Tuesday, April 13, 2021
Home Authors Posts by Philip Heijmans

Philip Heijmans

37 POSTS 0 COMMENTS

គម្រោង​សាង​សង់​អចលន​ទ្រព្យ​ថ្មីៗក្នុង​ប្រទេស​កម្ពុជាឆ្នាំ​នេះមាន​ការ​​កើន​ឡើង​យ៉ាង​ច្រើន

យោង​តាម​ទិន្ន​ន័យ​ដែល​ផ្សព្វ​ផ្សាយ​ដោយ​ក្រសួង​រៀប​ចំ​ដែន​ដី​ នគរូបនីយកម្ម​ និង​សំណង់​ កាល​ពី​ម្សិល​មិញ​បាន​ឲ្យ​ដឹង​ថា​ ទំហំ​វិនិយោគ​លើ​គម្រោង​អចល​ន​ទ្រព្យ​ថ្មីៗ​ បាន​កើន​ឡើង​ចំនួន​ ៧៣,៩៦​ភាគ​រយ​ ដែល​មាន​ទំហំទឹកប្រាក់វិនិយោគ​ចំនួន​១,៥៣ ពាន់​លាន​ដុល្លារ​ ក្នុង​រយៈ​ពេល​ប្រាំបី​ខែ​ដំបូង​​ឆ្នាំេនះ បើធៀប​នឹង​រយៈ​ពេល​ដូច​គ្នា​ កាល​ពី​ឆ្នាំ​មុន​។ ទិន្នន័យ​នេះ​បាន​បង្ហាញ​ថា ទោះ​បី​ជា​ចំនួន​អាជ្ញាប័ណ្ណ​ ដែលត្រូវ​បានផ្តល់ជូនគម្រោង​សាង​​សង់​នានា បាន​ធ្លាក់​ចុះ​ចំនួន​១៧,៤៨​ភាគ​រយ​ ពោល​គឺ​ចុះ​មក​នៅ​ត្រឹម​​១.២១៣​អាជ្ញា​ប័ណ្ណ​ បើ​ធៀបនឹង​រយៈ​ពេល​ប្រាំបី​ខែ កាល​ពី​ឆ្នាំ​មុន​ក៏​ដោយ​​ ក៏​ទំហំ​ផ្ទៃ​ក្រឡា​អគារ​សរុប​បាន​កើន​ឡើង​ចំនួន​២៤០,៩៦​ភាគ​រយ​ ពោល​​គឺ​កើន​ដល់​៦,៧៨​លាន​ម៉ែត្រក្រឡា​។ បើ​ទោះ​បី​ជា​ទិន្ន​ន័យ​នេះ​មិន​បាន​បង្ហាញ​លម្អិត​ថា តើ​វិនិយោគិន​ភាគ​ច្រើន​បាន​វិនិ​យោគ​លើ​គម្រោង​សាង​សង់​ប្រភេទ​ណា​​ក៏​ដោយ ក៏​បាន​បង្ហាញ​ថា មាន​គម្រោង​មួយ​ចំនួន​ ដូច​ជា​​គម្រោងសាងសង់អគារផ្ទះ​ល្វែង​ ​រោង​ចក្រ​កាត់​ដេរ​ កាស៊ីណូ អគារ​ពាណិជ្ជ​កម្ម​ និង​អគារ​លំនៅ​ដ្ឋាន​ផ្សេងៗ​ទៀត។​ លោក សឹុង ប៊ុណ្ណា នាយក​ប្រតិបត្តិ​ក្រុម​ហ៊ុន​ ប៊ុណ្ណា រៀលធី បាន​មាន​ប្រសាសន៍​ថា  “​ បច្ចុប្បន្ន​នេះ​ ចំនួន​សំណើ​អភិវឌ្ឍន៍​បាន​កើន​ឡើង​ក្នុង​ឆមាស​មុន ខណៈ​ដែល​គម្រោង​​សាង​សង់​ក្នុង​ស្រុក​មួយ​ចំនួន​​ត្រូវ​បាន​ផ្អាក​ ក៏​ប៉ុន្តែ យើង​ចាប់​ផ្តើម​ឃើញ​មាន​គម្រោង​វិនិ​យោគ​លើ​អគារ​ពាណិជ្ជ​កម្ម​មួយ​ចំនួនកំពុង​ចូល​មក​ក្នុង​ប្រទេស​កម្ពុជា​”។ លោក​បាន​បន្ថែម​ដូច្នេះ​ទៀតថា ក្រុម​ហ៊ុន​ជប៉ុន​ អីុអន​ (Aeon) នឹង​ចាប់​ផ្តើម​គម្រោង​សាង​​សង់​ផ្សារ​ទំនើប​ ដែល​មាន​ផ្ទៃ​ក្រឡា​៥៦.៥០០​​ម៉ែត្រ​ក្រឡា​ នៅ​ក្នុង​រាជ​ធានី​ភ្នំ​ពេញ​ នៅ​មុន​ដំណាច់​ឆ្នាំ​នេះ​។​ លោក តឹក ខេមរា​ អគ្គ​នាយក​​​នៃ​អគ្គ​នាយ​ក​​ដ្ឋាន​សំណង់​​នៃ​ក្រសួង​ដែន​ដី​ ​មាន​ប្រសា​សន៍​ថា​​ ក្រុម​ហ៊ុន​អភិវឌ្ឍន៍​ផ្ទះ​ល្វែងនៅ​ក្នុង​ស្រុក​ បុរី ប៉េង ហួត និង​ក្រុម​ហ៊ុន​ អូស៊ីអាយស៊ី (OCIC)​ គឺ​ជា​ក្រុម​ហ៊ុន​វិនិ​យោគ​ធំ​ក្នុង​ចំណោម​ក្រុម​ហ៊ុន​វិនិយោគ​ធំៗ​មួយ​ចំនួន​។ ក្រុម​ហ៊ុន បុរី ប៉េង​ហួត បាន​បញ្ចប់​គម្រោង​​សាង​សង់​អគារ​ស្នាក់​នៅ​​ ក្នុង​រាជ​ធានី​ភ្នំ​ពេញ​ចំនួន​បួនគម្រោង​ ក្នុង​ចំណោម​គម្រោង​ទាំង​ប្រាំ​បី​របស់​ខ្លួន​ ដូចជា គម្រោង​សាង​សង់​ផ្ទះ​ល្វែង​​ចំនួន​៥០០ល្វែង​ នៅ​ខណ្ឌ​ឫស្សី​កែវ​ និង​គម្រោង​សាង​សង់​ផ្ទះ​ល្វែង​ចំនួន​២០០​ល្វែង​​ នៅ​ខណ្ឌ​មាន​ជ័យ​ ហើយ​បច្ចុប្បន្ន​នេះ​ក្រុម​ហ៊ុន​កំពុង​តែសាង​សង់​អគារ​ស្នាក់​នៅ​ទំនើប​ៗ ចំនួន​៥៥០ខ្នង ដែលស្ថិត​ក្នុង​ជំហាន​​ទី​ពីរ​​នៃ​គម្រោង​ ស្តា ប្លា​ទីនឹម (Star Platinum) របស់​ខ្លួននៅ​ខណ្ឌ​មាន​ជ័យ។ លោក ខេមរា  បាន​មាន​ប្រសាសន៍​បន្តទៀត​ថា “​ យើង​យល់​ឃើញ​ថា ​​តម្រូវ​ការ​ខាង​វិស័យ​អចលន​ទ្រព្យ​ កំពុង​កើន​ឡើង​ ពី​សំណាក់​អ្នក​មាន​លុយ​ច្រើន​ ដែល​ចង់​បាន​អគារ​ស្នាក់​នៅ​ទំនើប​ៗ ចំណែក​ឯ​ក្រុម​ហ៊ុនបរទេស​វិញ​ គឺ​ជា​អ្នក​វិនិយោគ​អគារ​ផ្ទះ​ល្វែង​”។ យោង​តាម​របាយ​ការណ៍​វិភាគ​នៅទី​ផ្សា​រ​អចលន​ទ្រព្យ​ ​ត្រូវ​បាន​ផ្សព្វ​ផ្សាយ​ដោយ​ក្រុម​ហ៊ុន អេស៊ា រៀល អីុស្ទេត​ (Asia Real Estate) កាល​​ពី​ខែ​ឧសភា បាន​បង្ហាញ​ថា រយៈ​ពេល​ពីរ​ឆ្នាំ​ខាង​មុខ​ នឹង​មាន​គម្រោង​អចលន​ទ្រព្យ​យ៉ាង​តិច​ណាស់​ចំនួន​២០​គម្រោង​​ នឹង​ត្រូវ​បាន​បញ្ចប់​​នៅក្នុង​រាជ​ធានី ភ្នំ​ពេញ ហើយ​គម្រោង​ចំនួន​ប្រាំបួន​ ​នឹង​សាង​សង់​​បាន​ផ្ទះ​ល្វែង​ចំនួន​២៩០​ល្វែង៕ប្រែ​សម្រួល​ដោយ ហួង កុកទៀន

ដំណើរការ​ត្រួតពិនិត្យ​រោង​ចក្រកាត់​ដេរ​ត្រូវការ​ការកែលម្អបន្ថែម​

យោងតាម​អ្នក​និពន្ធរបាយការណ៍​ថ្មី​មួយ​បាន​ឲ្យ​ដឹង​ថាកម្មវិធី​របស់​គម្រោង​រោង​ចក្រ​កាន់​តែ​ប្រសើរ​នៅ​កម្ពុជា​របស់​អង្គការ​ពល​កម្ម​អន្តរជាតិ (ILO) ត្រូវ​តែ​មាន​ការ​កែ​សម្រួល​ក្នុង​ដំណើរ​ការ​ប្រតិ​ប​ត្តិការ​ត្រួត​ពិនិត្យ​របស់​ខ្លួន មុន​ពេល​គម្រោ​ងនេះ​អាច​កែ​លម្អល​ក្ខ​ខណ្ឌការងារ​នៅ​ក្នុង​វិស័យ​កាត់​ដេរ​ ឲ្យ​មាន​ប្រសិទ្ធ​ភាព។ គម្រោង​រោងចក្រ​កាន់​តែ​ប្រសើរ​នៅ​កម្ពុជា ដែល​ទទួល​មូល​និធិ​ដោយ​ផ្នែក​ពីរដ្ឋា​ភិបាល​សហ​រដ្ឋ​អាមេរិក​ ត្រូវ​បាន​ដា​ក់​ឲ្យ​​ដំណើរ​ការ​ជាផ្លូវការ​ដោយ​អង្គការ ILO កាល​ពីឆ្នាំ​២០០១ក្នុងគោល​បំណង​ធានា​ថា លក្ខខណ្ឌការងារ​នៅ​តាម​រោង​ចក្រ​កាត់​ដេរ​នៅ​​កម្ពុជា សមស្រប​តាម​បទ​ដ្ឋាន​​ការ​ងារ​​អន្តរ​ជាតិ​ ក៏ដូចជា​ច្បា​ប់​ការងារ​ក្នុង​ស្រុក​ផងដែរ​។ ទោះ​បីជាយ៉ាងណា​ក៏ដោយ​ របាយ​កា​រ​ណ៍ថ្មី​ដែល​រៀ​បរៀង​ដោយ​មជ្ឈមណ្ឌលអប់រំច្បាប់​សម្រាប់​សហគមន៍និង​អង្គការ​ បេសសកម្ម​សម្លៀក​បំពាក់​ស្អាតដែល​មាន​មូល​ដ្ឋាន​នៅ​ប្រទេស​អាល្លឺម៉ង់មានចំណ​ង​ជើង​ថា់​រយៈ​ពេល​១០​ឆ្នាំនៃ​គម្រោង​រោង​ចក្រ​កាន់តែ​ប្រសើរ​នៅ​កម្ពុជាបាន​លើក​ជាសំនួរ​ថាតើ​គម្រោង​រោង​ចក្រ​កាន់​តែប្រសើរ​នៅ​កម្ពុជាមាន​សមត្ថ​ភាព​ធ្វើ​ការ​ងារ​របស់​ខ្លួន​បាន​យ៉ាង​ត្រឹម​ត្រូវ​ដែ​រ​ឬយ៉ាងណា​ឯ​​។ យោង​តាម​របាយ​ការណ៍​នេះ​បាន​ឲ្យ​ដឹងថាគម្រោង​រោង​ចក្រ​កាន់តែ​ប្រសើរ​ មិន​​បំពេញ​ទស្សនកិច្ច​ដល់​ទី​តាំង​ជាក់​ស្តែង​​បាន​គ្រប់​គ្រាន់ដើម្បី​ត្រួត​ពិនិត្យ​រោង​ចក្រ​ទាំង​ឡាយ​ឲ្យ​បានត្រឹម​ត្រូវ​ទេ​ ពោល​គឺ​ក្នុង​មួយ​រោង​ចក្រ​បាន​តែ​​ម្តងក្នុងមួយ​ឆ្នាំ​​ប៉ុណ្ណោះ​ ខណៈ​ដែ​លការងារ​​ចុះ​ត្រួត​ពិនិ​ត្យ​ភាគ​ច្រើន​ត្រូវ​បាន​ប្រកាស​ថា​ នឹងត្រូវ​បំពេញ​នៅ​ពេល​ខាង​មុខ​ ជាហេតុ​បណ្តា​ល​ឲ្យ​គណៈ​គ្រប់​គ្រង​រោង​ចក្រ​មានឱកាស​ ច្រើន​ សម្រាប់​ការបិទ​បាំង​អំពើ​ហឹង្សា​ផ្សេ​ង​ៗ​។ របាយការណ៍​ដដែល​នេះ​មាន​ខ្លឹម​សា​រថា"ឧទាហរណ៍មេដឹកនាំ​សហជីពបាន​កត់​សម្គាល់​ថារោង​ចក្រ​ជាច្រើន​លាក់​​កម្ម​ករ​មិន​គ្រប់​អាយុ​នៅ​ក្នុងបន្ទប់​ទឹកក្នុង​ពេ​លមាន​ការ​ចុះ​ត្រួត​ពិនិត្យ​រោង​ចក្រ​"។របា​យ​ការណ៍​ដដែល​នេះ​មាន​ខ្លឹម​សារ​បន្ត​ទៀ​តថា"ក៏មាន​ចំណុច​ជា​ច្រើន​ដែល​មិន​ស៊ី​គ្នា​រវាង​អ្វី​ដែល​មាន​បញ្ជាក់​នៅ​ក្នុង​គម្រោង​រោង​ចក្រ​កាន់តែ​ប្រសើរនិង​​លក្ខ​ខណ្ឌ​ការ​ងារ​​​ជាក់​ស្តែង​ដែល​មាន​នៅតាម​រោង​ចក្រ​​​"។នៅ​ក្នុងរបាយការណ៍​នេះ​ក៏​បាន​បង្ហាញ​បន្ថែម​ទៀតថាជារឿយ​ៗ​គណៈ​គ្រប់​គ្រង​រោង​ចក្រ​បង្ហាត់​កម្ម​ករ​អំពី​អ្វី​ដែល​​ត្រូវ​និ​យាយ​ទៅ​កាន់ក្រុម​អ្នក​ចុះត្រួត​​ពិនិត្យ​។ ខ្លឹម​សារ​នៅ​ក្នុងរបាយការណ៍​ដដែល​នេះ​បាន​បង្ហាញ​បន្ថែម​ទៀត​ថាគម្រោង​រោ​ង​ចក្រ​កាន់​តែ​ប្រសើរ​ គ្រាន់​តែ​ចេញ​ផ្សា​យ​របាយការណ៍​ទូ​ទៅ​ សម្រាប់​សាធារ​ណ​ជន​ប៉ុណ្ណោះ​ ខណៈ​ដែល​របាយការណ៍​ដែល​រោង​ចក្រ​នីមួយ​ៗ​ចេញ​ផ្សាយ​ត្រូវ​បា​នផ្ញើ​ជូន​តែ​រោង​ចក្រ​ខ្លួន​ឯ​ង​ប៉ុណ្ណោះ​ ជា​ហេតុ​នាំ​ឲ្យ​មិន​មាន​កត្តា​ជំរុញ​ឲ្យ​មាន​ការ​កែ​ទម្រង់​ក្នុងចំណោម​រោង​ចក្រ​ទាំង​នេះ​ទេ​"។ អ្នក​ស្រីជីលថាកគ័រ (Jill Tucker)​ ប្រធាន​ទី​ប្រឹក្សា​បច្ចេក​ទេស​សម្រាប់​គម្រោ​ង​រោង​ចក្រ​កាន់​តែ​ប្រសើរ​នៅ​កម្ពុជាបាន​មាន​ប្រសាសន៍ថា ​អ្នក​ស្រី​យល់​ស្រប​ទៅ​នឹង​ចំណុច​ភាគ​ច្រើន​នៅ​ក្នុង​របាយ​ការណ៍​វាយ​តម្លៃ​នេះ​ ហើយ​អ្នក​ស្រី​បានសង្កត់​ធ្ងន់​ថាគម្រោង​រោង​ចក្រ​កាន់តែ​ប្រសើរ​ មាន​កម្លាំង​បុគ្គលិក​មិន​គ្រប់​គ្រាន់​។អ្នក​ស្រី​បាន​មានប្រសាសន៍​បន្ថែម​ទៀតថាបច្ចុ​ប្បន្ន​...

ក្រុម​ហ៊ុនរដ្ឋ​ចិន​នៅ​ពី​ក្រោយ​ការ​​ចរចា​​ជា​មួយ​រដ្ឋាភិបាល​ ដើម្បីបន្ដ​គម្រោង​ស្តារ​ផ្លូវ​ដែក

មន្ត្រី​ជា​ច្រើន​រូប​បាន​ឲ្យ​ដឹង​កាល​ពី​ម្សិល​មិញ​ថា​ ដោយ​សារ​ការ​ងារ​ស្តារ​ផ្លូវ​រថ​ភ្លើង​ចាស់​​ទ្រុឌ​ទ្រោម​មិន​អាច​ទៅ​មុខ​រួច​ ក្រសួង​សាធា​រណ​ការ និង​ដឹក​ជញ្ជូន​បាន​ចាប់​ផ្តើម​ពិភាក្សា​ជា​មួយ​ក្រុម​ហ៊ុន​ក្នុង​តំបន់​មួយ​ចំនួន​ ដែល​គ្រប់​គ្រង​ដោយ​ក្រុម​ហ៊ុន​ធំៗនៅ​​ក្នុង​ប្រទេស​​ចិន​ ដើម្បី​ឲ្យ​ក្រុម​ហ៊ុន​ទាំង​នេះ​ចូល​មក​ជំនួស​ក្រុម​ហ៊ុន​ស្តា​រផ្លូវ​រថភ្លើងបច្ចុប្បន្ន។ លោកត្រាំអុីវតឹករដ្ឋ​មន្ត្រី​ក្រសួង​សាធារ​ណការ​ និង​ដឹក​ជញ្ជូន​​ មាន​ប្រសាសន៍​កាល​ពី​ម្សិលមិញ​ថា “ វា​ឆាប់​ពេក​មិន​អាច​ពន្យល់​បាន​ទេ​...​ ក៏ប៉ុន្ដែ យើង​កំពុង​តែ​ធ្វើ​ការ​ចរចា”។ លោក​រដ្ឋមន្ត្រី​បាន​បន្ថែម​ថា “ ​ខ្ញុំ​នឹង​ធ្វើ​ការ​​ជាមួយ​ក្រុមហ៊ុន​កម្ពុជា​រ៉េលវេ (Kampuchea Railways) ដើម្បី​ដោះ​ស្រាយ​បញ្ហា​ទាំង​នេះ”។​ដោយសារ​មាន​បញ្ហា​​ទាក់​ទង​នឹង​ការ​សាង​សង់​ ព្រម​ទាំង​ការ​ពន្យារពេល​ដូច​ជា​ការ​តវ៉ា​លើ​ការ​ផ្លាស់​ប្ដូរ​ទី​លំនៅ​ប្រជាពលរដ្ឋ​រាប់ពាន់​គ្រួសារ ដែលក​ំពុង​រស់​នៅ​តាម​បណ្ដោយ​ផ្លូវ​រថភ្លើង​ ទើប​ក្រុមហ៊ុនថូល​ រ៉ូយ៉ាល់​ រ៉េលវេ (Toll Royal Railways) មិន​ដំណើរ​ការ​រថភ្លើង​តាម​ខ្សែ​ផ្លូវ​ដែកកាល​ពី​ថ្ងៃ​ទី​១១ខែ​មីនា។ រហូត​មក​ដល់​ពេល​នេះ​ ក្រុម​ហ៊ុន ថូល​ រ៉ូយ៉ាល់​ រ៉េលវេ បាន​ផ្ញើ​លិខិត​មួយ​ច្បាប់​ជូន​រដ្ឋាភិបាល​ ដោយ​លើក​ឡើង​ថា ក្រុម​ហ៊ុន​បញ្ឈប់​កិច្ច​ការ​ស្ដារ​ផ្លូវ​រថភ្លើង​ ដោយសារ​តែ​ក្រុមហ៊ុន​មិន​អាច​រក​ប្រាក់​ចំណេញ​ពី​ដំណើរ​ការ​រថ​ភ្លើងបាន​ ពី​ព្រោះ​មាន​ការ​ពន្យារ​ពេល​​ច្រើន​ដង​ក្នុងការ​ស្ដារ​ផ្លូវ​រថភ្លើង​នេះ​។ដោយ​​មាន​ហិរញ្ញប្ប​ទាន​ភាគ​ច្រើន​បាន​មក​ពី​ធនាគារអភិវឌ្ឍ​ន៍អាស៊ី​ (ADB) ដែល​កាល​ពី​ដំបូង ​ថវិកាត្រូវ​ចំណាយ​ ដើម្បី​ស្ដារ​ខ្សែ​ផ្លូវ​រថភ្លើង​ឡើង​វិញមាន​ចំនួន​១៤៣លាន​ដុល្លារ​ ក៏ប៉ុន្ដែ​ ថវិកា​នេះបាន​អស់​ហើយ​ ហើយ​ក្រុមហ៊ុន​ត្រូវ​ការ​ថវិកា​ចន្លោះ​ពី​៦០​ទៅ​១០០​លាន​ដុល្លារ​ទៀត​ ដើម្បី​បញ្ចប់​ការងារ​ស្ដារ​ផ្លូវរថភ្លើង​។ នៅ​ក្នុង​សេចក្ដី​ថ្លែងការណ៍​មួយ​កាលពី​ម្សិល​មិញ ក្រុមហ៊ុន​កម្ពុជា​ រ៉េលវេ ​បានជូន​ដំណឹង​ថា កាល​ពី​សប្ដាហ៍​មុន​ ក្រុមហ៊ុន​បាន​ចរចា​ផ្ដល់​​ប្រាក់​ចំនួន​៩០​លាន​ដុល្លារ​ ដល់​រដ្ឋា​ភ​ិបាល ដើម្បី​បំពេញ​បន្ថែម​កង្វះ​ថវិកា​​ក្នុង​គោល​​បំណង​​ស្នើសុំ​បន្ដ​កិច្ច​ការ​នេះ​ឡើង​វិញ ក្នុង​​នាម​​ជា​ក្រុម​ហ៊ុន​ស្ដារ​ផ្លូវ​ដែក​តែមួយ​គត់​។ បច្ចុប្បន្ន​នេះ​ កិច្ចការ​ស្ដារ​ផ្លូវ​រថភ្លើង​ឡើង​វិញ​ ត្រូវ​បាន​​ផ្ដល់​ឲ្យ​ក្រុមហ៊ុន​បារាំង​ ធីអេស​អូ ខេមបូឌា ខូអិលធីឌី (TSOCambodiaCo. Ltd)...

វិភាគ៖មានសញ្ញាបន្តិចបន្តួច​បង្ហាញថាវិយោគគិនកំពុងបោះទុនលើច្រើនវិស័យនៅក្នុងសេដ្ឋកិច្ច​កម្ពុជា

ទិន្នន័យ​វិនិយោគ​ចុង​ក្រោយ​បំផុត​ ដែល​រដ្ឋា​ភិបាល​បាន​ចេញ​ផ្សាយ​​ ​បង្ហា​ញថា សេដ្ឋ​កិច្ច​នៃ​ព្រះ​រាជាណាចក្រ​កម្ពុជា​ កំពុង​តែ​ងាកចេញ​ឆ្ងាយ​ពី​មូល​ដ្ឋាន​គួរ​ឲ្យ​ទុ​ក​ចិត​្ត​​រយៈ​ពេល​វែង​នៃ​វិស័យ​កាត់ដេរ​ និង​កំពុង​តែ​ប្រឈ​មមុខ​នឹង​ឧស្សាហកម្ម​ប្រ​ក​ប​ដោយ​ភាព​ស្មុគ​ស្មាញ​ច្រើន​ជាង​មុន​។ ក្នុងរយៈ​ពេល​ជាង​មួយ​ទសវត្សរ៍​ដែល​វិស័យ​កាត់ដេរ​បាន​ចូល​រួម​ចំណែក​យ៉ាង​ធំ​ធេង​ក្នុង​ទីផ្សារ​នាំចេញ​របស់​ព្រះរា​ជា​ណា​ចក្រ​កម្ពុជា​ ដោយ​សារតែ​វិនិយោ​គ​​ិន​មាន​អារម្មណ៍​ខ្លាច​រអា​ចំពោះ​ការ​បើក​ដំណើរ​ការ​រោង​ចក្រ​ ដើម្បី​ផលិត​ទំនិញ​សម្រាប់​ប្រើ​ប្រាស់ក្នុង​បរិមាណ​ច្រើន​ជាង​មុន​។ ក៏​ប៉ុន្តែ​​ ខណៈ​ដែល​សេដ្ឋវិទូ​និយាយ​ថា គម្រោង​វិនិ​យោគ​ភាគ​ច្រើន​ទំនង​ជា​នៅ​តែ​ស្ថិត​នៅ​ក្នុង​ឧស្សា​ហកម្ម​ដែល​មាន​កម្លាំង​ពល​កម្ម​ច្រើន​នៅ​ក្នុង​សេដ្ឋកិច្ច​នៃ​ប្រទេស​ក្នុង​តំបន់​អាស៊ី​អាគ្នេយ៍​មួយ​នេះ​ មាន​ភស្តុតាង​មួយ​ចំនួន​បង្ហាញ​ថា ព្រះ​រា​ជា​ណាចក្រ​កម្ពុជា​កំពុង​ក្លាយ​​ទៅ​ជា​គោល​ដៅ​សម្រាប់​វិនិយោគិន​ដែល​មាន​គោលបំ​ណង​ផលិត​កម្ម​និង​ផ្គត់​ផ្គង់​លើស​ពី​ខោ​ខូវប៊យ និង​អាវ​យឺត​។ យោងតាម​ទិន្នន័យ​ចេញ​ពី​គណៈ​កម្ម​ការ​វិនិយោគ​កម្ពុជា ក្នុង​សប្តាហ៍​នេះ​ បាន​បង្ហាញ​ឲ្យ​ដឹង​ថា​​ គម្រោង​សរុប​ចំនួន​៧១​គម្រោង​ត្រូវ​បាន​អនុ​ម័ត​ក្នុងរយៈ​ពេល​ប្រាំ​មួយ​ខែ​ដំបូង​នៃ​ឆ្នាំ​ និង​ត្រូវ​បាន​ប៉ាន់​ស្មាន​ថា ​មាន​តម្លៃ​សរុប​ចំនួន​៤៧៩.៦៩​លាន​ដុល្លារ​។ ក្នុង​ចំណោម​គម្រោង​វិនិយោគ​ទាំ​ង​នោះ​​ គម្រោង​ចំនួន​៤៩​ត្រូវបាន​កំណត់​គោល​ដៅ​ទៅ​រក​វិស័យ​កាត​់ដេរ​ ដែល​ស​ម្រច​បាន​អត្រា​កំណើន​នាំ​ចេញ​៨,៧២​ភា​គ​រយ ដោយ​គិត​តម្លៃ​ជា​ទឹក​ប្រាក់​ស្មើ​នឹង​​២,​១​ពាន់​លាន​ដុល្លារ​ ក្នុង​រយៈ​ ពេល​មួយ​ឆ​មាស​ដំបូង​នៃ​ឆ្នាំ​នេះ​ ហើយ​គម្រោង​វិនិ​យោគ​២២​ផ្សេង​ទៀត​ត្រូវ​បាន​ផ្តោត​សំ​ខាន់​ទៅ​លើ​វិស័យ​ផលិតកម្ម និង​វិស័យ​ក​សិ​កម្មនៅ​ក្នុង​សេដ្ឋកិច្ច​នៃ​ព្រះ​រាជា​ណា​ចក្រ​កម្ពុជា​។ សេដ្ឋ​វិទូ​បាន​និយាយ​ថា អត្រា​​កំណើន​ប្រ​ចាំ​ឆ្នាំ​ពី​១០​ដល់​១៥​ភាគរយ​ ដែល​វិស័​យ​កាត់ដេរ​នៅ​ក្នុង​សេដ្ឋកិច្ច​នៃ​ព្រះ​រាជា​ណា​ចក្រ​កម្ពុជា​ធ្លាប់​សម្រេច​បាន​អស់​រយៈ​​ជា​ច្រើន​ឆ្នាំ​មកហើយ​នោះ​ កំពុង​តែ​ឈាន​ទៅ​រក​ទី​បញ្ចប់​ហើយ​។ សេដ្ឋ​វិទូ​ទាំង​នេះ​បាន​និយាយ​បន្ថែម​ទៀត​ថា ទោះ​ជា​យ៉ាង​ណា​ក៏​ដោយ​ ចំណាប់អារម្មណ៍​លើ​វិស័យ​វិនិយោគ​ផ្សេង​ៗ​ទៀត​កំពុង​ស្ថិត​ក្នុង​ដំណា​ក់​កាល​ចាប់​ផ្តើម​កើនឡើង​ជាបណ្តើរៗហើយ​។ លោក នៅ​ សីហា សេដ្ឋវិ​ទូ​ឯក​រាជ្យ​មួយរូប​នៅ​ប្រទេស​កម្ពុជា​ បាន​មាន​ប្រសា​ស​ន៍​ថា “ សេដ្ឋកិច្ច​នឹង​​មាន​សកម្ម​ភាព​វិនិ​យោ​គ​ច្រើន​មុខ​ចម្រុះ​គ្នា​ ប៉ុ​ន្តែ​ វិនិយោគិន​នៅ​តែ​ប្រហែលជា​មាន​​ទំ​នោរ​ទៅ​រក​វិស័​យ​ដែល​មាន​ភាព​អំណោ​យ​ផល​ផ្នែក​កម្លាំង​ពល​កម្ម​... ដោយ​សារ​​នៅ​ក្នុង​សេដ្ឋកិច្ច​រប​ស់​យើង​មាន​កម្លាំង​ព​ល​​កម្ម​អត់ជំនាញ​ក្នុង​បរិ​មាណ​ច្រើន​ខ្លាំង​”។ ក្នុង​ចំណោម​តម្លៃ​សរុប​នៃ​គម្រោង​វិនិ​យោគ​ទាំង​៧១​គម្រោង​ មានទឹក​ប្រាក់​ចំនួន​៣២១,២១​លាន​ដុល្លារ​បាន​មក​ពី​ក្រុម​វិនិ​យោគ​បរទេស​ ខណៈ​ដែល​ទឹក​ប្រាក់​ចំនួន​១៥៨,៤​លាន​ដុល្លារ​ផ្សេង​ទៀត​ កើត​ចេ​ញ​ពី​សហគ្រាស​ក្នុង​ស្រុក​ទាំង​ឡាយនៅ​ក្នុង​សេដ្ឋកិច្ច​នៃ​​ព្រះ​រាជា​ណាចក្រ​កម្ពុជា​ ហើយ​​​ចំណោម​បណ្តា​ប្រទេស​ដែល​មាន​ពាណិជ្ជករមក​បោះ​ទុន​នៅ​ក្នុង​សេដ្ឋ​កិច្ច​នេះ សាធារ​ណ​រដ្ឋ​ប្រជា​មានិត​ចិន​ គឺ​ជា​ប្រទេស​ដែល​បាន​បញ្ជូន​វិនិយោគិន​រប​ស់​ខ្លួន​ឲ្យមក​បណ្តាក់​ទុន​នៅ​ក្នុង​ព្រះ​រាជា​ណា​ចក្រ​អច្ឆរិយៈ​នេះ​ ពោលគឺ​គម្រោង​វិនិយោគ​ដែល​មក​ពី​ប្រទេស​មហា​អំណាច​ទី​២​លើ​សាកល​លោក​ មាន​ចំនួន​១៩​គ​ម្រោ​ង​ តាម​ពីក្រោយ​ដោយ​គម្រោងវិនិ​យោគ​​មក​ពី​សា​ធារណរដ្ឋកូរ៉េ​ ដែល​មាន​ចំនួន​​១៤​គម្រោង​ ហើយ​១២​គម្រោង​ផ្សេង​ទៀត​​គឺជា​គម្រោង​ដែល​បាន​បង្កើត​ឡើង​ដោយ​វិនិយោ​គិន​នៅក្នុងព្រះរាជាណាចក្រកម្ពុជា​។ យោង​តាម​ទិន្ន​ន័យ​ដដែល​នេះ​ បាន​បង្ហាញ​ផងដែរ​ថា ប្រទេស​កម្ពុជា​បាន​អនុ​ម័ត​​គម្រោងវិនិយោគ​ក្នុង​វិស័យ​រោង​ចក្រ​​ផលិត​អំពូល​ភ្លើង ក្នុង​រយៈ​ពេល​មួយ​ឆមា​ស​ដំបូង​នៃ​ឆ្នាំ​២០១២​ ដែល​ក្នុង​នោះ​មាន​គម្រោង​រោង​ចក្រ​មួយ​ដែល​ត្រូវ​ចំណាយ​ប្រាក់​អស់​៥,៨​លាន​ដុល្លារ​ ដើម្បី​ឲ្យ​រោង​ចក្រ​នេះ​អាច​ដំណើរការ​​​នៅ​ក្នុង​ខេត្ត​បន្ទា​យមាន​ជ័យ​។ គម្រោង​វិនិ​យោគ​នេះ​ គឺជា​គម្រោង​បណ្តាក់​ទុន​របស់​ក្រុម​ហ៊ុន​ ខ្យុង​ អុី​ន តិច​និក (Kyung-In Technics) ដែល​ជា​ក្រុម​ហ៊ុន​មក​ពី​ប្រទេស​​កូរ៉េ​ខា​ង​ត្បូង​។ ក្រុ​ម​ហ៊ុន​នេះ​ចង់​បង្កើត​រោង​ចក្រ​នេះ​...

គ្រឹះ​ស្ថាន​មីក្រូ​ហ​ិរញ្ញវត្ថុ​មួយ​ទៀត​ប្រកាស​ផែន​ការ​អភិវឌ្ឍន៍​ខ្លួនទៅ​ជា​ធនាគារ​ពាណិជ្ជ

មន្ត្រី​មួយ​រូប​នៅ​គ្រឹះ​ស្ថាន​មី​ក្រូ​ហិរញ្ញ​វត្ថុ​ អម្រឹត​ បាន​និយាយ​កាល​ពីថ្ងៃ​ពុធ​ថា គ្រឹះ​ស្ថាន​​មីក្រូ​ហ​ិរញ្ញវត្ថុ​អម្រឹត ​ជា​គ្រឹះ​ស្ថានធំប​ំផុត​មួយ​​ក្នុង​ចំណោម​គ្រឹះ​ស្ថា​ន​មីក្រូហិ​រញ្ញ​វត្ថុ​ធំ​បំផុត​ទាំង​អស់​ក្នុង​ប្រទេ​ស​កម្ពុជា​ បាន​ប្រកាស​ថា ខ្លួន​នឹង​​បង្កើន​មូល​ធន ​ដែ​ល​ចាំ​បាច់​សម្រា​ប់​ដំណើរ​អភិវឌ្ឍ​ខ្លួន ឲ្យ​​​ក្លាយ​ជា​ធានាគារ​ពា​ណិជ្ជ​ពេញ​លេញ​យ៉ាង​យូរ​ក្នុង​ឆ្នាំ​២០១​៥​។ លោក ជា ផល្លា​រីន ប្រធាន​នាយក​ប្រ​តិ​បត្តិ​​គ្រឹះ​ស្ថាន​មីក្រូ​ហិរញ្ញវត្ថុ​អម្រឹត​ បាន​មាន​ប្រសា​សន៍​​ថា គ្រឹះ​ស្ថាន​បាន​ចេញ​សម្រេ​ច​អភិវឌ្ឍ​ខ្លួន​ ក្នុង​គោល​បំណង​ផ្តល់​សេវា​កម្ម​ជា​ច្រើន​ដល់​អតិថិជន​របស់​ខ្លួន​ ដូចជា​ សេវា​កម្ម​ផ្ទេរ​ប្រាក់​ឆ្លងកាត់​ប្រទេស​ និងសេវា​កម្ម​ប្រតិបត្តិ​ម៉ាស៊ីនអេធីអឹមជា​ដើម​។ លោក​​មាន​ប្រសា​សន៍​ថា “ តាមរយៈ​ការក្លា​យខ្លួន​ជា​ធនាគារ​ពាណិជ្ជ យើង​អាច​នឹង​មាន​សមត្ថ​ភាព​​បង្កើត​សេវាកម្ម​បាន​យ៉ាង​ច្រើន​ប្រភេទ​។ ប្រសិន​បើ​គ្រឹះ​ស្ថាន​មី​ក្រូ​ហិរញ្ញវត្ថុ​ចង់​មាន​សេវាកម្ម​ដូច​ធនាគារ​នា​នា​នោះ យើង​ត្រូវ​តែ​អភិ​វឌ្ឍ​ខ្លួន​ឲ្យ​ក្លា​ជា​ធនាគារ​ជា​មុន​សិន”។ គ្រឹះ​ស្ថាន​មីក្រូ​ហិរញ្ញវត្ថុ​អម្រឹត​ គឺជា​គ្រឹះ​ស្ថាន​​មីក្រូ​ហិរញ្ញវត្ថុ​ទី​៤​ ដែល​បាន​ប្រ​កាស​គោល​បំណង​របស់​ខ្លួន​ កាល​ពី​បី​ខែ​មុន​ថា ​ខ្លួន​ចង់​អភិវឌ្ឍន៍​ខ្លួន​ឲ្យ​ក្លាយ​ជា​ធនា​គារ​ពាណិជ្ជ​ យ៉ាង​យូរ​នៅក្នុងឆ្នាំ​២០១​៥​។ គ្រឹះ​ស្ថាន​មីក្រូ​ហិរញ្ញវត្ថុ​ ហត្ថា​កសិករ​ លីមី​ត​​ធីត ប្រាសាក់ និង​​ស្ថាបនា គ្រឹះ​ស្ថាន​មីក្រូ​ហិរញ្ញវត្ថុ​ ស្ថាបនា លី​មីត​​ធីត​ សុទ្ធ​តែ​បង្ហា​ញ​គោល​បំណង​រៀង​ៗ​ខ្លួន​ ថា នឹង​ប្រ​ឡូក​ក្នុង​ទីផ្សារ​ធនាគារ​ពាណិជ្ជនៅ​ក្នុង​សេ​ដ្ឋកិច្ច​កម្ពុជា​ ដូចជា​ធនាគារ​ផ្សេង​ៗ​ទៀត​ដែរ​។ លោក ផល្លា​រីន ​​មាន​ប្រសា​សន៍​ថា បច្ចុ​ប្បន្ន​ គ្រឹះ​ស្ថាន​មីក្រូ​ហិរញ្ញវត្ថុ​មាន​ប្រាក់​កម្ចី​​សរុប​១១៨​លាន​ដុល្លារ​ និង​៦២លាន​ដុ​ល្លា​រ​ទៀត​ក្នុងផ្នែក​សន្សំ​។ គ្រឹះស្ថាន​មី​ក្រូ​ហិរញ្ញ​វត្ថុ​នេះ ​ក៏​បាន​បង្កើត​សាខា​ចំនួន​៨២​កន្លែង​ នៅ​ទូទាំង​ប្រទេស​ផងដែរ​។ធនាគារ​ទាំង​ឡាយ​​​ត្រូវ​ការ​មូល​ធន​កាតព្វ​កិច្ច​យ៉ាង​តិច​ ៣៧​,៥​លាន​ដុល្លារ​ ទើ​ប​អាច​​​អភិវឌ្ឍខ្លួន​ឲ្យ​ក្លាយទៅ​​​ជា​ធនាគារ​ពាណិជ្ជ​បាន​។ ទោះ​បីជា​ទីផ្សារ​ធនាគារ​នៅ​ក្នុង​សេដ្ឋ​កិច្ច​នៃ​ព្រះ​រាជាណា​ចក្រ​កម្ពុជា​ មាន​ការ​រីក​ច្រើន​ខ្លាំង​ ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោ​យ​នេះ​ក៏​ដោយ ធនាគារ​ិក​បាន​និយាយ​ថា គ្រឹះស្ថាន​មីក្រូហិ​រញ្ញវត្ថុ​ត្រូវ​បង្កើន​សមត្ថ​ភាព​ប្រកួត​ប្រជែង​បន្ថែម​ទៀត​។ លោក អុិន ចាន់​នី ប្រធាន​នាយក​ប្រតិបត្តិ​ធនាគារ​ អេស៊ីលីដា ភីអិល​ស៊ី ដែល​ជា​ធនា​គារ​​​មាន​ឥណ​ទាន​ខ្នាត​តូច​ច្រើន​ជាង​គេ​បំផុត​នៅ​ក្នុងសេដ្ឋកិច្ចនៃ ព្រះរាជា ណាចក្រ​កម្ពុជា​ បាន​មាន​ប្រសាសន៍ដូច្នេះ​ទៀតថា “ គ្រឹះ​ស្ថាន​មីក្រូ​​ហិរញ្ញវត្ថុស្ថិត​នៅ​ក្នុង​ទី​ផ្សារ​ដែល​ធនា​គារ​មិន​ស្ថិត​នៅ​ ហើយ​មិន​ស្ថិត​នៅ​ក្នុង​រាជ​ធានី​ភ្នំពេញ​ទេ ប៉ុន្តែ​នៅ​តាម​តំបន់​ជនបទ​”។ លោក​មាន​ប្រសាសន៍​បន្ថែម​ទៀ​ត​ថា​ “ជា​ការ​ពិត​ក្នុង​ការ​ប្រកួត​ប្រជែង​ ប្រសិន​បើ​មាន​ធនាគារ​ពាណិជ្ជ​ប្រាំ​មួយ​ឬប្រាំ​ពីរកើត​ថ្មី​​នៅ​លើ​ទីផ្សារ​ ដែល​មាន​ធនាគារ​៣២​រួច​ជា​ស្រេច​​ទៅ​ហើយ​នោះ​ ចំណែក​ទីផ្សារ​របស់​អ្នក​នឹង​រួម​កាន់​តែ​តូច​ទៅ​ៗ​ ហើយ​ជម្រើស​របស់​អតិថិ​ជន​នឹង​ផ្តោត​សំខាន់​ទៅ​លើ​គុណ​ភាព​សេវាកម្ម​ជា​មិន​ខាន​។ ប៉ុន្តែ​ ដោយសារ​តែ​ធនាគារ​ទាំង​នេះ​ស្ថិត​នៅ​ក្នុង​តំបន់​ឆ្ងាយ​ៗ​ មិន​​មាន​ការ​ប្រកួត​ប្រជែង​ខ្លាំងក្លានៅ​តាម​តំបន់​ជនបទ​នៅ​ឡើយ​ទេ​”។ ​យោងតាម​ទិន្ន​ន័យ​ដែល​សមាគម​មី​ក្រូ​ហិរញ្ញវត្ថុ​កម្ពុជា ​ចេញ​ផ្សាយ​កាល​ពី​ខែ​មុន​ បាន​បង្ហាញ​ថា ក្នុងរយៈ​ពេល​ប្រាំ​មួយ​ខែ​ដំ​បូង​នៃ​ឆ្នាំ​នេះ​ ប្រាក់់កម្ចី​មិន​ទាន់​សង​ក្នុង​វិស័យ​មីក្រូ​ហិរញ្ញ​វត្ថុ​នៅ​ក្នុងសេដ្ឋ​កិច្ច​កម្ពុជា បាន​កើន​ឡើង​ដល់​៧៣៣​លាន​ដុល្លារ​ ពោល​គឺ​កើន​ឡើង​៤៣​,០៥​ភាគ​រ​យ​ បើ​ធៀប​នឹង​រយៈ​ពេល​ដូច​គ្នា​ កាល​ពី​ឆ្នាំ​មុន​៕ ប្រែ​សម្រួល​ដោយ...

គ្រឹះស្ថាន​មីក្រូ​ហិរញ្ញវត្ថុ​ពីរ​នៅ​ក្នុង​សេដ្ឋ​កិច្ច​កម្ពុជាប្រកាស​ផែន​ការអភិវឌ្ឍន៍​ខ្លួន​ទៅជា​ធនាគារ​ពាណិជ្ជ​

មន្ត្រី​គ្រឹះស្ថាន​មីក្រូ​ហិរញ្ញវត្ថុ​មួយ​រូប​បាន​លើក​ឡើង​ កាល​ពីម្សិល​មិញ​ថា ហត្ថាកសិ​ក​រ​លី​មីត​ធីត ដែល​ជា​គ្រឹះស្ថាន​មីក្រូ​ហិរញ្ញ​វត្ថុ​ធំប​ំផុត​មួយ​​ក្នុង​ប្រទេស​កម្ពុជា​ កំពុង​ស្ថិត​ក្នុង​ដំណាក់​កាល​ពិភាក្សា​គ្នា ដើ​ម្បី​ប្រែ​ខ្លួន​ទៅ​ជា​ធនាគារ​ពាណិជ្ជ យ៉ាង​យូរ​​ក្នុង​ឆ្នាំ​២០១៤​។ ប្រសិន​បើ​ទទួល​ជោគ​ជ័យ​ ដំណើរ​វិវឌ្ឍនេះ​ នឹង​ដើរ​ស្រប​តាម​គោល​នយោ​បាយរបស់​ធនាគារ​កណ្តាល​ ដែល​គាំទ្រ​គ្រឹះស្ថាន​មីក្រូ​ហិរញ្ញវត្ថុ​ ឲ្យ​បង្កើន​ផលិត​ផល​ និង​ផ្តល់​សេវា​កម្ម​របស់​ខ្លួនឲ្យ​បាន​កា​ន់​តែ​ច្រើន​​។ ថ្លែង​នៅ​ក្រៅ​ពិធី​ចុះ​ហត្ថ​​លេ​ខា​មួយ​ ដែល​មាន​ការ​ប្រកាស​ថា គ្រឹះស្ថាន​មី​ក្រូ​ហិរញ្ញវត្ថុ​នេះ​អាច​នឹង​ដាក់​ពង្រាយ​សេវា​កម្ម​ម៉ា​ស៊ីន​ អេ​ធីអឹម ចាប់​ពីខែ​ធ្នូ​នេះត​ទៅ​ លោក ហួត អៀង​ តុង ប្រធាន​នាយក​ប្រតិ​បត្តិ​​នៃគ្រឹះស្ថាន​មីក្រូ​ហិរញ្ញវត្ថុ​ ហត្ថាកសិ​ករ​ បាន​មាន​ប្រសាសន៍​ថា បច្ចុប្បន្ន​ ក្រុម​ប្រឹក្សា​ភិ​បាល​កំពុង​ពិភាក្សា​គ្នា​អំពី​ផែន​ការ​ប្រែ​ក្លាយ​ខ្លួន​ពីគ្រឹះ​ស្ថាន​មីក្រូ​ហិរញ្ញវត្ថុ​ទៅ​ជា​ធនាគារ​ពាណិជ្ជ​។ លោក​បាន​មាន​ប្រសាសន៍​ថា “ទាក់​ទង​នឹង​ចំណុច​នេះ​ យើង​កំពុង​ពិ​ភាក្សា​គ្នា អំពី​ជម្រើស​នានា ជាមួយ​ដៃ​គូ​ពាណិជ្ជ​កម្ម​របស់​យើង​ ដើម្បី​ប្តូរ​គ្រឹះស្ថាន​របស់​យើង​​ឲ្យ​ក្លាយ​ទៅ​ជា​ធនាគារ​​មួយ​។ យើង​មិន​ទាន់​ប្រាកដ​ទាំង​ស្រុង​នៅ​ឡើយ​ទេ​ អំពី​ពេល​វេលាដែល​​យើងគ្រោង​​នឹង​បើក​ធ​នា​គារ​ ប៉ុន្តែ​ ខ្ញុំ​គិត​ថា ប្រហែ​ល​ជា​ក្នុងឆ្នាំ​២០១៤​”។ ស្រប​ពេល​ដែល​មាន​ផែន​ការ​ក្លាយ​ជា​ធនាគារ​ពា​ណិជ្ជ​ គ្រឹះស្ថាន​មីក្រូ​ហិរញ្ញ​វត្ថុេនះ​ក៏​បាន​ប្រកាស​ផង​ដែរ​ថា ខ្លួន​នឹង​ចំណាយ​ប្រាក់​២​លាន​ដុល្លារ ​ដើម្បីដំឡើង​ម៉ាស៊ីុន​ អេធីអឹម សរុប​ចំនួន​៦៣​គ្រឿង​ យ៉ាង​យូរ​នៅ​ដំណាច់​ឆ្នាំ​២០១៣​ នៅ​ខេត្ត​សៀម​រាប ខេត្ត​ព្រះសី​ហនុ​ រាជធានីភ្នំ​ពេញ​ និង​ខេត្ត​កំពង់​ចាម​។ ម៉ា​ស៊ីន​អេធីអឹ​មទាំង​នេះ​នឹង​បំពេញ​មុខ​ងារ​ជា​អ្នក​ផ្តល់​ប្រតិបត្តិ​ការ​ដក​ប្រាក់​ និង​សង​ឥណទាន​ខ្នា​ត​តូច​ ដល់​ម្ចាស់​គណនី។ យោង​តាម​ប្រសាសន៍​លោក​ ហួត​ អៀង​ តុង បាន​ឲ្យ​ដឹងថា ហត្ថា​កសិករ​ លីមីត​ធីត គឺជា​គ្រឹះ​ស្ថាន​ មីក្រូ​ហិរញ្ញ​វត្ថុ​ធំ​ទី​៤ ក្នុង​ចំណោម​គ្រឹះ​ស្ថា​ន​មីក្រូ​ហិរញ្ញវត្ថុ​ទាំង​៣២​​នៅ​ក្នុង​សេដ្ឋ​កិច្ច​​កម្ពុជា​ ដោយ​គិត​អំពី​ទ្រព្យ​សកម្ម​ និង​មាន​ឥណ​ទាន​សរុប​ចំនួន​៨៧​លាន​ដុល្លារ​ និង​ប្រាក់​បញ្ញើ​ជាង​៣១​លាន​ដុល្លារ​។ មិន​មែន​មាន​តែ​គ្រឹះស្ថាន​មីក្រូ​ហិរញ្ញ​វត្ថុ​មួយ​ដែល​ចង់​អភិវឌ្ឍខ្លួន​ទៅ​ជា​ធនា​គារ​ពា​ណិជ្ជ​ គ្រឹះស្ថាន​មីក្រូ​ហិរញ្ញវត្ថុ​ ប្រា​សាក់បាន​ឲ្យ​ដឹង​ផង​ដែរ​ថា ខ្លួន​ក៏​មាន​ផែ​នការ​ប្រែ​ខ្លួន​ទៅ​ជា​ធនាគារ​ពាណិជ្ជ​យ៉ាង​យូរ ​ក្នុង​ឆ្នាំ២០១៤​ផង​ដែរ​។ ទោះ​បីជា​មាន​អនុ​សាសន៍​ពីអង្គការមូល​និធិ​រូបិយ​វត្ថុ​អន្ត​រជាតិ​ កាល​ពីដើម​ឆ្នាំ​េនះ​ថា ធនា​គារ​ជាតិ​នៃ​កម្ពុជា គួរ​តែផ្អាកការផ្តល់​អាជ្ញា​ប័ណ្ណ​​ប្រកប​អាជីវកម្ម​ធនាគារថ្មីៗ ​​ក៏​ដោយ មន្ត្រី​នៅ​ធនាគារ​កណ្តាល​នេះជំរុញ​ឲ្យ​គ្រឹះ​ស្ថាន​មីក្រូ​ហិរញ្ញ​វត្ថុ​​...

ក្រុមហ៊ុន​ ខេមបូឌា​ យេលឡូ ផេក លក់​ភាគ​ហ៊ុន​ទៅ​ឲ្យ​ក្រុម​ហ៊ុន​មក​ពី​ប្រទេស​ម៉ា​ឡេស៊ី

បុគ្គលិក​ក្រុ​មហ៊ុន​ម្នាក់​បាន​ឲ្យ​ដឹង​កាល​ពី​ថ្ងៃ​ច័ន្ទ​ថា​ ម្ចាស់​ក្រុម​ហ៊ុន​ខេមបូឌា​ យេលឡូ ផេក ​(Cambodia Yellow Pages)​ បាន​ចុះ​កិច្ច​ព្រម​ព្រៀង​ជា​ផ្លូវ​ការ​ ដើម្បី​លក់​ភាគ​ហ៊ុន​ចំនួន​៥១​ភាគ​រយ​ ទៅ​ឲ្យ​ក្រុម​ហ៊ុន​សាខា​របស់​ក្រុម​ហ៊ុន​សិក្សា​ស្រាវ​ជ្រាវ​ និង​បច្ចេក​វិទ្យា​ (CBSA Bhd)​ របស់​ប្រទេស​ម៉ា​ឡេស៊ី​ ​ក្នុង​កិច្ច​ព្រម​ព្រៀង​មួយ​ ដែល​មាន​ទឹក​ប្រាក់​ចំនួន​២,០៤​លាន​ដុល្លារ។ តាម​ការ​បង្ហាញ​កាល​ពី​សប្តាហ៍​មុន​ពី​សំណាក់​ក្រុម​ហ៊ុន​ CBSA ដែល​ត្រូវ​បានលាត​ត្រដាង​នៅ​លើ​ទី​ផ្សារ​មូលបត្រ​គូឡាឡាំពួ​(Kuala Lumpur Stock Exchange)​ បាន​ឲ្យ​ដឹង​ថា​ ​ផល​ប្រយោជន៍របស់​ក្រុម​ហ៊ុន ​ខេមបូឌា​ យេឡូ​ ផេក​ នឹង​ត្រូវ​បាន​ផ្ទេរ​ពី​ក្រុម​ហ៊ុន​ ខេម​ វ៉ាយ​ភី​ ខូអិលធីឌី​ (Cam YP Co....

ស្ត្រី​​​មក​​​ពី​​​សហគមន៍​​​បឹង​​​កក់​​​ជួប​​​ជាមួយ​​​ឯក​​​អគ្គ​​​រដ្ឋ​​​ទូ​​​ត​​​សហរដ្ឋ​​​អាមេរិក នៅ​​​ក្នុង​​​ក្រុង​​​សៀម​​​រាប

កាលព​​​ី​​​ថ្ងៃសៅរ៍ ស្ត្រី​​​ប្រាំ​​​នាក់​​​មក​​​ពី​​​សហ​គមន៍​​​បឹង​​​កក់ បាន​​​ជួប​​​ជាមួយ​​​ឯក​​​អគ្គ​​​រដ្ឋ​​​ទូ​​​ត​​​គោចរ​​​​​​សហរដ្ឋ​​​អាមេរិក​ទទួល​បន្ទុក​​​កិច្ច​​​ការ​​​នារី​កាល​ពី​ថ្ងៃ​សៅរ៍​នៅ​ក្នុង​​​ក្រុង​​​សៀម​​​រាប ​ដោ​​​យ​​​​​​ស្នើ​សុំ​​​ឲ្យ​​​​​​ស​​​ហ​​​រដ្ឋ​អា​​មេរិក​ជួយ​​​អន្តរា​​​គមន៍​ក្នុង​​​រឿ​​​ង​​​រ​​​បស់​​​ពួក​​​គេ​​​ និ​​​ង​​​​​​ដាក់​​​សម្ពាធលើ​​​រដ្ឋាភិ​​​​​​បា​​​ល​​​​​​កម្ពុជាឲ្យ​​​​​​បញ្ឈប់អ​​​ំ​​​ពើ​​​ហិង្សា​​​​​ប្រឆាំង​​​​​​នឹងស្ត្រី។ ពេល​​​ជួប​​​នៅ​​​ខាង​​​​​​ក្រៅ​​​​​​វេទិ​​​កាពាណិជ្ជ​​​កម្ម​​​អា​​​​​​ស៊ាន-សហ​​​រដ្ឋអា​​​មេរិក ស្ត្រី​​​ទាំ​​​ង​​​​​​នោះ​​​​​​បា​​​ន​​អង្វរលោកស្រី ម៉េលឡានី វឺវៀ ​(Melanne Verveer)​ឯកអគ្គ​​​រដ្ឋ​​​ទូតគោចរ​​​អា​​​មេរិក ឲ្យជួ​​​យ​​​ទាម​​​ទា​​​រ​​​ដី​​​​​​របស់ពួ​​​ក​​​គេ​​​​​​​​​ម​​​ក​​វិញ ព្រមទាំង​ជួយ​​ឲ្យ​ស្ត្រី​​​​១៣​​​នាក់ ដែល​​​ត្រូវ​​​បា​​​ន​​​​​​ផ្តន្ទា​​​ទោស​​​ពី​​​​​​បទ​​​ឧក្រិដ្ឋ​​​​​​ ក្រោ​​​យ​​​ពីមា​​​ន​​​កា​​​រ​​​​​​តវា​​​ប្រឆាំ​​​​​​ង​​​នឹង​​​​​​កា​​​រ​​​​​​បណ្តេញ​​​​​​ប្រជា​​​ពល​​​រដ្ឋ​​​​​​ចេញ​​​​​​ពី​​​ស​​​ហ​​​គមន៍​​​បឹង​​​កក់​​​កា​​​ល​​​ពី​​​ថ្ងៃ​​​ទី​​​​​​២៤​​​ខែ​​​ឧសភា​នោះបាន​រួ​ច​ផុត​ពី​ការ​ចោទ​ប្រកាន់​។ លោក​​​ស្រី មូរ សុខ​​​ហួរ ​​​តំ​​​ណា​​​ង​​​​​​រាស្ត្រ​​​គណ​​​​បក្ស​​​ សម ​​​រង្ស៊ី ដែ​​​ល​​​បា​​​ន​​​​​​រៀប​​​ចំ​​​​​​និង​​​​​​​​​បា​​​​​​ន​​​ចូល​​​រួ​​​ម​​​ក្នុ​​​ង​​​កិច្ច​​​ប្រជុំ​​​នោះ ​​​​​​​​​បា​​​ន​​​មា​​​ន​​​​​​ប្រ​​​សាសន៍​​​ថា​ “ ”។ លោកស្រី​​​​​​បន្ត​​​ថា “ មិន​​​មែន​​​ត្រឹម​​​តែ​​​​​​រឿ​​​ង​​​នោះ​​​ទេ លោក​​​ស្រី​​​ក៏​​​​​​បា​​​ន​​​ពិភាក្សាអំពី​វិធាន​ការ​​បន្ត​​​ទៀត និង​អំពី​​​របៀប​ដែល​ក្រសួ​​​ង​​​ការ​​​បរទេស​​​  នឹង​​​​ជំរុញ​ឲ្យ​ធ​​​នា​​​គា​​​រ​​​ពិ​​​ភព​​​លោក​​​ និង​​​រដ្ឋាភិ​​​បា​​​ល​​​​​​​នានា ​ដូច​ជា​រដ្ឋាភិបាល​ក្នុ​​​ង​​​​​​​​​សហគមន៍អឺរ៉ុប​​​​ចូល​រួម​ដោះ​ស្រាយ​​​បញ្ហា​​​សិទ្ធិ​​​កាន់កាប់​​​ដី​​​ធ្លី​​​​​​​ទាំងមូល”។ ​​​លោក​​​ស្រី​​​ មូរសុខហួរ ថ្លែង​ថា លោកស្រី​​​​បា​​​ន​​ទាក់​​​ទង​​​លោក​​​ស្រី គ្លីនតុ​​​ន ឲ្យជួ​​​​​​ប​​​ស្ត្រីទាំ​​​ង​​​នេះ​​​កា​​​លពី​​​ថ្ងៃ​​​សុក្រ ប៉ុន្តែ​​​​បរាជ័យ ​ដោ​​​យ​​​​​​សារ​​​​ពេល​​​វេលា​​​មា​​​​​​ន​​​កំ​​​ណត់ សូ​​​ម្បី​​​តែ​​រដ្ឋ​​​​​​មន្ត្រី​ការ​បរទេស​រូប​នេះ​​​​​​​ក៏មិន​​​អា​​​ច​​​ចូល​​​​​​រួម​​​​​​នៅ​​​ក្នុង​​​កិច្ច​​​​​​ពិភាក្សាតុមូ​​​ល​​​ជាម​​​ួ​​​យ​​​​​​នឹង​​​កម្មការិ​​​នី​​​កម្ពុជា​​ដែ​​រ​នៅ​​​​ថ្ងៃ​​​នោះ​​​។​​​អ្ន​​​ក​​​​​​ស្រី​​​ ទេព វន្នី​​​ អ្ន​​​ក​​​ភូមិ​​​​​​បឹង​​​កក់​​​ដែល​​​​​​បា​​​ន​​​ ចូ​​​ល​​​រួម​​​ក្នុ​​​ង​​​កិច្ច​​​​​​ប្រជុំ​​​នោះ​​​បា​​​ន​​​និ​​​យា​​​យ​​​ថា ស្ត្រី​​​ទាំង​​​នោះ​​​បា​​​ន​​​ប្រាប់​​ឯក​​​អគ្គ​​​រដ្ឋ​​​ទូតអំ​​​ពី​​​រឿ​​​ង​​​រ៉ាវ​​​​​​ ដែ​​​ល​​​នគរ​​​បា​​​ល​​​ជួ​​​ន​​​​​​កា​​​ល​​​​​​បា​​​ន​​​​​​ប្រើ​​​​​​អំ​​​ពើ​​​ហិង្សា​​​និង​​​ប្រើ​​​ដៃ​​​ធ្ងន់​​​ម​​​ក​​​លើ​​​ពួ​​​ក​​​គេ​​​ រួ​​​ម​​​ទាំ​​​ង​​​កា​​​រ​​​​​​ពិតដែ​​​ល​​​ថា ស្ត្រី​​​​​​ទាំង​​​នោះ​​​បា​​​ន​​​ស្ថិត​​​​​​នៅ​​​ក្រោមការ​​​​​​ឃ្លាំ​​​​​​មើល​​​រ​​​បស់នគរ​​​បា​​​ល ចា​​​ប​​​់​​​តាំ​​​​​​ង​​​ពី​​​មក​​​ដល់​​ក្រុង​​​សៀម​​​រាប​​​កា​​​ល​​​ពីថ្ងៃ​​​សុក្រ។ អ្ន​​​ក​​​ស្រី​​​បា​​​ន​​​មា​​​ន​​​ប្រ​​​សាសន៍​​​បន្ថែម​​​ថា​ “ រាល់​​​សកម្មភាព​​​របស់​​​ពួក​​​យើង ​​​ត្រូវ​​​បាន​​​​​​នគរបាល​​​​តាម​ឃ្លាំ​មើល​​​​ ហើយ​​​ខ្ញុំ​​​គិត​​​ថា ​​​វា​​​គឺ​​​ជាការ​​​គំរាម​​​កំហែង​​​ចំពោះ​​​សុវត្ថិ​​​ភាព​​​របស់​​​​​​យើង។​​​ យើង​​​សង្ឃឹម​​​ថា សារ​នេះ​​​នឹង​​​ត្រូវ​​​បាន​​​បញ្ជូន​​​ដល់​​​ដៃ​​​ថ្នាក់​​​ដឹកនាំ​​​​​​រដ្ឋា​​​ភិបាល​ ហើយ​​​ពួ​​​កគេនឹង​​​អន្ដរាគមន៍ ​​​ដើម្បី​​​ជួយ​​​ដោះ​​​ស្រាយ​​​បញ្ហានេះ”។ លោក​​​ស្រី​​​បាន​​​ឲ្យ​​​ដឹង​​​ថា ក្នុង​​​កិច្ច​​​ប្រជុំ​​​នេះស្ត្រី​​​ទាំង​​​នោះ បានប្រគល់​​​​ ជូនលោក​​​ស្រី​​​ វឺវៀ​​​​​​ នូវ​​​ក្រមា​​​ ដែល​​​ពួកគាត់​​​បាន​​​ត្បាញ​​​ដោយ​​​ដៃកាល​​​ពីនៅ​​​ក្នុង​ពន្ធនា​គារ ​​​​​​​ខែ​​​មុន។ លោក​​​ស្រី​​​ វឺវៀ ​​មាន​​​ប្រសាសន៍​​​ថា លោក​​​ស្រី​​​នឹង​​​យក​​​ក្រមានេះ ជូន​​​លោក​​​​ស្រី​​​ គ្លីនតុន ជាមួយនឹង​​​ញត្តិ។ លោក ដេវីដ  វែលស៍ (David Welsh) ​នាយក​​ ​​ប្រ​​​ចាំ​​​ប្រទេស​​​នៅ​​​មជ្ឈមណ្ឌលអាមេរិកកាំង​​​ដើម្បី​​​​សាមគ្គី​​ភាព​​អន្ដរជាតិ​​​ ដែល​​​​​​នៅ​​​ជា​​​មួយ​​​លោក​​​ស្រី​​​ គ្លីន​​​តុន​​​ អំឡុង​​​ពេល​​​​​​លោក​​​ស្រី​​​​ទៅ​ជួប​តំណាង​​​កម្មករ​​​កាល​​​ពី​​​ចុង​​​សប្ដាហ៍​​​នេះ​​​ បាន​​​ថ្លែង​ថាជំនួប​នេះ​​​អាច​​​​មាន​​​លទ្ធ​ផល​ ​​សម្រាប់​​​​​​​​​​អ្នក​​​បឹង​​​កក់​ដោយ​​​សារតែវា​​​ស្រប​​​គ្នា​​​ជាមួយនឹង​​​បេសកកម្ម​សម​ភាព​​​យែនឌ័ររបស់​​​រដ្ឋ​​​មន្ត្រីការ​បរទេស​រូប​នេះ។លោកថ្លែងថា “ គ្មាន​​​ហេតុ​​​​ផល​​​អ្វី​​​ដែល​​​លោក​​​ស្រី​​​ គ្លីន​​​តុន មិន​​​បាន​​​ដឹង​​​អំពី​​​បញ្ហា​​​នេះដោយ​សារ​​បញ្ហា​​​​យែនឌ័រ​របស់​​​​​​ប្រជាពល​​​រដ្ឋ​​​ពាក់​​​ព័ន្ធ​នោះ​ទេ។​​ វា​​​មាន​​​ការ​​​ពិបាក​​​ក្នុង​​​ការ​​​និយាយថាតើ​​​ នឹង​​​ត្រូវ​​​លើក​​​ឡើង​​​ដោយ​​​របៀប​​​ណា ប៉ុន្ដែ​ប្រសិន​ ​​​បើ​​​ការ​​​ធ្វើ​​​ទណ្ឌ​​​កម្ម​​​មិន​​​មែន​​​ជា​​​ជម្រើសនោះ គេ​​​ប្រាកដ​​​ជា​អាច​​​និយាយ​​​បា​​​នថា រដ្ឋា​ភិបាល ​​​កម្ពុជានឹង​​​ដឹង​​​ថា ខ្លួន​​​ស្ថិត​​​នៅ​​​ក្រោម​​​ការ​ឃ្លាំ​​​មើល​​​របស់​​​”៕ ប្រែ​​​សម្រួល​​​ដោយ ហម​​​ សុផាណ្ណា​​​​​​​​​​​​​​​​​​​​​​​​​​​​​​​​​​​​​​​​​​

របាយ​ការណ៍​របស់​អង្គការ​ពលកម្ម​អន្តរជាតិបង្ហាញថា ការ​តវ៉ា​​របស់​កម្មករ​កាត់​ដេរមាន​ការ​កើនឡើង

យោង​តាម​របាយការណ៍​សិក្សា​ស្រាវ​ជ្រាវ​មួយ​ ដែល​បាន​ផ្សព្វ​ផ្សាយ​​ កាល​ពី​ម្សិល​មិញ​ ដោយ​អង្គការ​ពលកម្ម​អន្តរ​ជាតិ (ILO) បាន​ឲ្យ​ដឹង​ថា ការ​កើន​ឡើង​នូវ​ការ​រើស​អើង​ពី​សំណាក់​រោង​ចក្រ​នានា ចំពោះ​សហ​ជីព​ទាំង​ឡាយ​ និង​ប្រាក់​ឈ្នួល​តិច​តួច​ នៅ​ក្នុង​វិស័យ​កាត់​ដេរ​របស់​ប្រទេស​កម្ពុជា​ បាន​ធ្វើ​ឲ្យ​មាន​ការ​កើន​ឡើង​នូវ​ចំនួន​តវ៉ា​ ពី​សំណាក់​ក្រុម​កម្មករ​រោង​ចក្រ​កាត់​ដេរ​។ យោង​តាម​របាយ​ការណ៍​សំយោគ​របស់​អង្គការ​ពលកម្ម​អន្តរ​ជាតិ​ ស្តីពី​ស្ថាន​ភាព​ការ​ងារ​នៅ​ក្នុង​វិស័យ​កាត់​ដេរ​របស់​ប្រទេស​កម្ពុជា​ បាន​ឲ្យ​ដឹង​ថា មាន​ក្រុម​កម្មករ​ចំនួន៣៦.០៥៣នាក់ បាន​ចូល​រួម​ធ្វើ​បាតុកម្ម​ចំនួន​២៧​លើក​ ក្នុង​ចន្លោះ​ពី​ខែ​វិច្ឆិកា​ ឆ្នាំ​២០១១ ដល់​ខែ​មេសា ឆ្នាំ​២០១២  ចំនួន​​ការ​ធ្វើ​បាតុកម្ម​នេះ បាន​កើន​ឡើង​ដល់​ទៅ​ពីរ​ដង​ បើ​ប្រៀប​ធៀប​នឹង​រយៈ​ពេល​ដូច​គ្នា​ កាល​ពី​ឆ្នាំ​មុន​។ របាយការណ៍​សិក្សា​ស្រាវ​ជ្រាវ​នេះបង្ហាញ​ឲ្យ​ដឹង​ថា “ហេតុផល​ជា​ទូទៅ​ចំពោះ​ការ​ធ្វើ​បាតុកម្ម​នានា គឺ​ការ​សំុ​ដំឡើង​ប្រាក់​ឈ្នួល​ និង​ផល​ប្រយោជន៍​នានា​ ព្រម​ទាំង​ការ​ចោទប្រកាន់ថា មាន​ការ​រើស​អើង​ចំពោះ​សហជីព​”។ របាយការណ៍​នេះ ឲ្យ​ដឹង​ថែម​ទៀត​ថា ការ​ចប់​អាណត្តិ​នៃ​អនុស្សរណៈ​យោគ​យល់​គ្នា​រវាង​សមាគមថៅកែ​រោង​ចក្រ​កាត់​ដេរ​កម្ពុជា​ (GMAC) និង​សហ​ជីព​រោង​ចក្រ​កាត់ដេរ​ទាំង​ឡាយ​ នៅ​ក្នុង​ខែ​កញ្ញា​ ដែលអនុស្សរណៈ​យោគ​យល់​គ្នា​នេះ បានកំណត់​នូវ​សកម្ម​ភាព​បាតុកម្ម​ បណ្តាល​ឲ្យ​មាន​ការ​កើន​ឡើង​នូវ​ការ​ធ្វើ​បាតុកម្ម​នានា។ “ដូច្នេះ​ វិស័យ​ឧស្សាហកម្ម​កាត់​ដេរ​ខ្វះ​ខាត​នូវ​ឥទ្ធិពល​សម្រប​សម្រួល​របស់​អនុស្សរណៈ​យោគ​យល់​គ្នា​ ក្នុង​ចំណោម​លក្ខខណ្ឌ​នានា ដែលបាន​អំពាវ​នាវ​ឲ្យ​មាន​​ការ​ដោះ​ស្រាយ​ពី​ក្រុម​ប្រឹក្សា​អាជ្ញា​កណ្តាល​ ដោយ​មិន​អាច​ខ្វះ​បាន​មុន​ពេល​ធ្វើ​បាតុកម្ម”។ របាយការណ៍​សិក្សា​ស្រាវ​ជ្រាវ​នេះ​ ដែល​ត្រូវ​បាន​ធ្វើ​ឡើង​ដោយកម្ម​វិធី​រោង​ចក្រ​កាត់​ដេរ​​នៅ​កម្ពុជា​កាន់​តែ​ប្រសើរ​​របស់​អង្គការ​ពលកម្ម​អន្តរ​ជាតិ​ បាន​ចេញ​ផ្សាយ​ឲ្យ​ដឹង​ បន្ទាប់​ពី​មាន​ការ​តវ៉ា​ជា​ច្រើន​ចំពោះ​រោង​ចក្រ​កាត់​ដេរ នាពេល​ថ្មីៗនេះ ដោយ​រួម​មាន​ការ​តវ៉ា​ កាល​ពី​ថ្ងៃ​អង្គារ​នៅ​ឯ​រោង​ចក្រ​កាត់​ដេរ​ អឹម អេន វី (M&V) នៅ​ក្នុង​ខេត្ត​កំពង់​ឆ្នាំង​ ដោយនៅ​ទីនោះ​​មាន​កម្មករ​ចំនួន​៤.០០០នាក់ បាន​បិទ​ភ្លើង​រោង​ចក្រ​ ហើយ​ធ្វើ​បាតុកម្ម​ទាមទារ​ដំឡើង​ប្រាក់​ឈ្នួល។​ ​កាល​ពី​ខែ​មុនកម្មករចំនួន​ជាង​៤.០០០​នាក់​ ​ដែល​ធ្វើការ​នៅ​រោង​ចក្រ​កាត់​ដេរ អេសអិល ​ហ្គាមិន ប្រូសេស​ស៊ីង ខេមបូឌា SL Garment Pressing (Cambodia) Co. Ltd នៅ​រាជ​ធានី​ភ្នំ​ពេញ​ បាន​ធ្វើ​បាតុកម្ម​ហិង្សា​មួយ​ ដោយ​គប់​ដំុថ្ម​លើ​បង្អួច​រោង​ចក្រ​ នៅ​មុន​ពេល​ក្រុម​ហ៊ុនសម្រេច​​ចិត្ត​យល់​ព្រម​តាម​ការ​ទាម​ទារ​របស់​ក្រុមកម្មករ​ ក្នុង​ការ​សំុ​ដំឡើង​ថ្លៃ​ឈ្នួល​។ លោក ឯក សុភក្តី អនុ​ប្រធាន​សហ​ភាព​ការ​ងារ​កម្ពុជា​ បាន​និយាយថា “នៅ​ក្នុង​រយៈ​ពេល​ប៉ុន្មាន​ខែកន្លង​ទៅ​នេះ មាន​បាតុកម្ម​ជា​ច្រើន​បាន​ផ្ទុះ​ឡើង​ នៅ​​រោង​ចក្រ​កាត់ដេរ​ ដោយ​សារ​តែ​ក្រុម​កម្មករ​ចង់​សំុ​ដំឡើង​ប្រាក់​ឈ្នួល​ ដើម្បី​បំពេញ​តម្រូវ​ការ​មូល​ដ្ឋាន​របស់​ពួក​គេ ដូចជា ថ្លៃ​ឈ្នួល​ផ្ទះ ការ​ធ្វើ​ដំណើរ ​ប្រាក់​បន្ថែម​ម៉ោង​ ព្រម​ទាំង​ប្រាក់​​ចំណាយ​លើ​អាហារ​ជា​ដើម​” ដោយ​លោក​បន្ថែម​ថា សហ​​ជីព​របស់​លោក​​កំពុង​​ធ្វើ​ការ​លើជម្លោះ​ការងារ​ នៅ​តាម​រោង​ចក្រ​កាត់​ដេរ​ជាង​៥០​កន្លែង​។ កាល​ពី​ឆ្នាំ​មុន​ ប្រាក់​ចំណូល​ពី​ការ​នាំ​ចេញ​របស់​វិស័យ​កាត់​ដេរបាន​កើន​ឡើង​ចំនួន​៣៣​ភាគ​រយ ពោល​គឺ​កើន​ឡើង​ជាង​៤.០០០​លាន​ដុល្លារ​។ ក៏ប៉ុន្តែ របាយការណ៍​របស់​អង្គការ​ពលកម្ម​អន្តរ​ជាតិ ដែល​បាន​ពិនិត្យ​លើ​រោង​ចក្រ​កាត់​ដេរ​ចំនួន​១៣៦​ ក្នុង​ចំណោម​រោង​ចក្រ​កាត់​ដេរ​ចំនួន​៣៣០​ នៅ​តែ​រក​ឃើញ​ថា ស្ថាន​ភាព​របស់​កម្ម​ករ​នៅ​តែ​មិន​មាន​ការផ្លាស់​ប្តូរ​ទេ។ ចំណែក​ឯ​ទិដ្ឋភាព​ផ្សេង​ៗ​ទៀត​វិញ​ដូច​ជា​ ការ​យក​កម្មករ​មិន​គ្រប់​​អាយុ​ឲ្យ​មក​ធ្វើការ​នៅ​ក្នុង​រោង​ចក្រ​កាត់​ដេរ​ ពិត​ជា​មាន​សភាព​កាន់​តែ​ធ្ងន់​ធ្ងរ​។ យោង​តាម​របាយការណ៍​សិក្សា​ស្រាវ​ជ្រាវ​នេះ បាន​ឲ្យ​ដឹង​ថា ការ​កំណត់​ដោយ​ច្បាប់​ចំពោះ​ចំនួន​ធ្វើ​ការ​លើស​ម៉ោង​ ដែល​កំណត់​ឲ្យ​កម្មករ​ធ្វើការថែម​ម៉ោង​បានតែ​ចំនួន​ពីរ​ម៉ោង​ ក្នុងមួយ​ថ្ងៃ​ ផ្ទុយ​ទៅ​វិញ​​រោង​ចក្រ​ចំនួន​៨៦​ភាគ​រយ​នៃ​ចំនួន​រោង​ចក្រ​ទាំង​អស់​ មិន​បាន​គោរព​តាម​ច្បាប់​នេះ​ទេ ដោយ​ចំនួន​នេះ​បាន​កើន​ឡើង​ពី​៧៥​ភាគ​រយ​ កាល​ពី​ឆ្នាំ​មុន។ របាយការណ៍​នេះ ក៏​រក​ឃើញ​ផង​ដែរ​ថា កម្មករ​ចំនួន​៣០​នាក់ មាន​អាយុ​ក្រោម​១៥​ឆ្នាំ​ ដែល​ជា​ចំនួន​ខ្ពស់​បំផុត​នៃ​កម្មករ​មិន​គ្រប់​អាយុ​​ធ្វើ​ការ​ ចាប់​តាំង​ពី​អង្គការ​ពលកម្ម​អន្តរ​ជាតិ​បាន​ធ្វើ​ការ​សិក្សា​ស្រាវ​ជ្រាវ​ នៅ​ឆ្នាំ​២០០៦​កន្លង​មក។​ ចំនួន​នេះ​បង្ហាញ​ឲ្យ​ឃើញ​នូវ​ការ​ធ្លាក់​ចុះ​ចំនួន​១១​ភាគ​រយ​ នៅ​តាមរោង​ចក្រ​នានា​ ដែល​ធ្វើ​តាម​​ ដោយ​ប្រើ​ប្រាស់​ឯក​សារ​ ដែល​គួរ​ឲ្យ​ទុក​ចិត្ត​ ដើម្បី​បញ្ជាក់​ពី​អាយុ​របស់​កម្មករ​រោង​ចក្រ​។ លោក វ៉ាន់ ស៊ូអៀង ប្រធាន​សមាគម​​ថៅកែរោង​ចក្រ​កាត់​ដេរ​កម្ពុជា ​មាន​ប្រសា​សន៍ថា ទោះ​បីជា​លោក​ទទួលស្គាល់​នូវការ​ព្រួយ​​បារម្ភ​របស់​ក្រុម​កម្មករ​ នៅ​ក្នុង​បាតុកម្ម​នាពេល​ថ្មីៗ​នេះ​ក៏​ដោយក៏​ការ​តវ៉ា​ភាគច្រើន​​​ត្រូវ​បាន​ធ្វើ​ឡើង​​ប្រឆាំងទៅ​នឹង​លក្ខខណ្ឌ​នានា ដែលបាន​ចែង​ដោយ​ច្បាប់​ការ​ងារដោយសារ​តែ​​ពួក​គេ​​បាន​ធ្វើ​បាតុកម្ម​ ដោយ​​មិនបាន​​អនុវត្តតាម​ច្បាប់។ លោក​បាន​បន្ថែម​ទៀត​ថា “ ការ​ពិត​គឺថា យើង​មាន​សហជីព​ការ​ងារ​ប្រហែល​២.៦០០​សហ​ជីព​ សម្រាប់​រោង​ចក្រ​ជាង​៥០០ ដូច្នេះ​រោង​ចក្រ​ខ្លះ​មាន​សហជីព​ បួន​​ឬ​ប្រាំ​ ហើយ​រោង​ចក្រ​ខ្លះ​ទៀត​ មាន​សហជីព​រហូត​ដល់​ទៅ​១៨​។ ដោយ​សហជីព​មាន​ចំនួន​ច្រើន ​ដូច្នេះ​វាងាយ​នឹង​មាន​បញ្ហា​ជាមួយ​គ្នា ឬ​ក៏​ជាមួយ​រោង​ចក្រ៕ ប្រែសម្រួល​ដោយ ហួង​ កុកទៀន

មន្ត្រី​​​បដិសេធ​​​ពាក្យ​​​ចចាម​​​អារ៉ាម​​​ថា ពហុកីឡាដ្ឋានជាតិអូឡាំ​​​ពិក​​​នឹង​​​ត្រូវ​​​គេ​​​វាយ​​​កម្ទេច​​​ចោលទាំង​​​ស្រុង

សាលារាជធានី​​​ភ្នំពេញ​​​កាល​​​ពី​​​ម្សិល​​​មិញ​​​បាន​​​បដិសេធ​​ ចំពោះការ​​​អះអាង​​​ដែល​​​បាន​​​ផ្សាយ​​​តាម​​​ប្រព័ន្ធ​​​អុីន​​​ធើណិត​​​ថាពហុ​​កីឡាដ្ឋានជាតិ​​​អូឡាំពិក​​​ក្នុង​​​រាជធានី​​​ភ្នំពេញ​​​ ដែល​​​មាន​​​ចំណាស់​​​៤៨​​​ឆ្នាំ​​​មកហើយនឹង​​​ត្រូវ​​​គេ​​​វាយ​​​​​​កម្ទេច​​​ចោល​​​​​​ទាំង​​​ស្រុង​​​។ លោក ប៉ា សុជាតិ​​​វង្ស អភិបាល​​​រង​​​សាលា​​​រាជធានី​​​បាន​​​មាន​​​ប្រសាសន៍​​​ថា“​​​នឹង​​​ពុំមាន​​​ការ​វាយកម្ទេច​​ពហុកីឡា​​​ដ្ឋាន​​​​​​ជាតិអូឡាំពិក​​​នេះចោលទេ”។ គេហទំព័រជាច្រើន ​បាន​​​ផ្សព្វ​​​ផ្សាយ​​​សេចក្តី​​​​​​រាយការណ៍ថាពហុកីឡាដ្ឋានជាតិ ​​​ដែល​​​គូរ​​​ប្លង់​​​​​​ដោយលោក​​​ វណ្ណ  ម៉ូលីវណ្ណ ​​​ស្ថាបត្យករ​​​កម្ពុជា​​​​​​ដ៏​​​ល្បី​​​ឈ្មោះ​​​នោះអាចនឹង​​​ត្រូវគេ​​​វាយ​​​ចោល ​សម្រាប់គម្រោង​​​អភិវឌ្ឍន៍​​​មួយ​​​របស់​​​សាជីវ​​​កម្ម​​​វិនិយោគទុនកម្ពុជា​​​ក្រៅប្រទេស(OCIC) ។ លោកសុជាតិ​​​វង្សបាន​​​មាន​​​ប្រសាសន៍​​​ថាប្រសិន​​​បើ​​​មាន​​​រឿងអ្វី​​​កើត​​​ឡើង​​​មែននោះ​​​សាលារាជធានី​​​នឹង​​​ធ្វើ​​​ការ​​​ ដើម្បី​​​អភិរក្ស​​​ពហុ​​​កីឡា​​​ដ្ឋាន​​​ដ៏​​​សំខាន់​​​នេះ​​​។ លោក​​​ថ្លែងថា“យើង​​​កំពុង​​​តែពិភាក្សា​​​អំពី​​​ផែនការកែ​​​លម្អប្រចាំ​​​ឆ្នាំនិង​​​ការជួស​​​ជុល​​​ពហុ​​​កីឡាដ្ឋាន​​​នេះដូចជា​​​​​​កន្លែង​​​អង្គុយ​​​ជាដើម​​​”។ លោក​​​ ទូច សំណាង អ្នក​​​គ្រប់​​​គ្រង​គម្រោង​​​របស់ក្រុមហ៊ុន ​OCIC បានមាន​​​ប្រសាសន៍​​​ថាក្រុមហ៊ុនដែល​​​បានចុះ​​​កិច្ច​​​សន្យាជួល​​​ដីទំហំ​​​៦,២​​​ហិកតា​​​ ក្នុង​​​ខណ្ឌ​​​ប្រាំពីរមករានៅ​​​ប៉ែក​​​ឦសាននៃ​​​ពហុកីឡាដ្ឋាន​​​រយៈ​​​ពេល​​​៩៩​​​ឆ្នាំ​​​នោះ​​​ គ្រោង​​​នឹង​​​ចំណាយ​​​ថវិកា​​​ចំនួន​​​២៥០​​​លាន​​​ដុល្លារ​​​ ដើម្បី​​​សាង​​​សង់​​​អគារ​​​មួយកម្ពស់​​​៥៥​​​ជាន់អគារ​​​ពីរ​​​ទៀតកម្ពស់៣៦​​​ជាន់​​​ និង​​​អគារ​​​មាន​​​កម្ពស់​​​ស្មើនឹងពាក់​​កណ្ដាល​​​អគារ​​​ខាង​​​លើចំនួនប្រាំមួយ​​​អគារ​​​ផ្សេង​​​ទៀត​​​ នៅ​​​ខាង​​​ជើង​​​ពហុកីឡា​​​ដ្ឋាននេះ។ លោកបានមាន​​​ប្រសាសន៍​​​បន្ដ​​​ទៀត​​​ថាគម្រោង​​​អភិវឌ្ឍន៍នេះ ​​​មាន​​​ទាំង​​​ផ្សារទំនើប​​​អគារ​​​ពាណិជ្ជកម្មហាងទំនិញមជ្ឈមណ្ឌល​​​ពាណិជ្ជកម្ម​​​ និង​​​សណ្ឋាគារ​​​ផងដែរ ​​ប៉ុន្ដែលោក​​​បានទទូចថាក្រុម​​​ហ៊ុន​​​មិនមានគម្រោង​​​វាយ​​​កម្ទេច​​​ពហុកីឡាដ្ឋាន​​​នេះទេ​​​។ លោកឆាលស៍វណ្ណ (Charles Vann)​​​ អនុប្រធាន​​​ប្រតិបត្តិនៃ​​​ធនាគារ​​​កាណា​​​ឌីយ៉ា ដែលជាកម្មសិទិ្ធរបស់​​​​​​ OCIC ដែរនោះបាន​​​មាន​​​ប្រសាសន៍​​​ថា “​​​នោះ​​​គឺ​​​មិន​​​មែន​​​ជារឿងពិត​​​នោះទេ។ទាំងនោះគ្រាន់​​​តែ​​​ជា​​​ពាក្យ​​​ចចាមអារ៉ាម​​​ប៉ុណ្ណោះ”។លោក​​​បាន​​​បន្ថែម​​​ទៀតថា ​​​OCIC នឹង​​​ចេញ​​​ព័ត៌មាន​​​ថ្មីៗ​​​ពាក់​​​ព័ន្ធ​​​នឹង​​​គម្រោង​​​នេះ​​​នៅ​​​សប្ដាហ៍​​​ក្រោយ​​​។សាជីវកម្ម...