ប្រធានាធិបតីរុស្ស៊ីចង់បន្តធ្វើសង្គ្រាមផង ចង់ចរចាផង ខណៈអ៊ុយក្រែនវាយបកទ្រង់ទ្រាយធំ
លោក វ៉្លាឌីមៀរ ពូទីន ប្រធានាធិបតីរុស្ស៊ី បានចេញមុខតាមកញ្ចក់ទូរទស្សន៍កាលថ្ងៃទី១៣ មិថុនា នៅក្នុងកម្មវិធីជួបសំណេះសំណាលជាមួយអ្នកកាសែត ដើម្បីនិយាយអំពីដំណើរការនៅសមរភូមិក្នុងទឹកដីអ៊ុយក្រែន។
នៅក្នុងជំនួបនេះ មេដឹកនាំវិមានក្រឹមឡាំងរូបនេះមើលទៅដូចជាមានភាពជឿជាក់អំពីយុទ្ធសាស្ត្ររបស់ខ្លួនដែលលើកទ័ពទៅធ្វើសង្គ្រាមឈ្លានពានប្រទេសអ៊ុយក្រែន ថានឹងឈ្នះសង្គ្រាម តែជាមួយគ្នានេះ លោកពោលពាក្យថា លោកក៏ចង់ឱ្យមានការចរចាទៅរកសន្តិភាពរវាងប្រទេសទាំងពីរឡើងវិញផងដែរ។
ថ្លែងទៅកាន់អ្នកសារព័ត៌មាន លោក ពូទីន បានអះអាងថា កងទ័ពអ៊ុយក្រែនកំពុងតែចាញ់ខ្លាំងសម្បើមនៅក្នុងប្រតិបត្តិការវាយបក ដែលកងទ័ពអ៊ុយក្រែនព្យាយាមទម្លុះចូលមកខាងទឹកដីដែលរុស្ស៊ី កាន់កាប់ តែជួបរឿងបរាជ័យធ្ងន់ធ្ងរ ព្រោះតែកងទ័ពរុស្ស៊ីបានចាប់ជាប់ចំណុចខ្សោយទ័ពអ៊ុយក្រែន ហើយវាយរុញច្រានត្រឡប់ទៅវិញ។ លោក ពូទីន...
កម្មកររោងចក្រស្តារឡៃថ៍រាប់រយនាក់ដង្ហែក្បួនដាក់ញត្តិនៅក្រសួងការងារដើម្បីស្នើជួយដោះស្រាយវិវាទ
កម្មករក្រុមហ៊ុន ស្តារឡៃថ៍ (Star Light) រាប់រយនាក់នាំគ្នាចេញដង្ហែក្បួនតាមដងផ្លូវទៅកាន់ទីក្រុងភ្នំពេញ ដាក់ញត្តិនៅក្រសួងការងារ និងបណ្តុះបណ្តាលវិជ្ជាជីវៈ ដើម្បីស្នើឲ្យក្រសួងកោះហៅថៅកែក្រុមហ៊ុនរបស់ពួកគេចេញមកដោះស្រាយវិវាទជាមួយកម្មករ និងស្នើសុំកុំឲ្យក្រុមហ៊ុនព្យួរការងាររបស់កម្មករបន្តទៀត។
កម្មករក្រុមហ៊ុន ស្តារឡៃថ៍ (Star Light) ប្រមាណជាង ២០០នាក់កាលពីថ្ងៃទី១៥ ខែមិថុនា ឆ្នាំ២០២៣ បានដង្ហែក្បួនតាមដងផ្លូវទៅកាន់ទីក្រុងភ្នំពេញដើម្បីដាក់ញត្តិនៅក្រសួងការងារ និងបណ្តុះបណ្តាលវិជ្ជាជីវៈ ប៉ុន្តែនៅពេលដែលកម្មករទាំងនោះធ្វើដំណើរដល់ផ្លូវជាតិលេខ៦A ស្ថិតនៅភូមិលើ ឃុំព្រែកអញ្ចាញ ស្រុកមុខកំពូល ក៏ត្រូវបានអាជ្ញាធរប្រមាណជា ៥០នាក់ឃាត់មិនឲ្យបន្តដំណើរទៅមុខទៀត...
ក្រសួងមហាផ្ទៃបិទសមាគមសម្ព័ន្ធសហគមន៍កសិករ ទោះបីប្រធានសមាគមនេះត្រូវដោះលែងក្ដី
ក្រសួងមហាផ្ទៃ បិទសមាគមសម្ព័ន្ធសហគមន៍កសិករកម្ពុជា (CCFC) ដោយផ្អាកមិនឲ្យធ្វើសកម្មភាពជាបណ្ដោះអាសន្នរហូតដល់តុលាការបញ្ចប់នីតិវិធីជាស្ថាពរ ទោះបីប្រធានសមាគមលោក ថេង សាវឿន និងសហការី ២រូបទៀតត្រូវតុលាការដោះលែងឲ្យនៅក្រៅឃុំ បន្ទាប់ពីសុំទោសលោក ហ៊ុន សែន ដោយទម្លាក់កំហុសលើខ្លួនឯងក៏ដោយ។
សេចក្ដីសម្រេចរបស់ក្រសួងមហាផ្ទៃ នាខែមិថុនា ឆ្នាំ២០២៣ ឲ្យដឹងថា ការផ្អាកសមាគមសម្ព័ន្ធសហគមន៍កសិករកម្ពុជាដែលមានទីស្នាក់ការកណ្ដាលនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ជាបណ្ដោះអាសន្ន រហូតដល់តុលាការបញ្ចប់នីតិវិធីជាស្ថាពរក្នុងសំណុំរឿងព្រហ្មទណ្ឌចុះថ្ងៃទី២០ ខែឧសភា ឆ្នាំ២០២៣ របស់អយ្យការអមសាលាដំបូងខេត្តរតនគិរី។...
ក្រុមតស៊ូមតិ៖ ការកែច្បាប់បោះឆ្នោតតាមបញ្ជាលោក ហ៊ុន សែន ជាឧក្រិដ្ឋកម្មលើរដ្ឋធម្មនុញ្ញកម្ពុជា
ក្រុមអ្នកតស៊ូមតិ ចោទថា ការកែច្បាប់បោះឆ្នោតដែលកំពុងព្រាងតាមបញ្ជារបស់មេដឹកនាំបក្សកាន់អំណាចលោក ហ៊ុន សែន ដើម្បីគាបសង្កត់មន្ត្រីបក្សក្រៅរដ្ឋាភិបាលឱ្យទៅបោះឆ្នោតទាំងដែលមិនឱ្យគណបក្សរបស់ពួកគេឈរឈ្មោះបោះឆ្នោតនោះ គឺជាអំពើឧក្រិដ្ឋកម្មលើរដ្ឋធម្មនុញ្ញរបស់កម្ពុជាយ៉ាងធ្ងន់ធ្ងរ។
អ្នកវិភាគឯករាជ្យ និងជាប្រធានវេទិកាពលរដ្ឋ លោក គឹម សុខ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី១៤ មិថុនា ថា របបប្រជាធិបតេយ្យសេរីពហុបក្សដែលបានចែងក្នុងមាត្រា១ នៃរដ្ឋធម្មនុញ្ញ គឺដើម្បីពលរដ្ឋខ្មែរគ្រប់រូប...
លោក សម រង្ស៊ី ថាការរារាំងបក្សភ្លើងទៀនជាការរំលោភកិច្ចព្រមព្រៀងសន្តិភាពទីក្រុងប៉ារីស
អតីតមេដឹកនាំបក្សប្រឆាំងលោក សម រង្ស៊ី លើកឡើងថា ការរារាំងគណបក្សភ្លើងទៀន មិនឲ្យចូលរួមក្នុងការបោះឆ្នោតជាតិឆ្នាំ២០២៣ ពីសំណាក់មេដឹកនាំបក្សកាន់អំណាចលោក ហ៊ុន សែន គឺជាការរំលោភយ៉ាងងងើលលើកិច្ចព្រមព្រៀងសន្តិភាពទីក្រុងប៉ារីស ដែលមានរដ្ឋាភិបាលកុម្មុយនីស្តចិន ជាអ្នកបញ្ជាពីក្រោយខ្នង។
អតីតមេដឹកនាំបក្សប្រឆាំងលោក សម រង្ស៊ី បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី១៤ មិថុនា ថា កិច្ចព្រមព្រៀងសន្តិភាពទីក្រុងប៉ារីស បានចែងយ៉ាងច្បាស់ដែលតម្រូវឱ្យប្រទេសកម្ពុជារៀបចំឲ្យមានប្រព័ន្ធនយោបាយប្រជាធិបតេយ្យ សេរីពហុបក្ស តាមរយៈនៃការបោះឆ្នោតដោយសេរី និងយុត្តិធម៌ ដោយឈរលើឯករាជភាព និងអព្យាក្រឹតភាព។
លោកបន្ថែមថា...
លោក ហ៊ុន ម៉ាណែត ថាបក្សប្រជាជនគឺជាបក្សដែលស្លាប់មិនដូរឈ្មោះ រស់មិនដូរត្រកូល
កូនប្រុសច្បងរបស់បុរសខ្លាំងដែលកំពុងត្រៀមស្នងមរតកអំណាចពីលោក ហ៊ុន សែន គឺលោក ហ៊ុន ម៉ាណែត លើកឡើងថា គណបក្សប្រជាជនកម្ពុជាគឺជាគណបក្សដែលស្លាប់មិនដូរឈ្មោះ រស់មិនដូរត្រកូល ទោះកាលៈទេសៈណាក៏ដោយ។
បេក្ខជនអនាគតនាយករដ្ឋមន្ត្រីបក្សកាន់អំណាចដ៏ចម្រូងចម្រាស លោក ហ៊ុន ម៉ាណែត បង្ហោះវីដេអូលើគណនីហ្វេសប៊ុករបស់ខ្លួននៅថ្ងៃទី១៥ មិថុនា នេះថា គណបក្សប្រជាជនកម្ពុជាឈ្មោះដដែល បុព្វហេតុដដែល តែលទ្ធផលមិនដដែលទេ គឺធ្វើការកែទម្រង់វិធីសាស្ត្រដើម្បីបម្រើប្រជាជន និងប្រទេសជាតិឲ្យកាន់តែប្រសើរជានិច្ច។
កូនប្រុសរបស់លោក ហ៊ុន សែន ដែលកំពុងរៀបផែនការប្លន់តំណែងនាយករដ្ឋមន្ត្រី...
របរកាប់ឈើ និងពលកម្មទណ្ឌិតក្នុងខេត្តកោះកុង
នៅក្នុងប្រទេសគ្រប់គ្រងដោយមេដឹកនាំផ្ដាច់ការផ្ដាច់មុខ តើមានអ្វីអាចលាក់បាំងរំលងភ្នែករដ្ឋអំណាចភ្នែកម្នាស់? រឿងរ៉ាវកើតមានក្នុងខេត្តកោះកុង អាចមានមនុស្សដឹងច្រើន ប៉ុន្តែជួយគ្នាបិទបាំង។
លោក ហាស់ សាន មានសេចក្តីរាយការណ៍មួយស្រង់ពីអង្គការស្រាវជ្រាវលើឧក្រិដ្ឋកម្មព្រៃឈើ ទាក់ទងនឹងមន្ត្រីក្របខ័ណ្ឌរកស៊ីឈើប្រើកម្លាំងពលកម្មអ្នកទោសក្នុងខេត្តកោះកុង។
ប្រមុខរាជរដ្ឋាភិបាលប្រទេសកម្ពុជាតែងតែអួតអាងថា លោកមានភ្នាក់ងារចារកម្មរបស់លោកនៅគ្រប់ទិសទី ដើម្បីយកការណ៍ ផ្តល់ព័ត៌មានឲ្យលោក។ អ្នកផងទាំងឡាយជាខ្មែរមិនបានដឹងថា តើលោកជួលមនុស្ស ឬទិញដាច់ថ្លៃ ឬប្រើមនុស្សស្ម័គ្រចិត្តបម្រើលោកដោយស្មោះ ឬយ៉ាងណានោះទេ។
អ្នកផងទាំងឡាយជាខ្មែរក៏មិនបានដឹងដែរថា តើលោកនាយករដ្ឋមន្ត្រី ហ៊ុន សែន ប្រើមនុស្សរបស់លោកនោះឲ្យយកការណ៍តែពីក្រុមជំទាស់ មិនមែនបក្សពួករបស់លោក ប៉ុន្តែបណ្តោយឲ្យបក្សពួកដែលរកប្រយោជន៍ឲ្យក្រុមលោក ធ្វើអ្វីស្រេចតែចិត្ត...
លោក មុំ អស្សនី ថាវីដេអូបង្ហាញពីការចាប់ខ្លួនលោកគឺជាការរៀបចំតាមបញ្ជាលោក ហ៊ុន ម៉ាណែត
អតីតមន្ត្រីជាន់ខ្ពស់ផ្នែកសន្តិសុខលំហសមុទ្រកម្ពុជា លោក មុំ អស្សនី ទម្លាយថា ការបញ្ចេញវីដេអូពាក់ព័ន្ធនឹងសកម្មភាពសមត្ថកិច្ចចាប់ខ្លួនលោក ដែលត្រូវបានផ្សព្វផ្សាយដោយសារព័ត៌មានដែលមាននិន្នាការបម្រើនយោបាយឲ្យបក្សកាន់អំណាច Fresh News កាលពីពេលថ្មីៗនេះ គឺជាការធ្វើឡើងតាមបញ្ជារបស់លោក ហ៊ុន ម៉ាណែត ដើម្បីបង្ខូចកិត្តិយសរបស់លោកប៉ុណ្ណោះ។
អតីតគណៈកម្មាធិការជាតិសន្តិសុខលំហសមុទ្រប្រចាំខេត្តកោះកុង លោក អ៊ឹម សុផល ហៅ មុំ អស្សនី បានលើកឡើងក្នុងកម្មវិធី Idea Talk នៃសារព័ត៌មាន...
លោក សម រង្ស៊ី អំពាវនាវឱ្យពលរដ្ឋដែលទៅបោះឆ្នោតធ្វើយុទ្ធនាការគូសខ្វែងសន្លឹកឆ្នោតចោល
អតីតមេដឹកនាំបក្សប្រឆាំងលោក សម រង្ស៊ី អំពាវនាវឱ្យពលរដ្ឋខ្មែរទាំងអស់ដែលមានឈ្មោះទៅបោះឆ្នោតចូលរួមធ្វើយុទ្ធនាការ «គូសខ្វែងសន្លឹកឆ្នោតឱ្យបានគ្រប់ៗគ្នា» មុននឹងយកទៅដាក់ក្នុងហិបឆ្នោត ដើម្បីឆ្លើយតបទៅនឹងលោក ហ៊ុន សែន ដែលកំពុងគាបសង្កត់សិទ្ធិពលរដ្ឋខ្មែរនៅទូទាំងប្រទេស។
អតីតមេដឹកនាំបក្សប្រឆាំងលោក សម រង្ស៊ី បានសរសេរលើទំព័រហ្វេសប៊ុករបស់ខ្លួននៅថ្ងៃទី១៤ មិថុនា នេះថា គណបក្សប្រឆាំងអាចប្រើវិធីសាស្ត្រដែលអាចធ្វើបានដើម្បីបង្ហាញពីកម្លាំងគាំទ្ររបស់ខ្លួន គឺស្នើឲ្យពលរដ្ឋដែលទៅបោះឆ្នោតគូសចោលសន្លឹកឆ្នោតចោលគ្រប់ៗគ្នា ព្រោះថាការធ្វើឲ្យសន្លឹកឆ្នោតលែងបានការបែបនេះ គឺជាប្រតិកម្មរបស់អ្នកបោះឆ្នោតម្នាក់ៗដែលមិនសប្បាយចិត្ត ដោយសារតែគណបក្សដែលខ្លួនស្រឡាញ់មិនមានឈ្មោះនៅលើសន្លឹកឆ្នោត។
លោក សម រង្ស៊ី លើកឡើងថា លោក...
ស៊ុយអែតស្នើណាតូដាក់ពង្រាយទ័ពក្នុងប្រទេសរបស់ខ្លួនគឺជាការព្រមានតួកគីនិងហុងគ្រីឱ្យប្ដូរជំហរ
នាយករដ្ឋមន្ត្រី និងរដ្ឋមន្ត្រីក្រសួងការពារជាតិនៃប្រទេសស៊ុយអែត បានប្រកាសថា ស៊ុយអែតនឹងអនុញ្ញាតឱ្យអង្គការយោធាណាតូដាក់ពង្រាយកងទ័ពឈរជើងនៅក្នុងប្រទេសខ្លួន ទោះបីមិនទាន់ក្លាយជាសមាជិករបស់សម្ព័ន្ធភាពយោធាអឺរ៉ុបជាផ្លូវការក៏ដោយ។
នាយករដ្ឋមន្ត្រីស៊ុយអែត លោក Ulf Kristersson និងរដ្ឋមន្ត្រីការពារជាតិរបស់ប្រទេសនេះ គឺលោក Pal Jonson បានប្រកាសថា៖ រដ្ឋាភិបាលបានសម្រេចឱ្យកងទ័ពស៊ុយអែត រៀបចំត្រៀមលក្ខណៈជាមួយក្រុមយោធាណាតូ និងបណ្តាប្រទេសជាសមាជិករបស់អង្គការយោធាមួយនេះក្នុងការធ្វើប្រតិបត្តិការរួមគ្នានាពេលអនាគត។
ការត្រៀមលក្ខណៈនោះ ដូចជាការទទួលការដាក់ពង្រាយកងទ័ព និងបរិក្ខារយោធាបរទេសនៅក្នុងទឹកដីស៊ុយអែត។ ការសម្រេចចិត្តនេះ គឺជាការផ្ញើសារមួយយ៉ាងច្បាស់ទៅកាន់រុស្ស៊ី ដែលតែងមិនចង់ឃើញស៊ុយអែត និងហ្វាំងឡង់ ជាសមាជិកណាតូ ហើយជាការពង្រឹងនូវសមត្ថភាពការពារជាតិរបស់ស៊ុយអែត...