Olesia Plokhii

មន្ត្រី​​​ក្រសួង​​​ធនធាន​​​ទឹក ​​​និង​​​ឧតុនិយម​​​បាន​​​ឲ្យដឹង​​​ កាល​​​ពី​​​ម្សិល​​​មិញ​​​ថា​​​ ការ​​​សាង​​​សង់​​​នៃ​​ស្ថានីយព្យាករ​​​អា​​​កាស​​​ធាតុ​​​ លើក​​​ដំបូង​​​ នៅក្នុង​​​ប្រទេស​​​កម្ពុជា​​​ ត្រូវ​​​បាន​​​សាង​​​សង់​​​រួច​​​រាល់​ ហើយ​​​ឥឡូវ​​​នេះកំពុង​​​តែ​​​​​​ដាក់​​​ឲ្យ​ដំណើរ​ការសាក​​​ល្បង​​ ​មុន​​​ពេល​​​បើកសម្ពោធ​​​ឲ្យ​​​ប្រើ​​​ប្រាស់​​​ជា​​​ផ្លូវ​​​ការនៅ​​​ខែ​​ក្រោយ​​​។ លោក អ៊ុំរីណា ប្រធាន​​​ស្តីទី​​​នាយក​ដ្ឋាន​ឧតុនិយម​ បាន​​​ឲ្យ​​​ដឹង​​​ថា​​​ ​​​ស្ថានីយព្យាករ​​​អាកាស​​​​ធាតុ​​​​​​​​​កម្ពស់​​​៦០​​​ម៉ែត្រ​​​ និង​​​ចំណាយ​​​ប្រាក់​​​អស់​​​ប្រាំពីរ​​​លាន​​​ដុល្លារ ក្នុង​​​ការ​​​សាងសង់​​​​​ ដែល​​​ស្ថិត​​​នៅ​​​ក្នុង​​​ខណ្ឌ​​​ចំការ​​​មន ​​​រាជ​​​ធានី​​​ភ្នំ​​​ពេញ​​​គឺ​​​ត្រូវ​​​បាន​​​បំពាក់​​​ទៅ​​​ដោយ ​​​ប្រព័ន្ធរា៉ដា​​​ មាន​សមត្ថភាព​​​ខ្ពស់ ដែល​​​អាច​​​ជួយ​​​ឲ្យអ្នក​​​​​​​​​ឧតុ​និយមអាចព្យាករ​​​ព្យុះ​​​ភ្លៀង នឹង​​​​​​ទឹក​​​ជំនន់​​​បាន​​​យ៉ាង​​​ល្អ​​​ប្រ​​​សើរ​​​។ លោក  រីណា  បាន​​​បន្ត​​​ថា  “យើងនឹងអាច​​​ព្យាករ​​​ពពក​​​​​ភ្លៀង​​ និង​​​កម្រិត​​ទឹក​​​ភ្លៀង ហើយ​​​នឹង​​​អាច​​​ព្យាករ​​​ល្បឿន និងទិសដៅ​​​របស់ខ្យល់​​​។ ប្រព័ន្ធ​​​រ៉ាដានេះ​​​ នឹង​​​អាច​​​ព្យាករ​​​ព្យុះផ្គរ​​​ក្នុង​​​ស្រុក​​​បាន”។លោក​​​បាន​​​លើក​​​ឡើង​​​ថា អគារ​​​នៅ​​​ពី​​​ក្រោម​​​ប្រព័ន្ធ​​​រ៉ាដា​​​ អាច​​​នឹង​​​ត្រូវ​​​បាន​​​យក​​​​មក​​​ប្រើ​​​ប្រាស់​​​សម្រាប់​​​វិភាគ​​​ទិន្នន័យ។ លោក រីណា បាន​​​បន្ថែម​​​ថា​​​ ប្រព័ន្ធ​​​រ៉ាដា​​​នេះកំពុង​​​តែ​​​ត្រូវ​​​បាន​​​ធ្វើការ​​​សាក​​​ល្បង​​​ ដើម្បី​​​​បញ្ជាក់ពី​​​ភាព​​​ច្បាស់​​​របស់វា។លោក រីណា បាន​​​មាន​​​ប្រសាសន៍បន្ថែមថា  “ យើងត្រូវ​​​តែ​​​ប្រៀប​​​ធ្រៀប​​​កម្រិត​​​នៃ​​​ទិន្នន័យ​​​​ ដែល​​​ប្រព័ន្ធ​​​រ៉ាដា​​​ព្យាករ​​​ ទៅ​​​នឹង​​​ការ​​​អង្កេត​​​ទៅ​​​លើ​​​ស្ថាន​​​ភាព​​​ជាក់​​​ស្តែង​។ លោក  រីណា  បាន​​​លើក​​​ឡើង​​​ថា ស្ថានីយ​នេះ​​​ ដែល​​​ត្រូវបាន​​​គេ​​​ហៅ​​​ថា​​​ ស្ថានីយរ៉ាដា​តេជោ សែន នឹង​​​ត្រូវ​​​ដាក់​​​ឲ្យ​​​ប្រើ​​​ប្រាស់​​​ជា​​​ផ្លូវ​​​​ការនៅ​​​ថ្ងៃ​​​ណា​​​មួយ​​​ក្នុង​​​ខែ​​​ឧសភា បន្ទាប់​​​ពី​​​គេហ​​​ទំព័រ​​​សម្រាប់ជួយ​​​ផ្តល់​​​ដំណឹង​​​អំពី​​​ព្យុះ​​​ ​​​ត្រូវ​​​បាន​​​រៀប​​​ចំរួចរាល់៕ ប្រែសម្រួល​ដោយ​ ស៊ា ស៊ុយ​ឈាង  

អ្នកភូមិ​​​ និង​​​អង្គការ​​​សិទ្ធិមនុស្ស​​​បាន​​​និយាយ​​​កាលពី​​​ម្សិលមិញ​​​ថា អ្នក​​​ភូមិ​​​សហគមន៍​បុរី​កីឡា​​​ បាន​​​រុញ​​​ច្រាន​​​នគរបាលខណ្ឌ​​​ និង​​​នគរ​បាល​​​​រាជធានី​​​ភ្នំពេញ​​​ប្រមាណ​​​ជា​​​១០០​​​នាក់ ​​​ដែល​​​បាន​​​គំរាម​​​បំផ្លាញ​​​ចោលជម្រក​​​បណ្ដោះ​អាសន្ន​​​របស់​​​ពួកគាត់​​​ទាំង​​​១៦​​​គ្រួសារ ​​​ដែល​​​តវ៉ាមិន​​​ព្រម​​​ចាក​​​ចេញ​​​ពី​​​ដី​​​របស់ខ្លួន។ អ្នកស្រី ឆាយ គឹមហន បាន​​​និយាយ​​​ថានគរបាល​​​ខណ្ឌ​​​ប្រាំពីរមករា បំពាក់​​​ដោយ​​​ខែល​​​ការពារ កង​​​រាជ​​​អា​​​វុធ​​​ហត្ថ និងតំណាង​​​ក្រុម​​​ហ៊ុន​​​ផានអុីមិុច ​​​ប្រដាប់ដោយពូថៅ​ និង​​​ញញួរ បាន​​​នាំគ្នា​​​ដើរសំដៅ​​​ទៅ​​​សហគមន៍​​បុរីកីឡា​​​​ និង​​​បាន​​​បញ្ជា​​​ឲ្យ​​​អ្នក​​​ភូមិ​​​រុះរើ​​​ខ្ទម​របស់ខ្លួន ​​​បើ​​​មិនដូច្នោះ​​​ទេ​​​ នឹង​​​ត្រូវ​​​នគរបាល​​​កម្ទេចចោលតែម្ដង។ អ្នក​​​ស្រី​​​បាន​​​បន្ដ​​​ថា “ ពួកសន្តិសុខ​​​ និង​​​នគរ​បាល​​​ប្រដាប់ដោយ​​​ខែល​​​ ញញួរ និង​​​ពូ​​​ថៅបាន​​​ព្យាយាម​​​វាយ​​​កម្ទេចខ្ទមរបស់​​​ពួកយើង”។អ្នកស្រី​​​បាន​​​បន្ថែម​​​ថា បន្ទាប់ពី​​​មាន​​​ការ​​​រុញ​​​ច្រាន​​​គ្នា​​​នោះ​​​មក​​​ នគរបាល​​​ក៏​​​បាន​​​ដក​​​ថយ​ចេញ​​​ពី​​​សហគមន៍។ ​​​គ្មាន​​​នរណា​​​ម្នាក់​​​ បានរង​​​របួសទេ។អ្នកស្រីអះអាងថា “ នគរបាល​​​បាន​​​បរាជ័យ ហើយពួក​​​យើង​​​នឹង​​​នៅ​​​ទីនេះ​​​រហូត​​​ដល់​​​អាជ្ញាធរ​​​រក​​​ដំណោះ​​​ស្រាយ​​​សមរម្យ​​​មួយ​​​សម្រាប់​​​ពួកយើង”។ អ្នកភូមិទាំង​​​នោះ គឺ​​​ស្ថិតក្នុងចំណោម​​​អ្នក​​​ភូមិ​​​ទាំង​​​១២០​​​គ្រួសារ​​​ ដែល​​​ត្រូវបាន​​​បណ្ដេញ​ឲ្យ​​​ចេញពីបុរីកីឡា ដោយហិង្សា​​​កាល​​​ពី​​​ថ្ងៃ​ទី៣ ខែ​​​មករា ​​​ដោយ​​​ក្រុម​​​ហ៊ុន​​​ផានអុីមិុច។ ខណៈពេល​​​ដែល​​​គ្រួសារ​​​ជា​​​ច្រើន​​​ស្ទាក់​​​ស្ទើរ​​​មិន​​​ព្រម​​ទៅរស់​​​នៅ​​​ក្នុង​​​ទីតាំង​ថ្មីទាំង​​​ពីរ​​​នោះ ប្រជាពល​​​រដ្ឋ​​​១៦​​​គ្រួសារ​​នេះ ​បាន​​​ទាម​ទារ​​​ឲ្យ​​​ក្រុម​​​ហ៊ុន​​​ផានអុីមិុច​​​សាងសង់​​អគារ​ទី១០​​​ សម្រាប់​​សងអ្នក ភូមិស្របតាម​កិច្ច​សន្យា។ ​តែមកដល់​​​ថ្ងៃ​​​នេះ មានប្រាំបី​​​អគារ​ប៉ុណ្ណោះបាន​​​សាងសង់​​​រួច​​​រាល់​​។ លោក លឹម សុភា អភិបាល​​​រង​​​ខណ្ឌ​​​ប្រាំពីរ​មករា ដែល​​​បាន​​​ដឹក​​​នាំ​​​នគរបាល​​​ទៅ​​​បំផ្លាញ​​​ខ្ទមទាំងនោះ បាន​​​ប្រាប់​​​អ្នក​​​ភូមិ​​​ថា នគរបាល​​​គ្រាន់តែ​​​ធ្វើតាម​​​បញ្ជា​​​ពី​​​ថ្នាក់លើ​​​ប៉ុណ្ណោះ។ លោកបាន​​​ប្រាប់​​​អ្នកភូមិបន្ថែម​​​ថា “ យើង​​​ធ្វើតាម​​​បទ​​​បញ្ជា​​​តាម​​​ទូរស័ព្ទ​​​ពីរដ្ឋបាលទេ​​​ពី​​​ព្រោះខ្ទមទាំង​​​នេះ ធ្វើឲ្យ​​​បាត់​​​សណ្ដាប់ធ្នាប់​​​ និង​​​ប៉ះពាល់ដល់​​​បរិស្ថានសង្គម”។ លោក សៀ ភារម្យ នាយក​​​លេខា​​​ធិការ​ដ្ឋានក្រុម​​​ការ​​​ងារ​​​ពិសេស​​​សិទ្ធិ​​​លំនៅ​​​ដ្ឋាន បាន​​​​ថ្លែង​ថា​​​ ការ​​​ប៉ះ​​​ទង្គិច​​​គ្នា​​​រវាង​អាជ្ញាធរ​​​និង​​​អ្នក​​​​ភូមិ នេះ ​​​គឺ​​​ជាការ​​​ឆ្លុះ​​​បញ្ចាំង​​​អំពីការ​​​អស​មត្ថភាព​​​​របស់​​​រដ្ឋា​​​ភិបាល​​​ក្នុង​​​ការ​​​គ្រប់​​​គ្រង​​​ជម្លោះ​​​ដី​​​ធ្លី៕ ប្រែ​សម្រួល​ដោយ  ហម​ សុផាណ្ណា                    

កាលពី​ម្សិលមិញ អ្នក​រត់រឺុម៉កម៉ូតូ អ្នករត់ម៉ូតូឌុបអាជីវករ​ ​និងអ្នក​រក​ស៊ី​ដឹក​ជញ្ជូនឯកជន​ផ្សេង​ទៀត​ប្រមាណ​១០០​នាក់ បាននាំគ្នា​ធ្វើការ​តវ៉ា​ប្រឆាំង​ចំពោះតម្លៃ​ប្រេង​ខ្ពស់ នៅឯ​រដ្ឋ​សភា ដោយ​អះអាង​ថា​ តម្លៃ​ប្រេង​ខ្ពស់បែបនេះ កំពុង​ធ្វើ​ឲ្យ​​ប្រាក់​ចំណេញ​​​បន្តិចបន្តួច​របស់​ខ្លួន​ធ្លាក់​ចុះ។ លោក វ៉ន ពៅ ប្រធាន សមាគម​ប្រជាធិ​បតេយ្យឯករាជ្យនៃ​សេដ្ឋកិច្ច​ក្រៅ​ប្រព័ន្ធ​ (IDEA) ដែល​តំណាងឲ្យអ្នក​ប្រកប​របរ​​ផ្នែក​ដឹក​ជញ្ជូន​ឯកជន​ជាង​៤.០០០​នាក់ បាន​លើក​ឡើង​ថា លោក​បាន​ដាក់​ញត្តិ​មួយទៅ​រដ្ឋ​សភា​ស្នើ​សុំ​​ឲ្យ​រដ្ឋា​ភិបាល​បញ្ជុះ​តម្លៃ​ប្រេងឲ្យ​​​​មក​នៅ​ត្រឹម​៤.០០០​រៀល។ លោក វ៉ន ពៅ បាន​បន្ត​ថា “រដ្ឋា​ភិបាល​ចំបាច់​ត្រូវតែ​ បញ្ចុះ​តម្លៃ​ប្រេង ពីព្រោះ​អ្នក​ប្រកប​របរដឹក​ជញ្ជូន​របស់​យើង​មិន​អាច​រក​ប្រាក់​ចំណេញ​បាន​​ទេ ពីព្រោះ​ពួកគេ​បាន​ចំណាយ​ប្រាក់​​ចំណេញ​ទៅលើ​ប្រេង​សាំង​អស់​ហើយ”។ លោក​បាន​លើក​ឡើង​ទៀត​ថា សមាគម​របស់​លោក​នឹង​ធ្វើ​ការ​តវ៉ា​ដ៏​ធំ​មួយ​នៅ​ថ្ងៃ​ទី​១​ ខែឧសភា ប្រសិន​បើ​រដ្ឋា​ភិបាល​មិនព្រម​បញ្ចុះតម្លៃ​ប្រេងទេ​នោះ។ យោងតាមទិន្ន័យ​ពី​វិទ្យាស្ថានជាតិ​ស្ថិតិ​បានឲ្យដឹងថា កាលពី​ម្សិល​មិញ តម្លៃ​ប្រេង​សាំង​នៅ​ក្នុង​រាជធានី​ភ្នំពេញ៥.៦៥០​​រៀលឬស្មើនឹង១,៤១ដុល្លារ នៅស្ថានីយ៍​ប្រេងឥន្ធនៈ​ គឺកើន​ឡើង​១០​ភាគ​រយ​ពី​តម្លៃ​ប្រេង​ក្នុងខែ​មេសា​​ឆ្នាំមុន។កាល​ពី​ខែមុន​តម្លៃ​ប្រេង​បាន​ឡើងខ្ពស់​ជាង​ពេល​ណាៗ​ទាំងអស់ដល់​៥.៩៥០​រៀលឬស្មើនឹង១,៤៨ដុល្លារ។ តម្លៃ​ប្រេង​សព្វថ្ងៃ​នៅក្នុង​ប្រទេស​កម្ពុជា​ ក៏ខ្ពស់​ជាង តម្លៃ​ប្រេង​នៅ​ប្រទេស​វៀត​ណាមនិងប្រទេស​ថៃ​ដែរ ដោយ​តម្លៃប្រេងនៅ​វៀត​ណាម១,១០ដុល្លារ​ក្នុង​មួយ​លីត្រ និងនៅ​ថៃ១,៣៩ដុល្លារ។កាលពីខែមុន ប្រជាពល​រដ្ឋ​ឥណ្ឌូ​ណេស៊ី​ រាបពាន់នាក់បាននំាគ្នា​ធ្វើ​បាតុកម្ម​ដ៏ធំចំពោះ​គម្រោង​ដំឡើង​ថ្លៃ​ប្រេង​របស់​រដ្ឋាភិបាល​នៅ​ទីនោះ ដោយ​បច្ចុប្បន្ន​នេះ​​មាន​តម្លៃប្រហែល១,០៨​ដុល្លារ។ លោកអោកសំអឿន ​អ្នករត់រឺុម៉ក​ម៉ូតូ​​ ម្នាក់បាន​និយាយ​នៅ​កន្លែង​តវ៉ា​ថា“ពីមុនខ្ញុំ​អាច​ផ្គត់ផ្គង់​ជីវ​ភាព​ក្នុង​គ្រួសារ​ខ្ញុំ​បាន​ ប៉ុន្តែ​ឥឡូវ​នេះ​មិន​អាចទេដោយ​សារ​​តម្លៃ​ប្រេង​ឡើង​ខ្ពស់​។ យើង​រក​ប្រាក់​​បាន​តិចណាស់​ ពីព្រោះសូម្បី​តែ​តម្លៃ​ប្រេង​ឡើង​ខ្ពស់​ហើយក្តី​ ក៏​អតិថិជន​នៅតែ​ទាមទារ​ឲ្យមាន​តម្លៃដូចដើម”។ លោក​​ ភុង សុវណ្ណ ប្រធាន សមា​គម​មន្រ្តី​រាជការឯក​រាជ្យ​ជាតិកម្ពុជា (CICA) បាន​មាន​ប្រសាសន៍​ថា​ លោក ក៏​តវ៉ាចំពោះ​ប្រាក់​ឧបត្ថម្ភ​ប្រេងដល់​មន្រ្តី​រដ្ឋា​ភិបាល​ជាន់​ខ្ពស់ដែរ ខណៈ​ដែល​មន្រ្តី​រាជ​ការ​ថ្នាក់​ទាប​ត្រូវ​ចំណាយ​​ថ្លៃ​ប្រេង​​ខ្លួន​ឯង។ លោកសុវណ្ណបានបន្តថា“វា​អយុត្តិ​ធម៌​ណាស់ ដែល​មន្ត្រី​ជាន់​​ខ្ពស់​ទទួល​បាន​ប្រេង​យ៉ាង​ហោចណាស់៥០​លីត្រ​រាល់​ខែ​ ប៉ុន្តែមន្រ្តីថ្នាក់ទាប ដែលមាន​​ប្រាក់ខែ​ត្រឹម តែ​២៥​ដុល្លារក្នុង​មួយ​ខែ​នោះ គ្មាន​ទទួល​បាន​អ្វីសោះ”។នេះ​គឺជា​អំពើ​ពុក​រលួយ​"។​ លោកឯកថាអ្នកនាំ​ពាក្យ​ទីស្តី​ការ​គណៈ​រដ្ឋមន្ត្រី​ បាន​មាន​ប្រសាសន៍​ថាមន្រ្តី​រាជការ​ទាំង​អស់ទទួល​បាន​ប្រាក់​ឧបត្ថម្ភ​ប្រេង​​​សាំង​ជាបុងប្រចាំខែ​ ក៏ប៉ុន្តែ​​មន្ត្រី​ជាន់​​ខ្ពស់​ទទួល​បាន​២៤លីត្រនិងមន្រ្តី​ថ្នាក់​ទាប​ទទួល​​​​​​​បាន​តិច​ជាង​។ លោក ឯក ថា  បានមា​ន​ប្រ​សាសន៍បន្តទៀតថា “ខ្ញុំគិតថា វា​ជា​ការ​ត្រឹម​ត្រូវ​ហើយ​ ពីព្រោះ​មន្ត្រី​រដ្ឋាភិបាល​ដែល​មាន​ឋានៈ​​កាន់តែខ្ពស់ មាន​ការងារនិង​កា​​​រ​​​ទទួល​ខុស ត្រូវ​​​កាន់តែ​ច្រើន​។នេះ​គឺជា​ខ្ទង់ចំណាយរបស់​រដ្ឋាភិបាល ហើយ​ការ​ចំណាយ​ទាំង​អស់​​​ធ្វើ​ឡើង​ដោយ​​ស្របច្បាប់”។ លោក ឯក ថា បានមា​ន​ប្រ​សាសន៍ថា តម្លៃ​ប្រេង​ឡើង​ខ្ពស់​នៅ​ប្រទេស​កម្ពុជា​គឺ​ដោយ​សារតែ​ប្រទេស​កម្ពុជា​បាន​នំាចូល​ប្រេង​ទំាង​ស្រុង។ លោកបានមា​ន​ប្រ​សាសន៍​​បន្ត​ទៀត​ថា​“ខ្ញុំដឹងថា ប្រជា​ពលរដ្ឋកំពុង​រអ៊ូរទាំ ក៏ប៉ុន្តែ​កម្ពុជា​មិន​ទាន់​ផលិត​ប្រេង​បាន​មួយ​ដំណក់​ឡើយ​ហើយ​តម្លៃ​ប្រេង​ឡើងថ្លៃនេះ គឺ​ដោយ​សារ​តែ​ជម្លោះ​នៅ​មជ្ឈិមបូព៌ា”៕ ប្រែសម្រួលដោយស៊ាស៊ុយឈាង

មន្ត្រី​​កម្ពុជា​ បាន​និយាយ​​​កាល​ពី​​ម្សិល​មិញ​ថា ​​​ប្រទេស​ថៃ​ ​បាន​អញ្ជើញ​គណ:ប្រតិ​ភូ​អន្តរ​ក្រសួង​កម្ពុជា ​​​ឲ្យ​ចូល​​រួម​ក្នុង​​កិច្ច​ពិភាក្សា​នៅ​សប្តាហ៍​ក្រោយ​ជុំ​វិញ​​​ការ​បាញ់​ប្រ​ហារ​​ដែល​ចេះ​តែ​បន្ត​​កើត​មាន​​មក​លើ​ប្រ​​ជាជន​កម្ពុជា ​ដែល​​ឆ្លង​ដែន​ចូលទៅ កាប់​ឈើ​ប្រ​ណីត​ដោយ​​ខុស​ច្បាប់​នៅ​​​ក្នុង​​ប្រទេស​ថៃ។ លោក​ឧត្តម​សេនីយ៍​ឯកខៀវសុភ័គ ​អ្នក​នាំ​ពាក្យ​ក្រសួង​មហា​ផ្ទៃ​​​​ បាន​មាន​​ប្រ​សាសន៍​ថា ក្រ​សួង​​របស់​លោក​និង​ក្រ​សួង​ការ​​បរទេស​​កំពុង​ត្រៀម​គណ:​ប្រតិ​ភូ​ឲ្យ​​​ចូល​រួម​​ក្នុង​កិច្ច​ពិ​ភាក្សា​នេះ​។ លោក​​បាន​មាន​ប្រ​សាស​ន៍​ថា “ ក្រសួង​មហា​ផ្ទៃ​នឹង​បញ្ជូន​មន្ត្រី​ជាន់​ខ្ពស់​មួយ​ចំនួន​ពី​ខេត្ត​​​ជាប់​ព្រំ​ដែន​ឲ្យ​ចូល​រួម​ជា​មួយ​គណ:​ប្រតិ​ភូ​នេះ​ដើម្បី​ពិភាក្សា​អំ​ពី​បញ្ហា​នៃ​ការ​បាញ់ប្រ​ហារ​មក​លើ​​​ប្រ​ជា​ពល​រដ្ឋ​កម្ពុជា ដែល​ឆ្លង​ដែនខុសច្បាប់”។​លោក​បាន​មាន​ប្រ​សាសន៍​ទៀត​ថា ​លោក ឡុ​ង វីសាលោ ​រដ្ឋ​លេ​ខា​ធិការ​​​ក្រសួង​ការ​បរទេស​ នឹង​ដឹកនាំ​គណ:ប្រតិ​ភូ​​នេះ​ទៅ​ជួប​ពិភាក្សា​​ជា​មួយ​មន្ត្រី​ថៃ។ រហូត​​មកទល់​​ពេល​នេះ​ក្នុង​ឆ្នាំ​នេះ​ ​ទា​ហាន​ថៃ បាន​​​បាញ់​សម្លាប់​ប្រ​ជា​ជន​កម្ពុជា ចំនួន​១២​នាក់​ ដែល​បាន​ឆ្លង​ដែន​ចូល​ក្នុង​ប្រទេស​​ថៃ ​ដោយ​ខុស​ច្បាប់​ ដើម្បី​ទៅ​កាប់​​ឈើ​​គ្រញូង​ជា​​ឈើ​មាន​តម្លៃ​ថ្លៃ​អាច​​លក់​បាន​​រាប់​ពាន់​ដុល្លារ​ក្នុង​មួយ​ម៉ែត្រ​គូប។ លោក ប៊ិច រតនា ​អនុ​ប្រ​ធាន​​រដ្ឋ​បាល​សាលា​ខេត្ត​ឧត្តរ​មាន​ជ័យ បាន​មាន​ប្រ​សាសន៍​ថា ​ក្រសួង​ការ​បរទេស​​បាន​ផ្ញើ​លិខិត​មួយ​ច្បាប់​​ទៅ​លោក​ បិុចសុខិន ​អភិ​បាល​ខេត្ត ​ដោយ​កំណត់​កាល​បរិច្ឆេទ​សម្រាប់​កិច្ច​ពិ​ភាក្សា​​នេះ​​នៅ​ថ្ងៃ​ទី​១០​ខែ​​មេសា​ក្នុង​ទីក្រុង​បាង​កក។​លោកបា​ន​​មាន​ប្រ​សាសន៍​ទៀត​​ថា​ “​​លិខិត​​នេះ​​​បាន​ស្នើ​ឲ្យ​យើង​បញ្ជូន​មន្ត្រី​មួយ​ចំនួន ​​ចូល​រួម​​ក្នុង​កិច្ច​​ពិ​ភាក្សា​នេះ ដូច្នេះ​យើង​​នឹង​បញ្ជូន​លោក​អភិ​បាល​រង​​​ខេត្ត​​ និង​លោក​ស្នង​ការ​នគរ​បាល​ខេត្ត​ឲ្យ​​ចូល​រួម​”។ ​កាល​ពី​​ខែ​កុម្ភ: ​​មន្ត្រី​ព្រំ​ដែន​កម្ពុជា ​​បាន​ជួប​ជា​មួយ​សម​ភាគី​ថៃ​របស់​ខ្លួន ដើម្បី​ជំរុញ​ឲ្យ​ពួកគេ​ឈប់​​​បាញ់​ប្រ​ហារអ្នក​កាប់​ឈើ​ជាជន​ជាតិកម្ពុជា នៅ​ក្នុង​ទឹក​ដី​​ថៃ​​ទៀត ​និង​បាន​លើក​ឡើង​ថា ​​ជន​​ល្មើស​ទាំង​នោះ​គួរ​តែ​​ត្រូវ​ចាប់​ខ្លួន​​​​បញ្ជូន​មក​ឲ្យ​​មន្ត្រីការពារ​ព្រំ​ដែន​វិញ។ លោក អ៊ុក កែវ​រត​ន:  អ្នក​នាំ​ពាក្យ​ខុទ្ទ​កា​​​ល័យ​ខេត្ត​​បន្ទាយ​មាន​ជ័យ​ ​​​​បាន​មាន​ប្រ​សាសន៍​ថា ​​ ខេត្ត​របស់​លោក​ក៏​ទទួល​​បាន​សំណើ​ឲ្យ​បញ្ជូន​​អ្នក​តំណាង​​​ទៅ​ចូល​រួម​ក្នុង​កិច្ច​ពិភាក្សា​​​​​នេះ​ផងដែរ​។ លោក​ កែវរតនៈ បាន​​មាន​ប្រ​សាសន៍ថា“លោក​អភិ​បាល​ខេត្ត ​មេបញ្ជា​ការ​​កងយោធពល​ខេមរ​ភូមិន្ទ​ខេត្ត ស្នង​ការ​​​​នគរ​បាល​ខេត្ត​ និង​មេ​បញ្ជា​ការកង​រាជអាវុធហត្ថខេត្ត​ ត្រូវ​បាន​ចុះឈ្មោះ​ឲ្យ​ចូលរួម​ក្នុង​កិច្ច​ពិភាក្សា​​ដ៏​សំខាន់​នេះ​ ​ដែល​ផ្តោត​លើ​ការ​បាញ់​ប្រហារ​មក​លើប្រ​ជា​ជន​កម្ពុជា​ឆ្លង​ដែនខុសច្បាប់”៕ ​ប្រែសម្រួល​ដោយតែមសុខុម​​​​​​                  

អ្នកភូមិជា​ង​១៥០នាក់​ ដែ​លត្រូវ​បា​ន​បណ្តេញ​​ពី​ខណ្ឌ​ឫស្សីកែវ​ រាជ​ធានី​ភ្នំពេញ​ ដើម្បីទុក​ផ្លូវ​ឲ្យ​គម្រោង​​ស្តារ​ផ្លូវ​រថ​ភ្លើងឡើងវិញ បា​នធ្វើ​ពាក្យបណ្តឹង​​មួ​យ​កា​លពីម​​្សិល​មិញ​ ដាក់ជូនទៅ​ធនា​គា​រអភិវឌ្ឍន៍អា​ស៊ី​ ដែលជាស្ថាប័ន​ហិរញ្ញវត្ថុ​មួ​យ​ ក្នុងចំ​ណោមស្ថាប័នបានផ្តល់ហិរញ្ញវត្ថុច្រើនជាងគេចំនួន​ពីរសម្រាប់គម្រោងនេះ ដោយ​លើក​ឡើង​ថា ​ទីតាំ​ង​លំនៅ​ថ្មីរបស់​ពួ​ក​គេ​​ មិន​សមរម្យទេហើយ​នាំឲ្យពួកគេ​​ជំពាក់​បំណុលទៀតផង។ អ្នកស្រីអឿនសា​រ៉នជាអ្នក​ភូមិ​មា្នក់​ក្នុង​ចំណោ​ម​អ្ន​កភូមិ​​១៦៦នាក់​​ ដែ​ល​​បា​ន​ប្តឹង​ទៅ​​ធនាគារនេះបា​ន​លើក​ឡើង​ថា ​សំណង​ជាប្រាក់ចំនួន​​៤០០​ដុល្លារ​​ ដែ​ល​អ្ន​ក​ស្រី​​បាន​ទទួ​ល​​សម្រាប​់​ការ​​រើទៅ​នៅ​កន្លែ​ង​ថ្មី​ ក្នុង​​​សង្កាត់​ត្រពាំង​ក្រសាំ​ង​​ ខណ្ឌ​ពោធិ៍សែ​ន​​ជ័យ​ មិន​គ្រប​់​គ្រាន់សម្រាប់ចំណាយលើការសាង​សង​់​ផ្ទះ​​ថ្មី​​មួយ​​ខ្នង​ឡើយ ​​តែថែមទាំងបាន​ធ្វើ​ឲ្យ​អ្នកស្រី​ពិបាក​​សងបំណុល ដែល​ចេះតែ​កើន​ឡើងមិនឈប់ឈរ។ អ្នកស្រី សារ៉ន ​អាយុ​​​៣០ឆ្នាំ​ ដែ​ល​បាន​ទៅ​​រស់នៅលើ​ទីតាំង​​ថ្មីកាលពី​​​​ខែ​កញ្ញាឆ្នាំ​២០១១​ បានជំពាក់បំណុលអ្នកចងការ​​​ប្រាក់​ចំនួន​​​៤៥០ដុល្លារ​ ​រួចទៅហើយនោះបា​នមា​ន​ប្រ​សា​សន៍ថា “ យើង​​ចង់បា​ន​សំណង៣.០០០​ដុល្លារសម្រាប់​គ្រួ​​សារ​នីមួយៗ​ ពីព្រោះ​យើង​​គ្មា​ន​ប្រាក់គ្រប់គ្រាន់ ​​ដើម្បី​​សង​កា​រ​ប្រាក់​​ទេហើយ​យើង​បារម្ភ​​ថា ​អ្នកចងការប្រាក់នឹង​រឹបអូស​យក​ដី​របស់​យើង​​”។ កា​ល​ពី​សប្តាហ៍មុន ធនាគារអភិវឌ្ឍន៍អាស៊ីបា​នចេញផ្សាយ​លទ្ធផល នៃកា​រ​​សិក្សា​មួយ​ ដែ​ល​បង្ហាញ​ថា អត្រា​​សំណង​​ត្រូ​វ​ផ្តល់​ឲ្យ​​ប្រជា​​ពល​រដ្ឋ​​បាត់បង់​ទីជម្រក​​​ ដោ​យ​គម្រោង​ស្តារផ្លូវដែក ដែល​ផ្តល់​មូល​និធិ​​ដោ​យ​​ធនាគារអភិវឌ្ឍន៍អាស៊ី សហការជា​មួយទីភ្នាក់ងារអូស្ត្រាលី សម្រាប់ការអភិវឌ្ឍអន្តរជាតិ គឺផ្អែក​ទាំងស្រុងលើ​តម្លៃ​ក្នុងឆ្នាំ​​២០០៦ ​ហើយ​វា​មិនស្រប​ជា​មួ​យ​​តម្លៃអតិ​ផរណា​ឡើយ។ យោងតា​ម​​​អង្គការ​​ស្ពាន​ទៅកាន់សន្តិ​ភាព ដែល​បានរិះ​គន់​​ចំពោះកញ្ចប់​ថវិកា​សម្រាប់ ចំណាយលើសំណ​ង​នោះ ​បា​ន​ឲ្យ​ដឹង​​ថាសំ​ណង​​ផ្តល់​ឲ្យ​គ្រួសារ​ទាំ​ង​នោះ​ ជា​មធ្យម​គឺត្រឹម​​៧៥៦ដុល្លា​រ​ ប៉ុន្តែតម្លៃ​សាង​សង់​​ផ្ទះ​ឈើ​​ទំហំ៤គុណ​៤ម៉ែត្រ​ នា​ពេល​បច្ចុប្បន្ននេះ គឺកើនឡើងដល់ចំនួន​​១.៩២៥​ដុល្លារ។​លោក អៀង វុទ្ធី​ ប្រធាន​កម្ម​វីធី​ត្រួត​ពិនិត្យ​​​​​កា​រ​​អភិវឌ្ឍ របស់អង្គការ​​ស្ពាន​ទៅ​កាន់សន្តិភាព បា​ន​មា​ន​ប្រ​សាសន៍​ថា “ផែន​​កា​រ​​នេះ​​មិន​ស្រប​តា​ម​តម្លៃ​ទី​ផ្សារ​បច្ចុ​ប្បន្ន​ ទេ​​ ហើយ​ពេ​ល​នេះ ​អ្ន​ក​គ្មាន​កា​រ​​ងារ​ធ្វើ​​ និងអ្នកគ្មាន​ប្រាក់ចំណូល ​ត្រូ​វ​ខ្ចី​ប្រាក​់គេ​​ដើ​ម្បី​​សង់​​ផ្ទ​ះ​​របស់​ខ្លួ​ន​ឡើងវិញ​។ រដ្ឋាភិបា​ល និងធនាគារអភិវឌ្ឍន៍អាស៊ីធ្លាប់បានធា​នា​ថា ​នៅទីនោះ មា​ន​ឱកា​សកា​រ​ងារ​គ្រប់គ្រាន់ ក៏ប៉ុន្តែតាម​ពិត វា​មិន​ដូចការ​សន្យានោះ​ទេ​”។ នៅក្នុង​សេចក្តីប្រកាស​មួយ ធនាគារអភិវឌ្ឍន៍អាស៊ី បា​ន​​លើក​ឡើ​ង​ថា ​ខ្លួន​​​កំពុង​ពិនិត្យ​​​លើបញ្ហា​​ ដែល​បានលើក​ឡើង​នៅក្នុង​កា​រ​​ត​វ៉ា​​នេះ​ ​ដោ​យ​បន្ថែម​ថា ​កម្មវិធី​សម្រាប់​បង្កើតឱកា​ស​រក​ប្រាក់​ចំណូល​​​សម្រាប់​​អ្ន​ក​ភូមិកំ​ពុង​តែ​ដំណើរ​កា​រ​​ហើយ​។ ​​សេចក្្តី​ប្រ​កាស​នេះ ​បា​នលើក​ឡើ​ង​ថា“​ប្រជា​ពល​​រដ្ឋ​ទាំ​ង​នេះនឹង​ទទួលបាន​​កា​រ​​​បណ្តុះបណ្តាល​​​ផ្នែ​ក​ជំនាញ​ និង​​ទទួល​បាន​ទុនសម្រាប់ចាប់ផ្តើមមុខរបរ​  ព្រមទាំង​ទទួល​បានការធានាពីបេឡាមូលនិធិ​សុវត្ថិ​ភាព​​សង្គម សម្រាប់ពេលមានវិបត្តិនេះ​ និង​​មានអាសន្នផង​ដែរ។ ធនាគារ​អភិវឌ្ឍន៍​អាស៊ី​ កំ​ពុង​តែ​​ពង្រឹង​យន្តកា​រ​​​ ដើម្បី​ជួយ​ដោះ​ស្រាយបញ្ហាដែលប៉ះពាល់ដល់ជីវភាពរស់នៅប្រចាំថ្ងៃ”។ ​លោកវុទ្ធី​​ បា​ន​លើកឡើងថាក្នុងចំ​ណោម​​ប្រជា​ពល​រដ្ឋ​ ដែលរងផល​​ប៉ះពា​ល់​ដោ​យ​​​សារ​​គម្រោ​ង​​ស្តារ​ផ្លូវ​ដែក ជុំវិញរាជធានី​ភ្នំពេញ មានប្រជា​ពល​រដ្ឋ​​ចំ​នួន​​៤.០០០នាក់​​ បា​ន​​រើ​ទៅ​កាន់ទី​កន្លែ​ងតា​ំង​​លំនៅ​​ថ្មី​​រួច​ហើយ៕ ប្រែសម្រួលដោយ ចេវប៊ុននី​​​​​​​​​​  

សមាជិកនៃវេទិកា​ប្រជាពល​រដ្ឋ​អាស៊ានជា​សម្ពន្ធអង្គការ​ក្រៅរដ្ឋាភិបាលដែល​បាន​មកជួបជុំគ្នា​ក្នុង​រាជ​ធានីភ្នំពេញ​កាល​ពីសប្តាហ៍មុននោះ បាន​ប្រកាស​កាល​ពីម្សិលមិញថា សិទ្ធិរបស់​ពួកគាត់​ត្រូវបាន​រំលោភបំពាន​បន្ទាប់ពី​សិក្ខាសាលាចំនួន​បួន​លើក​ស្តីអំពី​បញ្ហារសើប​នោះត្រូវបាន​លុបចោល​ដោយសារតែគ្មាន​ទីកន្លែងប្រជុំ។ នៅក្នុងសេចក្តីថ្លែងការណ៍របស់តំណាង​ឲ្យគណៈប្រតិភូ​ជាង១.២០០នាក់​មកពីបណ្តា​ប្រទេស​ជា​សមាជិកអាស៊ាន អង្គការ​នេះបាន​លើកឡើងថា រដ្ឋាភិបាល​អាស៊ាន​បានរំលោភសិទ្ធិរបស់​ខ្លួន​ពាក់​ព័ន្ធសេរីភាព​នៃ​ការបញ្ចេញ​​មតិ​​ និង​សេរីភាពនៃការ​ជួប​ជុំ​គ្នា​ ដោយការ​បដិសេធ​មិន​ព្រមអនុញ្ញាត​ឲ្យ​រៀប​ចំ​សិក្ខា​សាលាចំនួន​បួនលើក​ ​ផ្តោត​លើ​បញ្ហា​សិទ្ធិ​មនុស្ស  ការ​បណ្តេញ​ចេញ​ជាទ្រង់​ទ្រាយ​ធំ បញ្ហា​បរិស្ថាន និង​បញ្ហានៅក្នុងប្រទេស​ភូមា​​ ព្រម​ទាំងបាន​រារាំង​គណៈប្រតិភូ​មកពីប្រទេស​​​លាវ​មិន​ឲ្យ​ចូលរួម​វេទិកា​នេះ​ទៀត​ផង។ សេចក្តីថ្លែងការណ៍នេះ​បាន​ឲ្យដឹង​ថា"យើង​កត់សម្គាល់​ឃើញថា មាន​ការ​ខ្វែង​គំនិត​​គ្នា​យ៉ាងខ្លាំង ​ដែល​កើត​ឡើង​អំឡុង​ ​​​ ប្រជុំតាមរយៈការ​ដាក់​កំហិត​ហួស​ហេតុ​មកលើ​សិទ្ធិ​សេរីភាព​នៃការ​បញ្ចេញ​មតិ ​និង​ការ​ជួបជុំ​របស់​អ្នក​ចូល​រួម​ជាដើម"។ សេចក្តីថ្លែងការណ៍នេះ​បាន​បន្តទៀត​ថា"យើង​ជំរុញឲ្យ​រដ្ឋាភិបាល​នៃ​បណ្តាប្រទេស​ជា​សមាជិក​អាស៊ាន សូម​គោរព​ឯករាជភាព​របស់​អាស៊ាន​ ជាជាង​ព្យាយាម​ប្រើ​អំណាច​ផ្តាច់ការ​មកលើ​ការ​ងារ​ តួនាទី និងអ្នកតំណាង​​​របស់​ខ្លួន"។ សិក្ខាទាំងបួន​នេះ​ត្រូវ​បាន​លុបចោល​កាលពីថ្ងៃសុក្រ​បន្ទាប់ពី​ម្ចាស់​សណ្ឋាគារ​ ឡាក់​គី ស្តារ​ស្ថិត​ក្នុង​ខណ្ឌទួលគោក បាន​ប្រាប់​អ្នករៀប​ចំ​សិក្ខាសាលាថាបញ្ហាដែល​គ្រោង​នឹង​លើក​យកពិភាក្សានោះ​ គឺ​ជា​បញ្ហា​រសើប​ពាក់​ព័ន្ធនឹង​នយោបាយ។ បុគ្គលិក​នៅសណ្ឋាគារ​នេះ​ក៏បាន​ប្រាប់​វេទិកា​ប្រជាពលរដ្ឋ​អាស៊ាន​ឲ្យដឹង​ផងដែរ​ថា អាជ្ញាធរ​មូលដ្ឋាន​បាន​គាប​សង្កត់​ពួកគេ​កុំអនុញ្ញាត​ឲ្យ​រៀប​ចំ​វេទិកា​នេះ​ឲ្យ​សោះ។ វេទិកានេះ​មិនត្រូវបាន​រៀប​ចំដោយ​រដ្ឋា​ភិបាល​កម្ពុជាទេ​ ដែល​ផ្ទុយទៅវិញ​បាន​រៀបចំឡើង​ស្ទើរតែដូចគ្នាបេះបិទ​ឈ្មោះ "វេទិកា​ប្រជាពលរដ្ឋអាស៊ាន" នៅ​សាល​សន្និសីទ​ចតុមុខ ដែល​ត្រូវបាន​ឧបត្ថម្ភ និង​ចូល​រួម​ដោយ​មន្ត្រី​រដ្ឋាភិបាល​នៅ​មុន​កិច្ច​ប្រជុំ​​កំពូ​ល​អាស៊ាន​នៅ​សប្តាហ៍​ក្រោយនេះ។ រដ្ឋាភិបាល​លាវ​បាន​រារាំង​អង្គការ​ក្រៅ​រដ្ឋា​ភិបាល​នានា​មិន​ឲ្យ​ចូលរួម​វេទិកា​ឯករាជ្យសម្រាប់ពលរដ្ឋអាស៊ាន​​ ដោយបាន​បង្ខំ​ពួក​គេ​​ឲ្យ​ទៅ​ចូល​រួម​វេទិកា​ ដែល​ឧបត្ថម្ភដោយ​រដ្ឋាភិបាល​វិញ។ មាន​តែ​អ្នកតំណាង​មកពី​វេទិកាដែល​រៀប​ចំដោយ​រដ្ឋាភិបាល​ប៉ុណ្ណោះ​ នឹង​ត្រូវ​អញ្ជើញ​ឲ្យទៅចូលរួមកិច្ច​ប្រជុំ​ប្រចាំឆ្នាំ​រវាង​ថ្នាក់​ដឹកនាំ​អាស៊ាននិង​អង្គការ​សង្គមស៊ីវិល​ ដែល​គ្រោង​ធ្វើ​នៅ​ថ្ងៃអង្គារ។ លោកស្រីធីតាឃិះនាយិកា​អង្គការក្រៅ​​រដ្ឋាភិបាល​ក្នុង​ស្រុកឈ្មោះ​ សីលការ​ និង​ជា​នាយិកា​នៃ​គណៈកម្មាធិការ​រៀប​ច​ផែនការ​សម្រាប់​​វេទិកានេះ​បាន​មាន​ប្រសាសន៍ថា"រដ្ឋា​ភិបាល​នៃ​បណ្តាប្រទេស​អាស៊ាន​ទាំងនេះ​​គួរទទួល​ខុស​ត្រូវ​ចំពោះ ​ ដោយការ​ជ្រើស​តាំង​អ្នកតំណាង​ពីរនាក់​ ហើយ​លូកដៃ​ក្នុង​ដំណើរ​ការ​របស់​សង្គម​ស៊ីវិលទៀត។ នេះឆ្លុះបញ្ចាំង​ឲ្យឃើញ​ពី​ភាព​គ្មាន​ហេតុផល​ និង​អសន្តិសុខ​ វាជា​ការ​​ជួបជុំ​គ្នា​ដ៏ធំ ហើយ​ព័ត៌មាន​​ត្រូវ​ផ្សាយ​ចេញ​ពីវេទិកា គឺ​ជាបញ្ហាដែល​ថ្នាក់​ដឹកនាំ​អាស៊ាន​អាច​ត្រូវ​ប្រឈម"។ លោក ផៃ ស៊ីផាន អ្នកនាំពាក្យ​ទីស្តី​ការ​គណៈរដ្ឋមន្ត្រី​ កាលពីម្សិលមិញ​បាន​បដិ​សេធ​ជាថ្មីម្តងទៀត​ចំពោះការ​លើកឡើងថា រដ្ឋា​ភិបាល​ជាអ្នកទទួលខុសត្រូវក្នុង​ការ​បិទ​សិក្ខា​សាលាទាំងនេះ ហើយ​បាន​បន្ទោស​លោក​ស្រី ​ធីតាឃិះ​ ថា​ជា ​"អ្នកបង្កបញ្ហា"ដែល​បាន​ប្រមូល​អង្គការ​សង្គមស៊ីវិល​ក្នុង​តំបន់​​ឲ្យ​មានការប្រឆាំង​គ្នាទៅវិញទៅមក។ លោកផៃស៊ីផានបានមាន​ប្រសាសន៍ថា"ប្រសិនបើ​ពួកគេ​គិត​ថារដ្ឋា​ភិបាល​ជាសត្រូវរបស់​ពួកគេ​នោះអ៊ីចឹង​ពួកគេ​មិនគួរ​រស់​នៅទីនេះទេ។ពួគគេ​គ្មាន​សិទ្ធិ​ធ្វើពហិការអ្វីទាំងអស់​ ​ពួកគេ​មិនគួរ​ធ្វើដើម្បី​តែ​ផល​ប្រយោជន៍​សង្គម​ស៊ីវិល​សោះឡើយ"។ លោកស្រីពង្សឈីវហ្គិចនាយិកា​អង្គការ​សិទ្ធិមនុស្ស​លីកាដូដែល​បាន​ចូលរួម​វេទិកា​របស់​លោកស្រីធីតាឃិះដែរនោះបាន​មាន​ប្រសាសន៍ថាការ​បដិសេធមិន​ព្រម​ចូលរួម​របស់​រដ្ឋាភិបាល​ក្នុង​បំណង​បង្អាក់​វេទិកានេះគឺ​ "ជាការគិត​ដោយគ្មានសម​ហេតុ​សមផលឡើយ"។ លោកស្រីធីតាឃិះបាន​មាន​ប្រសា​សន៍ថាលោកស្រីនឹង​បញ្ជូន​អនុ​សាសន៍​របស់​ក្រុម​អង្គ​ការ​ក្រៅរដ្ឋាភិបាល​របស់​លោក​ស្រីព្រមទាំងខិតខំ​ជំរុញឲ្យ​បាន​ខ្លាំង​ក្លា​ជាង​នេះ​ថែមទៀត​ ដើម្បី​ការ​ពារ​សិទ្ធិ​ពលករ​​ចំណាកស្រុកលុបបំបាត់ការ​ទន្ទ្រាន​យកដីធ្លីនិង​ការ​បណ្តេញចេញ​ដោយបង្ខំហើយ​​បើក​ដំណើរ​ការ​ព្រាង​សេចក្តី​ថ្លែងការ​ណ៍ស្តីពីសិទ្ធិសមនុស្សនៅក្នុងសមាគមន៍អាស៊ានផ្ញើទៅ​លេខា​ធិការ​ដ្ឋាន​អាស៊ាននិង​ស្ថានទូត​នានា​ក្នុង​រាជ​ធានីភ្នំពេញនៅថ្ងៃនេះ។   “ខ្ញុំមិនយល់​ថាតើ​នឹង​មាន​បញ្ហាឬទេ។យើង​នឹង​ចាំមើល​ថា​ តើនឹងមាន​អ្វីកើតឡើង"៕                  ប្រែសម្រួលដោយសោមសារុន ​

លោកជុតវុទ្ធី​ គឺជា​អ្នក​ប្រកាន់​ជំ​ហរ​មិន​ងាក​រេ។ ជា​ស្ថាបនិក​នៃ​​អង្គការ​​ការ​ពារ​ធន​ធាន​ធម្មជាតិ​ (NRPG)​  ក្នុង​វ័យ​៤៥​ឆ្នាំ​​ លោកធ្លាប់​បាន​ចំ​ណាយ​ពេល​ជា​ច្រើន​យប់​ទាំង​មិន​បាន​សម្រាន្ត​​នៅ​ក្នុង​ព្រៃ​ ដោយត្រូវ​​ទ្រាំ​ទ្រ​នឹង​ភ្លៀងមូសុង​ ព្រម​ទាំង​​ការ​បាក់​ដី។​​ ​​លោក​​​ធ្លាប់​បាន​​​​ប្រ​ឈម​នឹង​ការ​គំរាម​ចាប់​ខ្លួន​ ហើយ​​មាន​ម្តង​នោះ លោក​ជឿ​ថា​  ខ្លួន​បានគេច​ផុត​ពីការ​​ប៉ុន​ប៉ង​​​ធ្វើ​ឃាត​ នៅ​ក្នុង​តំបន់​ជួរ​ភ្នំក្រវាញ​ទៀត​ផង​។ ក៏​ប៉ុន្តែលោក វុទ្ធី បាន​មាន​ប្រសាសន៍​ថា ​នោះ​គឺជា​ការងារ​របស់​គាត់។ លោក វុទ្ធី ដែល​បានប្រែ​ក្លាយ​ជាអ្នក​ដឹកនាំ​​ប្រជា​ជន​ដើរ​ល្បាត​ព្រៃ​ក្នុង​ទ្រង់​ទ្រាយធំ​ដើម្បី​ប្រឆាំង​នឹង​ការ​កាប់​ឈើ​ខុស​ច្បាប់​និង​ការបំផ្លាញ​បរិស្ថាននោះ​ ​បាន​មាន​ប្រសាសន៍​ថា ​"នគរ​បាល​ដែល​ប្រដាប់​ដោយអាវុធ អាកា AK-​47​ និងអាវុធ​ស្វ័យ​ប្រវតិ្ត ​M16 ​បាន​ព្យាយាម​ទប់ស្កាត់​ខ្ញុំ"។ លោក​បាន​បន្ត​ថា "ម្តាយ​របស់ខ្ញុំ​តែង​តែ​រអ៊ូរ​ទាំ ដោយ​សួរ​ខ្ញុំថា តើ​ខ្ញុំ​ដឹង​ថា ​ខ្លួន​ឯង​កំពុង​ធ្វើអ្្វី​​ឬ​អត់ ហើយ​និយាយ​ថា​ ខ្ញុំធ្វើការ​​ហត់នឿយ​ជាង​​គេ​​ជាង​​ឯង​ ក៏​ប៉ុន្តែ​​នៅ​តែក្រ។​ ខ្ញុំមាន​ការហត់​នឿយ​ ហើយ​វា​ជា​ការងារដ៏​​លំបាក​ ប៉ុន្តែ​ខ្ញុំ​គិត​ថា ប្រសិន​បើខ្ញុំ​ចង់​ជួយ​ប្រទេស​របស់ខ្ញុំ ​ខ្ញុំត្រូវ​តែ​ជួយ​ប្រជាជន​ក្រីក្រ​អ៊ីចឹង​ហើយ​"។ លោក វុទ្ធី ដែលក៏​​​ជា​អតីត​ទាហាន​មួយ​រូបដែរ​នោះ​​ បាន​​មាន​ប្រសាសន៍​បែប​នេះ​តាម​ទូរស័ព្ទ​កាល​ពី​ដើម​ស​ប្តាហ៍​នេះ​ពីទីតាំង​ដាច់ស្រយាល​មួយ​នៅ​ក្នុង​ខេត្ត​កំពង់ធំ ​​​​ពេល​កំពុង​​ដឹកនាំក្រុម​​​អ្នក​ភូមិ​ក្នុង​មូល​ដ្ឋានចំ​នួន​៤០០​នាក់​​ដើរ​ល្បាត​ពាស​ពេញ​តំបន់​ស្នូល​​ព្រៃ​ឡង់​ ដែល​មាន​ទំហំ​១៣៥.០០០ហិកតា​ដើម្បី​ស្វែង​រក​អ្នក​កាប់​ឈើ​ខុស​ច្បាប់។ លោក​ទើប​តែបាន​​ទទួល​ដំ​ណឹង​ថា​ ក្រុម​ល្បាត​​បាន​រក​ឃើញ​​ និង​​ដុត​បំ​ផ្លាញ​ឈើ​កាប់​​​រួច​ខុស​ច្បាប់​ចំនួន​៣៧២​ម៉ែត្រ​គូប​។​ បន្ទាប់​មក​ លោក​​បាន​ណែ​នាំ​ ក្រុម​ល្បាត ​ឲ្យ​បន្ត​ដំណើរ​​ទៅ​រោង​ម៉ា​ស៊ីន​អា​រឈើ​មួយ​កន្លែង​នៅ​ក្នុង​ស្រុក​សណ្តាន់​ ដែលជាប់​​សង្ស័យ​ថា​បាន​កាប់​រំលំ​ដើម​ជ័រ​ទឹកការ​ពារ​​​ជា​ច្រើន​ដើម​នៅ​ក្នុង​ព្រៃ​ឡង់។​ អ្វី​ដែល​ពួកគាត់​បាន​រក​ឃើញ​ គឺ​មាន​តែ​អាចម៍​រណារ​និង​​ម៉ា​ស៊ីន​មួយ​ចំនួន​ប៉ុណ្ណោះ។ ​នេះ​គឺ​ជា​ប្រតិបត្តិ​ការ​​លើក​ទី​ពី​រ​ហើយ​​ដែល​​​រៀប​ចំឡើង​​ដោយលោក ​វុទ្ធី​ ដោយ​មាន​ការ​ចូល​រួម​ពី​សំ​ណាក់​ប្រជា​ជន​មូល​ដ្ឋាន​រាប់​រយ​នាក់​​ដែល​កំ​ពុង​តែ​ចាត់​​វិធាន​ការ​​ការពារ​បរិស្ថាន​ដោយ​​ខ្លួន​ឯង​តែ​ម្តង​​។ កាល​ពី​ខែ​វិច្ឆិកា​ឆ្នាំ​មុន​ លោក​ វុទ្ធី​ បានរៀបចំ​​ក្រុម​​​​ល្បាត​​​ទ្រង់​ទ្រាយ​ធំ​ ជា​លើក​ទី​មួយ ដោយ​​ប្រើ​ឈ្មោះ​​បណ្តាញ​ប្រជាពលរដ្ឋ​​ព្រៃ​ឡង់​  ដែល​​មាន​សមាជិក​​ជា​ជន​ជាតិ​ដើមភាគ​តិច​​កួយរាប់រយ​​នាក់​​​​ដើម្បី​​ស្វែង​រក​គំនរ​ឈើ​​កាប់​រួច​​ខុស​ច្បាប់​។ប្រតិ​បត្តិ​ការ​ល្បាត​របស់​ប្រជាជនក្នុង​​មូល​ដ្ឋាននេះ​ ​បាន​ឈាន​ទៅ​ដល់ការ​ពពាក់​ពពូន​​​គ្នា​​ចូល​ទៅ​ក្នុង​ចម្ការ​កៅ​ស៊ូ​ ដើម្បី​ស្វែង​រក​ភស្តុតាងនៃ​ការ​​​កាប់​ឈើ​ ​ដោយ​បាន​រកឃើញ​​រោង​ម៉ា​ស៊ីន​អារ​ឈើ​និង​​ឈើ​អា​រមួយ​ចំនួន។​ ជា​បុរស​ដែល​មានរូប​​​រាងស្គមសម្បុរ​ស្រអែម​ និងមាន​ការ​ប្រុង​ប្រយ័ត្ន​ខ្ពស់​នោះ​​ លោក​មាន​ការ​ចងចាំ​យា៉ង​​ច្បាស់​​​អំពី​ទីតាំង​នៃ​​ ​អូរ​ ព្រែក​ តំបន់ព្រៃ​ និង​ផ្លូវទាំង​ឡាយ​​នៅ​ក្នុង​តំបន់​ដែល​លោក​​ល្បាត​ ហើយ​​​​ប្រមូល​បាន​​ព័ត៌មាន​​សម្ងាត់​អំពី​​​​ក្រុមហ៊ុន ​​ដែល​ជា​គោលដៅ​ជាច្រើនឆ្នាំ​មក​ហើយ​​​។​ លោក​បាន​មានប្រសាសាន៍​ថា  ​ខ្លួន​​ចូល​ចិត្តដើរល្បាត​​ក្រៅ​​ក្រុម ហើយ​​​​​កម្រដើរ​ជា​មួយ​ក្រុម​​ល្បាត​ស្ម័គ្រចិត្ត​​​​ពេល​​ចុះ​បំពេញ​បេសកកម្ម​ណាស់​ គឺ​​​​លោក​សុខចិត្ត​នៅ​​ក្បែរ​នោះ​ចាំ​​​​ទទួល​សេចក្តី​​រាយការណ៍​​តាម​ទូរស័ព្ទពី​មនុស្ស​​ជំនិត​របស់​ខ្លួន​វិញ​។ ពេល​ទទួល​បាន​ដំណឹងតាម​ទូរស័ព្ទ​​​អំពី​បញ្ហា​ប្រឈម​នានា​​ដូច​ជាពេល​ខូច​​​​ម៉ូតូ​  អ្នក​ល្បាត​មានជំងឺ​ ត្រូវ​ពស់​ចឹក​ និង​ រន្ទះ​បាញ់​នោះ​ លោក​ វុទ្ធី​  តែង​បាន​​ឆ្លើយ​​តប​ចំពោះ​ស្ថានការណ៍​​លំបាក​​ទាំង​នោះ​​យា៉ង​ប្រសប់។ ​ លោកបាន​មាន​ប្រសាសន៍​ថា​ "​ខ្ញុំ​​នៅ​ក្បែរ​ពួក​គាត់ណាស់​​ ហើយ​បើ​សិន​ជា​មាន​បញ្ហា​អ្វី​កើត​ឡើង​នោះ​ ខ្ញុំ​ដឹង​យា៉ងច្បាស់​​​ថា​​​ពួកគាត់​នៅទីណា​​។​​ខ្ញុំ​ត្រូវ​តែ​ធានា​​​សុវត្ថិភាព​របស់​ប្រជា​ជន ដែល​ចូលរួម​ល្បាត​​ហើយ​ក៏​ត្រូវ​តែ​​​ការ​ពារ​ខ្លួន​ឯង​​ផ្ទាល់ផងដែរ​​​។ អ្នក​រក​ស៊ី​ ​មាន​​​ភាព​រហ័ស​រហួន​ណាស់​  ដូច្នេះ​ប្រសិន​បើ​មាន​អ្វី​ប្រែប្រួល​ យើង​ត្រូវ​តែ​បត់​បែន​​​ឲ្យ​បាន​ឆាប់​រហ័សដែរ​"។...

ក្រុមអ្នកភូមិ​បាន​និយាយ​កាលពី​ម្សិល​មិញថា អ្នកភូមិ​ប្រហែល៤០០នាក់​មកពី​ខេត្ត​ក្រចេះ ស្ទឹងត្រែង​ កំពង់​ធំ និងខេត្ត​ព្រះ​វិហារ​កាលពី​ចុង​សប្តាហ៍ បានដើរល្បាតចូលទៅក្នុងព្រៃឡង់​រយៈពេល​ជាច្រើនថ្ងៃជាថ្មី​ម្តងទៀត​ ដើម្បីរកមើល​សកម្មភាពកាប់​ឈើ​ និង​ការ​រានដី​ខុស​ច្បាប់​ ដែល​ពួកគាត់​និយាយ​ថា ធ្វើ​ឲ្យប៉ះពាល់​ដល់​ការ​ប្រកប​របរ​ចិញ្ចឹម​ជីវិត​ប្រចាំថ្ងៃរបស់​ពួកគាត់​។ វាជាការ​ល្បាតដ៏ធំលើក​ទីពីរ​ របស់​បណ្តាញ​ប្រជាពលរដ្ឋ​​នៅ​ក្នុង​ឆ្នាំនេះ។ កាលពី​ខែ​វិច្ឆិកាអ្នកភូមិ​ប្រហែល​៣០០នាក់​ ដែលពួកគាត់​ភាគច្រើន​ជា​ជន​ជាតិ​ភាគតិច​កួយ បាន​ដើរ​ល្បាត​ និង​ដើរ​ក្បួន​សំដៅទៅ​ចម្ការកៅស៊ូ​របស់ក្រុម​ហ៊ុន​ សុី.អ.សុី. ខេ (CRCK) ដើម្បី​ស្វែងរក​ឈើ​​កាប់​រួចដោយ​ខុស​ច្បាប់។ លោកស៊ឹមសៀនអ្នកល្បាត​ម្នាក់​មកពី​ខេត្ត​កំពង់​ធំ​ បាន​និយាយថា អំឡុងប្រតិ​បត្តិការ​​នេះ បណ្តាញ​ប្រជាពលរដ្ឋ​ព្រៃឡង់​នឹង​ល្បាតបួន​ផ្នែកដាច់​ដោយឡែក​ពីគ្នា នៅក្នុង​តំបន់​ស្នូល​ដ៏សំខាន់នៃព្រៃ​ទំហំ​១៣៥.០០០​ហិកតា​មុន​ពេល​ជួបជុំគ្នា​នៅ​ស្រុក​សណ្តាន់​ ខេត្ត​កំពង់​ធំ​ដើម្បី​តវ៉ា​នឹង​ក្រុមហ៊ុន​ សេង​ សារ៉ាវុធ។ ក្រុមហ៊ុន សេង សារ៉ាវុធ  បានបន្ត​កាប់​​ដើមឈើ​មាន​ជ័រ​ ដែល​អ្នកភូមិធ្លាប់​អាស្រ័យ​ផលរាប់​សតវត្សរ៍មកហើយ សម្រាប់​​ចិញ្ចឹម​ជីវិត​របស់ពួកគាត់។ លោកសៀនបាន​និយាយថា “ អ្នកភូមិ​ជាង​៤០០នាក់​នឹង​មក​ជួបជុំ​គ្នា​នៅក្នុង​ឃុំមានឫទ្ធិដើម្បី​បិទផ្លូវ​ និង​រឹបអូស​យក​ឈើ​ខុស​ច្បាប់​​ ពីព្រោះអ្នកកាប់​ឈើ​ទាំង​នោះ​ ប្រើ​ប្រាស់​ផ្លូវនេះ ​ដើម្បី​ដឹក​ឈើ​ទៅ​ឲ្យ​ក្រុមហ៊ុនេះ”។ លោក​បាន​បន្ថែមថា ក្រុមអ្នកភូមិ​បានរក​ឃើញ​កាប់​រួច​ដោយខុស​ច្បាប់​ចំនួន៥០ម៉ែត្រគូបនៅក្នុង​ស្រុក​សណ្តាន់​កាល​ពី​ម្សិលមិញ។លោក សៀន បាន​និយាយថា ប្រធានភូមិ​ស្រែចង់ បានព្យាយាម​រារាំងអ្នកភូមិ​មិន​ឲ្យ​បន្ត​ដំណើរ​ទៅកាន់​ព្រៃ​ឡង់។ លោក ជុត វុទ្ធី នាយកអង្គការ​ការពារ​ធនធាន​ធម្មជាតិ ដែល​បាន​ជួយ​រៀប​ចំការ​ល្បាត​ទាំងពីរ​លើក​នេះ ​បាន​មាន​ប្រសាសន៍ថា “ទីណា​មានសកម្មភាព​ខុសច្បាប់​ ពួកគាត់​នឹង​រឹបអូស​ឈើ​ទាំងនោះហើយ​ប្រសិន​បើ​ពួកគាត់​មិន​អាចធ្វើការ​​ទាក់​ទង​រដ្ឋបាល​ព្រៃឈើ​បាន​ទេ​នោះ ពួកគាត់​នឹង​ដុត​ឈើ​នោះ​ចោល​តែម្តង”។ លោក​បាន​មាន​ប្រសាសន៍បន្ថែម​ទៀត​ថា “ ប្រជា​ពលរដ្ឋ​ក្នុង​មូលដ្ឋានអស់ជំនឿ លើ​មន្ត្រី​រដ្ឋាភិបាល ហើយ​ពួកគាត់​មិន​អាច​រង់​ចាំបាន​ទៀត​ទេ ដូច្នេះពួកគាត់​ត្រូវ​ចេញ​ទៅ​​ការពារ​ព្រៃតែម្តង”។ លោក ជុត វុទ្ធី បាន​មាន​ប្រសាសន៍ថាក្រុម​អ្នកភូមិក៏នឹង​ទាមទារ​សំណង​ពី​ក្រុមហ៊ុន​ សេងសារ៉ាវុធផងដែរ ​ពីបទ​កាប់​ឈើ​ខុស​ច្បាប់​រាប់​ម៉ឺនដើម​ចាប់តាំង​ពីឆ្នាំ២០១០មក។លោកបាន​មា​ន​ប្រសាសន៍ថា“ ឈើមួយ​ដើម​មាន​តម្លៃ៦០០ដុល្លារហើយ​ពួកគេ​កាប់​ឈើ​អស់​៣០.០០០ដើមដូច្នេះពួកគេ​គួរ​ផ្តល់​សំណង​ដល់​ម្ចាស់​ឈើវិញ”។ លោកទួតម៉ូរីអភិបាល​រង​ស្រុក​សណ្តាន់​ បា​ន​មាន​ប្រសាសន៍ថា បើទោះជា​ក្រុម​ហ៊ុនសេង សារ៉ាវុធទទួល​បាន​អាជ្ញាប័ណ្ណ​ឲ្យ​កាប់​ឈើ​ និង​សាង​សង់​រោងម៉ាស៊ីនអារឈើ​ក្នុង​ស្រុកនេះក្តី  តែវា​អស់​សុពលភាព​ទៅ​ហើយ។ លោក​បាន​មាន​ប្រសាសន៍ថា “ វាគ្រាន់​តែ​ជា​ពាក្យ​ចចាមអារ៉ាមតែប៉ុណ្ណោះ”ដែល​ថាក្រុមហ៊ុន​នេះ​បាន​បន្ត​រានដីនៅទីនោះ។លោក ទួត ម៉ូរី បាន​មាន​ប្រសាសន៍ថា“ នៅ​រោងម៉ាស៊ីនអារឈើនេះ​លែងមាន​សកម្មភាព​ទៀត​ហើយ”  ប៉ុន្តែ​លោក​មិន​ដឹង​ថា តើ​ក្រុមហ៊ុន​ទទួល​បាន​ដីទំហំប៉ុន្មានឬកិច្ច​សន្យា​នោះអស់​សុពលភាពពេលណានោះទេ។ លោក​ក៏បាន​បដិសេធ​រាល់​ការ​ចោទ​ប្រកាន់ថា អាជ្ញាធរ​មូលដ្ឋាន​បាន​ព្យាយាម​រារាំង​ក្រុម​អ្នកភូមិ​មិន​ឲ្យចូលរួម​ការ​ដើរ​ល្បាតនោះ។លោក​បាន​មាន​ប្រសាន៍ថា “ យើង​មិន​បាន​ហាម​ឃាត់​ពួកគាត់​មិន​ឲ្យចូលទៅក្នុង​ព្រៃឡង់​ទេ។ ផ្ទុយទៅវិញ យើង​អបអរសាទរ​ចំពោះពួកគាត់ ​ដែល​បាន​ប្រឹង​ប្រែង​ការ​ពារ​ការ​កាប់​បំផ្លាញ​ឈើ​ដោយខុស​ច្បាប់នោះ៕ ប្រែសម្រួលដោយ សោមសារុន  

មន្ត្រីក្រសួងសុខាភិបាល​ម្នាក់​បាន​និយាយកាលពីម្សិលមិញថា ការ​ផ្ទុះឡើង​នៃ​វីរុសកើត​ពី​សត្វមូស​ដែល​ជា​ប្រភេទ​វីរុស​​ថ្មី​នៅ​ក្នុង​​ប្រទេស​កម្ពុជា​ដោយ​មាន​រោគ​សញ្ញាស្រដៀង​គ្នា​ទៅនឹង​ជំងឺ​គ្រុន​ឈាម​នោះ​ ត្រូវ​បាន​គេ​រកឃើញ​កើត​មាន​នៅ​ក្នុង​ស្រុកគង​ពិសីខេត្ត​កំពង់​ស្ពឺ។ លោកវេជ្ជបណ្ឌិត​ សុខ ទូច ប្រធាន​នាយក​ដ្ឋាន​គ្រប់​គ្រង​ជំងឺ​ឆ្លង​នៃ​ក្រសួង​សុខា​ភិបាល​បាន​មាន​ប្រសាសន៍ថាប្រជា​ពល​រដ្ឋ​៩៨នាក់​ត្រូវ​បាន​ធ្វើ​រោគ​វិនិច្ឆ័យ​រកឃើញ​មាន​ផ្ទុកវីរុស​ “ស៊ីឃុនគុនយ៉ា”បន្ទាប់​ពី​មាន​ការ​ឈឺ​​​សន្លាក់​ គ្រុនក្តៅ​ និង​ជំងឺអស់​កម្លាំង​នៅ​ក្នុង​ភូមិ​ចំនួន​ប្រាំ​ក្នុង​ឃុំ​ពេជ្រមុនីក្នុងរយៈពេល​បី​សប្តាហ៍កន្លង​មកនេះ។ លោក​បាន​មាន​ប្រសាសន៍ថាស្ត្រីម្នាក់​ដែល​​​មាន​​រោគសញ្ញាស្រដៀង​គ្នា​នេះ​បាន​ស្លាប់​កាល​ពី​ថ្ងៃទី​៧ខែ​មីនាប៉ុន្តែ​មិន​ទំនង​ជា​​ស្លាប់​ដោយសារតែ​​​​​​​​វីរុស ​ស៊ីឃុនគុនយ៉ា​នេះទេ។ លោក​វេជ្ជបណ្ឌិត​ សុខទូច​ បាន​មានប្រសា​​​​សន៍​​​ថាមនុស្សបួន​នាក់​ក្នុង​ចំណោម​មនុស្ស​ប្រាំមួយ​នាក់​ដែល​ត្រូវ​បាន​យក​សំណាក​ឈាម​​​ទៅពិនិត្យ​ ដោយមិន​​រាប់​បញ្ចូលស្ត្រី​ដែល​បាន​ស្លាប់​នេះ ​បាន​រក​ឃើញមាន​ផ្ទុកមេ​រោគនេះប៉ុន្តែ​មិន​មាន​ស្ថានភាពដល់​ស្លាប់​នោះទេ។ លោក​បាន​បន្ថែមថាវីរុសនេះ​កើត​ឡើង​ដំបូង​នៅក្នុង​ប្រទេស​កម្ពុជា​កាលពី​ចុង​ឆ្នាំ​២០១១​​​នៅ​ក្នុង​ខេត្ត​ព្រះវិហារ។ លោកវេជ្ជបណ្ឌិត​ សុខទូចបាន​មាន​​ប្រសាសន៍ថា“បើទោះជា​ជំងឺ​នេះ​ជា​ប្រភេទ​ជំងឺ​ថ្មីនៅ​​ប្រទេស​កម្ពុជា​ក៏ដោយក៏វា​មិន​មែន​ជា​ជំងឺ​ថ្មី​សម្រាប់​ពិភព​លោក​ដែរ​ ហើយ​ការ​ស្លាប​់ដោយ​សារ​ជំងឺ​នេះ​គឺ​កម្រកើត​មាន​​​ណាស់​។ស្ត្រីម្នាក់​ដែល​បាន​ស្លាប់​នោះ​គឺមាន​ជំងឺគ្រុនក្តៅកម្រិត​ខ្ពស់​ ហើយ​រស់​នៅ​ក្នុង​តំបន់​តែមួយ​ដែល​មាន​ការ​​ផ្ទុះ​ឡើងនៃ​វីរុស​​​នេះប៉ុន្តែ​យើង​មិន​ទាន់​​អាច​និយាយ​ថាមូលហេតុ​នៃ​ការ​ស្លាប់​នេះ​គឺដោយ​សារ​វីរុស​​​ ​ នោះ​ទេ”។​ លោក​បាន​មាន​ប្រសា​សន៍​បន្ថែម​ទៀត​​ថា ​មាន​ករណី​ឆ្លងវីរុសនេះ​​ចំនួន​២២.០០០​ករណី​កើតមាននៅ​​ប្រទេសថៃ​ក្នុង​រយៈ​ពេល​​​​​ប្រាំខែ​ដំបូង​នៃ​ឆ្នាំ​២០០៩ប៉ុន្តែ​មិន​បណ្តាល​ឲ្យ​មានមនុស្សស្លាប់​ទេ។ លោក Steven Bjorge ប្រធានក្រុម​ការងារ​​​ទទួល​បន្ទុកផ្នែក​ជំងឺ​គ្រុនចាញ់​និង​ជំងឺ​កើត​ពី​សត្វមូស​នៅ​អង្គការ​សុខភាព​ពិភពលោក​បាន​​​​​​​មាន​ប្រសាសន៍ថាតាម​ធម្មតាវីរុស​ស៊ី​​​ឃុន​​​​គុនយ៉ា​​ ដែល​មិនសូវ​ធ្ងន់ធ្ងរនេះ​មាន​សភាព​​​ប្រែប្រួល​​ក្នុង​ឆ្នាំ​២០០៦នៅ​តាម​ឆ្នេរ​សមុទ្រប្រទេស​ម៉ូសាំប៊ិក​ ដែល​ស្ថានភាព​ប្រែ​​​ប្រួល​​​​នេះ​ បាន​​បង្កឲ្យមាន​មនុស្សស្លាប់។ លោក​បាន​បន្ថែមថាស្ថានភាព​ដែល​បណ្តាល​​​​ឲ្យ​មាន​មនុស្ស​ស្លាប់​ ដោយ​សារ​មិន​​​មាន​ការ​ព្យាបាល​នេះបាន​រីករាល​ដាល​​​មក​ដល់​​ភាគខាង​កើត​តាំងពី​ពេល​នោះមក។ លោក​វេជ្ជបណ្ឌិត​ Bjorge...

មន្ត្រីរដ្ឋាភិបាល​​​មួយ​​​រូប​​​បាន​​​និយាយ​ថាលោកថាក់ស៊ីនស៊ីណាវ៉ាត្រាអតីត​​​នាយក​​​រដ្ឋមន្ត្រី​​​ថៃ​​​ បាន​​​ធ្វើ​​​ដំណើរទស្សនកិច្ចក្រៅ​​ផ្លូវ​​​ការ​​​មក​​​កាន់​​​ប្រទេសកម្ពុជា​​​ កាល​​​ពីថ្ងៃ​​​ព្រហស្បតិ៍​​​ដើម្បីសួរ​​​សុខ​​​ទុក្ខ​​​ឪពុករបស់​​​លោក​​​នាយក​​​រដ្ឋមន្ត្រី ហ៊ុន សែន គឺ​​​លោកព្រឹទ្ធាចារ្យហ៊ុន នាង​​​ ដែល​​​កំពុងតែ​​​ធ្លាក់​​​ខ្លួន​​​ឈឺ​​​។ លោកផៃស៊ីផានអ្នក​​​នាំពាក្យ​​​ទីស្តី​​​ការ​​គណៈ​​​​​​រដ្ឋមន្ត្រីបាន​​​មាន​​​ប្រសាសន៍​​​ថា ​​​លោក ​​​ថាក់​​​ស៊ីនស៊ីណាវ៉ាត្រាដែលជា​​​មិត្ត​​​ភក្តិ​​​ជិត​​​ស្និទ្ធរបស់​​​លោក​​​នាយក​​​រដ្ឋមន្ត្រី​​​ ហ៊ុនសែន​​​និងធ្លាប់ជា​​​ទីប្រឹក្សា​​​សេដ្ឋកិច្ច​​​ របស់​​​រដ្ឋាភិបាល​​​កម្ពុជា​​​ បាន​​​ធ្វើដំណើរ​​​ចាក​​​ចេញពី​​​កម្ពុជា​​​ កាល​​​​​​ពីថ្ងៃ​​​សុក្រ​​​។ លោកផៃស៊ីផានបានមាន​​​ប្រសាសន៍​​​ថា “បើតាម​​​ខ្ញុំ​​​យល់​​​ លោកបាន​​មកប្រទេស​​​កម្ពុជា​​​ ដើម្បីសួរសុខទុក្ខឪពុក​​​របស់​​​លោក​​​នាយក​​​រដ្ឋមន្ត្រីហ៊ុនសែនជាលក្ខណៈ​​​ឯកជន​​​ ដោយ​​​សារ​​​តែលោក​កំពុងតែ​​​មានជំងឺធ្ងន់ធ្ងរ​​​ ហើយ​​​ខ្ញុំ​​​បាន​​​ឮថាលោក​​​ថាក់ស៊ីនបាន​​​ចាកចេញពី​​​កម្ពុជា​​​ តាំងពី​​​​​​ព្រឹក​​​មិញ​​ម៉្លេះ”​​​។ លោក​​​បាន​​​មានប្រសាសន៍​​​បន្ថែមទៀត​​​ថាលោកមិន​​​បាន​​​ដឹង​​​ថាតើ​​​មាន​​​មនុស្ស​​​​​​ប៉ុន្មាននាក់​​​បាន​​​ធ្វើ​​​ដំណើរ​​​មកជាមួយ​​​លោក ​​​ថាក់​​​ស៊ីនស៊ីណាវ៉ាត្រាទេឬក៏​​​លោក​​​ ថាក់​​​ស៊ីនបាន​​​ធ្វើ​​​អ្វី​​​ផ្សេង​​​​​​ទៀត​​នៅពេលលោកស្នាក់​​​​​នៅ​​​​​​ក្នុង​​​​​​ប្រទេស​​​កម្ពុជា​​​នោះដែរ​​​។លោក​​​បាន​​​មានប្រសាសន៍​​​ថា​​​ “ ​​​នោះគឺ​​​ជា​​​ការ​​​ធ្វើដំណើរ​​​ក្រៅ​​​ផ្លូវ​​​ការ​​​”។ លោក​​​ ផៃស៊ីផានបាន​​​មាន​​​ប្រសាសន៍​​​ថាលោក​​​មិន​​​អាច​​​អះ​​​អាង​​​បាន​​​ទេ​​​ ចំពោះ​​​សេចក្តី​​​រាយការណ៍របស់​​​កាសែត​​​បាង​​​កក​​​ប៉ុស្តិ៍ ដែល​​​ថា លោក​​​ ថាក់​​​ស៊ីន ស៊ីណាវ៉ាត្រា​​​ ក៏​​​បាន​​​ទៅ​​​សួរ​​​សុខ​​​ទុក្ខ​​​សកម្មជន​​​ថៃ​​​ លោក​​​ វីរ៉ា ស៊ុមខ្វាម​​​ឃីតនិង​​​ជំនួយ​​​ការ​​​​​​របស់គាត់​​​ឈ្មោះរ៉ាទ្រី ​​​ពីប៉ាតាណាប៉ៃប៊ូនដែល​​​កំពុងតែ​​​ជាប​​​់​​​ពន្ធ​​​នាគារ​​​​​​រយៈពេលវែងពីបទ​​​ធ្វើ​​​ចារកម្ម​​​។ យោងតាម​​​កាសែត​​​បាង​​​កក​​​ប៉ុស្តិ៍​​​បាន​​​ឲ្យ​​​ដឹង​​​ថាអតីតនាយក​​​រដ្ឋមន្ត្រីថៃ​​​ ដែល​​​បាន​​​និរទេស​​​​​​ខ្លួន​​​ឯង​​​ និង​​​កំពុងរត់​​​គេច​​​ខ្លួន​​​ ​​​បាន​​​មក​​​ដល់ប្រទេស​​​កម្ពុជា​​​ដោយ​​​មានសមាជិក​​​គណ​​​បក្ស​​​កាន់អំណាចភឿថៃនៅ​​​ក្នុង​​​ប្រទេស​​​​​​ថៃ​​​ ​​​បាន​​​មកចូលរួមដែរ៕ ប្រែ​សម្រួល​ដោយ​ ឌឿង សាវតា