ចោរកម្មលួចអត្តសញ្ញាណកំពុងពេញនិយមនៅកម្ពុជា
ចោរកម្មក្នុងពិភពលោកកើតមានស្ទើរគ្រប់ប្រទេស ហើយប្រទេសកម្ពុជាក៏មិនគេចផុតពីអំពើទុច្ចរិតនេះដែរ។ អ្វីដែលមិនដូចគ្នានោះ គឺនៅប្រទេសអនុវត្តច្បាប់ អាជ្ញាធរមានសមត្ថកិច្ចប្រឹងស្វែងរកមុខបណ្ដាញជនទុច្ចរិត រីឯក្នុងព្រះរាជាណាចក្រកម្ពុជា អាជ្ញាធរសម្ងំមិនហ៊ានប៉ះពាល់ឧក្រិដ្ឋកម្មបែបនេះទេ។
តើប៉ូលិសបរទេសនឹងរកចោរកម្មប្រភេទណាទៀតនៅនៅលើទឹកដីអច្ឆរិយ?
លោក ហាស់ សាន សូមជូនសេចក្តីរាយការណ៍អំពីល្បិចលួចអត្តសញ្ញាណ៖
គេនិយាយថា ល្គឹកណាវិទ្យាសាស្ត្របច្ចេកវិជ្ជាកាន់តែទំនើប រីកចម្រើនជឿនលឿន ការប្រើប្រាស់គ្រឿងបច្ចេកទេសទំនើបទាំងនោះក៏អាចមានមនុស្សយកវាទៅបម្រើគោលបំណងអាក្រក់របស់ពួកនោះដែរ។
ក្នុងអត្ថបទនេះ យើងខ្ញុំព្យាយាមពន្យល់ និងផ្តល់ព័ត៌មានឲ្យសាធារណជនងាយយល់ដឹងតាមលទ្ធភាពដែលអាចធ្វើទៅបាន ពីព្រោះជាការប្រើភាសាពាក្យពេចន៍បច្ចេកទេសខាងប្រព័ន្ធអេឡិចត្រូនិក ហៅថា អ៊ីនធឺណិត ឬអន្តរបណ្ដាញ ដែលពុំមានក្នុងវចនានុក្រមភាសាខ្មែរ។
អ្នករៀនសូត្រខាងបច្ចេកវិទ្យាអេឡិចត្រូនិក គេអាចយល់បានឆាប់រហ័ស។ ចំពោះសាមញ្ញជនធម្មតាវិញ គាត់គ្រាន់តែចេះប្រើប្រាស់ ប៉ុន្តែមិនយល់ជ្រៅអំពីបញ្ហាក្នុងប្រព័ន្ធប្រទាក់ក្រឡាតាមបែបបច្ចេកវិទ្យានោះទេ។
ទោះជាយ៉ាងណាក្តី...
អាជ្ញាធរភ្នំពេញហាមពលរដ្ឋលេងបាញ់ទឹកឬគប់ទឹកប៉ាតម្សៅអ្នកដំណើរអំឡុងបុណ្យចូលឆ្នាំថ្មី
អាជ្ញាធរក្រុងភ្នំពេញហាមយុវជន និងពលរដ្ឋមិនឲ្យលេងបាញ់ ឬគប់ស្បោងទឹក ប៉ាតម្សៅដល់អ្នកដំណើរ ដែលនាំឲ្យមានគ្រោះថ្នាក់ផ្សេងៗរហូតអាចឈានទៅបាត់បង់អាយុជីវិតអំឡុងពិធីបុណ្យចូលឆ្នាំថ្មីប្រពៃណីខ្មែរចាប់ពីថ្ងៃទី១៤ ដល់ថ្ងៃទី១៦ ខែមេសា ខាងមុខ។
ក្នុងសេចក្ដីជូនដំណឹងចុះថ្ងៃទី៥ ខែមេសា ឆ្នាំ២០២៣ រដ្ឋបាលសាលារាជធានីភ្នំពេញអំពាវនាវទៅប្រជាពលរដ្ឋចូលរួមលេងល្បែងប្រជាប្រិយគ្រប់ប្រភេទអំឡុងពិធីបុណ្យចូលឆ្នាំខ្មែរ ចាប់ពីថ្ងៃទី១៤ ដល់ថ្ងៃទី១៦ ខែមេសា ខាងមុខនេះ។ បន្ថែមពីនេះ ប្រជាពលរដ្ឋ ជាពិសេសក្មួយៗជាយុវជនយុវនារី សិស្សនិស្សិត និងកម្មករកម្មការិនីទាំងអស់ ត្រូវគោរពច្បាប់ចរាចរណ៍ផ្លូវគោក និងមិនត្រូវបើកបរក្នុងស្ថានភាពស្រវឹង និងចូលរួមទប់ស្កាត់គ្រោះអគ្គិភ័យចំពោះភ្លើងទៀន ធូប...
ស្ទង់មតិ៖ បុរស៧នាក់ក្នុងចំណោម១០នាក់សេពគ្រឿងស្រវឹងបង្កឱ្យមានអំពើហិង្សាក្នុងគ្រួសារ
បើតាមការស្ទង់មតិរបស់ក្រសួងសុខាភិបាល និងស្ថាប័នពាក់ព័ន្ធផ្សេងទៀត បានបង្ហាញថា បុរស ៧នាក់ក្នុងចំណោម ១០នាក់ ឬស្មើនឹង ៧០% សេពគ្រឿងស្រវឹងបង្កឲ្យមានអំពើហិង្សាលើស្ត្រីដែលជាដៃគូបន្ទាប់ពីសេពគ្រឿងស្រវឹង។
យោងតាមរបាយការណ៍ស្ដីពីការអង្កេតប្រជាសាស្ត្រ និងសុខភាពកម្ពុជា ឆ្នាំ២០២១-២០២២ ដែលចេញផ្សាយកាលពីថ្ងៃទី៤ ខែមេសា ឆ្នាំ២០២៣ ឲ្យដឹងថា ក្នុងមួយខែបុរសចំនួន ១០% បានពិសាគ្រឿងស្រវឹងជារៀងរាល់ថ្ងៃ ឬស្ទើរតែរាល់ថ្ងៃ។
ចំណែកចំនួន ៦០% បានសេពគ្រឿងស្រវឹងចន្លោះពី ១ថ្ងៃទៅ ៥ថ្ងៃ ហើយចំនួន...
ព្រះមហាក្សត្រលើកលែងទោសអតីតអភិបាលខេត្តតាកែវដែលជាប់ចោទពីបទមនុស្សឃាត
ព្រះមហាក្សត្រខ្មែរសម្រេចលើកលែងទោសអតីតអភិបាលខេត្តតាកែវ លោក ឡាយ វណ្ណៈ បន្ទាប់ពីមានការស្នើសុំពីលោកនាយករដ្ឋមន្ត្រី ហ៊ុន សែន បើទោះបីជាជនជាប់ចោទរូបនេះត្រូវបានតុលាការកំពូលកាត់ទោសឱ្យជាប់ពន្ធនាគារ ១៣ឆ្នាំ ពីបទមនុស្សឃាត និងបានអនុវត្តទោសត្រឹមតែជាង ៥ឆ្នាំក៏ដោយ។
ព្រះមហាក្សត្រខ្មែរសម្តេចព្រះបាទ នរោត្តម សីហមុនី បានចេញព្រះរាជក្រឹត្យចុះថ្ងៃទី៦ ខែមេសា ឆ្នាំ២០២៣ ត្រាស់បង្គាប់ឱ្យលើកលែងទោសអតីតអភិបាលខេត្តតាកែវ លោក ឡាយ វណ្ណៈ ដែលត្រូវបានតុលាការកំពូលសម្រេចផ្ដន្ទាទោសដាក់ពន្ធនាគាររយៈពេល ១៣ឆ្នាំកាលពីចុងខែធ្នូ ឆ្នាំ២០២១...
គណៈកម្មាធិការមួយថៃដកខ្សែក្រវាត់ WMO ពីកីឡាករ Thiago ដោយសារប្រកួតតំណាងឱ្យគុនខ្មែរ
គណៈកម្មាធិការមួយថៃពិភពលោក WMO (World Of Muaythai Organization) សម្រេចដកខ្សែក្រវាត់ WMO របស់កីឡាករ Thiago Teixeira ជនជាតិប្រេស៊ីល និងហាមឃាត់រាល់ការប្រកួតក្នុងព្រឹត្តិការណ៍ WMO នាពេលអនាគត បន្ទាប់ពីកីឡាកររូបនេះប្រកួតតំណាងឱ្យគុនខ្មែររបស់ប្រទេសកម្ពុជា។
ប្រធានស្ថាប័នមួយថៃពិភពលោក (WMO) លោក Chinawut Sirisampan បានចេញសេចក្តីថ្លែងការណ៍មួយកាលពីថ្ងៃទី៦ ខែមេសា ឆ្នាំ២០២៣ នេះ...
បណ្ឌិត សាម អ៊ីន សន្យាជួយការងារក្រសួងបរិស្ថានអភិវឌ្ឍវិស័យអេកូទេសចរណ៍ឱ្យរីកចម្រើន
រដ្ឋលេខាធិការក្រសួងបរិស្ថានដែលទើបនឹងត្រូវបានតែងតាំងថ្មី បណ្ឌិត សាម អ៊ីន សន្យាថា នឹងចូលរួមជួយការងារក្រសួងបរិស្ថានអភិវឌ្ឍវិស័យអេកូទេសចរណ៍របស់ប្រទេសកម្ពុជាឱ្យរីកចម្រើន ក្រោយពីសម្រេចលាឈប់ពីគណបក្សប្រជាធិបតេយ្យមូលដ្ឋាន ទៅចូលរួមជីវភាពនយោបាយជាមួយគណបក្សប្រជាជនកម្ពុជា។
អតីតប្រធានគណៈកម្មាធិការនាយកស្តីទីគណបក្សប្រជាធិបតេយ្យមូលដ្ឋាន បណ្ឌិត សាម អ៊ីន បានលើកឡើងកាលពីពេលថ្មីៗនេះថា បន្ទាប់ពីចូលរួមជីវភាពនយោបាយជាមួយគណបក្សប្រជាជនកម្ពុជា និងត្រូវបានព្រះមហាក្សត្រតែងតាំងជារដ្ឋលេខាធិការក្រសួងបរិស្ថាន លោកនឹងចូលរួមជួយអភិវឌ្ឍអេកូទេសចរណ៍ដើម្បីលើកស្ទួយសិទ្ធិ និងជីវភាពរស់នៅរបស់ប្រជាពលរដ្ឋនៅមូលដ្ឋានដែលរស់នៅក្បែរតំបន់ការពារធម្មជាតិ និងលើកកម្ពស់ការយល់ដឹងរបស់មហាជនអំពីតំបន់ការពារធម្មជាតិនៅកម្ពុជា ឱ្យកាន់តែទូលំទូលាយថែមទៀត។
បណ្ឌិត សាម អ៊ីន លើកឡើងថា ប្រសិនបើលោកមិនអាចធ្វើអ្វីបានសោះ នោះលោកពុំមានហេតុផលអ្វីដែលត្រូវបន្តទទួលយកនូវឋានៈតួនាទីដ៏ខ្ពស់ប្រកបដោយកិត្តិយសដែលព្រះមហាក្សត្រខ្មែរបានប្រទាននេះទេ ដូច្នេះផែនការអភិវឌ្ឍន៍របស់លោក...
រុស្ស៊ីបញ្ចេញការគំរាមសង្គ្រាមនុយក្លេអ៊ែរនៅមុនអ៊ុយក្រែនបើកការវាយបកទ្រង់ទ្រាយធំដណ្ដើមទឹកដីវិញ
ដំណាក់កាលចុងក្រោយនេះ មហាអំណាចរុស្ស៊ី បញ្ចេញក្រឡាសារដើរដល់ក្រឡាទាល់ច្រកនៃការលើកទ័ពឈ្លានពានប្រទេសអ៊ុយក្រែន ដែលមានព្រំដែនជាប់គ្នា។
សង្គ្រាមរុស្ស៊ីបង្កការឈ្លានពានអ៊ុយក្រែននេះ បានចូលដល់ខែទី១៤ ហើយ។ ក្នុងស្ថានភាពដែលរុស្ស៊ី មិនអាចវាយកាន់កាប់តំបន់ណាមួយពីអ៊ុយក្រែន ដោយគ្រប់គ្រងបានរឹងមាំដើម្បីទៅដល់ការបង្កើតរដ្ឋអំណាចក្នុងដែនដីរបស់ខ្លួន និងចំពេលអ៊ុយក្រែន មានសមត្ថភាពទប់ទល់បានពីការវាយលុករបស់ទ័ពមហាអំណាចនេះ ខណៈការមកដល់នៃសព្វាវុធធុនធ្ងន់របស់ក្រុមណាតូ បានមកដល់អ៊ុយក្រែនជាបន្តបន្ទាប់គ្នា បាននាំឱ្យអ៊ុយក្រែន មានផែនការវាយបកទៅលើទ័ពរុស្ស៊ីដោយទ្រង់ទ្រាយធំ។
សព្វាវុធធុនធ្ងន់ដូចជារថក្រោះ Leopard និងរថក្រោះអង់គ្លេស Challenger រាប់រយគ្រឿង រួមទាំងរថពាសដែកជាង ២០០គ្រឿងរបស់អាមេរិក និងបារាំង បាននាំឱ្យអ៊ុយក្រែនមានឱកាសចង់បើកការវាយលុកទ្រង់ទ្រាយធំលើទ័ពរុស្ស៊ីវិញ ដែលគេរំពឹងថា...
លោក ហ៊ុន សែន ណែនាំឱ្យក្រុមឧកញ៉ាចេះសប្បុរសធម៌ ទោះបីឧកញ៉ាខ្លះជាប់ពាក់ព័ន្ធបទល្មើសឧក្រិដ្ឋ
បុរសខ្លាំងកាន់អំណាចជិត ៤០ឆ្នាំនៅកម្ពុជា លោក ហ៊ុន សែន បានណែនាំទៅក្រុមឧកញ៉ាឲ្យចេះធ្វើសប្បុរសធម៌ ដើម្បីលើកស្ទួយដល់សមាគម និងចូលរួមចំណែកជួយដល់សង្គមជាតិក្រោមការដឹកនាំរបស់លោក ទោះបីជាឧកញ៉ាខ្លះជាប់ពាក់ព័ន្ធនឹងបទល្មើសឧក្រិដ្ឋក៏ដោយ។
ការណែនាំរបស់លោក ហ៊ុន សែន នេះ ធ្វើឡើងក្នុងជំនួបជាមួយសមាគមឧកញ៉ាកម្ពុជាដែលទើបត្រូវបានបង្កើតឡើងកាលពីពេលថ្មីៗនេះ ដោយសម្រេចឲ្យលោក លី យ៉ុងផាត់ ដែលល្បីល្បាញខាងបូមខ្សាច់ខុសច្បាប់ និងរំលោភដីធ្លីរបស់ពលរដ្ឋ ធ្វើជាប្រធានសមាគមឧកញ៉ានៅកម្ពុជា។
បើតាមសារព័ត៌មានរដ្ឋាភិបាល fresh news បានចុះផ្សាយថា ក្នុងជំនួបពិភាក្សានាថ្ងៃទី៦ ខែមេសា...
កម្ពុជាត្រៀមកម្លាំងនគរបាលជាង១០ម៉ឺននាក់សម្រាប់ធានាសុវត្ថិភាពបោះឆ្នោតជាតិឆ្នាំ២០២៣
រដ្ឋមន្ត្រីក្រសួងមហាផ្ទៃ លោក ស ខេង អះអាងថា រដ្ឋាភិបាលកម្ពុជាបានត្រៀមកងកម្លាំងនគរបាលជាតិ កងរាជអាវុធហត្ថ និងកងយោធពលខេមរភូមិន្ទចំនួនជាង ១សែននាក់ សម្រាប់ធានាសុវត្ថិភាពក្នុងដំណើរការនៃការបោះឆ្នោតជាតិនៅខែកក្កដា ឆ្នាំ២០២៣។
រដ្ឋមន្ត្រីក្រសួងមហាផ្ទៃ លោក ស ខេង និងជាប្រធានគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោត (គ.ស.អ) លើកឡើងក្នុងកិច្ចប្រជុំផ្សព្វផ្សាយខ្លឹមសារក្នុងយុទ្ធនាការការពារដំណើរការរៀបចំការបោះឆ្នោតជ្រើសតាំងតំណាងរាស្ត្រ នៅថ្ងៃទី០៦ ខែមេសា ឆ្នាំ២០២៣ នេះថា ក្រៅពីកម្លាំងសមត្ថកិច្ច រដ្ឋាភិបាលក៏បានប្រើប្រាស់កម្លាំងប្រជាការពារភូមិប្រមាណជាង ២ម៉ឺននាក់ផងដែរ...
លោក ស ខេង ស្នើទៅចក្រភពអង់គ្លេសជួយទប់ស្កាត់ការជួញដូរមនុស្សនិងគ្រឿងញៀន
រដ្ឋមន្ត្រីក្រសួងមហាផ្ទៃ លោក ស ខេង លើកឡើងថា កម្ពុជាតែឯងមិនអាចទប់ស្កាត់បទល្មើសជួញដូរមនុស្ស និងគ្រឿងញៀនបានទេ ដោយសារបញ្ហាទាំងនេះមានភាពស្មុគស្មាញ ដែលតម្រូវឲ្យមានកិច្ចសហការពីសហគមន៍អន្តរជាតិ រួមទាំងអង់គ្លេសផងដែរ។
ការលើកឡើងរបស់រដ្ឋមន្ត្រីក្រសួងមហាផ្ទៃនេះ ក្នុងជំនួបទ្វេភាគីជាមួយឯកអគ្គរាជទូតចក្រភពអង់គ្លេស លោក Dominic William កាលពីថ្ងៃទី៥ ខែមេសា ឆ្នាំ២០២៣ នេះ។
ក្នុងជំនួបនោះ លោក ស ខេង បានលើកឡើងថា ទោះបីរដ្ឋាភិបាលប្ដេជ្ញាចិត្តខ្ពស់ក្នុងការប្រយុទ្ធប្រឆាំងទៅនឹងឧក្រិដ្ឋកម្មឆ្លងដែនគ្រប់ប្រភេទដែលកំពុងកើតឡើងនៅកម្ពុជាក្ដី ប៉ុន្តែបទល្មើសនេះនៅតែមិនថយចុះ។
លោកបញ្ជាក់ថា...