លោក សម រង្ស៊ី៖ តុលាការបារាំងនឹងកោះហៅលោក ហ៊ុន សែន នៅពេលអស់តំណែងជានាយករដ្ឋមន្ត្រី
អតីតមេដឹកនាំបក្សប្រឆាំងលោក សម រង្ស៊ី ព្រមានថា ថ្ងៃណាមេដឹកនាំបក្សកាន់អំណាចលោក ហ៊ុន សែន អស់តំណែងជានាយករដ្ឋមន្ត្រី គាត់នឹងត្រូវតុលាការបារាំងកោះហៅទៅសួរចម្លើយជុំវិញអំពើភេរវកម្មគប់គ្រាប់បែកសម្លាប់មនុស្សនៅទីក្រុងភ្នំពេញកាលពី ២៦ឆ្នាំមុនជាមិនខាន។
អតីតមេដឹកនាំបក្សប្រឆាំងលោក សម រង្ស៊ី បានសរសេរលើទំព័រហ្វេសប៊ុករបស់លោកកាលពីថ្ងៃទី១ ខែមិថុនា ឆ្នាំ២០២៣ នេះថា លោក ហ៊ុន សែន គឺជាមនុស្សតែម្នាក់គត់ដែលត្រូវទទួលខុសត្រូវធំបំផុតក្នុងអំពើភេរវកម្មគប់គ្រាប់បែកសម្លាប់មនុស្សកាលពីថ្ងៃទី៣០ ខែមីនា ឆ្នាំ១៩៩៧ ខណៈសាច់ញាតិជនរងគ្រោះដែលបានស្លាប់ក្នុងព្រឹត្តិការណ៍នោះ នៅតែបន្តស្រែកទាមទាររកយុត្តិធម៌ពីលោក...
ហេតុអ្វីលោក ហ៊ុន សែន គំរាមសម្លាប់លោក សម រង្ស៊ី នៅពេលចង់ចូលកម្ពុជាឱ្យសមត្ថកិច្ចចាប់ខ្លួន?
អតីតមេដឹកនាំបក្សប្រឆាំងលោក សម រង្ស៊ី អះអាងថា លោក ហ៊ុន សែន បានចោទរូបលោកថាមានទោស ប៉ុន្តែនៅពេលដែលលោកប្រកាសអំពីការធ្វើដំណើរវិលត្រឡប់ទៅកម្ពុជាវិញ ដើម្បីឱ្យលោក ហ៊ុន សែន ចាប់ខ្លួន បែរជាមេដឹកនាំបក្សកាន់អំណាចរូបនេះគំរាមសម្លាប់រូបលោកដោយប្រើគ្រាប់ BM-21 តទល់ជាមួយលោកដែលមានតែបាតដៃទទេទៅវិញ។
លោក សម រង្ស៊ី បានសរសេរលើទំព័រហ្វេសប៊ុករបស់លោកកាលពីថ្ងៃទី១ មិថុនា ដោយរំលឹកឡើងវិញថា លោក ហ៊ុន សែន...
លោក អ៊ូ ច័ន្ទឫទ្ធិ ត្រូវបានព្រះមហាក្សត្រលើកលែងទោសបន្ទាប់ពីដកខ្លួនចេញពីលោក សម រង្ស៊ី
បុរសខ្លាំងកាន់អំណាចជិត ៤០ឆ្នាំនៅកម្ពុជា បានទូលថ្វាយព្រះមហាក្សត្រឲ្យលើកលែងទោសដល់អតីតតំណាងរាស្ត្រលោក អ៊ូ ច័ន្ទឫទ្ធិ និងសកម្មជនម្នាក់ទៀត បន្ទាប់ពីផ្ដាច់ខ្លួនចេញពីលោក សមរង្ស៊ី និងបានសុំទោសលោក ហ៊ុន សែន។
យោងតាមព្រះរាជក្រឹត្យព្រះករុណាព្រះបាទសម្ដេចព្រះ បរមនាថ នរោត្តម សីហមុនី នៅថ្ងៃទី០១ ខែមិថុនា ឆ្នាំ២០២៣ នេះ បានត្រាស់បង្គាប់លើកលែងទោសលោក អ៊ូ ច័ន្ទឫទ្ធិ ដែលត្រូវបានតុលាការផ្ដន្ទាទោសដាក់ពន្ធនាគារ ២០ឆ្នាំកាលពីថ្ងៃទី១ ខែមីនា...
IDEA TALK៖ តើលម្ហសមុទ្រខ្មែរកំពុងរងនូវការបំពាន និងការប្រព្រឹត្តបទឧក្រិដ្ឋអ្វីខ្លះ?
កម្មវិធី Idea Talk សម្រាប់រាត្រីថ្ងៃទី០២ ខែមិថុនា ឆ្នាំ២០២៣ ស្តីអំពី៖ «តើលម្ហសមុទ្រខ្មែរកំពុងរងនូវការបំពាន និងការប្រព្រឹត្តបទឧក្រិដ្ឋអ្វីខ្លះ?»។
IDEA TALK៖ តើអ្វីទៅជាទំនុកចិត្តលើប្រព័ន្ធគ្រប់គ្រងរដ្ឋ?
កម្មវិធី Idea Talk សម្រាប់រាត្រីថ្ងៃទី០១ ខែមិថុនា ឆ្នាំ២០២៣ ស្តីអំពី៖ «តើអ្វីទៅជាទំនុកចិត្តលើប្រព័ន្ធគ្រប់គ្រងរដ្ឋ?»។
អាហ្វ្រិកខាងត្បូងកំពុងតែដើរលើផ្លូវទាល់ចង់ផ្ទេរកិច្ចប្រជុំកំពូល BRICS ទៅឱ្យចិនជាអ្នករៀបចំ
ជាមួយនឹងដីកាចាប់ខ្លួនលោក វ៉្លាឌីមៀរ ពូទីន ប្រធានាធិបតីរុស្ស៊ី ដែលចេញដោយតុលាការឧក្រិដ្ឋកម្មអន្តរជាតិ (ICC) ខណៈនេះរដ្ឋាភិបាលអាហ្វ្រិកខាងត្បូង កំពុងដើរលើផ្លូវទាល់ ថាតើត្រូវធ្វើសេចក្ដីសម្រេចដោយរបៀបណា ព្រោះត្រូវបំពេញកាតព្វកិច្ចរបស់ខ្លួនជាសមាជិករបស់តុលាការអន្តរជាតិមួយនេះ។
កាលពីថ្ងៃទី២៥ ខែមករា ឆ្នាំ២០២៣ ប្រទេសអាហ្វ្រិកខាងត្បូងបានបញ្ជូនលិខិតរួចទៅហើយដើម្បីស្នើលោក ពូទីន មកចូលរួមកិច្ចប្រជុំនៃក្រុមប្រទេសសហប្រតិបត្តិការសេដ្ឋកិច្ច ៥ប្រទេស ដែលហៅកាត់ថា BRICS។ ប្រទេសទាំង ៥ នេះមាន ប្រេស៊ីល រុស្ស៊ី ឥណ្ឌា...
ក្រសួងពាណិជ្ជកម្មផ្ទុះរឿងអំពើពុករលួយជុំវិញការជ្រើសរើសមន្ត្រីក្របខ័ណ្ឌចំនួន៦៦នាក់
ក្រសួងពាណិជ្ជកម្ម កំពុងផ្ទុះរឿងអំពើពុករលួយពេញស្ថាប័នជុំវិញការជ្រើសរើសមន្ត្រីក្របខ័ណ្ឌចំនួន ៦៦នាក់ជាសម្ងាត់ ដោយការសូកលុយក្នុងម្នាក់ៗចន្លោះពី ៣ម៉ឺន ៥ពាន់ដុល្លារទៅ ៤ម៉ឺនដុល្លារអាមេរិក ក្រោមរូបភាពកម្មសិក្សា។
ប្រភពច្បាស់ការណ៍ពីមន្ត្រីក្រសួងពាណិជ្ជកម្មជាច្រើននាក់ បានទម្លាយប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី១ មិថុនា នេះថា ការប្រកាសជ្រើសមន្ត្រីចូលក្របខ័ណ្ឌដើម្បីបម្រើការនៅក្រសួងពាណិជ្ជកម្មចំនួន ៦៦នាក់នាពេលកន្លងមក គ្រាន់តែជាការប្រកាសឱ្យល្អមើលតែប៉ុណ្ណោះ ប៉ុន្តែធាតុពិត ក្រសួងពាណិជ្ជកម្មបានកំណត់អ្នកជាប់ចូលបម្រើការនៅក្នុងក្រសួងចំនួន ៦៦នាក់រួចជាស្រេចហើយ ដែលក្រសួងតម្រូវឱ្យអ្នកទាំងនោះសូកលុយក្នុងម្នាក់ចាប់ពី ៣ម៉ឺន ៥ពាន់ដុល្លារទៅ...
លីកាដូអំពាវនាវទៅរដ្ឋាភិបាលបញ្ឈប់ការឃុំខ្លួនដែលមិនចាំបាច់លើកុមារនៅក្នុងពន្ធនាគារដ៏ចង្អៀតណែន
អង្គការសិទ្ធិមនុស្សលីកាដូ ទាមទារឲ្យរដ្ឋាភិបាលកម្ពុជាបញ្ឈប់ការឃុំខ្លួនមិនចាំបាច់លើកុមារនៅក្នុងពន្ធនាគារ ដោយចាត់ទុកការឃុំខ្លួននេះថាជារំលោភសិទ្ធិអនីតិជន និងអត្ថប្រយោជន៍របស់កុមារយ៉ាងខ្លាំង ទាំងការដាក់នៅក្នុងពន្ធនាគារដែលមានស្រាប់ ឬពន្ធនាគារថ្មី។
ក្នុងសេចក្តីថ្លែងការណ៍ចេញផ្សាយនៅថ្ងៃទី០១ ខែមិថុនា នេះ អង្គការសិទ្ធិមនុស្សលីកាដូ លើកឡើងថា យ៉ាងតិចណាស់មានកុមារ ៨២នាក់កំពុងរស់នៅក្នុងពន្ធនាគារជាមួយម្តាយដែលជាប់ទោស ហើយមានស្ត្រី និងក្មេងស្រី ៣០នាក់ផ្សេងទៀតកំពុងតែមានផ្ទៃពោះនៅក្នុងពន្ធនាគារ គិតត្រឹមខែមេសា ឆ្នាំ២០២៣ នេះ។
ករណីនេះ លីកាដូស្នើឲ្យដាក់ពួកគេនៅក្រៅឃុំបណ្ដោះអាសន្ន ដើម្បីឲ្យម្តាយរបស់ក្មេងៗ និងស្ត្រី ឬក្មេងស្រីដែលកំពុងមានផ្ទៃពោះទាំងនោះអាចថែរក្សាទំនាក់ទំនងរវាងម្តាយ និងកូននៅឯផ្ទះ។
ចំពោះចំនួនអនីតិជនដែលកំពុងជាប់ឃុំនៅក្នុងពន្ធនាគារទាំង ១៩កន្លែងវិញ...
លោក ហ៊ុន សែន ព្រមានទូទាត់បញ្ជីជាមួយលោក សម រង្ស៊ី ទាក់ទិនផែនការធ្វើឃាតរូបលោក
មេដឹកនាំខ្មែរក្តាប់អំណាចតាមរបបកុម្មុយនីស្តផ្ដាច់ការលោក ហ៊ុន សែន ព្រមានទូទាត់បញ្ជីជាមួយលោក សម រង្ស៊ី នៅពេលក្រោយ បន្ទាប់ពីអតីតមេដឹកនាំបក្សប្រឆាំងរូបនេះបានសន្យាសហការគ្នាជាមួយចារកម្មដែលតែងផ្តល់ព័ត៌មានពីមេដឹកនាំបក្សកាន់អំណាចឱ្យទៅពួកគេ ថានឹងធ្វើឃាតលោក ហ៊ុន សែន នាពេលកន្លងមក។
អតីតមេកម្មាភិបាលខ្មែរក្រហមរូបនេះបានសរសេរលើបណ្ដាញទំនាក់ទំនងតេឡេក្រាមរបស់ខ្លួន ដោយភ្ជាប់សារសំឡេងសកម្មជនបក្សប្រឆាំងដែលស្និទ្ធនឹងលោក សម រង្ស៊ី នៅថ្ងៃទី១ មិថុនា នេះដោយលើកជាសំណួរទៅកាន់មន្ត្រីបក្សប្រឆាំងថា តើមនុស្សដែលតែងផ្តល់ព័ត៌មានឲ្យពួកគេតែងប្រើឈ្មោះ កុសល មែនឬទេ?
លោក ហ៊ុន សែន បន្ថែមថា...
លោក អ៊ូ ច័ន្ទឫទ្ធិ ប្រកាសផ្តាច់ខ្លួនពីលោក សម រង្ស៊ី មកចុះចូលជាមួយលោក ហ៊ុន សែន ដើម្បីរួចផុតពីការចោទប្រកាន់
មន្ត្រីជាន់ខ្ពស់អតីតគណបក្សសង្គ្រោះជាតិដែលស្និទ្ធនឹងអតីតមេដឹកនាំប្រឆាំងលោក សម រង្ស៊ី គឺលោក អ៊ូ ច័ន្ទឫទ្ធិ ប្រកាសផ្តាច់ខ្លួនពីមេបក្សរបស់ខ្លួន គឺលោក សម រង្ស៊ី ដោយងាកទៅចុះចូលជាមួយមេដឹកនាំបក្សកាន់អំណាចលោក ហ៊ុន សែន ដើម្បីរួចផុតពីការចោទប្រកាន់កន្លងមកក្នុងបំណងវិលត្រឡប់ទៅរស់នៅប្រទេសកម្ពុជាវិញ។
អតីតសមាជិកគណៈកម្មាធិការអចិន្ត្រៃយ៍ និងជាអតីតតំណាងរាស្ត្រអតីតគណបក្សសង្គ្រោះជាតិលោក អ៊ូ ច័ន្ទឫទ្ធិ កាលពីថ្ងៃទី៣១ ខែឧសភា ឆ្នាំ២០២៣ បានចេញលិខិតស្នើសុំឱ្យលោក ហ៊ុន សែន ជួយអន្តរាគមន៍លើកលែងទោស...