លោក ស ខេង ថាការបោះឆ្នោតនៅកម្ពុជាស្របតាមគោលការណ៍ប្រជាធិបតេយ្យជានិច្ច
អនុប្រធានបក្សកាន់អំណាច លោក ស ខេង អះអាងថា ការបោះឆ្នោតនៅកម្ពុជាពីមួយអាណត្តិទៅមួយអាណត្តិស្របតាមគោលការណ៍ប្រជាធិបតេយ្យជានិច្ច និងប្រព្រឹត្តទៅដោយគ្មានអំពើហិង្សា ហើយពលរដ្ឋបានចូលរួមដោយសេរី។
រដ្ឋមន្ត្រីក្រសួងមហាផ្ទៃ លោក ស ខេង បានលើកឡើងក្នុងជំនួបជាមួយអ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជា លោក វីទិត ម៉ុនតាប៊ន កាលពីថ្ងៃទី២៤ ខែសីហា ឆ្នាំ២០២២ ថា កម្ពុជាតែងអនុវត្តយ៉ាងខ្ជាប់ខ្ជួននូវសិទ្ធិពលរដ្ឋ និងសិទ្ធិនយោបាយដែលមានចែងក្នុងរដ្ឋធម្មនុញ្ញរបស់ខ្លួន ក្នុងនោះ កម្ពុជាបានអនុវត្តនូវការបោះឆ្នោតយ៉ាងទៀងទាត់ ទាំងការបោះឆ្នោតជ្រើសរើសក្រុមប្រឹក្សាឃុំ-សង្កាត់...
លោក ស ខេង ព្រមានចាត់វិធានការច្បាប់លើគ្រូនគរបាលម្នាក់ បើមិនប្រគល់ដីសាលាជូនរដ្ឋវិញ
រដ្ឋមន្ត្រីក្រសួងមហាផ្ទៃ លោក ស ខេង ព្រមានដកតំណែង និងចាត់វិធានការច្បាប់លើអតីតនាយកសាលានគរបាលជាតិភូមិភាគ១ ខេត្តស្ទឹងត្រែង លោក យស ផន និងជាគ្រូនគរបាលជាតិនៃបណ្ឌិត្យសភានគរបាលកម្ពុជាបច្ចុប្បន្ន ក្នុងករណីដែលអតីតគ្រូនគរបាលជាតិរូបនេះមិនព្រមប្រគល់ដីដែលខ្លួនកាន់កាប់សព្វថ្ងៃនេះជូនសាលានគរបាលជាតិភូមិភាគ១ ខេត្តស្ទឹងត្រែង វិញ។
ថ្លែងក្នុងពិធីជួបសំណេះសំណាល និងសួរសុខទុក្ខសិស្សនគរបាលជាតិនៃសាលានគរបាលជាតិភូមិភាគ១ នៅខេត្តស្ទឹងត្រែង កាលពីថ្ងៃទី២៣ ខែសីហា ឆ្នាំ២០២២ រដ្ឋមន្ត្រីក្រសួងមហាផ្ទៃ លោក ស ខេង ថ្លែងថា...
លោក ហ៊ុន សែន ដកអភិបាលក្រុងតាខ្មៅចេញពីតួនាទីនិងជំនួសដោយអភិបាលរងស្រុកខ្សាច់កណ្ដាល
បុរសខ្លាំងកម្ពុជា លោក ហ៊ុន សែន ផ្លាស់ប្ដូរតួនាទីលោក នូ សុវណ្ណរ៉ា ចេញពីតួនាទីអភិបាលក្រុងតាខ្មៅ ខណៈអភិបាលរងស្រុកខ្សាច់កណ្ដាល លោក ឃឹម សំភារ ត្រូវមកជំនួសលោកវិញ។
ក្នុងអនុក្រឹត្យចុះថ្ងៃទី២២ ខែសីហា ឆ្នាំ២០២២ ដែលចុះហត្ថលេខាដោយលោក ហ៊ុន សែន ដោយបានប្ដូរលោក នូ សុវណ្ណរ៉ា ទៅបម្រើការងារនៅរដ្ឋបាលខេត្តកណ្ដាល វិញ។ ចំណែកអភិបាលរងស្រុកខ្សាច់កណ្ដាល...
ក្រុមអ្នករិះគន់ថាកម្មវិធីប្រឡងបវរកញ្ញាមានរូបល្បែងស៊ីសងកំពុងលើកទឹកចិត្តឲ្យមានអំពើអបាយមុខនៅក្នុងប្រទេស
កម្មវិធីប្រឡងបវរកញ្ញា ឬ Miss Grand Cambodia ២០២២ បានបង្ហាញសកម្មភាពដើរបង្ហាញសន្លឹកបៀរ និងគ្រាប់អាប៉ោងរបស់បវរកញ្ញាខ្មែរពីររូបក្នុងឈុតសម្លៀកបំពាក់បុគ្គលិកបម្រើការនៅក្នុងបនល្បែងកាស៊ីណូ ត្រូវរងនូវការរិះគន់ពីអ្នកលេងបណ្ដាញសង្គមហ្វេសប៊ុក។
លើទំព័រហ្វេសប៊ុកដែលមានឈ្មោះថា Miss Grand Cambodia បានបង្ហោះវីដេអូកម្មវិធីប្រកួតប្រជែងដែលមានបេក្ខនារី ៣៥រូបមកពីបណ្តាខេត្ត ក្រុង និងសហគមន៍ជនជាតិខ្មែរនៅបរទេស កាលពីថ្ងៃទី២៤ ខែសីហា ឆ្នាំ២០២២ នេះ ដោយបង្ហាញពីឈុតផ្សេងៗដែលពាក់ព័ន្ធនឹងប្រវត្តិសាស្ត្រ តំបន់ សិល្បៈ សាសនា...
IDEA TALK៖ តើកម្ពុជានឹងមានសង្គ្រាមដែរឬទេ ប្រសិនបើលោក ហ៊ុន ម៉ាណែត ស្នងតំណែងមិនបាន?
កម្មវិធី Idea Talk សម្រាប់រាត្រីថ្ងៃទី២៥ ខែសីហា ឆ្នាំ២០២២ ស្តីអំពី៖ «តើកម្ពុជានឹងមានសង្គ្រាមដែរឬទេ ប្រសិនបើលោក ហ៊ុន ម៉ាណែត ស្នងតំណែងមិនបាន?»។
លោក ហ៊ុន ម៉ានី អន់ចិត្តដែលលោក ហ៊ុន សែន បាត់បង់ទំនុកចិត្តលើខ្លួននាពេលកន្លងមក
លោក ហ៊ុន ម៉ានី កូនប្រុសពៅរបស់បុរសខ្លាំងក្រាញអំណាចនៅកម្ពុជា លោក ហ៊ុន សែន ទម្លាយនូវការអន់ចិត្តរបស់ខ្លួនដែលលោក ហ៊ុន សែន ជាឪពុកបាត់បង់ទំនុកចិត្តលើរូបលោកជាច្រើនឆ្នាំ បន្ទាប់ពីលោកធ្វើឱ្យខកខានកិច្ចការរបស់លោក ហ៊ុន សែន ដែលដាក់ឲ្យនាពេលកន្លងមក។
កូនប្រុសពៅរបស់លោក ហ៊ុន សែន គឺលោក ហ៊ុន ម៉ានី ដែលជាសមាជិកគណៈកម្មាធិការកណ្តាល និងជាអគ្គលេខាធិការនៃអគ្គលេខាធិការដ្ឋានគណៈចលនាមហាជន ដែលប្រាថ្នាកាន់តំណែងជានាយករដ្ឋមន្ត្រីរបស់កម្ពុជា បានលើកឡើងក្នុងពិធីផ្សព្វផ្សាយសៀវភៅ...
លោក ប្រាយុទ្ធ ត្រូវដកហូតអំណាច ខណៈអតីតនាយករដ្ឋមន្ត្រីម៉ាឡេស៊ី ណាជីប ត្រូវនាំខ្លួនចូលគុក
តំបន់អាស៊ីអាគ្នេយ៍ត្រូវបានកត់សម្គាល់ថាជាប្រភពនៃការសិក្សាមួយរបស់អ្នកនយោបាយនៃបណ្ដាប្រទេសក្នុងតំបន់ និងក្រៅតំបន់ ដែលប្រទេសខ្លះយកគំរូតាមគំនិតអាក្រក់ៗរបស់មេដឹកនាំកាន់អំណាចនៃប្រទេសនោះ ដើម្បីយកអនុវត្តក្នុងប្រទេសរបស់ខ្លួន ដោយព្យាយាមក្រាញអំណាចតាមរយៈការដាក់គំនាបទៅលើសមាជិកសភា ប្រព័ន្ធតុលាការ និងស្ថាប័នរៀបចំការបោះឆ្នោត។
យ៉ាងណា ប្រទេសដែលប្រកាន់នីតិរដ្ឋត្រឹមត្រូវ គេមិនយកគំរូតាមនោះទេ។ មានន័យថា ប្រទេសដែលប្រកាន់ខ្ជាប់នូវអំណាចរបស់ម្ចាស់ឆ្នោត គឺស្ថាប័នកំពូលៗរបស់ប្រទេសនោះ ដូចជាតុលាការ រដ្ឋសភា និងស្ថាប័នរៀបចំការបោះឆ្នោតនៃប្រទេសនោះ ក៏គេមិនជ្រកក្រោមអំណាចរបស់មេដឹកនាំ និងបក្ខពួករបស់អ្នកមានអំណាចនោះដែរ។ ប្រទេសនេះគេគិតថាសង្គមមានយុត្តិធម៌ គឺសង្គមដែលគ្មានការជិះជាន់ គ្មានការគាបសង្កត់ពីសំណាក់ក្រុមមានអំណាចទៅលើស្ថាប័នជាតិកំពូលៗរបស់ប្រទេសពួកគេនោះទេ។
មានន័យថា ចៅក្រម សមាជិកសភា និងស្ថាប័នបោះឆ្នោតរបស់ប្រទេសនោះ គឺគេហ៊ានធ្វើសេចក្ដីសម្រេចដើម្បីផលប្រយោជន៍របស់ប្រជាជន...
អាជ្ញាធរបង្ក្រាបអំពើជួញដូរមនុស្ស៧៤ករណីនិងសង្គ្រោះបានជាង៦០០នាក់រយៈពេល៧ខែឆ្នាំ២០២២
អនុប្រធានអចិន្ត្រៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស លើកឡើងថា ក្នុងរយៈពេល ៧ខែឆ្នាំ២០២២ នេះ អាជ្ញាធរកម្ពុជាបានបង្ក្រាបអំពើជួញដូរមនុស្សបាន ៧៤ករណី និងជួយសង្គ្រោះមនុស្សបានជាង ៦០០នាក់។
រដ្ឋលេខាធិការក្រសួងមហាផ្ទៃ អ្នកស្រី ជូ ប៊ុនអេង បានលើកឡើងក្រោយកិច្ចប្រជុំពិភាក្សាអំពីការព្រួយបារម្ភរបស់អង្គការសហប្រជាជាតិ ចំពោះការកើនឡើងនូវបញ្ហាជួញដូរមនុស្សនៅកម្ពុជារវាងគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស និងតំណាងអង្គការសហប្រជាជាតិនៅកម្ពុជា កាលពីថ្ងៃទី២២ ខែសីហា ឆ្នាំ២០២២ ថា រយៈពេល ៧ខែក្នុងឆ្នាំ២០២២ នេះ អាជ្ញាធរកម្ពុជាបានបង្ក្រាបអំពើជួញដូរមនុស្សត្រឹមតែ ៧៤ករណីប៉ុណ្ណោះ។
មន្ត្រីជំនាញប្រយុទ្ធប្រឆាំងអំពើជួញដូរមនុស្សរូបនេះលើកឡើងថា...
លោក សៅ សុខា បញ្ជាឲ្យស្រាវជ្រាវនិងចាត់វិធានការមន្ត្រីអាវុធហត្ថប្រព្រឹត្តបទល្មើសព្រៃឈើ
លោក សៅ សុខា ចេញបញ្ជាទៅមេបញ្ជាការកងរាជអាវុធតាមខេត្តទាំងអស់ឲ្យស្រាវជ្រាវ និងចាត់វិធានការលើមន្ត្រីអាវុធហត្ថណាដែលប្រព្រឹត្តបទល្មើសធនធានធម្មជាតិ ក្រោយរកឃើញអនុប្រធានការិយាល័យបំភាន់អក្ខរៈនៃកងរាជអាវុធហត្ថលើផ្ទៃប្រទេស កំពុងរកស៊ីជួញដូរ និងកាប់បំផ្លាញព្រៃឈើ។
ក្នុងសារសំឡេងដែលមានរយៈពេលប្រមាណ ៤នាទី អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស លោក សៅ សុខា បានលើកឡើងថា អនុប្រធានការិយាល័យបំភាន់អក្ខរៈនៃកងរាជអាវុធហត្ថលើផ្ទៃប្រទេស លោក ចាប សារ៉ន កំពុងរកស៊ីឈើខុសច្បាប់។ លោកបន្តថា មន្ត្រីខ្លះទោះបីជាដឹងអនុប្រធានការិយាល័យរូបនេះកំពុងរកស៊ីខុសច្បាប់ក្ដី ប៉ុន្តែមិនមានមន្ត្រីណាមួយធ្វើរបាយការណ៍ទៅលោកឡើយ។
លោក សៅ...
លោក សម រង្ស៊ី ប្រកាសចូលរួមសវនាការ ប៉ុន្តែទាមទាររដ្ឋាភិបាលលុបចោលបម្រាមបិទផ្លូវមិនឲ្យលោកចូលស្រុក
អតីតមេដឹកនាំបក្សប្រឆាំង លោក សម រង្ស៊ី ប្រកាសថានឹងទៅចូលរួមសវនាការក្នុងទីក្រុងភ្នំពេញនៅពាក់កណ្តាលខែកញ្ញា ឆ្នាំ២០២២ ខាងមុខនេះជាមួយនឹងមន្ត្រីជាន់ខ្ពស់មួយចំនួនទៀតដែលកំពុងរស់នៅក្រៅស្រុក ប៉ុន្តែរដ្ឋាភិបាលត្រូវលុបចោលបម្រាមដែលធ្លាប់បិទផ្លូវលោកមិនឱ្យវិលចូលស្រុកកន្លងមក ព្រមទាំងអនុញ្ញាតឲ្យពលរដ្ឋខ្មែរទៅទទួលរូបលោកតាមការស្ម័គ្រចិត្តនៅពេលដែលលោកធ្វើដំណើរទៅដល់ប្រទេសកម្ពុជា។
អតីតមេដឹកនាំបក្សប្រឆាំងដែលកំពុងរស់នៅក្រៅស្រុក លោក សម រង្ស៊ី បានសរសេរលើទំព័រហ្វេសប៊ុករបស់លោកកាលពីថ្ងៃទី២៣ ខែសីហា ឆ្នាំ២០២២ នេះថា បើមេដឹកនាំបក្សកាន់អំណាច លោក ហ៊ុន សែន មានភាពក្លាហានឲ្យលោកវិលត្រឡប់ទៅកម្ពុជាពិតប្រាកដមែន រដ្ឋាភិបាលឯកបក្សរបស់គាត់ត្រូវតែលើកបម្រាមមួយចំនួនដែលធ្លាប់ហាមឃាត់រូបលោកនាពេលកន្លងមក។
អតីតមេដឹកនាំប្រឆាំងរូបនេះមានលក្ខខណ្ឌមួយចំនួនដែលចង់ឲ្យលោក ហ៊ុន សែន...