក្រុង។ លោក​បាន​និយាយ​ថា...

សម្រាប់​អ្នកដែល​មាន​លទ្ធភាព របរកសិកម្ម​នៅ​ទីក្រុង​ផ្តល់​ផ្លែផ្កា

ក្រុង​តាខ្មៅ, ខេត្ត​កណ្តាល-លោក ម៉ាន សុផល បាន​លាសំណាញ់​កៅស៊ូ​ថ្លា​ដែល​គ្រប​រោង​មួយ​នៅ​មុខ​ភូមិ​គ្រឹះ​របស់​គាត់ បង្ហាញ​ឲ្យ​ឃើញ​បំពង់​ចោះ​ជា​ច្រើន​ជួរ ដែល​មាន​ស្ពៃ​និង​សាឡាត់​ដុះ​លូតលាស់។ នេះ​ជា​កសិដ្ឋាន​កន្និកា ដែល​មាន​ដាំ​ដំណាំ​មិន​មែន​ដុះ​លើ​ដី​ទេ ប៉ុន្តែ​ដុះ​ចេញ​ពី​ទឹក​មាន​សារធាតុ​ចិញ្ចឹម ដែល​បង្ហូរ​តាម​បំពង់​ក្នុង​អគារ​កញ្ចក់​កែច្នៃ ដែល​លោក​ សុផល ចំណាយ​ប្រាក់​អស់​២.០០០​ដុល្លារ។ សហគ្រិន​វ័យ​៤២​ឆ្នាំ​រូប​នេះ​បាន​និយាយ​ថា "ការងារ​សំខាន់​បំផុត​គឺ​ត្រូវ​រក្សា​ដំណាំ​ឲ្យ​ត្រជាក់​និង​មាន​សំណើម​ជាប់​ជានិច្ច។ គម្រប​សំណាញ់​កៅស៊ូ​ថ្លា ដែល​ធន់​នឹងកាំ​រស្មី​អ៊ុលត្រា​វីយ៉ូឡេ ការពារ​ដំណាំ​ពី​កម្តៅ​ព្រះ​អាទិត្យ ទឹកភ្លៀង និង​សត្វ​ល្អិត​ចង្រៃ​ផង​ទាំងពួង។ទឹក​ភ្លៀង​អាច​បំផ្លាញ​ល្បាយ​ទឹក​ដែល​សម្បូរ​សារធាតុ​ចិញ្ចឹម"។ លោក សុផល បាន​និយាយ​ថា ប្រព័ន្ធ​ដាំ​ដំណាំ​លើ​ទឹក មាន​លក្ខណៈ​ងាយ​ស្រួល​ជាងការ​ដាំ​ដំណាំ​បែប​ប្រពៃណី ដោយ​ដំណាំ​ដុះ​លូតលាស់​ក្នុង​ទីកន្លែង​តូច​ចង្អៀត​បិទ​ជិត...

លោក ហោ ណាំហុង​ នឹងធ្វើ​ជាប្រធាន​​គណៈកម្មាធិការអន្តរ​រដ្ឋាភិបាល​​ថ្មី​ជាមួយ​រដ្ឋាភិបាល​ចិន​

លោក ហោ ណាំហុង​ រដ្ឋ​មន្ត្រី​ក្រសួង​ការ​បរទេស​ និង​លោក យ៉ាង ជេឈី (Yang Jiechi)​ អតីតរដ្ឋមន្ត្រី​ការ​បរទេស​ចិន​ ត្រូវបាន​ជ្រើស​រើស​ឲ្យ​ធ្វើ​ជា​សហ​ប្រធាន​​​គណៈកម្មាធិការ​​អន្តររដ្ឋា​ភិបាល​​​ដែល​ទើប​បង្កើតថ្មី​​​រវាង​ប្រទេស​ចិន​និង​កម្ពុជា​ ក្នុង​សប្តាហ៍នេះ​ ដើម្បី​ពង្រឹង​កិច្ច​សហ​ប្រតិបត្តិ​​ការ​នៅក្នុង​វិស័យ​មួយ​ចំនួន​ដូច​ជា​កា​អនុវត្តច្បាប់​ និង​វិ​ស័យ ​ការ​ពារ​ជាតិ​ជាដើម។​ នៅក្នុង​សេចក្តី​ប្រកាស​ព័ត៌​មាន​រួម​មួយ​ ដែល​ចេញ​កាលពីថ្ងៃអង្គារ​ នៅពេល​លោក​ហ៊ុន សែន​ បានអញ្ជើញទៅទីក្រុង​ប៉េកាំង​ ដើម្បីចូលរួមកិច្ច​ប្រជុំ​មួយ​ចំនួន​ ជាមួយ​មេដឹកនាំ​ជាន់ខ្ពស់​របស់​គណបក្ស​​កុម្មុយនីស្ត​ចិន​នោះ​​ ប្រទេស​ចិន​ និងប្រទេស​កម្ពុជា​​ក៏បាន​លើកឡើង​ដែរថា​ ប្រទេសទាំងពីរ​នឹង​ជួយគ្នាទៅវិញទៅមក​ដើម្បី​លើកកម្ពស់​សន្តិសុខ​ជាតិ​របស់ខ្លួន​ ​ព្រម​ទាំង​ការ​​សហការ​នៅក្នុង​ការ​​លើក​កម្ពស់​​សន្តិភាព​និង​ស្ថិរភាព​ក្នុង​តំបន់ផងដែរ។​ ថ្លែងទៅកាន់​អ្នកកាសែត​ បន្ទាប់ពី​គណៈ​ប្រតិភូ​កម្ពុជា​ ត្រឡប់មក​ដល់​រាជធានី​ភ្នំពេញ​វិញ​កាលពីម្សិលមិញ​ លោក ចម ប្រសិទ្ធ​ រដ្ឋ​មន្ត្រីក្រសួង​ពាណិជ្ជកម្ម​ បាន​ផ្តល់​ព័ត៌មាន​លម្អិត​មួយ​ចំនួន​​ស្តីពី​គណៈកម្មាធិការ​ថ្មីនេះ​ ដែល​ជាការ​ពង្រឹង​ទំនាក់ទំនង​ថ្មីបំផុត​រវាង​ប្រទេស​ទាំងពីរ។​ លោកបានថ្លែង​នៅក្នុង​សន្និសីទ​មួយ​នៅ​ឯអាកាស​យាន​ដ្ឋាន​អន្តរជាតិ​ភ្នំពេញ​ថា​ “ គណៈ​ កម្មាធិការ​អន្តររដ្ឋាភិបាល​នេះ​​ នឹង​​ដឹកនាំ​ដោយ​លោក ហោ ណាំហុង​...

អ្នក​សង្កេត​ការណ៍​អំពាវនាវ​ឲ្យ​រាប់​សន្លឹក​ឆ្នោត​ឡើង​វិញ​នៅ​មណ្ឌល​​ខេត្ត​កណ្ដាល​

​​កាល​ពី​ម្សិល​មិញ​​ អ្នក​សង្កេត​ការណ៍​បោះឆ្នោតបាន​ចេញ​សេចក្ដី​ថ្លែង​ការណ៍​រួម​មួយ​ពាក់​ព័ន្ធ​នឹង​​លទ្ធផល​​​នៃ​ការ​បោះ​ឆ្នោត​ជាតិ​ដែល​មាន​ជម្លោះ​ ដោយ​អំពាវ​នាវ​ឲ្យ​មាន​ការ​រាប់​សន្លឹក​ឆ្នោត​ឡើង​វិញ​នៅ​ក្នុង​ក្រុង​តាខ្មៅ​ ខេត្ត​កណ្ដាល​ ដែល​​កើត​មាន​ភាព​​មិន​ប្រក្រតី​យ៉ាង​ច្រើន​។​ អង្គការ​ Situation Room ជា​សម្ពន្ធ​នៃ​អង្គការ​ក្រៅ​រដ្ឋាភិបាល​ និង​អ្នក​ឃ្លាំ​មើល​ការ​បោះឆ្នោត​ ដែល​ត្រូវ​បាន​បង្កើត​ឡើង​ ដើម្បី​​ត្រួត​ពិនិត្យ​​ការ​បោះឆ្នោត​​ជាតិ​ កាល​ពី​ថ្ងៃ​ទី​២៨ ខែកក្កដា បាន​រក​ឃើញ​ភាព​មិន​ប្រក្រតី​ជាង​១០.០០០​ករណី​នៅ​ទូទាំង​ប្រទេស​ ប៉ុន្តែ​ខេត្ត​កណ្ដាល​គឺ​ជា​ខេត្ត​ ដែល​មាន​របាយ​ការណ៍​ថា កើត​មាន​ភាព​មិន​ប្រក្រតី​ច្រើន​ជាង​​គេ​។ ខេត្ត​កណ្ដាល​នេះ​ គឺ​ជា​ខេត្ត​ដែល​លោក​​នាយក​រដ្ឋ​មន្ត្រី​ ហ៊ុន សែន​ ​បាន​ឈរ​ឈ្មោះ​ជា​បេក្ខជន​តំណាង​រាស្ត្រ​របស់​គណ​បក្ស​ប្រជា​ជន​កម្ពុជា​នៅ​លេខ​រៀង​លំដាប់​ទី​១។ សេចក្ដី​ថ្លែង​ការណ៍​នេះ​បាន​លើក​ឡើង​ថា “ភាព​មិន​ប្រក្រតី​នៅ​ក្នុង​ខេត្ត​កណ្ដាល​ គឺ​​គួរ​ឲ្យ​ព្រួយបារម្ភ​ខ្លាំង​ណាស់​ ជាពិសេស​នៅ​ការិយាល័យ​បោះឆ្នោត​លេខ​១២០៤ ​នៅ​ក្នុង​ភូមិ​ស្អាង​ភ្នំ​ ស្រុក​ស្អាង​ ដែល​ត្រូវ​បាន​បិទ​​នៅ​មុន​  រសៀល​”។ សេចក្ដី​ថ្លែង​ការណ៍​នេះ​បាន​លើក​ឡើង​បន្ថែម​ថា ទម្រង់​១១០៨ ដែល​គេ​ប្រើ​សម្រាប់​​កត់​ត្រា​សំឡេង​​ឆ្នោត​ ត្រូវ​បានគេ​​ប្ដឹង​ពី​​ការិ​យា​ល័យ​បោះ​ឆ្នោត​​​មួយ​​ទៀត​ក្នុង​ក្រុង​តាខ្មៅ​។ សេចក្ដី​ថ្លែង​ការណ៍​នេះ​បាន​លើក​ឡើង​បន្ត​ទៀត​ថា “​ ចង់​ស្នើ​ឲ្យ​ក្រុម​ប្រឹក្សា​ធម្មនុញ្ញ និង​គណៈ​កម្មាធិ​ការ​ជាតិ​រៀប​ចំ​ការ​បោះឆ្នោត​  (គ.ជ.ប.​) ត្រួត​ពិនិត្យ​ការិយាល័យ​បោះឆ្នោត​​លេខ​១២០៤ ហើយ​រាប់​សន្លឹក​ឆ្នោត​​នៅ​ក្នុង​សង្កាត់​តាខ្មៅ​ឡើង​វិញ​”។ លោក ទេព​ នីថា អគ្គលេខាធិការ ​​គ.ជ.ប. បាន​លើក​ឡើង​ម្ដង​ទៀតកាល​ពី​ម្សិលមិញ​ថា គ.ជ.ប.​ លែង​ជាប់​ពាក់​ព័ន្ធ​នៅ​ក្នុង​ដំណើរ​ការ​ ដោះ​ស្រាយ​ពាក្យ​បណ្ដឹង​ទៀត​ហើយ​។ លោក​បាន​មាន​ប្រសាសន៍​ថា “ក្រុម​ប្រឹក្សា​ធម្មនុញ្ញ​ឥឡូវ​នេះ​កំពុង​តែ​ដោះ​ស្រាយ​បញ្ហា​ទាំង​នេះ​ វា​ស្ថិត​​នៅ​ក្រៅ​​​សមត្ថកិច្ច​របស់​ គ.ជ.ប.​”។ លោក​បាន​បន្ថែម​ថា​ “សន្លឹក​ឆ្នោត​​ត្រូវ​បាន​រាប់​រួច​ហើយ​ រីឯ​លទ្ធផល​បឋម​នៃ​ការ​បោះឆ្នោត​​ក៏​ត្រូវ​បាន​ចេញ​រួច​ហើយ​ដែរ​ ហើយ​ឥឡូវ​នេះ​​យើង​កំពុង​តែ​រង់​ចាំ​ក្រុម​ប្រឹក្សា​ធម្មនុញ្ញ​ធ្វើ​ការ​”។ សេចក្ដី​ថ្លែង​ការណ៍​រួម​នេះ​បាន​លើក​ឡើង​ថា ក្នុង​ចំណោម​ភាព​មិនប្រក្រតី​ជាង​១០.០០០​ករណី​ ដែល​កើត​មាននៅ​ថ្ងៃ​បោះ​ឆ្នោត​ មាន​​៤៨​ភាគ​រយ​​​ គឺ​ជា​ករណី​ ដែល​ប្រជា​ពល​រដ្ឋ​​បាន​ទៅ​ដល់​ការិយាល័យ​បោះ​ឆ្នោ​ត​រួច​ហើយ​ ប៉ុន្តែ​មិន​មាន​សិទ្ធិ​បោះ​ឆ្នោត​ឡើយ​ ដោយ​សារ​តែ​ឈ្មោះ​របស់​ពួក​គាត់​​បាន​បាត់​ពី​បញ្ជី​ឈ្មោះ​បោះឆ្នោត​ ឬ​ក៏​មាន​​ទិន្នន័យ​មិន​ត្រឹម​ត្រូវ​ស្ដី​ពី​ឯកសារ​​បញ្ជាក់​ពី​អត្តសញ្ញាណ។ គណបក្ស​សង្គ្រោះ​ជាតិ​​បាន​ច្រាន​ចោល​លទ្ធផល​បឋម​នៃ​ការ​បោះឆ្នោ​ត ដែល​បង្ហាញ​ថា គណបក្ស​ប្រជាជន​កម្ពុជា​ទទួល​បាន​៦៨អាសនៈ​ រីឯ​គណបក្ស​សង្គ្រោះ​ជាតិ​​ទទួល​បាន​៥៥​អាសនៈ​។ គណបក្ស​សង្គ្រោះ​ជាតិ​​បាន​ចោទ​ប្រកាន់​ថា មាន​ការ​​លួច​បន្លំ​សន្លឹក​ឆ្នោត​​ច្រើន​ ហើយ​​បាន​អះអាង​ថា ខ្លួន​ពិត​ជា​ឈ្នះ​ការ​បោះឆ្នោ​តនេះ​។ គណបក្ស​ប្រឆាំង​បាន​ស្នើ​ឲ្យ​មាន​ការ​ស៊ើប​​អង្កេត​ឯក​រាជ្យ​លើ​ភាព​មិន​ប្រក្រតី​ទាំង​នេះ​ ហើយ​បាន​គំរាម​ធ្វើ​មហាបាតុកម្ម​​ ប្រសិន​បើ​​​ការ​ស៊ើប​អង្កេត​​ឯករាជ្យមិន​​ត្រូវ​បាន​ធ្វើ​ឡើង​ក្នុង​ពេល​ឆាប់ៗ។​​ ហើយ​ការ​​គំរាម​នេះ​​បាន​ធ្វើ​ឲ្យ​រដ្ឋាភិបាល​ដាក់​ពង្រាយ​នគរបាល​និង​យោធា​​នៅ​ក្នុង​និង​ជុំ​វិញ​រាជធានី​ ជា​បញ្ហា​មួយ​ទៀត​ដែល​អង្គការ​ Situation Room បាន​លើក​ឡើង​កាល​ពី​ម្សិលមិញ​។ សេចក្ដី​ថ្លែង​ការ​ណ៍​នេះ​បាន​លើក​ឡើង​ថា “  ចង់​ស្នើ​ឲ្យ​រដ្ឋាភិបាល​​ដកចេញ​វិញ​នូវ​​កង​កម្លាំង​ប្រដាប់​អាវុធ​ និង​អាវុធ​នានា​ ដែល​ត្រូវ​បាន​ដាក់​ពង្រាយ​ ដើម្បី​​បំភិត​បំភ័យ​​ប្រជា​ពលរដ្ឋ​​”៕ ប្រែសម្រួលដោយ ស៊ា ស៊ុយឈាង​

បក្ស​ប្រជា​ជន​គំរាម​ចាត់​វិធានការ​ផ្លូវ​ច្បាប់​ជុំវិញ​ការ​ចោទ​ប្រកាន់​របស់​គណ​បក្ស​សង្គ្រោះ​ជាតិ

កាល​ពី​ម្សិល​មិញ​ គណ​បក្ស​ប្រជា​ជន​កម្ពុជា បាន​គំរាម​ចាត់​វិធានការ​ផ្លូវ​ច្បាប់​ប្រឆាំង​នឹង​គណបក្ស​សង្គ្រោះ​ជាតិ ប្រសិន​បើ​គណ​បក្ស​នេះ​មិន​​​បញ្ឈប់​​​ការ​​​ប្រើ​​​ “វោហារសាស្ត្រ​បង្ខូច​កេរ្តិ៍​ឈ្មោះ” ពាក់ព័ន្ធ​​​នឹង​​​​​​​ទំនាក់​ទំនងរវាង​​​​គណ​បក្ស​កាន់​អំណាច​និង​​​​គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត (គ.ជ.ប.) ដែល​គណ​បក្ស​ប្រឆាំង​ចោទ​ថា បាន​​​លួច​​​បន្លំ​​​​សន្លឹក​​​ឆ្នោត​​​ក្នុង​​​ការ​បោះ​ឆ្នោត​កាលពី​​​​ក្នុងខែ​កក្កដា​ ដើម្បី​​ឲ្យ​គណ​បក្ស​ប្រជា​ជនកម្ពុជាអាច​​​បន្ត​​​កាន់​អំណាច​​​ទេ​​​នោះ​​​​។ កាលពី​ថ្ងៃ​ច័ន្ទ​ គណ​បក្ស​ប្រជា​ជន​កម្ពុជា​បាន​ចេញ​សេចក្តី​ប្រកាស​​ច្រាន​ចោល​ការ​ចោទ​ប្រកាន់​ពី​ការឃុបឃិត​ជាមួយ​ គ.ជ.ប. ហើយ​លោក ផៃ ស៊ីផាន​ អ្នក​នាំ​ពាក្យ​ទី​ស្តីការ​គណៈ​រដ្ឋ​មន្ត្រី​ បាន​អះអាង​​​ថា មាន​ផ្លូវ​​​​ច្បាប់​​​សម្រាប់​​​គណបក្ស​កាន់​អំណាចក្នុង​​​ការ​បញ្ឈប់​គណ​បក្ស​សង្គ្រោះ​ជាតិ​​​ពី​​​ការ​​​ចោទប្រកាន់​​​បែប​​​នេះ​​​។ លោក ស៊ីផាន បាន​មាន​ប្រសាសន៍ថា “ការ​​​​អត់ធ្មត់​​​របស់​​​​​​មនុស្ស​​​ម្នាក់ៗ​​​មាន​​​ដែន​​​កំណត់​​​​ ហើយ​យើង​ត្រូវ​ឲ្យ​គណ​បក្ស​សង្គ្រោះ​ជាតិ​ដឹង​ថា ដែន​​​កំណត់​​​របស់​យើងស្ថិត​​​នៅ​​​ត្រង់​ណា​​​។​​​យើង​មិន​អាច​ទទួល​យក​ការ​​ចោទ​ប្រកាន់​​​​​​បែប​​​បង្ខូច​កេរ្តិ៍​ឈ្មោះ​​​ដូច្នេះ​​​​​​​ទៀតបាន​​​​ទេ។យើង​គោរព​សេរី​ភាព​នៃ​ការ​បញ្ចេញ​មតិ​ ក៏​ប៉ុន្តែ នេះ​មិន​មែន​ជា​សេរី​ភាព​នៃ​ការ​បញ្ចេញ​មតិ​ទេ។មាន​ច្បាប់​​ជាធរមាន​សម្រាប់​​​​​ការ​ពារ​ស្ថាប័ន​​​ណា​​​មួយ ​​​​ពីការ​​​​បង្ខូច​កេរ្តិ៍​ឈ្មោះ​​​បែប​នេះ។ ប្រហែល​ជាអាច​​​​មាន​ការ​ចាត់​វិធាន​ការ​ផ្លូវ​ច្បាប់​”។ ការ​​​ប្រកាស​របស់​គណ​បក្ស​ប្រជា​ជន​កម្ពុជា​កាល​ពី​ថ្ងៃ​ច័ន្ទ​​​​នេះ​​​ធ្វើ​ឡើង ​បន្ទាប់​ពី​ការ​​​ចរចា​​​រវាង​គណ​បក្ស​​ទាំងពីរ​​​ស្តីពី​​​​ការ​បង្កើត​អនុ​គណៈ​កម្ម​ការ​មួយ​​​​ដើម្បី​សើុប​អង្កេត​ពាក្យ​បណ្តឹង​​​​ពី​​​ភាព​​​មិន​​​ប្រក្រតី​​​ក្នុង​​​ថ្ងៃ​បោះ​ឆ្នោត​​បាន​​​​ជាប់គាំង​​​​ ដោយ​គណ​បក្ស​ប្រជា​ជន និង​គណបក្ស​សង្គ្រោះ​ជាតិ​មិន​អាច​ឈានដល់​​​ការ​​​​ព្រម​ព្រៀង​​​គ្នា​​​ស្តីពី​​​​តួនាទី​របស់​គ.ជ.ប. ក្នុង​​​ការ​​​ស៊ើប​​​អង្កេត​​​នេះ។ សេចក្តី​ប្រកាស​នេះ​មាន​ខ្លឹម​សារ​ថា “ការ​ចោទ​ប្រកាន់​ដែល​ថា គណ​បក្ស​ប្រជា​ជន​កម្ពុជា​​​បាន​​​​សម​គំនិត​ជាមួយ​គ.ជ.ប. ក្នុងការ​​​លួច​បន្លំ​សន្លឹក​ឆ្នោត​ គឺ​ជា​ការ​ចោទ​ប្រកាន់​គ្មាន​មូល​ដ្ឋានក្នុង​​​បំណង​​​​ធ្វើ​ឲ្យ​​​​សាធារណ​​​​ជន​​​មាន​​​ការ​​​ភាន់​​​ច្រឡំអំពី​​​​ដំណើរ​ការ​បោះ​ឆ្នោត​ក្នុង​ប្រទេស​កម្ពុជា។គណ​បក្ស​ប្រជាជន​កម្ពុជា​សូម​បដិសេធ​ដាច់​អហង្ការ​ចំពោះ​ការ​ចោទ​ប្រកាន់​ទាំង​នោះ”។ គណ​បក្ស​សង្គ្រោះ​ជាតិ​បាន​អំពាវ​នាវ​ឲ្យ​មាន​ការ​ស៊ើប​អង្កេត​ឯក​រាជ្យ​មួយ​ពី​​​សេចក្តី​​​រាយការណ៍​ស្តី​ពី​ភាព​មិន​ប្រក្រតី​​​ជា​​​ទូទៅ ​​​ក្នុង​ការ​បោះ​ឆ្នោត ដោយ​អះអាង​​​ថា គ.ជ.ប. គឺ​ជា​ឧបករណ៍​មួយ​របស់​គណ​បក្ស​កាន់​អំណាច​ ​ដែល​​​កង្វល់​​​នេះ​​​ក៏​​​ធ្លាប់​​​ត្រូវបាន​​​​លើក​ឡើង​ដោយ​លោក សុរិយា ស៊ូបេឌី អ្នក​ធ្វើ​របាយ​ការណ៍​ពិសេស​​ផ្នែក​សិទ្ធិ​មនុស្ស​របស់​អង្គការ​សហ​ប្រជា​ជាតិ​ប្រចាំ​នៅ​កម្ពុជា និង​គណៈ​កម្មាធិការ​ដើម្បី​ការ​បោះ​ឆ្នោត​​ដោយ​សេរី និង​យុត្តិ​ធម៌​នៅ​​កម្ពុជា (ខុមហ្វ្រែល​​​)។ កាល​ពី​ម្សិល​មិញ លោក យឹម សុវណ្ណ អ្នក​នាំ​ពាក្យ​គណ​បក្ស​សង្គ្រោះ​ជាតិ បាន​បញ្ជាក់​​​សាជាថ្មី​​​ពីមន្ទិល​សង្ស័យ​របស់​គណបក្ស​ប្រឆាំង​ចំពោះ​​​​អព្យាក្រឹត​​​ភាព​​​របស់​​ គ.ជ.ប. និង​បាន​ចោទ​សួរ​អំពី​ការ​គំរាម​ចាត់​វិធានការ​ផ្លូវ​ច្បាប់​របស់​លោក ផៃ ស៊ីផាន។​...

កម្មកររោង​ចក្រកាត់​​ដេរ​​ក្នុងរាជ​ធានីភ្នំពេញ​​វិល​ត្រឡប់​មក​ធ្វើ​ការ​​ធម្មតា​វិញ​

សមា​​​គ​ម​រោង​​ចក្រ​កាត់​​ដេរនៅកម្ពុជា ​បា​ន​ (GMAC) បានឲ្យដឹង​​កា​ល​​ពី​ម្សិល​មិញ​​ថា កា​រ​ចាក​​ចេញ​​​របស់​កម្មករ​​រោង​ចក្រ​កា​ត់​​ដេរ​​​​ក្នុ​ង​​​​រា​ជធា​នី​​​ភ្នំ​​ពេញទៅ​កាន់​​ខេត្ត​នា​នា ​​​​ដោ​យ​សារ​មានការ​ព្រួ​យ​​​​​បា​​​រម្ភអំពីការ​​​​ដាក់​ពង្រាយកម្លាំ​ង​​​​យោ​ធា​​​​កាន់​តែ​ច្រើន​ក្នុងរាជ​ធានី​កាល​ពីពេល​​ថ្មី​ៗ​នេះ​ មិនគំ​​រា​​មកំ​ហែ​ងដល់ស្ថិរភាពនៅ​ក្នុង​​​វិ​ស័​យ​នេះ​ទេ​។ លោក កែន លូ ​អ​គ្គគ​លេខាធិ​ការ​នៃ​សមា​​​គ​ម​រោងចក្រកាត់​ដេរ​​នៅកម្ពុជា ​​បា​នថ្លែង​​ថា កា​រ​ព្រួ​​យ​បា​រម្ភ​​​អំ​ពី​​កម្មករ ​ដែល​​បោះ​​ចោល​​​កា​រ​​​ងា​រ​​បាន​​ស្ងប់​​​ហើយ​ ​ហើយកម្ម​ករ​​ភាគ​ច្រើន​​បា​ន​​វិល​ត្រឡ​ប់​​មក​​​ធ្វើ​ការ​វិ​ញ​​​កាល​​​ពី​សប្តាហ៍​មុន​នេះ​។ លោក​បា​ន​មា​ន​​ប្រ​សាស​​ន៍​ថា​ “​​​ស្ថាន​​ភាពពេល​នេះ​នៅ​ក្នុង​កម្រិត​​អា​ចគ្រប់​គ្រង​បា​ន​​។ អាច​និ​យាយ​​បា​ន​​ថា នឹ​ងមិន​មា​ន​​​ផល​​​ប៉ះ​​​ពាល់​​ដល់វិ​ស័​យកា​ត់​​ដេរ​​ទេ​​”។ ​​កា​ល​​​​ពី​ថ្ងៃ​​​ព្រ​ហស្បតិ៍​ រោ​ង​​ចក្រ​​​មួយ​ចំនួន​បា​ន​​​ឲ្យដឹងថា ​ ​កម្មករ​​​​​ធ្វើ​កា​រ​​​ងា​រ​​​មា​ន​​​តែ​២០​​ភាគ​​រយប៉ុណ្ណោះ ដោយ​សារ​​​តែ​កា​រ​​ធ្លាក់​​ចុះ​នៃ​​កា​រ​បញ្ជា​​​ទិញ​ ​និង​​​​ដោ​យ​​​សារ​ឪ​​ពុ​ក​​ម្តាយ​​​ហៅ​​​​កូន​​​ជា​​កម្មករ​​​ត្រឡប់​ទៅ​ផ្ទះវិញ​ ដោយ​​​ភ័យ​​​ខ្លាច​​ថា​ ចលាចល​កើត​ក្រោយ​កា​រ​​​បោះ​ឆ្នោត​​​​ជ្រើសតាំ​ង​តំ​ណា​ង​​រា​ស្ត្រ​​​កាល​​ពីខែ​មុ​ន​។ ប៉ុន្តែ​​​តំ​ណាង​​សហជីពបា​ន​ឲ្យដឹងកា​ល​​ពីម្សិលមិញថា ពេល​​នេះ ​កម្មករ​​រោ​ង​ចក្រ​កាត់​ដេរភាគ​​ច្រើនវិល​​ត្រ​ឡប់​​មក​​ធ្វើ​កា​រ​​វិញ​​ហើយ​។ លោក ​អា​ត់ ​ធន់ ​​ប្រធា​​ន​​​សហ​ព័ន្ធ​​សហ​​​ជីព​​ប្រជា​​ធិប​​តេយ្យ​​កម្មករ​កាត់ដេរ​កម្ពុជា​ ​​​​មា​ន​​ប្រ​សាស​ន៍​ថា​ ​​កម្មករ​​​ចេញ​ពី​រាជ​ធា​នី​នៅ​តិច​​តួច​​​ដោយ​ក្តីបារម្ភបែប​នេះ​មាន​ចំនួន​តិច​តួច​ទេ​។ ​លោក​ថ្លែ​ង​ថា “កម្មករ​​ប្រហែល​៨០ភា​គ​​រយ​​ដែល​​​​​បោះ​បង់​កា​រ​​​ងារ​​​​របស់​​ខ្លួន​ បា​ន​​វិល​​ត្រឡ​ប់​មក​ធ្វើ​​កា​រ​​​​ងារ​​​វិញ​​​កាល​​ពី​សប្តាហ៍​មុន​។ ពេល​​នេះមា​ន​ក​ម្មករ​​ប្រ​ហែល​​១០​​ភាគ​រយ​​ដែល​នៅ​ស្រុ​ក​​កំ​ណើត​​​របស់​​ខ្លួន​នៅ​​ឡើយ​ដោយ​​សារ​​ភាព​​តា​ន​តឹងផ្នែក​​នយោ​​​បា​យ”៕  ​ប្រែសម្រួល​​ដោ​យ ចេវ ប៊ុននី​