សង្គមស៊ីវិលអំពាវនាវឱ្យគណៈកម្មាធិការសិទ្ធិមនុស្សកម្ពុជាការពារសិទ្ធិពលរដ្ឋជាជាងការពារទង្វើរដ្ឋាភិបាល
ក្រុមសិទ្ធិមនុស្សក្នុងស្រុក អំពាវនាវឱ្យគណៈកម្មាធិការសិទ្ធិមនុស្សកម្ពុជា យកចិត្តទុកដាក់ការពារសិទ្ធិរបស់ពលរដ្ឋឱ្យបានពេញលេញ ជាជាងការការពារទង្វើរបស់រដ្ឋាភិបាលនៅពេលដែលមានការរិះគន់ពីការរំលោភសិទ្ធិមនុស្សនៅកម្ពុជា។
អ្នកនាំពាក្យសមាគមការពារសិទ្ធិមនុស្សអាដហុក លោក ស៊ឹង សែនករុណា ប្រាប់សារព័ត៌មាន The Cambodia Daily នៅថ្ងៃទី៣ កុម្ភៈ នេះថា សិទ្ធិជាមូលដ្ឋានរបស់ពលរដ្ឋដែលរងនូវការំលោភបំពានកន្លងមក ដូចជាការរំលោភសិទ្ធិលើកម្មករនិយោជិត ជាពិសេសការរំលោភសិទ្ធិពីសំណាក់ថៅកែក្រុមហ៊ុនណាហ្គាវើលដ៍ ជាដើមនោះ គឺគណៈកម្មាធិការសិទ្ធិមនុស្សកម្ពុជាមិនដែលធ្វើការពាក់ព័ន្ធលើកិច្ចការនេះម្តងណាឡើយ បើទោះបីជាមានការចោទប្រកាន់លើកម្មករទាំងនោះទាំងអយុត្តិធម៌ពីសំណាក់អាជ្ញាធរ ឬថៅកែក្រុមហ៊ុន រហូតឈានដល់ការចាប់ឃុំខ្លួនតំណាងកម្មករ ដូចជាកញ្ញា ឈឹម...
ក្រុមតាមដាន៖ លោក ហ៊ុន សែន អំពាវនាវឱ្យអ្នកប្រជាធិបតេយ្យវិលចូលស្រុកគឺជាល្បែងនយោបាយ
ក្រុមអ្នកតាមដានសង្គមនៅក្រៅស្រុក លើកឡើងថា ការអំពាវនាវរបស់មេដឹកនាំបក្សកាន់អំណាចលោក ហ៊ុន សែន ឱ្យអ្នកដែលធ្លាប់គាំទ្រក្រុមអ្នកប្រជាធិបតេយ្យនៅក្រៅស្រុក វិលទៅកម្ពុជាវិញដោយគ្មានទោសពៃរ៍ គឺជាល្បែងនយោបាយយកឈ្នះចាញ់ដែលនឹងធ្វើឱ្យបែកបាក់ជាតិកាន់តែខ្លាំង។
អ្នកវិភាគឯករាជ្យ និងជាប្រធានវេទិកាពលរដ្ឋ លោក គឹម សុខ ប្រាប់សារព័ត៌មាន The Cambodia Daily នៅថ្ងៃទី៣ កុម្ភៈ នេះថា ការអំពាវនាវរបស់លោក ហ៊ុន សែន មិនមែនជានយោបាយបង្រួបបង្រួមជាតិទេ ប៉ុន្តែជាការរំលេចឱ្យឃើញនូវល្បែងនយោបាយយកឈ្នះចាញ់ជាមួយក្រុមអ្នកប្រជាធិបតេយ្យ...
បុរសខ្លាំងបន្តកាត់ដីបឹងតាមោកជាង៧ហិកតារទៀតឱ្យទៅអគ្គិសនីកម្ពុជា (EDC)
រដ្ឋាភិបាលដែលដឹកនាំដោយបុរសខ្លាំងក្រាញអំណាចយូរជាងគេនៅអាស៊ី លោក ហ៊ុន សែន បន្តកាត់ដីបឹងតាមោកជាង ៧ហិកតារទៅឲ្យអគ្គិសនីកម្ពុជា ខណៈផ្ទៃដីបឹងតាមោកជាង ២ពាន់ហិកតារត្រូវបានកាត់ឲ្យស្ថាប័នរដ្ឋ និងបុគ្គលឯកជន។
យោងតាមអនុក្រឹត្យចំនួន ៨ ចុះថ្ងៃទី១១ ខែកក្កដា ឆ្នាំ២០២២ និងត្រូវបានផ្សព្វផ្សាយកាលពីថ្ងៃទី៣១ ខែមករា ឆ្នាំ២០២៣ រដ្ឋាភិបាលបានសម្រេចផ្ទេរផ្ទៃដីចំនួន ៧,០៥ហិកតារនៃបឹងតាមោកទៅឱ្យអគ្គិសនីកម្ពុជា។
បឹងតាមោក ឬបឹងកប់ស្រូវ មានផ្ទៃដីសរុប ៣២៣៩ហិកតារ ជាអាងស្ដុកទឹកកខ្វក់ និងរំដោះទឹកចេញពីរាជធានីភ្នំពេញ ហើយបឹងមួយនេះត្រូវបានរដ្ឋាភិបាលចេញអនុក្រឹត្យកាលពីដើមខែកុម្ភៈ...
លោក ហ៊ុន សែន ផ្តល់ដីជាង៧៥ហិកតារនៅក្នុងឧទ្យានជាតិព្រះសុរាម្រិត-កុសមៈឱ្យក្រុមហ៊ុនឯកជនមួយអភិវឌ្ឍ
បុរសខ្លាំងកម្ពុជា លោក ហ៊ុន សែន ផ្ដល់ដីជាង ៧៥ហិកតារស្ថិតនៅក្នុងឧទ្យានជាតិព្រះសុរាម្រិត-កុសមៈគិរីរម្យ ឲ្យទៅក្រុមហ៊ុន DEN-DEY ECO-TOUR CO., LTD ដើម្បីធ្វើការអភិវឌ្ឍលើគម្រោងទេសចរណ៍ផ្សារភ្ជាប់នឹងធម្មជាតិចាប់ពីថ្ងៃចុះហត្ថលេខានេះតទៅ។
ក្នុងអនុក្រឹត្យមួយចុះថ្ងៃទី១៥ ខែកក្កដា ឆ្នាំ២០២២ លោក ហ៊ុន សែន បានសម្រេចផ្ដល់ដីទំហំ ៧៥,៧២ហិកតារ ស្ថិតនៅក្នុងឧទ្យានជាតិព្រះសុរាម្រិត-កុសមៈគិរីរម្យ ក្នុងភូមិសាស្ត្រឃុំចំបក់ និងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ...
IDEA TALK៖ អាថ៌កំបាំងនៃគំនុំនយោបាយនៅកម្ពុជា
កម្មវិធី Idea Talk សម្រាប់រាត្រីថ្ងៃទី០៣ ខែកុម្ភៈ ឆ្នាំ២០២៣ ស្តីអំពី៖ «អាថ៌កំបាំងនៃគំនុំនយោបាយនៅកម្ពុជា»។
អូស្ត្រាលី អាមេរិក អង់គ្លេស និងអឺរ៉ុបបង្កើនទណ្ឌកម្មលើរបបសឹកភូមាក្នុងខួប២ឆ្នាំរដ្ឋប្រហារ
ប្រទេសជាច្រើនបានបង្កើនការដាក់ទណ្ឌកម្មទៅលើរបបសឹកភូមា ដែលបានធ្វើរដ្ឋប្រហារដោយប្លន់អំណាចពីរដ្ឋាភិបាលរបស់អ្នកប្រជាធិបតេយ្យដឹកនាំដោយអ្នកស្រី អ៊ុងសាន ស៊ូជី ជាជើងឯកប្រជាធិបតេយ្យក្នុងតំបន់អាស៊ីក្នុងខួបពីរឆ្នាំនៃការគ្រប់គ្រងដោយរបបសឹក។
ក្នុងខួប ២ឆ្នាំនេះ ប្រទេសអូស្ត្រាលី បានសម្រេចដាក់ទណ្ឌកម្មទៅលើពួកយោធាភូមា ចំនួន ១៦នាក់ ក្នុងនោះមានឧត្តមសេនីយ៍ មីន អ៊ុងឡាំង មេរដ្ឋប្រហារ និងអនុប្រធានរបស់លោក គឺឧត្តមសេនីយ៍ សរ វិន។ ទណ្ឌកម្មនេះមានដូចជា ការបង្កកទ្រព្យសម្បត្តិ ការបិទទិដ្ឋាការចូលប្រទេសអូស្ត្រាលី រួមទាំងការដាក់ទណ្ឌកម្មទៅលើក្រុមសាជីវកម្មប្រេង និងឧស្ម័ន និងសហគ្រាសរុករករ៉ែដែលជាប្រាក់ចំណូលដ៏ធំរបស់ពួកយោធា។
នេះបើយោងតាមការចុះផ្សាយរបស់បណ្ដាញផ្សាយព័ត៌មាន...
ក្រសួងមហាផ្ទៃចាត់តាំងក្រុមការងារត្រួតពិនិត្យការអនុវត្តគោលនយោបាយភូមិ-ឃុំមានសុវត្ថិភាពទូទាំងប្រទេស
ក្រសួងមហាផ្ទៃ ចាត់តាំងក្រុមការងារត្រួតពិនិត្យ និងជំរុញការអនុវត្តគោលនយោបាយភូមិ-ឃុំមានសុវត្ថិភាពទូទាំង ២៥រាជធានី-ខេត្ត ដើម្បីបូកសរុបសភាពការណ៍ទូទាំងប្រទេសតាមដំណាក់កាលនីមួយៗជូនរាជរដ្ឋាភិបាល ស្របពេលដែលការបោះឆ្នោតជាតិអាណត្តិទី៧ ឆ្នាំ២០២៣ កាន់តែកៀកខិតជិតមកដល់។
រដ្ឋមន្ត្រីក្រសួងមហាផ្ទៃ លោក ស ខេង ចេញសេចក្តីសម្រេចចាត់តាំងរដ្ឋលេខាធិការ និងអនុរដ្ឋលេខាធិការរបស់ក្រសួងជិត ១០០នាក់ ជាក្រុមការងារត្រួតពិនិត្យ និងជំរុញការអនុវត្តគោលនយោបាយភូមិ-ឃុំមានសុវត្ថិភាពកាលពីថ្ងៃអង្គារដើមសប្តាហ៍នេះ ដោយសហការជាមួយរដ្ឋបាលរាជធានី-ខេត្ត ដើម្បីរៀបចំគោលការណ៍ និងវិធានការនានាក្នុងការអនុវត្តនៅតាមឃុំ-សង្កាត់នីមួយៗនៅទូទាំងប្រទេស។
រដ្ឋមន្ត្រីក្រសួងមហាផ្ទៃ លោក ស ខេង បញ្ជាក់ថា ក្រុមការងារទាំងនេះមានភារកិច្ចធ្វើការបូកសរុបវាយតម្លៃសភាពការណ៍...
អ្នកឃ្លាំមើល៖ អំពើអយុត្តិធម៌នឹងបន្តរីកដុះដាលកាន់តែធំនៅពេលសង្គមមួយដឹកនាំតាមបែបអត្តាធិបតេយ្យ
ក្រុមអ្នកឃ្លាំមើលសង្គម លើកឡើងថា សំណល់អយុត្តិធម៌ដ៏អាក្រក់នឹងបន្តរីកដុះដាលកាន់តែធំឡើងៗដូចជំងឺមហារីកនៅក្នុងសង្គម នៅពេលដែលប្រទេសជាតិមួយប្រកាន់យកការដឹកនាំតាមបែបអត្តាធិបតេយ្យ ឬយកបុគ្គលដែលជាមេដឹកនាំធំជាងនីតិរដ្ឋរបស់ប្រទេស។
អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ សរសេរលើគណនីហ្វេសប៊ុករបស់ខ្លួននៅថ្ងៃទី២ កុម្ភៈ នេះថា គ្មានបុគ្គលដែលដឹកនាំតាមបែបអត្តាធិបតេយ្យណាម្នាក់នៅលើពិភពលោកសុខចិត្តបោះបង់ចោលអំណាច និងផលប្រយោជន៍ផ្ទាល់ខ្លួន ផលប្រយោជន៍គ្រួសារ និងបក្ខពួករបស់គេ ដោយងាកមកលើកស្ទួយយុត្តិធម៌សង្គម នៅពេលដែលគេកំពុងសោយសុខ និងធ្វើមានធ្វើបានក្នុងប្រព័ន្ធដឹកនាំតាមបែបបុគ្គលនិយមនេះឡើយ។
លោក សេក សុជាតិ ថាសង្គមជាតិមួយនឹងវិនាសអន្តរាយសាបសូន្យនៅពេលដែលច្បាប់ប្រទេសជាតិបាត់បង់មូលដ្ឋានគ្រឹះយុត្តិធម៌ ហើយសង្គមទាំងមូលនឹងបាត់បង់យុត្តិធម៌នៅពេលដែលច្បាប់ស្ថិតនៅក្រោមឥទ្ធិពលរបស់អ្នកមានអំណាច។ ចុងក្រោយ...
លោក គង់ គាំ ប្រកាសបញ្ចប់ជីវិតនយោបាយចាប់ពីថ្ងៃនេះតទៅបន្ទាប់ពីទទួលកំហុស
លោក គង់ គាំ ឧត្តមទីប្រឹក្សាគណបក្សភ្លើងទៀន ប្រកាសបញ្ចប់ជីវិតនយោបាយរបស់ខ្លួន ដោយលាលែងចេញពីតំណែងចាប់ពីពេលនេះតទៅ បន្ទាប់ពីព្រមទទួលកំហុស និងសុំការអភ័យទោសពីមេដឹកនាំរបស់បក្សកាន់អំណាច លោក ហ៊ុន សែន ថាខ្លួនពិតជាបានធ្វើឱ្យប៉ះពាល់កិត្តិយសថ្នាក់ដឹកនាំគណបក្សប្រជាជនកម្ពុជា និងភាពសុខសាន្តរបស់សង្គមជាតិមែន។
លោក គង់ គាំ បានផ្ញើលិខិតថ្លែងអំណរគុណលោក ហ៊ុន សែន កាលពីថ្ងៃទី៣១ ខែមករា ឆ្នាំ២០២៣ ដែលមេដឹកនាំបក្សកាន់អំណាចរូបនេះមិនបន្តប្តឹងរូបលោកទៅកាន់តុលាការ ពាក់ព័ន្ធនឹងករណីដីធ្លី និងផ្ទះមួយកន្លែងរបស់លោកនៅផ្លូវសុធារស...
អាមេរិកផ្ដល់ពានអ្នកការពារសិទ្ធិមនុស្សដល់កញ្ញា ឈឹម ស៊ីថរ មេដឹកនាំសហជីពណាហ្គាវើលដ៍
ក្រសួងការបរទេសសហរដ្ឋអាមេរិក ផ្ដល់រង្វាន់អ្នកការពារសិទ្ធិមនុស្សប្រចាំឆ្នាំ២០២២ ដល់ថ្នាក់ដឹកនាំសហជីពក្រុមហ៊ុនណាហ្គាវើលដ៍ (Naga World) កញ្ញា ឈឹម ស៊ីថរ ក្នុងចំណោមម្ចាស់ពាន ១០រូបនៅជុំវិញសកលលោកនៅអំឡុងពេលដែលកញ្ញាកំពុងជាប់ពន្ធនាគារព្រៃស។
កញ្ញា ឈឹម ស៊ីថរ ត្រូវបានអាជ្ញាធរចាប់ខ្លួនជាថ្មីម្តងទៀតពីបទល្មើសបម្រាមតុលាការ ក្រោយពេលកញ្ញាបានធ្វើដំណើរត្រឡប់មកពីប្រជុំនៅប្រទេសអូស្ត្រាលី វិញ កាលពីថ្ងៃទី២៦ ខែវិច្ឆិកា ឆ្នាំ២០២២។ កញ្ញាត្រូវអាជ្ញាធរដោះលែងឱ្យនៅក្រៅឃុំម្តងកាលពីខែមីនា ឆ្នាំ២០២២។
សេចក្តីប្រកាសព័ត៌មានរបស់ស្ថានទូតសហរដ្ឋអាមេរិកប្រចាំកម្ពុជា ចុះថ្ងៃទី២ ខែកុម្ភៈ ឆ្នាំ២០២៣ ឲ្យដឹងថា...